Fréttablaðið - 22.01.2010, Qupperneq 16

16 22. janúar 2010 FÖSTUDAGUR
Aðeins 0,3 prósent af tekj-
um ríkisins af skatti á laun
einstaklinga kemur frá fólki
sem fellur í fyrsta skatt-
þrepið í nýju þrepaskiptu
skattkerfi sem innleitt var
um áramót. Langsamlega
stærstur hluti íslenskra
launamanna fellur í annað
skattþrepið. Þeir 11 þúsund
einstaklingar sem falla í
þriðja skattþrepið greiða
samanlagt tæpan þriðjung
af tekjuskatti einstaklinga.
Um áramót tóku gildi viðamiklar
breytingar á tekjuskattskerfinu.
Í stað þess að greiða flatan tekju-
skatt greiða landsmenn nú skatt í
þremur þrepum.
Mikið álag hefur verið á starfs-
mönnum ríkisskattstjóra vegna
breytinganna, segir Skúli Eggert
Þórðarson ríkisskattstjóri. Þá hafa
hugbúnaðarframleiðendur sem
reka kerfi fyrir launaútreikninga
fyrirtækja þurft að gera miklar
breytingar á sínum kerfum.
Skúli segir að mikið af fyrir-
spurnum hafi borist ríkisskatt-
stjóra vegna breytinganna, bæði
frá skattgreiðendum og framleið-
endum tölvukerfa sem reikna á
endanum út skattgreiðslur hjá
launagreiðendum.
Nýja skattkerfið er talsvert
flóknara en fyrra kerfi, sem
byggði á flötum tekjuskatti óháð
tekjum. Nú þarf launamaður að
greiða 37,2 prósent í tekjuskatt
og útsvar af fyrstu 200 þúsund
krónunum sem hann vinnur sér
inn í mánuði. Af tekjum milli 200
þúsunda og 650 þúsunda greiðist
40,1 prósents skattur og útsvar. Af
tekjum yfir 650 þúsundum greið-
ist svo 46,1 prósent í skatt til ríkis
og sveitarfélaga.
Rúmur þriðjungur undir mörkum
Samkvæmt upplýsingum frá fjár-
málaráðuneytinu er áætlað að
ríkið fái alls 93,1 milljarð króna í
tekjur vegna tekjuskatts af launum
einstaklinga. Til viðbótar er búist
við að einstaklingar greiði um sjö
milljarða króna í tekjuskatt vegna
meðal annars útgreiðslu séreign-
arsparnaðar á árinu.
Um 258 þúsund einstaklingar
munu vinna sér inn laun á árinu,
en af þeim munu 98.600, um 38
prósent, ekki vera með tekjur yfir
skattleysismörkum, sem eru tæp-
lega 124 þúsund krónur á mánuði.
Í þeim hópi eru lágtekjufólk, aldr-
aðir, öryrkjar og skólafólk með
tekjur.
Fjármálaráðuneytið gerir ráð
fyrir því að á árinu 2010 verði um
11.900 einstaklingar með tekjur
yfir skattleysismörkum en undir
200 þúsund krónum á mánuði. Þeir
munu því eingöngu greiða skatt á
fyrsta skattþrepinu.
Áætlanir ríkisins gera ráð fyrir
því að þessir 11.900 einstakling-
ar greiði samtals 300 milljónir
króna til ríkisins af tekjum sínum
á árinu. Það eru aðeins um 0,3 pró-
sent af þeim 93,1 milljarði króna
sem áætlað er að ríkið hafi í tekj-
ur vegna skatta á launavinnu ein-
staklinga á árinu.
Meirihluti þeirra tæplega 160
þúsunda sem greiða tekjuskatt á
árinu er með tekjur á bilinu 200
þúsund til 650 þúsund krónur á
mánuði, og fellur því í annað skatt-
þrepið. Sá hópur greiðir 37,2 pró-
senta skatt af fyrstu 200 þúsund
krónunum og 40,1 prósents skatt
af því sem er umfram 200 þúsund-
in.
Í þennan hóp falla alls 136.200
einstaklingar, 85 prósent þeirra
sem greiða tekjuskattskatt á
árinu. Þessi hópur stendur enda
undir sjö af hverjum tíu krónum
sem ríkið innheimtir í tekjuskatt,
alls 65,1 milljón króna.
Áætlað er að 11.300 einstakl-
ingar verði með mánaðarlaun
yfir 650 þúsund krónum á mán-
uði á árinu 2010. Þessi hópur,
sem er alls um sjö prósent þess
hóps sem greiða mun tekjuskatt
á árinu, greiðir þriðjung af tekju-
skatti einstaklinga af launatekj-
um, alls um 27,7 milljarða króna,
samkvæmt upplýsingum frá fjár-
málaráðuneytinu.
Á að vera einfalt og gagnsætt
Skatttekjur ríkisins verða um
6,6 milljörðum króna hærri með
nýja þriggja þrepa kerfinu en þær
hefðu orðið með óbreyttu kerfi,
samkvæmt áætlun fjármálaráðu-
neytisins.
