Fréttablaðið - 22.01.2010, Page 8
8 22. janúar 2010 FÖSTUDAGUR
1 Hver stýrir Jarðvísindastofn-
un Háskóla Íslands?
2 Til hvaða veitingastaðar á
„þorramaturinn“ upphaf sitt að
rekja?
3 Hver hefur verið skipaður
stjórnarformaður ISB Holding?
SVÖRIN ERU Á SÍÐU 42
VIÐSKIPTI Heildarfjárhæð lýstra krafna í þrota-
bú Björgólfs Guðmundssonar er rúmlega 101
milljarður króna. Langstærstur hluti þeirra,
eða um 70 milljarðar, er frá Landsbankanum
vegna persónulegra ábyrgða Björgólfs.
Ekki hefur verið tekin afstaða til krafn-
anna að sögn Sveins Sveinssonar skipta-
stjóra. Næsti skiptafundur hefur verið
boðaður 15. apríl.
Fram kom í Viðskiptablaðinu í gær
að mestar vonir væru bundnar við að
endurheimta eignir upp í kröfurnar í
eignarhaldsfélagi Björgólfs á Kýpur,
Bell Global Investment, sem hélt utan
um eignarhlut í Bravó-bruggverk-
smiðjunum í Rússlandi og átti helming
í Samson, eignarhaldsfélagi Landsbank-
ans.
Þá er milljarður á bankareikningi í eigu
Björgólfs hjá Landsbankanum í Lúxemborg, en
það fé hefur verið fryst.
Viðskiptablaðið segir jafnframt að Björgólf-
ur sé talinn eiga í rússnesku prentsmiðj-
unni Typographia-MDM í gegnum
erlent dótturfélag Bell Global. Prent-
smiðjan er meðal þeirra stærstu í
Rússlandi.
Gjaldþrot Björgólfs er langstærsta
gjaldþrot einstaklings á Íslandi frá
upphafi, meira en hundraðfalt gjald-
þrot viðskiptafélaga hans, Magnús-
ar Þorsteinssonar, sem nam tæpum
milljarði. - sh
Landsbankinn gerir 70 milljarða kröfu í bú bankaráðsformannsins fyrrverandi:
Kröfur í bú Björgólfs 101 milljarður
BJÖRGÓLFUR GUÐMUNDSSON Var í persónuleg-
um ábyrgðum fyrir lánum nokkurra félaga.
DÓMSMÁL Hæstiréttur hefur stað-
fest tólf mánaða fangelsisdóm yfir
pólskum manni sem sótti fyrir
tæpu ári sendingu í tollafgreiðslu
sem hann taldi innihalda tæpt kíló
af amfetamíni. Lögregla hafði þá
fjarlægt fíkniefnin.
Maðurinn sagðist ekki hafa
skipulagt smyglið og bar við að
Lithái nokkur, Igor að nafni, hefði
fengið hann til verksins. Hann
sagðist hins vegar nær engin
deili vita á honum. Héraðsdómi
þótti mikill ólíkindablær á þeirri
sögu og sakfelldi manninn, enda
viðurkenndi hann að hafa ætlað
að sækja fíkniefni í tollafgreiðsl-
una. - sh
Hæstiréttur staðfestir dóm:
Eins árs dómur
fyrir fíkniefni
EFNAHAGSMÁL Uppsveiflu á hluta-
bréfamörkuðum lýkur á seinni
hluta árs, að
mati hagfræð-
ingsins Nour-
iels Roubini.
Hann hélt erindi
á ráðstefnunni
Asian Financi-
al Forum í Hong
Kong.
Roubini segir
slaka í peninga-
stjórn þar sem
stýrivextir hafa lækkað hratt og
fjármagni ausið í hagkerfið hafa
skilað sér í 73 prósenta hækk-
un MSCI-heimsvísitölunnar frá í
mars. Verði stýrivöxtum haldið
lágum lengur er hætta á harkalegri
verðleiðréttingu á seinni hluta árs,
að því er Bloomberg-fréttastofan
hefur úr erindi Roubinis. - jab
Hagfræðingurinn Roubini:
Spáir lækkun á
seinni hluta árs
NOURIELS
ROUBINI
HONDÚRAS, AP Porfirio Lobo, sem
brátt tekur við forsetaembætti
í Hondúras, hefur samið við
Dóminíska lýð-
veldið um að
taka við Manu-
el Zelya, fyrr-
verandi for-
seta landsins,
sem var steypt
af stóli nú í
sumar.
