Fréttablaðið - 22.01.2010, Page 24
22. janúar 2010 FÖSTUDAGUR2
„Ég ætla að elda svínalund með
kartöflum og grænmeti á bónda-
daginn en það finnst Sveini mjög
gott,“ segir Kristín og eiginmað-
urinn horfir þakklátum augum á
konu sína. „Þetta er mjög góður
matur eins og allur matur sem hún
býr til. Fólk er alveg hissa hvað ég
er grannur miðað við allar kræs-
ingarnar,“ segir Sveinn hlæjandi
og bætir því við að Kristín sé mikil
húsmóðir. „Já, mér finnst gaman
að elda og nostra við mat þegar ég
er í þannig skapi en það er nú ekki
alltaf,“ segir hún brosandi.
Verkaskiptingin á heimilinu er
skýr. „Ég elda því Sveinn kann
lítið fyrir sér í þeim efnum. Hins
vegar leggur hann alltaf á borðið
og þegar við erum búin að borða
gengur hann frá og ég sest bara í
hægindastól eins og prinsessa og
les blöðin frá því um morguninn.“
Hvað eruð þið búin að vera gift
í mörg ár? „Fjörutíu og fimm ár
og erum ekki farin að rífast enn
þá,“ segja þau hjónin nánast sam-
róma.
Hver er galdurinn á bak við
svona langt hjónaband? „Það er
virðing og ást – að bera virðingu
fyrir makanum og elska hann.
Það skiptir máli að vera góður
við maka sinn og reyna að láta
honum líða vel í blíðu og stríðu,“
segir Sveinn. Kristín tekur undir
þetta og segir að það skipti einnig
máli að styðja við bakið á makan-
um, ekki síst í erfiðleikum. „Sumt
getur maður ekki þakkað,“ segir
Sveinn og lítur hlýlega á Kristínu
sem tekur undir það. „Það er bara
þannig að ef annað okkar er ein-
hvers staðar, þá er hitt það líka,“
segir hann og þau hlæja bæði.
„Við leggjum mikið upp úr sam-
vinnu og leysum vandamál í bróð-
erni. Ef svo ber undir er það eina
sem við getum þá verið er að vera
sammála um að vera ósammála,“
segir Kristín og brosir. Þessi sam-
hentu hjón voru sammála um eitt
þegar litið var um öxl: „Tíminn
hefur bara verið allt of fljótur að
líða. Þetta hafa verið einstök 45
ár.“ unnur@frettabladid.is
Hafa verið einstök 45 ár
Kristín Björk og Sveinn Scheving hafa ræktað ástina og hjónabandið í 45 ár og í raun er hver dagur
bóndadagur og konudagur. Kristín eldar fyrir Svein á opinbera bóndadaginn.
svínalund
olía
adobo seasoning-krydd
svartur pipar úr kvörn
smjör, til steikingar
Svínalundin er fitu-
hreinsuð, skorin í tvennt
og velt upp úr olíu
ásamt Adobo season-
ing-kryddi og svörtum
pipar úr kvörn. Velta
þarf svínalundinni vel
upp úr þessari blöndu
og geyma hana svo í
kæli yfir nótt. Lundin er
smjörsteikt á pönnu til
að loka kjötinu en síðan
sett í eldfast mót ásamt
smjörinu sem lundin var
steikt upp úr og bökuð
í ofni í 20 til 25 mínútur
á 180-200° C. Svína-
lundin er borin fram
með soðnum kartöflum
(mega vera brúnaðar),
maísbaunum, fersku
salati og hvítlaukssósu
frá Argentínu (einnig
má búa til góða rjóma-
sósu).
BÓNDADAGSMÁLTÍÐ KRISTÍNAR
Svínalundir FYRIR HÚSBÓNDANN
ÞORRINN byrjar í dag á
bóndadegi sem ávallt hefst
á föstudegi í 13. viku vetrar.
Kristín gefur Sveini
ljúffengan mat á
bóndadaginn.
FR
ÉT
TA
B
LA
Ð
IÐ
/S
TE
FÁ
N
Í tilefni áttræðisafmælis Hótels Borgar býður Silfur upp á
tilboðsmatseðil með ljúffengum afmælisréttum þar sem
val er milli tveggja forrétta og tveggja aðalrétta og endað á
578 2008