Fréttablaðið - 15.01.2010, Blaðsíða 4

4 15. janúar 2010 FÖSTUDAGUR
STJÓRNMÁL Fullkomið ósamræmi er
í orðum Ólafs Ragnars Grímsson-
ar forseta og ráðherra í ríkisstjórn
Íslands um hvað gerist verði lögum
um breytingu á Icesave hafnað í
þjóðaratkvæðagreiðslu. Forsetinn
sagði við blaða-
mann Frétta-
blaðsins í síðustu
viku að eldri lög
yrðu þá í gildi.
„ Mér f i n nst
skrýtið núna að
þau [eldri lögin]
séu ómerk og
hafi í raun ekk-
ert innihald.“
Þetta áréttaði
hann við fréttaveituna Bloomberg
í gær.
Steingrímur J. Sigfússon fjár-
málaráðherra segir þau lög hins
vegar óframkvæmanleg. Það árétt-
aði Einar Karl Haraldsson, upplýs-
ingafulltrúi í utanríkisráðuneytinu,
einnig við Bloomberg í gær.
Í eldri lögunum er kveðið á um
að ríkisábyrgð taki ekki gildi nema
Bretar og Hollendingar fallist á
fyrirvara sem Alþingi setti. Þeim
hafa þeir þegar hafnað.
Hann telur einnig að óvissa ríki
um framkvæmd laganna, þótt við-
semjendurnir myndu samþykkja
fyrirvarana. Ríkið ábyrgist ekki
nema hluta endurgreiðslunnar og
því séu áhöld um hvort innláns-
tryggingasjóður geti tekið alla
ábyrgðina á sig. „Þá geta stjórn-
armenn jafnvel orðið persónulega
ábyrgir og þeir myndu aldrei fást
til þess.“ Steingrímur segir þó að
kæmi sú staða upp yrði glímt við
hana.
Hann er algjörlega ósammála
orðum forsetans um að eldri lögin
haldist óbreytt, sé þeim nýrri hafn-
að. „En það er auðvitað fjarri öllu
lagi að þá liggi fyrir samkomulag í
málinu og það sé leyst með því, það
er eins fjarri öllu lagi og nokkuð
getur verið og hið gagnstæða ligg-
ur fyrir. Þannig að í raun og veru er
ómögulegt að segja hvar við erum
þá stödd og hversu langt aftur á bak
við erum komin og deilan yrði í öllu
falli óleyst.“ kolbeinn@frettabladid.is
Forsetinn talar gegn
skilningi stjórnvalda
Ósamræmi er í orðum forsetans og ráðherra um hvað gerist hafni þjóðin breyt-
ingarlögum um Icesave. Forsetinn segir eldri lög gilda en fjármálaráðherra
segir þá fullkomna óvissu verða. Enn rangfærslur uppi um fjárhagsábyrgðina.
STEINGRÍMUR J.
SIGFÚSSON
ÚTSKÝRIR SKILNING SINN Forsetinn
sagði þráspurður, á blaðamannafundi í
síðustu viku, að eldri lög giltu ef þjóðin
felldi breytingarlög um Icesave. Fjár-
málaráðherra segir málin í fullkominni
óvissu og fjarri öllu lagi sé að þá liggi
fyrir samkomulag. FRÉTTABLAÐIÐ/VILHELM
Nokkuð hefur borið á því
að menn telji að þess sé
krafist af íslenska ríkinu
að það ábyrgist hærri
upphæð en sem nemur
lágmarksinnistæðutrygg-
ingu, þar sem Bretar og
Hollendingar hafi gert það.
Þetta kemur til að mynda
fram í máli hollenska hag-
fræðiprófessorsins Sweder
van Wijnbergen, í hollenskum
blöðum í gær. Gylfi Magnússon við-
skiptaráðherra segir þetta kolrangt.
„Það sem gerist með reikninga
sem voru með meira en 20.887
evrum inn á kemur Íslendingum
í raun ekkert við. Það var reyndar
þannig að innistæðutryggingasjóð-
irnir hollensku og bresku greiddu
það að mestu, en ef þeir hefðu
ekki gert það þá hefðu innistæðu-
eigendurnir bara eignast
kröfu á þrotabú Lands-
bankans.“
Gylfi segir Icesave-
deiluna í raun snúast um
endurgreiðslu láns. „Ef
Íslendingar hefðu átt digra
sjóði í evrum þá hefðum
við ekki þurft lán frá
Bretum og Hollendingum.
