Fréttablaðið - 21.01.2010, Blaðsíða 13

FIMMTUDAGUR 21. janúar 2010 13
UTANRÍKISMÁL Forseti Íslands flyt-
ur í dag lokaávarp ráðstefnu sem
haldin er með það fyrir augum að
vísa veginn í átt að byltingu í orku-
búskap heimsins.
Heimsþing hreinnar orku (World
Future Energy Summit) er haldið í
Abu Dhabi, en það sækir fjöldi for-
seta, forsætisráðherra, umhverfis-
ráðherra og orkuráðherra víða að
úr veröldinni auk vísindamanna,
tæknimanna, sérfræðinga og for-
ystumanna í atvinnulífi, að því er
fram kemur í tilkynningu forseta-
embættisins. Áhersla er lögð á að
sólarorka, vindorka, jarðhiti, vatns-
orka og aðrir hreinir orkugjafar
verði ráðandi sem orkugjafar.
„Á þinginu sýna um 600 fyrir-
tæki og stofnanir á sviði hreinnar
orku nýja tækni og vörur. Útflutn-
ingsráð hefur skipulagt þátttöku
íslenskra fyrirtækja og sýninga-
raðstöðu á þinginu,“ segir jafn-
framt í frétt embættisins, en Ólaf-
ur Ragnar Grímsson forseti þáði
boð stjórnvalda í Abu Dhabi um að
sækja þingið á heimleið sinni frá
Indlandi.
„Þetta er í þriðja sinn sem slíkt
þing er haldið en forseti átti á
sínum tíma þátt í að undirbúa hið
fyrsta og flutti þá ræðu við opnun-
ina.“
Fram kemur að Ólafur Ragnar
hafi tekið þátt í hátíðlegri verð-
launaathöfn á þriðjudagskvöld þar
sem Zayed-orkuverðlaunin voru
afhent fyrirtækinu Toyota. - óká
Forseti Íslands flytur lokaávarp á heimsþingi hreinnar orku í Abu Dhabi:
Sækir þingið á heimleið frá Indlandi
ÓLAFUR RAGNAR GRÍMSSON Forseti
Íslands á sæti í dómnefnd Zayed-orku-
verðlaunanna sem voru afhent í annað
sinn í vikunni. FRÉTTABLAÐIÐ/STEFÁN
SAMKEPPNISMÁL Steindór Sigur-
steinsson hjá Norðurbiki ehf. segir
Akureyrarbæ í samkeppni við fyr-
irtækið í malbiksframleiðslu. Að
því er fram kemur í fundargerð
bæjarráðs mætti Steindór í við-
talstíma bæjarfulltrúa til að ræða
umrædda malbiksframleiðslu
á vegum bæjarins. „Hann sem
starfsmaður Norðurbiks ehf. telur
bæinn í samkeppni við fyrirtækið,
sem hafi áhrif á starfsemi þess og
starfsmenn. Hann taldi óeðlilegt
að bærinn seldi malbik til einkaað-
ila,“ segir í fundargerð bæjarráðs
sem fól framkvæmdaráði bæjarins
að móta verklagsreglur um sölu á
malbiki. - gar
Malbikunarstöð á Akureyri:
Bærinn hætti
að selja malbik
LANDBÚNAÐUR „Á nýliðnu ári var
heildarframleiðsla á mjólk hér
á landi tæplega 125,6 milljónir
lítra, sem er 0,38 prósenta sam-
dráttur frá fyrra ári,“ segir á vef
Landssambands kúabænda. Sam-
dráttur milli ára nemur rúmlega
400 þúsund lítrum.
Þá kemur fram að sala á „prót-
eingrunni“ hafi aukist um tæp-
lega hálft prósent frá 2008 og á
fitugrunni um tæp þrjú prósent.
„Það er mjög ánægjulegt að sjá
söluaukningu í magni, þó hún sé
væntanlega ekki sú sama í verð-
mætum talið. Greinileg tilfærsla
hefur orðið í neyslu, úr dýrari
vöruflokkum yfir í ódýrari,“
segir á vef sambandsins. - óká
Mjólkurframleiðsla 2009:
Fólk færir sig í
ódýrari flokka
Í FJÓSINU Á vef Landssambands kúa-
bænda kemur fram að mjólkurvörur hafi
selst í aðeins meira magni í fyrra en 2008.
