Fréttablaðið - 23.01.2010, Blaðsíða 30

4 FERÐALÖG
O
kkur Þorfinn langaði
til að fara frá Íslandi
um tíma og skipta um
umhverfi,“ segir Ástrós
Gunnarsdóttir danskennari, dans-
höfundur og Pilates kennari en hún
og maður hennar Þorfinnur Ómars-
son eyddu síðastliðnum vetri í Suður-
Ameríku. „Við höfðum bæði löngun
til að kynnast rómönsku Ameríku.
Hann var búinn að vera í sínu öðru
mastersnámi við HR í alþjóðavið-
skiptum og átti að taka eitt misseri
einhvers staðar erlendis.
Ég hins vegar er í tengslaneti
Pilates-kennara sem lært hafa hina
upprunalegu tækni frá réttum aðil-
um og hafði því samband við höf-
uðstöðvarnar og bað um að það
yrði kannað hvort einhvern vant-
aði kennara, helst einhvers staðar
þar sem væri heitt,“ útskýrir hún
og hlær.
„Upp kom Aliza Cohen í Panama
og hún var afskaplega glöð þegar
ég vildi koma því hana bráðvant-
aði kennara. Þorfinnur var hjá mér
fyrstu tvo mánuðina en fór svo til
Búenos Aíres í námið sitt og ég
heimsótti hann þangað í október.
Hann kom svo aftur til Panama
í desember eftir að hann kláraði
námið.“
Alveg eins og í paradís
„Mér hefur líkað veran hér afskap-
lega vel, fólkið er indælt, landið er
gullfallegt og veðrið er alltaf gott,“
segir Ástrós en það sem kom henni
mest á óvart var hversu sterkt gyð-
ingasamfélag er í Panama. „Konan
sem ég vinn fyrir er gyðingur og
stúdíóið er í gyðingahverfi þannig
að ég hef kynnst þessu fólki vel.“
Ævintýralegast hefur Ástrós þótt
hinir fjölmörgu staðir í landinu
sem líkjast hinni ímynduðu parad-
ís okkar mannfólksins. „Þetta eru
staðir sem eru ómengaðir af túr-
isma, fullir af pálmatrjám, blóm-
um og ávöxtum, tær sjór og hvítar
strendur. Alveg hreint ótrúlegir
staðir. Mér fannst einnig afskap-
lega gaman að koma til Búenos
Aíres, frábær borg sem heillaði
mig mikið.
Auk þess áttum við yndisleg jól
hér með sonum okkar, fórum meðal
annars með þeim um Perlueyjar og
ýmislegt fleira. Þeir voru auðvitað
alsælir eftir kuldann og myrkrið á
Íslandi.“
Heillaðist af leikhúsinu
Ástrós fór á sýningu í Teatro Nac-
ional í Panama-borg og heillað-
ist upp úr skónum. „Þá datt mér
í hug að það gæti orðið gaman að
setja upp sýningu þar. Nærtæk-
ast var að setja upp verkið Systur,
þar sem sýningin er einföld í upp-
setningu. Við erum einungis þrjú
sem komum fram á sviði og þar
af vorum við tvö stödd hér í Pan-
ama. Lára Stefánsdóttir og Guðni
Franzson bættust í hópinn síðustu
vikuna og þá var sýningin klár. Svo
nýttum við tækifærið með þeim og
tókum upp filmubúta fyrir næsta
verk sem við setjum upp á Lista-
hátíð í vor, Bræður.“ Ástrós segir
íslenskan dans hafa fallið í kramið
hjá hinum danselsku Suður-Amer-
íkönum. „Fólki fannst þetta öðru-
vísi dansverk en það er vant að sjá
en allir skemmtu sér vel.“ Parinu
Ástrós og Þorfinni líst ekkert sér-
staklega á að koma aftur heim eins
og ástandið og stemningin er hér
núna. „En að sjálfsögðu verður afar
gaman að hitta fjölskyldu og vini og
mín bíða spennandi verkefni í vetur
og fram á vor.“
Spennandi vor í vændum
„Ég þarf að sinna störfum heima
sem ég er skuldbundin, bæði
kennslu við Listdansskóla Íslands
og svo er það nýtt verk sem við
Lára setjum á svið Þjóðleikhúss-
ins sem er sjálfstætt framhald af
Systrum og heitir Bræður. Það verk
fer upp í maí og verður sýnt sem
hluti af Listahátíð og við verðum
með bæði íslenska og erlenda flytj-
endur. Að auki mun ég kenna Pilat-
es, hóptíma og einkatíma.“
SÝNDU Í PANAMA
Ástrós Gunnarsdóttur og Þorfi nn Ómarsson langaði til að skipta um umhverfi og
úr varð borgin Panama í Suður-Ameríku. Anna Margrét Björnsson fékk að heyra um
ævintýralega dvöl í fjarlægri borg.
Sátt og sæl Þorfinni og Ástrós hefur líkað
veran í Suður-Ameríku afskaplega vel.
Falleg fjölskylda Þorfinnur og Ástrós ásamt sonum sínum í jólafríinu.
Teatro Nacional í Panama
Ástrós og Lára í hinu stór-
glæsilega leikhúsi þar sem
þær sýndu Systur.
Laugavegi 86 | Opið 11-18 virka d. | 12-16 laugard.
afsláttur í janúar
25%
Allt að 50% afsláttur af völdum sýningareintökum.
Fyrstur kemur fyrstur fær...
Hringdu í síma
ef blaðið berst ekki