Þá hefði tryggingasjóður-
inn bara greitt þetta út í evrum og
pundum, sem samsvarar evrum.
Tryggingasjóðurinn íslenski var með
eignir upp á einhverja 15 milljarða
króna, langt undir því sem þurfti
og þess vegna tóku Bretar og Hol-
lendingar að sér að greiða þessar
20.887 evrur. Icesave-deilan snýst í
raun um hvernig við endurgreiðum
það sem þeir hafa þegar greitt, upp
að þessu marki.“
EINGÖNGU LÁGMARKSTRYGGING
GYLFI MAGNÚSSON
VEÐURSPÁ
Alicante
Basel
Berlín
Billund
Eindhoven
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
15°
3°
-3°
-1°
2°
-1°
3°
-1°
-1°
22°
7°
14°
9°
23°
-3°
5°
15°
-1°
Á MORGUN
8-18 m/s, dregur úr
vindi annað kvöld.
SUNNUDAGUR
Fremur stífur vindur.
-1
8
4
3
1
0
1
4
4
6
6
15
7
6
4
5
5
6
6
8
9
10
5
6
4
24
4
5
3
0
HELGARVEÐRIÐ
Á morgun verður
lægð skammt suður
af landinu og henni
mun fylgja stíf aust-
anátt með talsverðri
rigningu suðaustan-
lands í fyrstu og
úrkomu í fl estum
landshlutum síð-
degis. Á sunnudag
er útlit fyrir fremur
hæga suðvestanátt
og úrkomu af og til,
síst þó austanlands.
Elísabet
Margeirsdóttir
Veður-
fréttamaður
STJÓRNMÁL „Umsóknin er á áætlun,
ekkert hefur breyst hvað það varð-
ar og engar vísbendingar komið
fram um annað en að hún hafi sinn
gang.“ Þetta segir Stefán Haukur
Jóhannesson, aðalsamningamaður
Íslands í aðildarviðræðunum við
Evrópusambandið.
Að hans sögn hafa þau skilaboð
borist frá framkvæmdastjórn sam-
bandsins að aðildarumsóknin sé
ótengd Icesave-deilunni við Breta
og Hollendinga. Litið sé svo á að
málin séu aðskilin. Þann skilning
áréttaði Stefan Fule, væntanlegur
nýr stækkunarstjóri Evrópusam-
bandsins, í yfirheyrslum í Evrópu-
þinginu í fyrradag.
Stefán Hauk-
ur segir að
því stefnt af
beggja hálfu að
umsókn Íslands
verði tekin til
formlegrar
umfjöllunar á
leiðtogafundi
Evrópusam-
bandsríkjanna
undir lok mars.
Á honum verði tekin ákvörðun um
að hefja viðræður.
Íslenska samninganefndin mun
koma saman í Reykjavík á mánu-
dag og halda áfram efnislegum
undirbúningi fyrir fyrirhugaðar
aðildarviðræður. Tékkinn Stefan
Fule er tilnefndur í embætti fram-
kvæmdastjóra stækkunarmála í
nýrri framkvæmdastjórn ESB.
Afráðið er að Jose Manuel Barroso
verði áfram forseti framkvæmda-
stjórnarinnar. Verðandi fram-
kvæmdastjórar sitja þessa dagana
fyrir svörum í Evrópuþinginu en
það er til þess að samþykkja nýja
framkvæmdastjórn.
Fule hefur sinnt stjórnmálum í
föðurlandi sínu en lengst af verið
í utanríkisþjónustu þess. Hefur
hann verið sendiherra Tékklands
hjá Atlantshafsbandalaginu, Sam-
einuðu þjóðunum og í Bretlandi.
- bþs
Aðalsamningamaður Íslands segir umsóknina um ESB-aðild á áætlun:
Icesave á ekki að trufla ferlið
STEFÁN HAUKUR
JÓHANNESSON
VIÐSKIPTI „Vinna er enn í gangi.
Við það er litlu að bæta,“ segir
Finnur Árnason, forstjóri Haga,
um fjárhagslega endurskipu-
lagningu eignarhaldsfélagsins
1998 ehf., móðurfélags Haga,
gagnvart Arion banka.
Jóhannes Jónsson, kenndur
við Bónus, Jón Ásgeir, erlendir
fjárfestar og stjórnendur Haga
lögðu fram tilboð í eignarhalds-
félagið seint í nóvember, sem fól
í sér að þeir fái sextíu prósenta
hlut í Högum á móti bankanum.
