Fréttablaðið - 20.01.2010, Blaðsíða 6
6 20. janúar 2010 MIÐVIKUDAGUR
HAÍTÍ, AP Haítíbúar tóku fyrstu mat-
væla- og vatnssendingum Banda-
ríkjahers fagnandi þegar þeim var
varpað niður úr þyrlu rétt fyrir
utan höfuðborgina Port-au-Prince.
Íbúarnir fögnuðu líka þegar sex
bandarískar herþyrlur lentu á lóð
hinnar illa skemmdu forsetahall-
ar í borginni og tóku að koma sér
þar fyrir.
„Ef þeir vilja, þá geta þeir verið
lengur núna en 1915,“ sagði Fede
Felissant hárgreiðslumaður, sem
fylgdist með. Árið 1915 kom Banda-
ríkjaher einnig til Haítí og þá liðu
19 ár áður en hann hvarf á braut.
Bandarískir ráðamenn hafa þó
fullyrt að koma þeirra til Haítí nú
eigi alls ekki að verða upphafið að
langvarandi hersetu.
Meira en tvö þúsund bandarískir
sjóliðar hafa gengið til liðs við
þá þúsund bandarísku hermenn
sem fyrir voru á Haítí. Þar eru
einnig níu þúsund lögreglumenn
og friðargæsluliðar frá Samein-
uðu þjóðunum, og von er á 3.500 í
viðbót.
Ekki veitir af, því vaxandi óþol-
inmæði gætir meðal íbúa vegna
þess hve hjálpargögn hafa borist
hægt til landsins. Aðeins skammt
frá forsetahöllinni, þar sem Banda-
ríkjaher var að koma sér fyrir í
gær, fóru hópar fólks um rænandi
og ruplandi um miðborgina.
„Svona er þetta bara. Við getum
ekkert gert,“ segir Arina Bence
lögreglukona, sem reyndi að halda
almenningi frá ránssvæðinu til að
fólk fari sér ekki að voða.
Á einni hæðinni í borginni lokaði
fólk hverfinu af með bílum og ungir
menn voru fengnir til að fylgjast
með mannaferðum. „Við treyst-
um aldrei stjórnvöldum hér,“ sagði
Tatony Vieux, einn íbúa hverfisins.
„Aldrei.“
Rúm vika er liðin frá því að
jarðskjálfti, sem mældist 7,0 stig,
reið yfir Haítí með þeim afleið-
ingum að stór hluti allra húsa
höfuðborgarinnar og sumra
nágrannabyggða lagðist í rúst.
Talið er að allt að 200 þúsund
manns hafi látið lífið, 250 þúsund
hafi hlotið misalvarleg meiðsl og
1,5 milljónir hafi misst heimili sitt.
Hjálparstofnanir telja að þriðjung-
ur íbúa landsins, sem alls eru nærri
tíu milljónir, þurfi á neyðaraðstoð að
halda.
Í gær var enn verið að ná fólki á
lífi úr rústunum. Tveimur konum
var bjargað úr hruninni háskóla-
byggingu. gudsteinn@frettabladid.is
Bandaríski herinn
hreiðrar um sig
Bandaríkjaher er byrjaður að varpa matvælum og vatni úr lofti til íbúa á Haítí.
Þrjú þúsund bandarískir hermenn eru komnir til Haítí. Erfitt hefur reynst að
koma í veg fyrir gripdeildir. Enn tókst að bjarga fólki á lífi úr rústunum í gær.
BRENNANDI KIRKJA Löggæslumaður á vegum Sameinuðu þjóðanna fylgist með mannaferðum meðan kirkja brennur að baki
honum. FRÉTTABLAÐIÐ/AP
SAMGÖNGUR Ríkisstjórnin ákvað
í gær að fela samgönguráðherra
og fjármálaráðherra að undirbúa
útboð vegna breikkunar Suður-
landsvegar og Vesturlandsvegar.
Samkvæmt heimildum Frétta-
blaðsins er stefnt að því að ákvörð-
un liggi fyrir síðar í vikunni.
Framkvæmdir á Suðurlands-
vegi eiga að hefjast í maí. Þar er
ætlunin að leggja nýjan tveggja
akreina veg fyrir umferð á leið
í austur á kaflanum milli Litlu
Kaffistofunnar í austri og Lög-
bergsbrekku ofan við Lækjar-
botna í vestri. Kaflinn er 6,5 kíló-
metra langur. Einnig á að bæta
vegaxlir á núverandi vegi. Hann
mun þjóna sem tveggja akreina
vegur fyrir umferð í átt að borg-
inni eftir að framkvæmdum lýkur
haustið 2011.