EFNAHAGSMÁL Þrír fulltrúar
Attac-samtakanna á Íslandi eiga
að hitta fulltrúa norsku ríkis-
stjórnarinnar á opnum fundi í
Ósló 4. febrúar.
Attac eru alþjóðleg samtök sem
berjast gegn neikvæðum hliðum
hnattvæðingar og nýfrjálshyggju.
Íslensku fulltrúarnir, Einar Már
Guðmundsson, Bjarni Guðbjörns-
son og Gunnar Skúli Ármannsson
verða í för með norskum fulltrú-
um frá Attac.
Attac undirbýr tillögur að end-
urreisn íslensks efnahags án
aðkomu AGS.
Yfirskrift fundarins er: „Á
AGS að fara frá Íslandi?“ - kóþ
Vilja losna við AGS:
Attac talar við
norsk stjórnvöld
Prósenta fyrir plánetuna
Ísfirska ferðaþjónustufyrirtækið Borea
Adventures og Melrakkasetrið í Súða-
vík, sem er fræðasetur um íslensku
tófuna, hafa fyrst fyrirtækja á Íslandi
gerst meðlimir í umhverfisverndar-
samtökunum „1% for the Planet“, að
því er fram kemur á vef Ferðamála-
stofu. „Prósent fyrir plánetuna“ er
samstarfsvettvangur fyrirtækja sem
lofa að ánafna minnst einu prósenti
af ársveltu til umhverfisverkefna.
UMHVERFISVERND
Fresta frétt um viku
Frestað hefur verið um viku birtingu
fréttar Hagstofu Íslands um látna
með lögheimili erlendis árin 1999 til
2008. Á vef Hagstofunnar kemur fram
að staðið hafi til að birta fréttina í
gær, en birtingunni hafi verið frestað
til næsta þriðjudags, 26. janúar.
HAGSTOFA ÍSLANDS
LÖGREGLUMÁL Karlmaður sem
setið hefur í gæsluvarðhaldi
vegna smygls á 800 grömmum
af kókaíni hingað til lands hefur
verið settur í farbann til 12.
febrúar næstkomandi.
Maðurinn, sem er erlendur
ríkisborgari, er grunaður um
aðild að innflutningi á rúm-
lega 800 grömmum af kókaíni
til landsins frá Bandaríkjun-
um. Með honum var handtekin
íslensk kona á þrítugsaldri, sem
sat í gæsluvarðhaldi um skeið.
Henni hefur nú verið sleppt.
Hvorugt þeirra hefur komið
við sögu hjá lögreglu áður.
- jss
Héraðsdómur:
Kókaínsmyglari
settur í farbann
• Nýir tímar - nýjar hugmyndir www.or.is
Umhverfis- og
orkurannsóknasjóður
Orkuveitu Reykjavíkur
Auglýst er eftir umsóknum um styrki úr
sjóðnum, sem hefur 50 milljónir króna til
ráðstöfunar árið 2010.
ÍS
L
E
N
S
K
A
/
S
IA
.I
S
/O
R
K
4
47
19
0
1/
09
Hlutverk Umhverfis- og orkurannsóknasjóðs OR er að efla
rannsóknir, þróun og nýsköpun á sviði umhverfis- og orkumála,
þar með taldar þverfaglegar rannsóknir. Markmiðið er að veita
styrki til háskóla- og nýsköpunarrannsókna á sviði umhverfis- og
orkumála og treysta samstarf Orkuveitunnar við sérfræðinga og
vísindamenn sem stunda rannsóknir á sviðinu.
Sjóðurinn veitir styrki til verkefna í umhverfis- og orkurannsóknum
sem varða:
• Hagnýtar framfarir í kjarnastarfsemi Orkuveitu Reykjavíkur,
uppbyggingu og rekstri vatnsveitu, hitaveitu, rafveitu eða
gagnaveitu
• Tengsl starfsemi OR við umhverfi, samfélag og efnahag
• Aukna hagnýtingu endurnýjanlegra orkugjafa
Allar nánari upplýsingar um sjóðinn, s.s. úthlutunarreglur og
tilhögun umsókna eru á vef sjóðsins: www.or.is/uoor
Umsóknum skal skilað í síðasta lagi 1. mars 2010.