Fréttablaðið - 09.01.2010, Blaðsíða 34
Ég fékk áhuga á föstum þegar ég var um tvítugt. Þá varð hugleiðsla hluti af mínu daglega lífi og jafnframt fór ég
að vanda fæðuvalið,“ segir Sverrir og upp-
lýsir að grænmetisfæði fari betur í hann en
annað. Á tímabili kveðst hann hafa fastað
einn sunnudag í mánuði og í fjóra daga tvisv-
ar á ári. Nú láti hann tvær eða jafnvel eina
fjögurra daga föstu nægja á ári hverju.
Fasta tengist þeirri endurnýjun sem á sér
stað um áramót að mati Sverris, sérstaklega
hér á norðurhveli þar sem ljósið fer vaxandi.
„Aðalmarkmið föstunnar er að líkaminn nái
að hreinsa út þær stíflur sem eru að þvælast
fyrir í líkamanum og hafa áhrif á andlega
heilsu,“ útskýrir hann og telur mikilvægt
að fasta í fjóra daga í senn til að hreinsun
geti átt sér stað. „Hver dagur hefur ákveð-
in áhrif bæði á líkama og huga,“ segir hann.
„Fyrsti dagurinn er oftast mjög erfiður því
þá er verið að brjóta upp venjurnar. Maður
fer auðveldlegar gegnum annan daginn,
maginn hefur minnkað og líkaminn er kom-
inn af stað. Þriðji dagurinn er mjög erfiður
og þá er hreinsun farin í gang en á fjórða
degi breytist líðanin til hins betra og maður
finnur fyrir ákveðinni sviftilfinningu. Því
er mjög mikilvægt að komast þangað.“
Engin föst fæða fer inn fyrir varir Sverris
í föstunni heldur nærir hann sig með græn-
metissafa. „Það er alveg nóg að drekka úr
einni hálfs lítra flösku af góðum grænmet-
issafa yfir daginn og svo vatn eins og maður
vill og hreinsandi te,“ segir hann og varar
fólk við of þungri fæðu þegar föstunni slepp-
ir. „Súpa eða jafnvel eitt epli er hæfilegt í
byrjun, annars er allt unnið fyrir gýg. Mér
finnst gott brauð vera himnafæða en það er
of þungt í maga að nýafstaðinni föstu,“ tekur
hann sem dæmi.
Eitt sinn fastaði Sverrir í fjórar vikur
samfleytt. „Ástæðan var sú að ég lenti í erf-
iðu bílslysi og mér fannst í framhaldinu svo
margt vinna á móti mér í líkamanum. Ég
fékk ráðleggingar læknis því ég vildi gera
þetta rétt. Neytti bara þessa hálfa lítra af
grænmetissafa á hverjum degi sem ég skipti
niður í fjóra skammta og drakk svo vatn og
eitthvað smávegis af tei. Ég fór í gegnum
svifskeið og önnur mjög erfið skeið en ég
hélt þetta út og það var ótrúleg reynsla því
maður fer svo djúpt inn í vitundina.“ Sverrir
kveðst ekki ráðleggja fólki svo langar föstur
og alls ekki nema undir eftirliti. „En þetta
hafði mjög góð áhrif á púlsana í líkamanum
mínum,“ segir hann. „Þeir komust í takt.“
Að lokum gefur hann okkur leiðbeining-
ar um styrkjandi te þar sem Svartigaldur
eða Nornaseiður úr hans eigin smiðju eru
nýttir sem krydd en þeir fást í Kaffifélaginu
á Skólavörðustíg, Te og kaffi við Laugaveg,
Mosfellsbakaríi, Góðri heilsu við Njálsgötu
og Búrinu í Nóatúni.
„Mín aðferð felst venjulega í því að sjóða
góðan skammt af vatni, taka pottinn af hell-
unni og setja út í eina matskeið af Svarta-
galdri eða Nornaseið. Síðan set ég lokið yfir
og læt löginn standa í um 10 mínútur. Þá
bæti ég út í vatnið einhverju uppáhalds tei
eða sker engiferrót í bita og læt fljóta með.
Styrkurinn fer eftir smekk hvers og eins og
sjálfsagt er að hella yfir í góðan tepott. Það
sem eftir verður af tei sía ég og helli yfir í
annan pott og hita upp seinna um daginn.
Við það magnast og þéttist bragðið. Stund-
um set ég restina á flösku og inn í ísskápinn
og drekk sem íste næsta dag.“ - gun
Hreinsandi
Eitt epli eða súpa
er hæfileg fæða
fyrsta daginn
eftir að fastan er
brotin að sögn
Sverris.
Eplate með mintu. Sverrir mælir
með matskeið af Svartagaldri eða
Nornaseið út í. Gott getur verið að
nota engifer í stað mintu.
ENDURNÝJUN
Um áramót huga margir að nýjum lifnaðarháttum eftir bílífi um hátíðarnar. Sum-
ir ganga svo langt að temja sér reglubundnar föstur og létt fæði í framhaldinu.
Sverrir Guðjónsson söngvari hefur reynslu af föstum og miðlar henni til lesenda.
FR
ÉT
TA
B
LA
Ð
IÐ
/V
IL
H
EL
M
Fyrstu ryðfríu pottarnir frá Rösle gjörbyltu öllu
fyrir 70 árum. Í dag eru pottarnir með Multiply
„samloku“-kerfi þannig að þeir eru fljótir að hitna
og kólna og dreifa hitanum einnig jafnt um pottinn,
alveg upp í topp. Rösle pottarnir henta á allar gerðir
eldavéla, rafmagns-, gas- og spansuðuhellur .
Algjörar
samlokur