Fréttablaðið - 20.01.2010, Blaðsíða 12

12 20. janúar 2010 MIÐVIKUDAGUR
STÆRSTUR OG MINNSTUR Stærsti
maður heims, hinn tyrkneski Sultan
Kösen, sem fyrir stuttu lagði leið sína
til Íslands, stillti sér upp við hliðina á
minnsta manni heims, Kínverjanum
He Ping Ping, á sýningu í Istanbúl.
NORDICPHOTOS/AFP
Júlíus Vífill 2. sæti
Júlíus Vífill býr yfir fjölbreyttri reynslu og þekkingu ...
... úr listalífinu
Hann starfaði um árabil sem óperu-
söngvari og hefur unnið ötullega að
kynningu og framgangi menningar
og lista.
... úr atvinnulífinu
Hann er lögfræðingur að mennt og var
lengi framkvæmdastjóri og stjórnar-
formaður eins af stærstu innflutnings-
og þjónustufyrirtækjum landsins.
... úr stjórnmálum
Hann hefur verið atkvæðamikill
borgarfulltrúi og setið tvö kjörtímabil
í borgarstjórn. Hann hefur verið
formaður menntaráðs, skipulagsráðs
og Faxaflóahafna.
Kosningaskrifstofa í Borgartúni 6, 4. hæð – www.juliusvifill.is – jvi@reykjavik.is
Kjósum Júlíus Vífil í 2. sæti
í prófkjörinu á laugardag
STJÓRNMÁL Halla Gunnarsdóttir
myndlistarmaður varð hlut-
skörpust í lokaðri samkeppni
um gerð styttu af ljóðskáldinu
Tómasi Guðmundssyni. Sam-
kvæmt tillögu Höllu verður gerð
stytta af Tómasi í fullri stærð
og henni komið fyrir á bekk við
Reykjavíkurtjörn.
Samkeppnin um styttuna af
Tómasi fór fram eftir að borgar-
stjórn samþykkti haustið 2008 að
keppnin yrði haldin. Í greinargerð
með tillögu Kjartans Magnússon-
ar borgarfulltrúa var lögð áhersla
á að Tómas Guðmundsson væri
eitt af ástsælustu skáldum þjóðar-
innar og oft kallaður borgarskáld-
ið. Ljóðabók Tómasar, Fagra ver-
öld, sló í gegn þegar hún kom út á
árinu 1933. Þá var skáldið 32 ára.
Tómas lést árið 1983. - gar
Samkeppni um styttu af Tómasi Guðmundssyni:
Tómasi skipað á bekk
við Reykjavíkurtjörn
EFNAHAGSMÁL Skattleggja á sér-
eignarsparnað og nota afrakstur-
inn til fjárfestingar í atvinnulífinu.
Þetta segir Magnús Orri Schram,
þingmaður Samfylkingarinnar, en
hann á jafnframt sæti í efnahags-
og skattanefnd þingsins.
Magnús Orri segir að um leið
og ríkið sníði sér stakk eftir
vexti þurfi að huga að uppbygg-
ingu atvinnulífsins og tekjuaukn-
ingu ríkisins til lengri tíma. „Og
það vil ég gera með skattlagningu
séreignarsparnaðar,“ segir hann
og bætir við að þannig megi með
einskiptisaðgerð, skattlagningu
stofns séreignarinnar, færa ríkinu
um 80 milljarða króna. Árlegar
tekjur ríkisins
af skattlagning-
unni nemi svo
um átta millj-
örðum króna.
„Þessa fjármuni
á hins vegar
ekki að nýta til
að fjármagna
hallarekstur
ríkisins eins og
sumir hafa lagt
til, heldur til
fjárfestinga í atvinnulífinu.“ Þar
segir Magnús Orri meðal annars
vert að horfa til langtímaverkefna
á borð við rannsókna- og þróunar-
starf fyrirtækja, fjármögnunar
skattalegra hvata og leiða til að
auka aðgang að lánsfé á viðunandi
kjörum.
Skattlagningu séreignarsparn-
aðarins leggur Magnús Orri til í
tengslum við fjárlagagerð næsta
árs, en að auki segir hann nauð-
synlegt að auka aðhald í útgjöld-
um ríkisins. Hann bendir á að
frá 2000 til 2009 hafi ekki tekist
að hefta útgjaldavöxt ríkisins að
neinu marki. „Ein helsta áskor-
unin sem íslenskir stjórnmála-
menn standa nú frammi fyrir er
að standast þrýstihópa og ganga
ákveðið fram við niðurskurð í fjár-
lagagerð næsta árs,“ segir Magnús
Orri. - óká
MAGNÚS ORRI
SCHRAM
Stjórnarþingmaður leggur til skattlagningu séreignarsparnaðar í lífeyriskerfinu:
Tekjurnar nýtist í atvinnufjárfestingu
VERÐLAUNATILLAGAN Áætlað er að
fullgerð stytta af Tómasi Guðmundssyni
verði komin á sinn stað á bekk við
Reykjavíkurtjörn í vor.

FR
ÉT
TA
B
LA
Ð
IÐ
/A
N
TO
N
STJÓRNSÝSLA Níu af þeim sautján bréfum, sem
forseti Íslands sendi rannsóknarnefnd Alþingis
vegna rannsóknar á orsökum bankahrunsins,
verða ekki gerð opinber fyrr en 30 ár eru liðin
frá því að þau voru rituð. Úrskurðarnefnd um
upplýsingamál hefur staðfest synjun forseta-
skrifstofunnar við því að gera bréfin opinber.
