Fréttablaðið - 15.01.2010, Blaðsíða 32

20 15. janúar 2010 FÖSTUDAGUR
timamot@frettabladid.is
Tilkynningar um merkis atburði, stórafmæli og
útfarir má senda á netfangið
timamot@frettabladid.is.
Auglýsingar á að senda á auglysingar@frettab-
ladid.is eða hringja í síma 512 5000.
MOLIÈRE (1622-1673)
FÆDDIST ÞENNAN DAG.
„Við berum ekki aðeins ábyrgð
á því sem við gerum heldur
einnig því sem við látum ógert.“
Franska leikskáldið og leikar-
inn Molière hét réttu nafni Jean-
Baptiste Poquelin. Frægustu verk
hans eru Tartuffe, Don Juan og
Mannhatarinn.
MERKISATBURÐIR
1609 Eitt af fyrstu fréttablöðum
heims, Avisa Relation
oder Zeitung, kemur fyrst
út í Ágsborg.
1759 Þjóðminjasafn Bretlands
er fyrst opnað almenn-
ingi.
1943 Heimsins stærsta skrif-
stofubygging, Pentagon í
Arlington, Virginíuríki, er
tekin í notkun.
1983 Bandalag jafnaðarmanna
á Íslandi er stofnað að
frumkvæði Vilmundar
Gylfasonar.
1994 R-listinn ákveður sam-
eiginlegt framboð minni-
hlutaflokkanna í Reykja-
vík.
2001 Wikipedia, frjálst alfræðirit
á Netinu, fer í gang.
2007 Byrginu er lokað.
Samband íslenskra kristniboðsfélaga hvet-
ur fólk til að safna notuðum frímerkjum og
gefa til hjálparstarfs í stað þess að henda
þeim í ruslið. Sambandið stendur fyrir söfn-
un á notuðum frímerkjum í samstarfi við
Póstinn. Heiti verkefnisins er: Hendum
ekki verðmætum! Söfnunin stendur til 31.
janúar 2010 og er tekið við frímerkjum og
umslögum á öllum póstafgreiðslum Póstsins
um land allt. Æskilegt er að fá frímerkin
á umslögum en einnig er tekið við stökum
frímerkjum.
Jarle Reiersen hefur séð um að koma frí-
merkjunum í verð fyrir sambandið. „Ég á
safnaravini hingað og þangað út um allan
heim og sumir kaupa þetta í eigin söfn og
síðan þekki ég frímerkjakaupmenn sem
kaupa mörg merki og búa til frímerkja-
pakka sem þeir síðan selja,“ segir Jarle og
bætir við að töluverður markaður sé fyrir
íslensk frímerki.
Fjöldi útgefinna frímerkja á Íslandi er
lítill og það stuðlar að því að verðið er
hærra miðað við önnur frímerki. Á Íslandi
eru framleidd um 100 þúsund eintök af
hverju frímerki en í Bandaríkjunum nokk-
ur hundruð milljónir. Jarle segir mest fást
fyrir frímerkt umslag sem stimplað er á
fámennum stöðum úti á landi.
Allur ágóði frímerkjasöfnunarinnar
verður notaður í þróunarstarf á sviði
menntunar barna, unglinga og fullorðinna í
Eþíópíu og Keníu.
Á árinu 2009 skilaði frímerkjasöfnun SÍK
tæplega 2 milljónum króna. Frímerkjum
er einnig veitt móttaka allan ársins hring á
skrifstofu SÍK, Grensásvegi 7, 2. hæð og í
Litla húsinu, Glerárgötu 1, Akureyri.
Frímerki til hjálparstarfs
Mjólkursamsalan var stofnuð
þennan dag árið 1935 og er því
75 ára í dag. Fyrirtækið heitir
í dag MS og varð til árið 2005
við sameiningu Mjólkursamsöl-
unnar í Reykjavík og Mjólkur-
bús Flóamanna.
Mjólkursamsalan rekur minja-
safn að Bitruhálsi 1. Þar er að
sjá myndir og gamla muni sem
lýsa sögu Mjólkursamsölunnar og
mjólkuriðnaðarins á Íslandi.
Mjólkurbúðirnar skipa stóran
sess í sögu MS, en þær voru á
annað hundrað í Reykjavík. Aukin
tæknivæðing og gjörbreytt að-
staða hjá almennum matvöru-
verslunum varð til þess að haust-
ið 1976 var þeim öllum lokað. Í
minjasafninu er að finna myndir
úr mjólkurbúðunum og muni er
tengdust þeim.
Umbúðir utan um mjólk
hafa breyst mikið. Mjólkin
var fyrst seld í lausu máli og
flutt í verslanir í stórum brús-
um, sem síðan var ausið úr í
þau ílát sem viðskiptavinirnir
komu með. Seinna var mjólkin
seld í glerflöskum, en vegna
hörguls á þeim í seinni heims-
styrjöldinni var aftur horfið til
mjólkurbrúsanna.
Árið 1959 var byrjað að pakka
mjólk í hyrnur. Um 1970 komu
ferhyrndu umbúðirnar í þeirra
stað, en þær hafa verið notaðar
síðan.
ÞETTA GERÐIST: 15. JANÚAR 1935
Mjólkursamsalan stofnuð
Bylgja Dís Gunnarsdóttir er ung söng-
kona á uppleið. Auk þess að vera ein
af hinum efnilega Óp-hópi sem held-
ur sína fyrstu kvöldtónleika í Íslensku
óperunni í kvöld er hún á leið til New
York að syngja í einum þekktasta tón-
leikasal heims, Carnegie Hall, 24.
þessa mánaðar.
