Fréttablaðið - 26.01.2010, Blaðsíða 22

26. JANÚAR 2010 ÞRIÐJUDAGUR2 ● fréttablaðið ● hestavörur
Keppni í Meistaradeild VÍS í hesta-
íþróttum hefst á fimmtudaginn í
Ölfushöll klukkan 19.30 með grein-
inni smali/hraðafimi.
Meistaradeild VÍS er mótaröð
sjö móta, haldin frá lok janúar og
með hálfs mánaðar millibili fram
í apríllok. Keppendur eru úrval
bestu hestaíþróttamanna Íslands.
Mótin eru stutt og áhorfenda-
væn, spanna um það bil tvær og
hálfa klukkustund og eru oftast
haldin innanhúss.
Keppt er í sjö greinum og eru
sjö lið með þremur knöpum í
hverju. Keppt um einstaklings-
árangur auk þess sem stigahæsta
liðið vinnur liðakeppnina.
Á fimmtudaginn hefst keppnin
eins og áður sagði á smala. Eftir
tvær vikur verður keppt í fjór-
gangi, þá slaktaumatölti, gæð-
ingafimi og fimmgangi. Hinn 10.
apríl verður skeiðmót og loka-
mótið verður fimmtudaginn 22.
apríl en þá er keppt í tölti og flug-
skeiði.
Beinar útsendingar verða frá
öllum mótum í samstarfi við Hesta-
fréttir en einnig verða þættir um
deildina á RÚV.
Keppt verður í smala á fimmtudaginn í Ölfushöllinni. FRÉTTABLAÐIÐ/PJETUR
Meistaradeildin hefst
með smala í vikunni
Hann snýst kringum hesta
allan daginn, kennir og temur
og er með 45 hross á húsi,
bæði í eigin eigu og annarra.
Róbert Petersen, reiðkennari
og tamningamaður, var heim-
sóttur í Víðidalinn.
Róbert er með alhliða þjónustu við
hesta og hestafólk, leigir út pláss
með fóðrun og hirðingu og marg-
ir sækja einkatíma í reiðmennsku
hjá honum, auk þess sem hann
kennir á námskeiðum hjá Fáki.
„Ég hjálpa fólki að ná góðu sam-
bandi við hestana sína og bæta
sig í reiðmennsku,“ segir hann og
upplýsir að kvenfólk sé í miklum
meirihluta þeirra sem sækja nám-
skeiðin. „Þetta er svolítið að verða
kvennasport,“ segir hann og telur
það í samræmi við þróun í löndun-
um í kringum okkur.
„Sjálfur kveðst hann alinn upp
við hestamennsku hér í bænum.
„Einhverra hluta vegna var
maður alltaf tilbúinn að fórna öllu
öðru félagslífi fyrir hestamennsk-
una. Svo þróast þetta stig af stigi
og á endanum er maður kominn
á bólakaf í þennan heim. Ég var
einn vetur á Hólum fyrir nokkr-
um árum og kláraði þar reiðkenn-
arabraut. Nú kenni ég meira en
að temja og þetta er að þróast í að
verða fullt starf allt árið,“ segir
Róbert. „Áður datt það niður á
haustin en nú notar maður haustin
í frumtamningar og að lesa efni-
viðinn út. Þegar á líður veturinn
er meira um þjálfun ræktunar-
hrossa og undirbúning fyrir sýn-
ingar á vorin,“ lýsir hann.
Hvernig skyldi ganga að selja
hross í dag? „Markaðurinn hrundi
gersamlega innanlands þegar
krónan féll en að sama skapi opn-
aðist aftur fyrir sölu til útlanda.“
Enn segir Róbert Bandaríkja-
markað þungan en vissulega gríð-
arstóran. „Ég á vin sem starfar
við hestamennsku í Ameríku og
flakkar þar mikið á milli stór-
sýninga. Ég hef farið með honum
í tvígang og það er alveg ótrú-
legt hvað íslenski hesturinn nær
alltaf huga og hjörtum áhorfenda
umfram alla hina. Það gerir tölt-
ið, fasið og frjálslegheitin. Þetta
er einstök skepna sem við eigum.“
- gun
Þetta er einstök skepna
„Íslenski hesturinn nær alltaf huga og hjörtum áhorfenda umfram alla hina,“ segir Róbert er hann rifjar upp reynslu sína af stór-
sýningum í Ameríku. FRÉTTABLAÐIÐ/GVA
● ÍÞRÓTTAKONA MOSFELLSBÆJAR Linda Rún Pétursdóttir
var kjörin íþróttakona Mosfellsbæjar 2010, ásamt Kristjáni Þór Einarssyni
golfíþróttamanni.
Linda Rún náði þeim frábæra árangri að verða
heimsmeistari í tölti ungmenna í heimsleikum
íslenska hestsins í Sviss síðastliðið sumar, var í
2. sæti á Reykjavíkurmeistaramóti í töltkeppni
ungmenna og 1. sæti í tölti ungmenna
og í fjórgangi á félagsmóti Harðar í
Mosfellsbæ.
Linda Rún keppti einnig fyrir Íslands
hönd á Norðurlandamóti í Sví-
þjóð og lenti í 4. sæti í fjórgangi
og var valin efnilegasti knapi
ársins yfir landið 2009.
Útgefandi: 365 miðlar ehf., Skaftahlíð 24, s. 512 5000 l Umsjónarmaður auglýsinga:
Bjarni Þór Sigurðsson bjarnithor@365.is s. 512 5471
● BEIN ÚTSENDING FRÁ ÖLFUSHÖLL Hestvit ehf., fyrirtæki
Huldu Gústafsdóttur og Hinriks Bragasonar, býður áhorfendum Hestaf-
rétta upp á beina útsendingu frá sölusýningunni sem verður haldin í Ölf-
ushöll laugardaginn 30. janúar næstkomandi
klukkan 19.
Hestvit sérhæfir sig meðal annars í út-
flutningi á hrossum. Undirbúningur fyrir
sýninguna er hafinn og hægt er að skrá
hesta með því að senda tölvupóst á
elka@simnet.is.
Frítt er inn fyrir áhorfendur og veglegri
söluskrá dreift ókeypis að auki.
Þá verður sýningin í heild sinni aðgengi-
leg inni á vefsjónvarpi Hestafrétta og á
www.hest.is.
20%
afsláttur á meðan birgðir endast!
Metasys er áhrifaríkt fæðubótaefni sem hefur hjálpað
þúsundum Íslendinga við að létta sig. Að auki er Metasys
mjög heilnæmt og þykir auka orku og úthald. Þeir sem
hafa náð bestum árangri á Metasys hafa bætt inn hæfi-
legri hreyfingu og viðhaft skynsamlegt mataræði
Kíktu inn á www.metasys.is
Þú færð Metasys í heilsu- og
lyfjaverslunum og heilsuhillum
stórmarkaðanna.
100%
náttúrulegt