Fréttablaðið - 22.01.2010, Síða 58
38 22. janúar 2010 FÖSTUDAGUR
FÓTBOLTI Helgi Valur Daníels-
son hefur leikið frábærlega með
sænska úrvalsdeildarfélaginu Elfs-
borg og sú frammistaða hefur nú
skilað honum sínum stærsta samn-
ingi á ferlinum.
Helgi Valur segist hækka í laun-
um um rúmlega helming frá því
sem áður var. Hann segir gott að
uppskera eftir erfiða leið í góðan
samning.
„Þetta er miklu betri samning-
ur en ég hef áður fengið og lang-
stærsti samningur sem ég hef gert.
Ég fæ rúmlega helmingi meira
greitt hér en í Svíþjóð. Það er mik-
ilvægt þegar það eru ekki mörg ár
eftir af ferlinum og maður kominn
með fjölskyldu,“ segir Helgi Valur
sem upplifði ýmislegt á árunum í
Svíþjóð.
Aldrei verið á stórum samningi
„Ég hef aldrei verið á neinum
stórum samningum og þurft að
fara erfiðu leiðina í þessu. Ég var
hjá Öster og féll um tvær deildir
á tveimur árum. Fór svo þaðan til
Elfsborg og hef í raun aldrei verið
í góðri samningsstöðu fyrr en nú.
Mér finnst ég hafa unnið fyrir
þessu. Þetta var ekki auðvelt en
það kemur að því að manni tekst
að standa sig og ná stöðugleika.
Það skilar síðan einhverju góðu en
auðvitað þarf að vera heppni líka,“
segir Helgi Valur sáttur.
„Það er gott að þessu sé lokið.
Þeir byrjuðu að skoða mig síðasta
sumar og gerðu tilboð í mig þá.
Það gekk ekki eftir. Svo hafa þeir
verið í sambandi síðan og aldrei
misst áhugann. Ég er á mínu síð-
asta ári hjá Elfsborg og því áttu
þeir erfitt með að hafna tilboði í
mig núna því annars hefðu þeir
misst mig án greiðslu,“ segir Helgi
Valur en hann hefur allan tímann
verið mjög spenntur fyrir því að
fara til Þýskalands.
Vildum komast frá Svíþjóð
„Auðvitað leið mér samt vel hjá
Elfsborg og ekki yfir neinu að
kvarta þar. Það voru aðrir þætt-
ir, eins og að konunni minni gekk
illa að fá vinnu, sem gerðu það að
verkum að við vorum til í að yfir-
gefa staðinn. Við vorum ekki alveg
nógu ánægð með lífið og vildum
breyta til,“ segir Helgi en hann
var ánægður með hversu mikinn
áhuga Hansa hafði á sér.
„Hansa vildi virkilega fá mig og
eftir að hafa skoðað aðstæður hér
var þetta aldrei spurning um að
fara. Þetta er skref upp á við fyrir
mig enda stærri deild þó svo að
þetta sé svipað sterkt fótboltalið að
ég held. Hér eru líka aðrir mögu-
leikar. Liðið vill fara upp og ætlar
upp en þar var það lengi. Svo er
vel fylgst með mönnum sem spila
hérna,“ segir Helgi Valur en Hansa
Rostock fer tæplega upp um deild í
vetur enda í 13. sæti af 18 í þýsku
B-deildinni. Liðið er að sama skapi
ekki í mikilli fallhættu.
Hansa Rostock stefnir upp
„Veturinn í fyrra gekk illa en liðið
stefnir upp næsta vetur. Þetta er
félag sem vill vera á meðal þeirra
bestu,“ sagði Helgi Valur sem
vonar að þýski boltinn henti sér
vel.
„Ég veit að hann er mjög skipu-
lagður. Mikið er lagt upp úr því að
menn vinni vinnuna sína og séu
í góðu líkamlegu ástandi. Það er
kannski ekki mikil tækni í þessum
bolta en meiri liðsheild og skipu-
lag að þýskum hætti. Það hljómar
allt vel og vonandi fell ég vel inn
í þennan bolta,“ segir Helgi Valur
sem mætir á sína fyrstu æfingu á
mánudag. henry@frettabladid.is
Þetta er minn langstærsti
samningur á ferlinum
Landsliðsmaðurinn Helgi Valur Daníelsson hefur skrifað undir samning við
þýska B-deildarfélagið Hansa Rostock til ársins 2013. Helgi segir þetta vera sinn
fyrsta stóra samning og hann telur sig hafa unnið vel fyrir honum.
SÁTTUR Í ÞÝSKALANDI Helgi Valur er afar ánægður með samninginn sem hann gerði
í Þýskalandi enda hækka launin talsvert. FRÉTTABLAÐIÐ/ANTON
FÓTBOLTI KR-ingar gengu frá
lánssamningi á markverðin-
um Þórði Ingasyni frá Fjölni í
gær. Þórður verður í láni
hjá KR út næsta sumar.
Hann er kominn með
leikheimild og gæti
leikið gegn Fjölni á
laugardag.
„Við ætlum okkur
að vera með tvo góða
markverði hjá okkur í
sumar og Þórður er annar
þeirra. Við erum enn í við-
ræðum um að fá Japanann.
Gangi það ekki eftir þá
leitum við að öðrum mark-
verði,“ segir Logi Ólafsson,
þjálfari KR, en KR hefur
lánað markvörðinn Atla Jón-
asson frá félaginu.
„Það er ekkert ákveð-
ið hvort Þórður verður á
bekknum eða í liðinu. Við
viljum hafa tvo góða og
sá betri hverju sinni
spilar.“
Logi er hrifinn af
Þórði. „Ég hef fylgst
lengi með honum og
hann var eitt sinn tal-
inn með efnilegri mark-
vörðum landsins. Við telj-
um mikið í hann spunnið og
getum veitt honum þjálfun
sem ætti að bæta hann sem
markvörð.“
- hbg
KR-ingar fengu Þórð Ingason lánaðan frá Fjölni:
Viljum tvo góða markverði
FERILLINN HANS HELGA
VALS DANÍELSSONAR
1998 Fylkir (B-deild) 1/0
1998-2000 Peterborough (C) 1/0
2000 Fylkir (A) 17/1
2000-2003 Peterborough (C) 55/2
2003-2005 Fylkir (A) 52/4
2006 Öster, Svíþjóð (A) 20/1
2007 Öster (B) 28/4
2008 Elfsborg, Svíþjóð (A) 24/0
2009 Elfsborg (A) 28/1
SÝND Í SAMBÍÓUNUM UM LAND ALLT!
FRÉTTABLAÐIÐ / B. S.
FACEBOOK / J.I.K
Stærstu atburðir helgarinnar gerðir upp
á hnitmiðaðan hátt.
STÓRAUKIN
íþróttaumfjöllun
á mánudögum í Fréttablaðinu
Auglýsingasími 512 5401