Á Vesturlandsvegi verður
breikkaður 1,5 kílómetra kafli frá
Hafravatnsvegi að Þingvallavegi.
Jafnframt á að stækka hringtorg-
ið við Álafossveg og ljúka við
undirgöng og göngustíga í grennd
við Varmá.
Kostnaður við framkvæmdirnar
á Vesturlandsvegi er áætlaður um
500 milljónir en um 1,4 milljarð-
ar á Suðurlandsvegi. Í þeirri tölu
er ekki gert ráð fyrir mislægum
gatnamótum við Bláfjallaveg og
Litlu kaffistofuna. - pg
Áætlað að framkvæmdir á Suðurlandsvegi og Vesturlandsvegi hefjist í vor:
Breikka Þjóðveg 1 næst borginni
SUÐURLANDSVEGUR Samgönguráðherra
stefnir að því að ákveða útboð um
framkvæmdir á Suðurlandsvegi og
Vesturlandsvegi fyrir helgi.
„Íslenski Rauði krossinn hafði
samband við mig um hvort ég
gæti starfað með þýska Rauða
krossinum við að koma upp spítala
í Port-au-Prince. Það er verið að
reisa þessa læknamiðstöð núna og
ég mun starfa þar sem almennur
læknir í mánuð ef allt gengur vel,“
segir Friðbjörn Sigurðsson, læknir á
Landspítalanum, sem hélt áleiðis til
Haítí í nótt.
Friðbjörn segir ástæðuna fyrir för
sinni að hann hafi setið námskeið
Rauða krossins og því hafi hann verið
á lista yfir fólk sem tilbúið er að taka
að sér sérstök verkefni eins og þetta.
„Ég hef líka dvalið í landinu áður og
erfiðara að segja nei þess vegna.“
Friðbjörn dvaldi á Haítí fyrir tveim-
ur áratugum á þeim tíma sem hann
stundaði sérnám í lyflækningum í
Bandaríkjunum. Þá dvaldi hann á
Albert Schweitzer-sjúkrahúsinu sem
er inni í miðju landi. Friðbjörn segir
það hafa verið mikla lífsreynslu. „Vera
mín í landinu á þeim tíma verður þó
örugglega hátíð miðað við það sem
bíður mín nú,“ segir Friðbjörn.
Friðbjörn flaug af landi brott með
vél utanríkisráðuneytisins í nótt.
Vélin, sem nær í íslensku alþjóða-
björgunarsveitina, er hlaðin hjálpar-
gögnum sem sjálfboðaliðar hafa
gengið frá síðustu sólarhringa.
Friðbjörn segist vera í launalausu
leyfi frá LSH á meðan hann dvelur
erlendis en, eins og venja er til,
greiðir Rauði krossinn Friðbirni laun
þann tíma sem hann dvelur á Haítí.
- shá
Íslenskur læknir til starfa í höfuðborg Haítí á vegum íslenska Rauða krossins:
Gat ekki sagt nei við kallinu
FRIÐBJÖRN SIGURÐSSON Mun starfa
á sjúkrahúsi í höfuðborg Haítí sem
almennur læknir. FRÉTTABLAÐIÐ/PJETUR
SJÁVARÚTVEGUR Skipin sem stunda
gulldepluveiðar fundu um helg-
ina töluvert magn í Skerjadýpi.
Gulldeplan var hins vegar óveið-
anleg vegna mikillar átu og hafa
skipin haldið áfram veiðum í
Grindavíkurdýpi þar sem hún
hefur helst verið í veiðanlegu
magni.
Ingunn AK og Faxi RE, skip
HB Granda, eru nú að landa tólf
hundruð tonna afla á Akranesi
og Lundey NS er væntanleg með
fimm til sex hundruð tonn.
Arnþór Hjörleifsson, skipstjóri
á Lundey, segir komna leiðinda-
brælu og erfitt fyrir uppsjávar-
skipin að athafna sig. - shá
Gulldepluveiðarnar:
Frekar treg
veiði og bræla
Getur Ísland unnið EM í Austur-
ríki?
Já 72%
Nei 28%
SPURNING DAGSINS Í DAG:
Hefur þú slasað þig vegna
hálku?
Segðu skoðun þína á visir.is.
KJÖRKASSINN