Fréttablaðið - 21.01.2010, Blaðsíða 32

21. JANÚAR 2010 FIMMTUDAGUR4 ● fréttablaðið ● eldhúsið
Það var ekki algengt árið 1968 að karlmenn tækju sér frí frá
vinnu til þess að sinna börnum og búi á meðan konurnar voru úti
á vinnumarkaðnum. Það gerði þó Bergsveinn Jóhannesson tré-
smiður um tíma.
„Ja, einhver þurfti að gæta frumburðarins, Vals, sem fæddist
árið 1968. Konan mín, Fríða Björnsdóttir, var blaðamaður á Tím-
anum og hugtakið fæðingarorlof þekktist ekki en hún vann iðu-
lega frá hádegi og fram undir miðnætti. Ég átti hlut í trésmíða-
verkstæði og gat ráðið vinnutímanum. Við skiptum þessu ein-
faldlega þannig að ég vann til hádegis og kom svo heim og tók
við barni og búi þegar Fríða fór í vinnuna,“ segir Bergsveinn og
brosir.
„Ég fann að fólk vantreysti mér til þessara verka svo ég skellti
mér á vikunámskeið í Húsmæðraskólanum til að geta sagst hafa
gert það. Vikunni var vel varið og ég lærði heilmikið til verka
og í eldamennsku. Ekki svalt drengurinn eins og margir höfðu
áhyggjur af heldur varð pattaralegur. Ég hafði og hef alltaf haft
við höndina einu biblíuna sem ég trúi á, matreiðslubók Helgu
Sigurðardóttur, Matur og drykkur. Þetta gekk því bara vel hjá
okkur feðgum og var afar dýrmætur tími. Þegar við hjónin eign-
uðumst síðara barnið, Völu Ósk, tíu árum síðar, var ég einnig
mikið með hana litla. Til dæmis þegar móðir hennar fór í ferða-
lög vegna vinnunnar og hún dafnaði líka vel,“ segir Bergsveinn.
Hann segist oft hafa hlegið að því viðhorfi að karlmenn geti ekki
séð um ungbörn eða eldað ofan í þau. „Þetta þótti vissulega sér-
stakt og ég man að eftir námskeiðið í Húsmæðraskólanum fór ég
í útvarpsviðtal að beiðni Sigurveigar Jónsdóttur fréttamanns og
ræddi þessi mál. En ég naut þess að vera með börnunum og ég held
að þau hafi komist klakklaust frá þessu,“ segir hann kíminn. - uhj
Á undan samtímanum
Bergsveinn tók sér frí frá vinnu til að sinna börnum og búi meðan kona hans
starfaði hjá Tímanum. FRÉTTABLAÐIÐ/STEFÁN
Rétt lýsing getur verið vanda-
söm. Á það við bæði í stofum,
á göngum svo og í eldhúsum.
Í gegnum tíðina hafa margir látið
sér nægja einfalt loftljós í eldhús-
ið og jafnvel bara rússaperu. Nú
þykir fæstum það duga til.
Í fyrsta lagi huga mun fleiri
að útlitinu. Fallegt loftljós hefur
marga kosti. Það fegrar umhverf-
ið, gefur eldhúsinu vissan svip og
lýsir vissulega upp umhverfið.
Í öðru lagi hefur áhugi manna á
réttri lýsingu aukist til muna hin
síðari ár. Fólk gerir sér grein fyrir
að eitt loftljós er ekki nóg.
Loftljósin eru því oft upp á punt
en önnur ljós á veggjum lýsa þar
sem þarf auk þess sem þau geta
einnig aukið á fegurð herbergis-
ins. Þá þykir orðið nauðsynlegt
að vera með ljós undir efri skáp-
um eldhúsinnréttingar. Slík lýs-
ing léttir alla vinnu við matarund-
irbúninginn. Rétt lýsing yfir elda-
vélinni er einnig heppileg, enda
verður maður að sjá hvað er að
gerast í pottunum. - sg
Upplýst matreiðsla
Ljósakróna sem fellur vel að umhverf-
inu. Önnur lýsing í eldhúsinu er innfelld
og þar af leiðandi lítið áberandi.
Ljósakrónur geta veitt sérstaka stemningu í eldhúsið. NORDICPHOTOS/GETTY
Stálið hefur verið vinsælt hin síðari ár
og mun að öllum líkindum verða það
áfram.
Kemur út laugardaginn
23. janúar
Sérblað
um ferðalög
Auglýsendur vinsamlegast hafið samband:
Benedikt
• benediktj@365.is
• sími 512 5411
Hlynur Þór
• hlynurs@365.is
• sími 5125439
ERTU ORKULAUS?
Viltu finna orkubreytingu
STRAX!
Fæst í apótekum, heilsubúðum og
heilsuhillum flestra stórmarkaða.
Énaxin total er frábær
jurtaformúla með Rhodiolu
ásamt dagskammti af
vítamínum og steinefnum
Þægilegt, aðeins 1 tafla á dag