Fréttablaðið - 23.01.2010, Blaðsíða 71
LAUGARDAGUR 23. janúar 2010 43
Magnús Scheving er með sérstakt
próf sem hann leggur fyrir lúxus-
hótelin sem hann gistir á. Það kall-
ast „poppkorns-prófið“. Aðeins
tvö hótel hafa staðist þetta próf en
það byggist á því að Magnús, oft-
ast kenndur við Latabæ, biður um
skál af poppkorni sem hann getur
fengið sér úr á meðan hann horfir
á kvikmyndir inni á hótelherbergi.
Þetta kemur að minnsta kosti fram
í nýrri grein Wall Street Journal
undir fyrirsögninni „Hinir litlu
hlutir“ sem birtist í gær.
Í greininni eru teknir tali tveir
menn úr viðskiptalífinu sem hafa
þurft að ferðast mikið undanfar-
in ár. Og þeir beðnir að segja frá
hvernig sambandi þeirra sé hátt-
að við starfsfólk þeirra lúxushót-
ela sem þeir dveljast á en það eru
Magnús og Indverjinn Ranjit Mur-
ugason sem eru teknir tali. Í grein-
inni kemur fram að Magnús gistir
á þrjátíu hótelum um allan heim
á hverju ári. Og njóti þess vegna
fríðinda sem hinn venjulegi gest-
ur geti einungis látið sig dreyma
um.
Þannig greinir Wall Street
Journal frá því að á hinu glæsilega
hóteli L‘Ermitage í Los Angeles
sjái hótelstjórinn Christine Grimm
um að það sé alltaf hlaupabretti í
herbergi Magnúsar og skál full af
ávöxtum. „Hún hefur hreinsað
bletti af jakkanum mínum, breytt
flugmiðum fyrir mig, keypt gjafir
handa fjölskyldunni og séð til þess
að bílaleigubíllinn sé til taks fyrir
utan hótelið,“ segir Magnús í sam-
tali við Wall Street Journal, eitt
stærsta viðskiptablað Bandaríkj-
anna. - fgg
Sérþarfir Magnúsar
í Wall Street Journal
NÝTUR GÓÐS AF FERÐALÖGUM Magnús Scheving fær sínar sérþarfir uppfylltar á
hótelum um allan heim ef marka má grein Wall Street Journal. FRÉTTABLAÐIÐ /GVA
„Vel heppnuð og grátbrosleg,
frábærlega leikin og mjög
„Friðriks Þórsleg”.
Dr. Gunni, Fréttablaðið
„Svona á að gera þetta, leggja
sjálfan sig undir og bingó,
Frikki er kominn til baka..“
Erpur Eyvindarson, DV
„Hárfínn húmorinn kemst vel til skila.”
Hilmar Karlsson, Frjáls verslun
„Persónusköpun og leikur eru
framúrskarandi, sjónræn umgjörð
frábær og sagan áhugaverð.”
Hjördís Stefánsdóttir,
Morgunblaðið
„Kristbjörg sýnir stjörnuleik...
myndin er fyndin og hlý. Ég gef
henni fullt hús, fimm stjörnur.“
Hulda G. Geirsdóttir,
Poppland, Rás 2
Gagnrýnendur eru á einu máli – frábær mynd frá Friðriki Þór!