Zelya var
rekinn úr landi
í júní, en sneri
aftur á laun í lok september og
hefur síðan haft hæli í brasil-
íska sendiráðinu í höfuðborg-
inni Tegucigalpa.
Lobo vann sigur í forseta-
kosningum í lok nóvember, en
tekur við embættinu 27. janúar.
- gb
Forsetaskipti í Hondúras:
Zelya sagt að
yfirgefa landið
PORFIRIO LOBO
að borgarmálum að tryggja áframhaldandi góðaokkar sem störfum
rgarbúa með hag heimila og velferð þeirra í fyrirrúmi.þjónustu við bo
álin hafa sjaldan eða aldrei verið mikilvægari en nú. Ég hef Velferðarm
um árangri í þeim málaflokki á liðnu kjörtímabili og fái ég tilnáð góð
mboð mun ég vinna áfram að þessum málum með grunngildiþess u
æðisflokksins að leiðarljósi.Sjálfst
óska eftir þínum stuðningi í 3. sætið og heiti því að gera mitt allra Ég
esta í þágu Reykvíkinga.b
orun
EFNAHAGSMÁL Birkir Jón Jónsson,
varaformaður Framsóknarflokks-
ins, fagnar því að stjórn og stjórn-
arandstaða ræði um Icesave. Fram-
sóknarflokkurinn hafi kallað eftir
því í eitt og hálft ár. Hann segir
liggja fyrir að undirbúa næstu
skref verði Icesave hafnað í þjóðar-
atkvæðagreiðslu, líkt og allt bendi
til. Forystumenn flokkanna héldu
fund í gær um málið og sat Birkir
hann í fjarveru formanns flokks-
ins.
Hann segir ekkert nýtt hafa
komið fram í málinu. „Í raun og
veru er ekki komið neitt svar frá
Bretum eða Hollendingum um það
hvort þeir séu tilbúnir í viðræður,
heldur þvert á móti. Ég held að það
sé skynsamlegt að við ræðum um
málið eins og það lítur út og við
framsóknarmenn göngum út frá
því að þetta mál endi í þjóðarat-
kvæðagreiðslu.“
Steingrímur J. Sigfússon fjár-
málaráðherra segir að þreifingar
hafi átt sér stað við Breta og Hol-
lendinga. Staðan sé að skýrast og
hann vonist til að hún skýrist enn
frekar um helgina.
Hann segir fundina með stjórn-
arandstöðunni hafa verið gagnlega.
„Við erum búin að ganga frá því
hvernig við ætlum að haga verklag-
inu af okkar hálfu ef til þess kemur
og höfum rætt málin heil mikið. Við
höfum verið að átta okkur á því
hvar við stöndum.“
Steingrímur segir það augljóst
að staða Íslendinga verði þeim
mun styrkari því betur samstíga
sem þeir séu. En er að nást sam-
staða um að greiða lágmarkstrygg-
ingu, 20.887 evrur? Birkir Jón segir
Íslendinga eiga að standa við sínar
skuldbindingar. Flokkurinn vilji láta
reyna á Ragnars H. Hall-ákvæð-
ið, sem muni bæta stöðu landsins.
„Einfaldlega eru menn ekki komnir
það langt í þessum viðræðum þvert
á flokka að þeir nái samstöðu um
slíkt.“ kolbeinn@frettabladid.is
Engin svör við þreif-
ingum um viðræður
Varaformaður Framsóknarflokksins býst við að þjóðaratkvæðagreiðsla um Ice-
save fari fram. Engin svör hafa borist við þreifingum við Breta og Hollendinga
um viðræður. Fjármálaráðherra vonast eftir að málið skýrist um helgina.
FR
ÉTTA
B
LA
Ð
IÐ
/STEFÁ
N
BÝÐUR TIL FUNDAR
Jóhanna Sigurðardótt-
ir fékk forystumenn
stjórnmálaflokkanna til
fundar við sig um Iceave í
stjórnarráðinu í gær.
VEISTU SVARIÐ?