Búist var við að niðurstaða feng-
ist um miðjan mánuðinn eftir að
ný stjórn hafi tekið við bankan-
um. Hún hefur látið bíða eftir
sér og því líklegt að niðurstaða í
máli 1998 frestist. - jab
1998 ehf. og Arion banki:
Mál nýrrar
bankastjórnar
VERSLAÐ Í HAGKAUPUM Enn er unnið
að fjárhagslegri endurskipulagningu
móðurfélags Haga, sem á Hagkaup.
FRÉTTABLAÐIÐ/VILHELM
DÓMSMÁL Hæstiréttur hefur
dæmt karlmann í tveggja mán-
aða skilorðsbundið fangelsi og
til greiðslu skaðabóta fyrir að
slá samstarfsmann í andlitið
með sköfu er þeir voru við mal-
bikunarstörf.
Við höggið féll vinnufélaginn
aftur fyrir sig og hafnaði á vöru-
bifreið með þeim afleiðingum að
hann hlaut vægan heilahristing
og fleiri áverka. Við ákvörð-
un refsingar þótti rétt að líta til
þess að sköfumanninum hefði
brugðið þegar samstarfsmaður-
inn sletti heitu malbiki á hann.
Sköfumaðurinn var dæmdur
til að greiða hinum 250 þúsund
krónur í miskabætur.
- jss
Malbikunarmaður dæmdur:
Sló vinnufélaga
með sköfu
GARÐABÆR Bæjarfulltrúar Álfta-
ness hafa ekki komið að máli við
kollega sína í Garðabæ síðan fyrir
áramót um hugsanlega samein-
ingu sveitarfélaganna.
Álftanes á að svara stjórnvöld-
um um sameiningaráformin
fyrir 20. þessa mánaðar, en þetta
er eitt skilyrða fjárhagsaðstoðar
við sveitarfélagið, sem stendur
illa.
„Þeir ætluðu að kanna með
hvaða hætti ríki og lánardrottnar
kæmu að málunum og við gerum
ekkert meðan það er óvíst,“ segir
Gunnar Einarsson, bæjarstjóri
Garðabæjar. Ekki náðist í
bæjarstjóra Álftaness. - kóþ
Hugsanleg sameining:
Álftanes enn að
skoða sín mál
Ellefu milljónir fengust í gær
Rauði kross Íslands náði að safna
minnst ellefu milljónum í símasöfnun
sinni vegna hamfaranna á Haítí í gær,
en þetta eru tölur frá klukkan 17. Á
tíunda tímanum í gærkvöldi var óvíst
hversu mikið hafði bæst við síðan um
daginn.
HJÁLPARSTARF
EFNAHAGSMÁL Lausn Icesave-deil-
unnar er ekki skilyrði fyrir lán-
veitingu til Íslands, en ef aðild-
arþjóðir AGS setja sig upp á
móti lánveitingu, verður stjórn
AGS að fara eftir því.
Þetta hefur Reuters eftir
Dominique Strauss-Kahn, fram-
kvæmdastjóra AGS, en orðin
féllu eftir að forsætisráðherra
Íslands sendi AGS beiðni um
að halda áfram með efnahags-
aðstoð til landsins.
Strauss-Kahn sagðist vona
að aðildarþjóðirnar muni ekki
vilja stöðva aðstoð AGS. Það fari
þó að miklu leyti eftir íslensku
ríkisstjórninni, sem gæti viljað
„leysa bankavandamál sitt fyrst
með þjóðaratkvæðagreiðslunni
og ræða síðan aftur við AGS,
og ekki blanda þessu tvennu
saman“. - kóþ
AGS svarar forsætisráðherra:
Aðildarþjóðir
geta stoppað lán
GENGIÐ 14.01.2010
GJALDMIÐLAR KAUP SALA
HEIMILD: Seðlabanki Íslands
233,7458
GENGISVÍSITALA KRÓNUNNAR
123,92 124,52
201,79 202,77
179,79 180,79
24,160 24,302
22,005 22,135
17,654 17,758
1,3478 1,3556
194,98 196,14
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Sigurbjörnsdóttir sigridurdagny@365.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigrún Helga Guðmundsdóttir sigrunh@365.is, Arna Rut Kristinsdóttir arnarut@365.is