„Já, ég var að vinna til verðlauna
í Bandaríkjunum,“ segir Bylgja Dís
þegar fyrst er forvitnast um tónleik-
ana ytra. Hún kveðst hafa tekið þátt í
alþjóðlegri söngvarakeppni sem nefn-
ist Barry Alexander International
Vocal Competition og verið ein af níu
í efsta sæti í flokknum „professional
adult“. Verðlaunin eru þau að koma
fram á tónleikum í Carnegie Hall.
Bylgja Dís nam í Söngskólanum í
Reykjavík og hélt síðan til Glasgow
þar sem hún útskrifaðist 2007. Hún
hefur fengið verkefni í Bretlandi
og söng í La Traviata hér heima, en
hvaða þýðingu hefur það fyrir hana að
komast á svið í Carnegie Hall? „Það er
auðvitað gríðarlegur heiður. Tónleik-
arnir verða teknir upp og myndaðir
– af eina manninum í heiminum sem
má taka myndir þar, að mér skilst –
og að eiga upptökur með söng sínum
í Carnegie Hall og góðar myndir af
sér á sviðinu getur auðvitað komið
sér ansi vel. Mér skilst líka að fylgst
sé með þessum tónleikum af umboðs-
mönnum svo það er aldrei að vita hvað
gerist í framhaldinu.“ Hvað skyldi
hún ætla að flytja í þessu fræga húsi?
„Ég syng tvær stórar aríur, aðra eftir
Wagner sem heitir Dich teure Halle
og hina eftir Puccini sem heitir Sola
perduta.“
Bylgja Dís segir svo skemmtilega
vilja til að Rúnar Þór Guðmundsson
tenór, sem líka er í Óp-hópnum, hafi
lent í öðru sæti í keppninni og honum
sé boðið að koma til New York í haust
í aðeins öðruvísi dagskrá.
Greinilegt er að Óp-hópurinn er skip-
aður einvalaliði. Hann var stofnaður
í september og hefur komið fram
mánaðarlega síðan á hádegistónleikum
í Íslensku óperunni við góðan orðstír.
Á jólatónleika hans komu á fjórða
hundrað manns. „Við erum átta í
hópnum og öll nýlega komin úr söng-
námi erlendis frá. Í stað þess að vera
í stöðugri samkeppni í harkinu ákváð-
um við að styðja við hvert annað. Það
hefur gefist vel og getið af sér margt
gott,“ segir hún. Í ljós kemur að auk
þess frama sem henni og Rúnari Þór
hefur hlotnast eru tvö önnur úr hópn-
um komin með stór verkefni í febrú-
ar. Hörn Hrafnsdóttir messósópran
mun syngja í Aidu í Íslensku óper-
unni og Jón Svavar Jósefsson barítón
í Carmina Burana með Sinfóníunni.
Nú eru óperettutónleikar hjá Óp-
hópnum í kvöld og Auður Gunnarsdótt-
ir er gestasöngvari. „Þetta er svolítið
sviðsett þannig að við erum öll í partíi
á sviðinu,“ lýsir Birna Dís glaðlega og
bætir við að tónleikarnir verði endur-
teknir á Stokkalæk á Rangárvöllum 29.
janúar. gun@frettabladid.is
BYLGJA DÍS GUNNARSDÓTTIR: Í FYRSTA SÆTI Í ALÞJÓÐLEGRI SÖNGVARAKEPPNI
Treður upp í Carnegie Hall
SÓPRANSÖNGKONAN Nóg hefur
verið að gera við að æfa bæði fyrir
tónleikana í kvöld í Íslensku óperunni
og tónleikana í Carnegie Hall.
FR
ÉT
TA
B
LA
Ð
IÐ
/G
VA
Karlakór Dalvíkur efnir til
tónleika í kvöld ásamt Matta
Matt og rokkhljómsveit í
Salnum í Kópavogi.
Á tónleikunum verða flutt
lög eftir Queen og Bítlana en
tónleikarnir hafa notið mik-
illa vinsælda norðanlands.
Lög Bítlanna verða flutt
fyrir hlé en lög Queen verða
sungin eftir hlé. Útsetningar
eru í höndum stjórnanda kórs-
ins, Guðmundar Óla Gunnars-
sonar, og hefjast tónleikarn-
ir klukkan 21. Miðaverð er
3.300 krónur. - jma
Kór syngur Queen
ROKKAR Karlakór Dalvíkur treður upp í Salnum í Kópavogi í kvöld.
Elskuleg eiginkona mín, móðir okkar,
tengdamóðir, amma og langamma,
Guðlaug Egilsdóttir
fyrrum húsfreyja á Álfgeirsvöllum,
sem lést föstudaginn 8. janúar, verður jarðsungin frá
Sauðárkrókskirkju miðvikudaginn 20. janúar kl. 14.00.
Blóm og kransar vinsamlegast afþakkaðir en þeir sem
vilja minnast hennar er bent á Heilbrigðisstofnun
Sauðárkróks.
Marinó Sigurðsson
börn, tengdabörn, barnabörn og langömmubörn.
Elskulegur faðir okkar, tengdafaðir, afi,
langafi og langalangafi,
Lárus Þórarinsson
fyrrv. flugumferðarstjóri
Hverafold 19, Reykjavík,
andaðist að heimili sínu laugardaginn 9. janúar.
Útförin fer fram frá Grafarvogskirkju föstudaginn 15.
janúar kl. 15.00.
Kristín Lárusdóttir
Ásthildur Lárusdóttir
Erna Lárusdóttir
Einar Þór Lárusson
Álfheiður K. Lárusdóttir
Kristín Rúna Lárusdóttir
tengdabörn, afabörn, langafabörn og langalangafabarn.