Í greinargerð með frumvarpi
um skattabreytingarnar kemur
fram að hafa verði í huga að þær
breytingar sem gera eigi á skatt-
kerfinu styrki það til frambúð-
ar og „samræmist um leið þeim
kröfum sem skilvirkt og réttlátt
skattkerfi þarf að uppfylla“. Kröf-
urnar eru meðal annars að skatt-
kerfið sé „einfalt og gagnsætt“ og
að skattbyrðin dreifist með eins
sanngjörnum hætti og hægt sé á
skattborgarana. Auk þess er æski-
legt að skattkerfið þjóni öðrum
markmiðum, svo sem að jafna
tekjudreifingu í þjóðfélaginu, að
því er segir í greinargerðinni.
Meira leiðrétt eftir á
Skúli Eggert Þórðarson ríkisskatt-
stjóri segir tæknilegar breytingar
hjá ríkisskattstjóra vegna breyt-
inga á skattkerfinu í meginatrið-
um hafa gengið vel.
Gallinn við framkvæmdina á
þrepaskiptu kerfi er að tveir hópar
skattgreiðenda eru líklegri en
áður til að greiða ýmist of mikið
eða of lítið við staðgreiðslu, með
tilheyrandi leiðréttingum eftir á,
segir Skúli. Annars vegar sé þar
um að ræða fólk sem fái laun frá
fleiri en einum launagreiðanda, en
hins vegar þá sem séu með breyti-
legar tekjur milli mánaða.
FRÉTTASKÝRING: Breytingar á skattkerfinu
FRÉTTASKÝRING
BRJÁNN JÓNASSON
brjann@frettabladid.is
Lítill hópur hátekjufólks greiðir þriðjung
27,7 milljarðar
29,8%
65,1 milljarðar
66,9%
0,3 milljarðar
0,3%
Skattgreiðslur eftir skattþrepum
Fólk með 200 þúsund
króna tekjur eða undir
Fólk með 200 þúsund til
650 þúsund króna tekjur
Fólk með yfir
650 þúsund
króna tekjur
Skattþrep Tekjur á mánuði Skatthlutfall Útsvar* Skattur samtals
1. þrep 0 til 200 þúsund 24,1% 13,1% 37,2%
2. þrep 200 til 650 þúsund 27% 13,1% 40,1%
3. þrep Yfir 650 þúsund 33% 13,1% 46,1%
*Meðalútsvar
Tekjuskattur einstaklinga
Upphæð Skatthlutfall Greiðsla
Fyrsta skattþrep 200.000 37,2% 74.400 krónur
Annað skattþrep 450.000 40,1% 180.450 krónur
Þriðja skattþrep 100.000 46,1% 46.100 krónur
Samtals 300.950 krónur
Persónuafsláttur 44.205 krónur
Skattgreiðsla samtals 256.745 krónur
*Miðað er við 750 þúsund króna skattskyld laun eftir
að dregið hefur verið frá iðgjald í lífeyrissjóð.
Skattgreiðslur af 750 þúsund króna launum*
Hlutfall skattgreiðenda
7,1% 7,5%
85,4%1. skattþrep
2. skattþrep
3. skattþrep
400.000
350.000
300.000
250.000
200.000
150.000
100.000
50.000
0
Mánaðartekjur
250 þúsund
Mánaðartekjur
500 þúsund
Mánaðartekjur
750 þúsund
Mánaðartekjur
ein milljón
Dæmi um breytingar á skattgreiðslum einstaklinga
Staðgreiðsla í janúar 2009
Staðgreiðsla í janúar 2010
47.075 46.283
Kr
ón
ur
136.355 142.571 225.635 243.059 314.915 353.747
Eftir að breytingarnar á skattkerfinu tóku gildi
greiða þeir sem eru með lægstu tekjurnar
lægri skatta en áður. Til dæmis greiðir
einstaklingur með 250 þúsund krónur í laun
á mánuði 46.283 krónur í skatt til ríkis og
sveitarfélags, en greiddi áður 47.075 krónur.
Þeir sem hafa hærri tekjur greiða hærri
skatta en áður, eins og sjá má í meðfylgj-
andi súluriti. Maður með 500 þúsund krón-
ur á mánuði greiðir rúmlega sex þúsund
krónum meira til ríkisins á mánuði en áður.
Meiru munar þegar tekjurnar eru komnar
yfir 650 þúsund krónurnar. Skattgreiðslur
af 750 þúsund króna mánaðarlaunum
aukast um rúmlega 17 þúsund á mánuði,
og af milljón króna launum þarf að greiða
tæplega 39 þúsundum króna meira á
mánuði í skatt.
Skattgreiðslur umtalsvert hærri hjá hátekjufólki
MILLJÓNIR BEINT Í VASANN
Tryggðu þér miða á www.hhi.is, í síma 8OO 6611
eða hjá næsta umboðsmanni.