Fréttablaðið - 19.01.2010, Blaðsíða 11
ÞRIÐJUDAGUR 19. janúar 2010 11
AFGANISTAN, AP Að minnsta kosti
fimm manns létu lífið þegar tali-
banar gerðu sprengjuárás í mið-
borg Kabúl, höfuðborg Afgan-
istans. Sjö árásarmannanna létu
einnig lífið og nærri fjörutíu
manns særðust.
Sprengjuárás var gerð á versl-
unarmiðstöð og í framhald-
inu stóðu yfir skotbardagar í
nokkrar klukkustundir fyrir
utan nokkur ráðuneyti og inni í
verslunarmiðstöðinni.
Árásin er sú alvarlegasta síðan
í október þegar hópur vopnaðra
manna réðst á gistihús í borginni
sem starfsfólk Sameinuðu þjóð-
anna hefur notað og drápu þar
ellefu manns, þar á meðal þrjá
starfsmenn Sameinuðu þjóðanna.
Árásin í gær var gerð sama dag
og nokkrir ráðherrar í nýrri ríkis-
stjórn Hamids Karzai sóru emb-
ættiseiða sína. Eftir rúma viku
hefst í London alþjóðleg ráðstefna
um Afganistan, þar sem leitað
verður leiða til að styrkja stjórn
Karzais og takast á við talibana.
Talsmaður talibana, sem nefn-
ir sig Zabiullah Mujahid, sagði við
fréttastofuna AP að tuttugu vopn-
aðir menn, sumir búnir sjálfsvígs-
vestum, hafi haldið inn í borgina
í þeim tilgangi að ráðast á for-
setahöllina og fleiri opinberar
byggingar. - gb
Sprengjuárásir og skotbardagar í höfuðborg Afganistans:
Mannskæð árás talibana í Kabúl
ELDARNIR SLÖKKTIR Verslunarmiðstöðin í Kabúl sem talibanar réðust á.
FRÉTTABLAÐIÐ/AP
GETRAUN Jóhannes Karl Sigursteins-
son, stjórnandi hjá birtingardeild
auglýsingastofunnar EnnEmm,
hlaut fyrstu verðlaun í jólagetraun
söludeildar Fréttablaðsins, sem
um jólin var með lauflétta get-
raun meðal auglýsenda byggða á
staðreyndum um lestur dagblaða á
Íslandi. Á meðal spurninganna var
hvaða blaði sé dreift til rúmlega
áttatíu þúsund heimila á hverjum
degi.
Þátttakan var framar vonum og
augljóst að auglýsendur eru vel
að sér þegar kemur að lestri dag-
blaða á Íslandi. Um 250 manns
tóku þátt í jólaleiknum, að því er
fram kemur í tilkynningu frá sölu-
deild Fréttablaðsins. Jóhannes
hlaut að launum ferð og gistingu
fyrir tvo í Kaupmannahöfn í Dan-
mörku eða London í Bretlandi. - jab
VERÐLAUNIN AFHENT Jón Laufdal,
auglýsingastjóri Fréttablaðsins, afhenti
Jóhannesi Karli verðlaunin í byrjun
ársins.
Jólagetraun Fréttablaðsins:
Vissi mest um
lestur dagblaða
DÓMSMÁL Rúmlega tvítugum
manni hafa verið dæmdar 300 þús-
und krónur í skaðabætur vegna
ólögmætrar handtöku. Maðurinn
var einn margra sem handtekinn
var eftir fólskulega líkamsárás
á tvo lögreglumenn í Hraunbæ í
október 2008. Hann sat saklaus í
fangaklefa í nítján klukkustundir.
Alls voru sjö manns dæmdir
í fangelsi vegna árásarinnar í
Hraunbæ. Maðurinn sem um
ræðir var handtekinn ásamt þrem-
ur öðrum eftir að hafa yfirgefið
samkvæmið þar sem árásin átti
sér stað. Dómurinn kemst að
þeirri niðurstöðu að ekki hafi
verið tilefni til að handtaka mann-
inn úr því að hann þvertók fyrir að
hafa komið að árásinni eða halda
honum svo lengi. - sh
Fær bætur frá ríkinu:
Sat saklaus inni
í 19 klukkutíma
Tólf í prófkjör
Tólf bjóða sig fram í prófkjöri Sjálf-
stæðis flokks fyrir sveitarstjórnarkosn-
ingar á Álftanesi næsta vor. Þeir eru
Bjarni Ragnarsson tölvunarfræðingur,
Björn Halldórsson, slökkviliðs- og
sjúkraflutningamaður, Elísabet
Blöndal, Elías J. Bjarnason fram-
kvæmdastjóri, Guðjón Andri Kárason
sölufulltrúi, Guðmundur G. Gunnars-
son bæjarfulltrúi, Guðmundur
Rúnar Kristjánsson leikstjóri, Hjördís
Jóna Gísladóttir kennari, Kjartan
Örn Sigurðsson framkvæmdastjóri,
Kristinn Guðlaugsson bæjarfulltrúi,
Snorri Finnlaugsson fjármálastjóri og
Þórhallur Hákonarson fjármálastjóri.
PRÓFKJÖR Á ÁLFTANESI
STJÓRNMÁL Ríkisendurskoðun
birti fyrir helgi upplýsingar og
eyðublöð fyrir frambjóðendur í
prófkjöri eða forvali fyrir kom-
andi sveitarstjórnarkosningar,
29. maí.
Frambjóðendur eru minntir á
að kosti prófkjörsbaráttan meira
en 300 þúsund krónur skuli skila
fjárhagslegu uppgjöri, eigi síðar
en sex mánuðum frá því að kosn-
ingar fara fram. Heildarkostnað-
ur má ekki fara yfir eina milljón,
að viðbættu álagi miðað við fjölda
kjósenda í kjördæminu.
Óheimilt er að taka á móti
hærri framlögum en 300 þúsund-
um króna. - kóþ
Lög um stjórnmálasamtök:
Frambjóðendur
minntir á lögin
F
í
t
o
n
/
S
Í
A
Í GÓÐUM
MÁLUM
Hollustan og heilsan eru málið á nýju ári. Ívar og
Arnar mæla með reglulegri hreyfingu og hollum
bita á Nesti. Renndu við og fáðu þér fitusnauðan
og næringarríkan mat og drykk þegar þér hentar.
Þá ertu í alltaf í góðum málum.
Á NÝJU ÁRI