Fréttablaðið - 22.01.2010, Page 32

6 föstudagur 22. janúar
✽
b
ak
v
ið
tj
öl
di
n
Á meðan Unnur Ösp
Stefánsdóttir sýnir
á sér óvæntar hliðar í
hlutverki hinnar sak-
lausu Grétu í Faust æfir
eiginmaðurinn, Björn
Thors, stíft fyrir metn-
aðarfulla uppsetningu á
Gerplu, sem verður frum-
sýnd í febrúar. Í samtali
við Föstudag ræða þau
meðal annars um fram-
tíðina í leikhúsinu og eft-
irminnilegustu hlutverk
hinn helmingsins.
Viðtal: Hólmfríður H. Sigurðardóttir
Ljósmyndir: Valgarður Gíslason
Þ
essa dagana væri
engin vanþörf á klón-
un fyrir hjónin Unni
Ösp Stefánsdóttur og
Björn Thors. Unnur
leikur eitt aðalhlutverkanna í upp-
færslu Vesturports á Faust í Borg-
arleikhúsinu, sem er um þessar
mundir sýnt oft í viku fyrir fullu
húsi. Þar að auki leikur hún í Fjöl-
skyldunni, sem ekki síður en Faust
hefur fengið prýðisdóma og verið
sýnt fyrir fullu húsi um nokkurt
skeið. Eins og þetta sé ekki nóg
standa nú einnig yfir tökur á sjón-
varpsþættinum Rétti, sem Unnur
leikur í og svo er hún að hefja æf-
ingar á Dúfunum í Borgarleikhús-
inu.
Víkjum þá að Birni. Nú standa
yfir sýningar á Brennuvörgunum
í Þjóðleikhúsinu, sem Björn leikur
eitt aðalhlutverkanna í. Á daginn
æfir hann stíft fyrir Gerplu, leik-
riti sem byggt er á stórverki Hall-
dórs Laxness, í leikstjórn Baltasars
Kormáks.
Hittast þau nokkurn tímann,
hjónin? „Við mergsjúgum bara
þær fáu stundir sem við höfum,“
segir Unnur Ösp, sem er mætt á
undan eiginmanninum til fundar-
ins. Hann er á æfingu í næsta húsi,
í Þjóðleikhúsinu. „Á svona anna-
tímum eru gæðastundirnar okkar
þegar við erum heima hjá okkur.
Kvöld í sófanum og góður matur
er algjör lúxus. Þá er enginn hvers-
dagsleiki í gangi og maður nýtir
samverustundirnar bara betur.“
Sonurinn Dagur fær að vera hjá
ömmum sínum og öfum þegar for-
eldrarnir eru í leikhúsinu. „Ef við
ættum ekki svona hjálpsama og
góða foreldra veit ég satt best að
segja ekki hvernig ástandið væri.
Við höfum verið svo lánsöm að
hann hefur ekki þurft að vera í
pössun úti um allan bæ, því heim-
ili þeirra eru eins og annað heim-
ili fyrir hann. Og þótt tarnirn-
ar séu langar þá kemur á móti að
við erum í löngu fríi á sumrin og á
milli sýninga. Þá fer hann minna á
leikskólann og er bara að dúlla sér
með okkur.“
ÁTÖK Á ÆFINGUM
Nú kemur Björn stormandi inn,
með glóðarauga á hægra auga.
„Bara smá slys á æfingu,“ segir
hann og fær sér bita af fisknum
sem Unnur hefur pantað fyrir
hann, enda ekki nema hálftíma
æfingapása og enginn tími til að
hanga yfir matseðlinum. Unnur er
afslappaðri þetta hádegið, enda í
andlegum undirbúningi fyrir átök
kvöldsins.
Faust er engin venjuleg leik-
sýning, enda Vesturport heldur
óvenjulegur leikhópur. Sýningin
reynir verulega á líkamlega burði
leikaranna, ekki síður en leikhæfi-
leikana. Það er enda áberandi við
bæði Unni og Björn hvað þau eru
í góðu líkamlegu formi, lipur og
virðast troðfull af orku. Þetta ein-
kennir marga þá leikara sem koma
að sýningum Vesturports, enda
teygir sviðið sig oftar en ekki upp
um veggi, ofan í gólf og upp í loft
og leikararnir með. Æfingaferlið
fyrir Faust snerist því um líkams-
rækt, ekki síður en að læra línurn-
ar. „Þetta var náttúrlega lúxus fyrir
letiblóð eins og mig, sem nennir
aldrei í líkamsrækt. Það er erfitt að
leggja svona mikið á sig líkamlega
uppi á sviði en um leið einfaldar
það manni aðgang að tilfinning-
um sínum. Með fullri virðingu fyrir
raunsæisdrama er það gefandi og
mikið kikk að hanga sveittur á
hvolfi að tala um að maður sé sjúk-
ur í einhvern, tilfinningarnar verða
stærri og sannari. Unglingarnir til
dæmis elska þetta. Þeim finnast
trixin og sjóvið svo skemmtilegt og
um leið erum við að kynna heims-
bókmenntirnar fyrir nýrri kynslóð.
