Fréttablaðið - 19.01.2010, Blaðsíða 24
19. JANÚAR 2010 ÞRIÐJUDAGUR8 ● fréttablaðið ● þorrinn
Yfirburðir
Fréttablaðsins
staðfestir!
Skörun blaðalesturs að meðaltali á dag, mán. til lau., höfuðborgarsvæðið 18-49 ára.
Heimild: Blaðakannanir Capacent maí-okt. 2009.
Lesa bæði
Fréttablaðið og
Morgunblaðið
Lesa bara
Morgunblaðið
Lesa bara
Fréttablaðið
59% 8,8%
32,2%
Fréttablaðið er sem fyrr mest lesna dagblað landsins
með glæsilegt forskot á samkeppnisaðila sinn eins
og síðasta könnun Capacent Gallup sýnir ótvírætt.
Allt sem þú þarft...
Auglýsing í
Fréttablaðinu
nær til yfir
91%
lesenda
blaðanna
● BORIÐ FRAM SEM
SNAFS Brennivín er gjarnan
drukkið með þorramatnum til
að skola honum niður. Svartur
miði einkennir flösk-
una en upphaflegur
tilgangur miðans
var sá að gera flösk-
una fráhrindandi.
Brennivín er brugg-
að úr gerjuðum
kartöflum og
kryddað með
kúmeni. Lengst
af sá ÁTVR um
framleiðsl-
una en svo
tók Vífilfell við
henni og nú
síðast Ölgerð-
in. Lengi vel
var vinsælast
að drekka
brennivín í
vatni eða kóki
en nú er það
oftast borið
fram sem
snafs.
● GOTT MEÐ HARÐ-
FISKI Kryddsmjör er gjarnan
notað með bökuðum kartöflum
eða kjöti, en það hentar einnig
ágætlega með harðfiski og
getur verið skemmtileg tilbreyt-
ing með þorramatnum. Auðvelt
er að útbúa sitt eigið krydd-
smjör með því að láta
smjör standa á
borði svo
það
verði
mjúkt.
Þá er
hrært við
það ýmsu
kryddi og það svo
sett aftur í kæli. Ýmsu er hægt
að blanda saman við smjörið. Til
dæmis hvítlauki, ferskum krydd-
jurtum, karríi og jafnvel stöpp-
uðum rauðrófum. Fallegt er að
setja kryddsmjörið í falleg ílát,
eins og til dæmis lítil glös og
látið kólna í þeim í kælinum.
Kryddsmjörið er borið kalt fram
með harðfiskinum.
● ALLS KYNS GEYMSLU-
AÐFERÐIR Þorramatur er
flestallur sá matur sem unninn
er með gömlum matvinnsluað-
ferðum. Þorrinn, sem er fjórði
mánuður vetrarmánaðar, sam-
kvæmt gamla íslenska tímatal-
inu, gat reynst mönnum erfiður
hér áður fyrr þegar lífsbarátt-
an var miklu harðari en hún er
í dag. Þá reyndist mikilvægt
að eiga mat í geymslu sem
hafði verið unninn að hausti.
Ýmsum aðferðum var beitt við
að geyma matinn, hann var
ýmist súrsaður, reyktur, kæstur
eða þurrkaður. Dæmi um þorra-
mat eru kæstur hákarl, súrir
hrútspungar, svið, hangikjöt og
harðfiskur.
Kæstur hákarl er af mörgum talið mesta lostæti, en þegar
matur er kæstur er hann látinn gerjast og byrja að rotna.
Með þessu fæst fram sterkt bragð sem sumir eru sólgnir
í.
Ein aðferð til að njóta bragðsins til hins ýtrasta er að
tyggja hann þrisvar sinnum lengur en annan mat og anda
vel inn um nefið á meðan. Þá rífur hann í á svipaðan hátt
og wasabi sem neytt er með sushi-réttum.
Margir telja hákarlinn hollan og eru dæmi um það að
kæstur hákarl slái á magaverk. Hins vegar er ófrískum
konum ráðlagt frá því að neyta hans sökum þess hversu
hátt kvikasilfursmagn hefur greinst í hákarli. Flestir neyta
hans þó í litlu magni og láta aðeins einn bita nægja.
Sumir eru sólgnir í sterka bragðið
Sumum þykir kæstur hákarl rífa í svipað og wasabi sé hann tugginn lengi og andað vel inn um nefið
á meðan.