Þegar rannsóknarnefnd Alþingis óskaði eftir
aðgangi að bréfum, sem forsetinn hefði ritað
í þágu banka eða fjármálafyrirtækja, sendi
forsetaskrifstofa nefndinni sautján bréf til
skoðunar.
Blaðamaður Fréttablaðsins bað um aðgang að
bréfunum á grundvelli upplýsingalaga. Í fyrstu
var synjað um aðgang en eftir að kært var til
úrskurðarnefndar birti forsetaskrifstofan átta
af bréfunum sautján en sagði að hin níu yrðu
ekki gerð opinber þar sem þau væru rituð þjóð-
höfðingjum eða æðstu forsvarsmönnum ríkja
sem enn eru í embætti.
Úrskurðarnefnd um upplýsingamál hefur nú
staðfest þá ákvörðun. Nefndin segir að þótt í
bréfunum sé ekki að finna viðkvæmar upplýs-
ingar um samskipti þjóðhöfðingja gæti opinber
birting haft í för með sér að traust í samskiptum
biði hnekki.
Blaðamaður benti á að eitt bréfanna væri
ritað til Alexanders krónprins, sem sé hvorki
þjóðhöfðingi né meðal æðstu manna í lýðveld-
inu Serbíu, þótt hann geri tilkall til þess að kon-
ungdæmi verði endurreist í því landi. Nefndin
telur ljóst að bréfið til Alexanders hafi forseti
Íslands „ritað sem lið í embættislegum sam-
skiptum sínum við aðila, sem af hans hálfu
hefur verið litið á sem tiltekna fulltrúa annars
ríkis eða þjóðar“. „Á grundvelli eðlis og efnis
umrædds bréfs, og þá einnig þeirra sérstöku
samskipta sem voru undanfari þess að bréfið
var ritað“ eigi að varðveita trúnað um efni
bréfsins.
Er sú ákvörðun tekin með vísan í 2. málsgrein
6. greinar upplýsingalaga um að takmarka
megi aðgang almennings að gögnum þegar
mikilvægir almannahagsmunir krefjast, enda
hafi þau að geyma upplýsingar um samskipti við
önnur ríki eða fjölþjóðastofnanir. Miðað við þá
niðurstöðu nefndarinnar verður efni þess bréfs,
líkt og hinna átta, ekki gert opinbert fyrr en 30
árum eftir að það var ritað. peturg@frettabladid.is
Bréf forsetans ekki afhent
Úrskurðarnefnd um upplýsingamál hefur staðfest synjun forseta Íslands. Aðgangur verður ekki veittur að
níu bréfum sem rannsóknarnefnd fékk til skoðunar. Bréfin verða ekki gerð opinber fyrr en eftir þrjátíu ár.
FORSETINN Á INDLANDI Ólafur Ragnar Grímsson tók á móti Nehru-verðlaununum á Indlandi í síðustu viku.
Úrskurðarnefnd um upplýsingamál telur að traust í samskiptum ríkja gæti beðið hnekki ef bréf forseta til erlendra
þjóðhöfðingja í þágu bankanna yrðu gerð opinber. FRÉTTABLAÐIÐ/GVA
VIÐSKIPTI Tryggingamiðstöðin,
TM, og Sparnaður gerðu í byrjun
árs samkomulag um sölu á trygg-
ingum hvort annars. Sparnaður er
umboðsaðili Versicherungskamm-
er Bayern. Fyrirtækið býður upp
á lífeyristryggingar og fjármála-
lausnir til einstaklinga og mun
veita einstaklingum og fyrirtækj-
um ráðgjöf um kaup á skaða-
tryggingum TM.
Með samstarfinu geta báðir
aðilar boðið viðskiptavinum
sínum víðtækara vöruframboð
á sviði vátrygginga- og fjármála-
þjónustu, að því er segir í
tilkynningu. - jab
TM og Sparnaður í samstarf:
Selja tryggingar
hvort annars
SAMKOMULAG INNSIGLAÐ Sigurður
Viðarsson, forstjóri TM, og Gestur
Breiðfjörð, framkvæmdastjóri Sparnaðar,
handsala samvinnuna.
ÖRYGGISMÁL Samfélagssjóður
Alcoa í Bandaríkjunum hefur
ákveðið að styrkja björgunarsveit-
ir á Austurlandi næstu tvö árin
um 12,5 milljónir króna. Styrkur-
inn verður stofnframlag í mennt-
unarsjóð björgunarsveitarmanna
á Austurlandi.
Á síðasta ári veittu Alcoa Fjarða-
ál og Samfélagssjóður Alcoa rúm-
lega 56 milljónum króna til 65
samfélagsverkefna á Íslandi. Sjóð-
urinn var stofnaður fyrir 56 árum
og hefur frá upphafi veitt um 64
milljörðum króna til samfélags-
legra verkefna í þeim löndum um
allan heim, þar sem fyrirtækið
starfar. - shá
Austurland:
Alcoa styrkir
björgunarstarf
Styrkir í Eyþingi
Menningarráð Eyþings auglýsir eftir
umsóknum um styrki, en tilgangur
þeirra er sagður að efla menningar-
starfsemi og menningartengda ferða-
þjónustu á Norðausturlandi.
MENNINGARMÁL