Það að það skuli vera uppselt á tut-
tugu sýningar á Faust finnst mér
afrek og var alls ekki fyrirséð.“
SPILLTA GÓÐA STELPAN
Unnur leikur hina ljúfu og góðu
Grétu í sýningunni. Að leika
hjartahreina og góða manneskju,
reyna að túlka í henni blæbrigð-
in og glæða hana lífi segir hún
mikla áskorun. Lesendur sem eiga
eftir að sjá verkið og vilja ekki láta
spilla fyrir sér ættu ekki að lesa
næstu setningu: Í verkinu spill-
ist hin góða Gréta og drepur meira
að segja bróður sinn fyrir ástina.
„Þessi sena var ákveðin tveimur
dögum fyrir frumsýningu og koll-
varpaði karakternum. Það er svo
mikið kikk að vinna svona. Þó að
frumsýningin sé búin erum við
hvergi nærri hætt að þróa verkið.
Gísli Örn leikstjóri er svo skapandi
og spennandi leikstjóri, hann er
stöðugt leitandi og opinn fyrir hug-
myndum frá hópnum. Umfram allt
er hann þvílíkt inspírerandi og ögr-
andi og krefur mann um að gera
hluti sem maður hélt kannski að
maður gæti ekki. Við ætlum að
halda áfram að þróa sýninguna og
eigum vonandi eftir að sýna hana
um allan heim.
Þetta er í fyrsta sinn sem Unnur
æfir verk frá grunni með Vestur-
porti, þótt hún hafi verið viðloð-
andi hópinn og stokkið inn í sýn-
ingar af og til. Meðal annars léku
þau Björn í Hamskiptunum í heil-
an vetur í Bretlandi. „Ég var him-
inlifandi að vera beðin um að vera
með, því það er allt annað mál að
taka þátt frá upphafi. Og ekki verra
að það skyldi vera Faust. Allir hafa
skoðun á Faust! Þess vegna kemur
mér eiginlega á óvart hvað við
höfum fengið jákvæða gagnrýni
og viðtökur. Þetta er heilagt verk,
mjög flókið og við erum að leika
það á einum og hálfum tíma.“
STYTTIST Í FRUMSÝNINGU
Björn er ekki með í uppfærslu Vest-
urports á Faust. Er ekki pínulítið
leiðinlegt að vera ekki með? „Jú,
mann langar alltaf að vera með
í hópnum þegar maður sér flotta
sýningu,“ segir hann. „Og þetta
er frábær sýning.“ Hann hefur
þó nóg af krefjandi verkefnum
til að einbeita sér að sjálfur. Ger-
pla á hug hans allan en æft er alla
daga fyrir frumsýningu eftir tæpan
mánuð. „Það er auðvitað mikið í
húfi. Gerpla Laxness byggir á Fóst-
VIÐBURÐARÍKASTA ÁR LEIK
Besti leikari allra tíma:
Meryl Streep og Philip
Seymour Hoffman.
Eftirlætisleikverk:
Hver er hræddur við
Virginíu Wolf? eftir
Edward Albee og Ég
er meistarinn
eftir Hrafnhildi
Hagalín.
Land sem þú
átt örugg-
lega eftir að
heimsækja:
Langar að
ferðast um
heimsálfurn-
ar Afríku og
Suður-Amer-
íku. Á það pott-
þétt eftir.
Leynd perla í Reykjavík:
Litla húsið mitt og Kaffi-
smiðjan Frakkastíg.
Fallegasti staður á
Íslandi:
Ásbyrgi.
Fyrirmynd þín í
lífinu:
Allir sem láta
eitthvað gott
af sér leiða,
láta drauma
sína rætast og
reyna að bæta
heiminn á einn
eða annan
hátt.
Mörg andlit Unnur Ösp Stefánsdóttir og Björn Thors eru ekki bara leikfélagar heldur líka hjón. Þau kunna að bregða sér í hin ýmsu líki, eins og sjá má á fjölbreytilegum hlutverkum sem þau leika um þessar mundir í leikhús-
um höfuðborgarinnar. FRÉTTABLAÐIÐ/VALLI
Unnur ÖspERTU ORKULAUS?
Viltu finna orkubreytingu
STRAX!
Fæst í apótekum, heilsubúðum og
heilsuhillum flestra stórmarkaða.
Énaxin total er frábær
jurtaformúla með Rhodiolu
ásamt dagskammti af
vítamínum og steinefnum
Þægilegt, aðeins 1 tafla á dag