Fréttablaðið - 26.01.2010, Blaðsíða 26

26. JANÚAR 2010 ÞRIÐJUDAGUR
Verslunin Hestagallerí er
vel staðsett í Ögurhvarfi við
Elliðavatn því þaðan er stutt í
hesthúsahverfi og reiðleiðir.
Lúther Guðmundsson er þar
hæstráðandi.
Lúther selur allt sem viðkemur
hestum og hestamennsku, annað
en reiðskjótana sjálfa. Alltaf bæt-
ist eitthvað nýtt við. Nú eru það
þrjár týpur af hnökkum sem vekja
mesta athygli, splunkuný mél sem
eru að slá í gegn og heilsteypt
ístöð úr áli sem eru mun léttari en
þau hefðbundnu. Hnakkarnir eru
nefndir eftir landskunnum kosta-
gripum og heita Gletta, Drífa og
Frami. Fræðumst nánar um þá.
„Gletta var fræg hryssa í eigu
Sigurðar Ólafssonar söngvara.
Hún var hvít og hélt skeiðmetinu í
26 ár. Drífa er í eigu Sigurðar Sig-
urðarsonar í Þjóðólfshaga. Hún er
líka hvít og á heimsmet í hundrað
metra skeiði. Við eigum svo Frama
sem sonur minn keppti á í ungl-
ingaflokki á síðasta landsmóti og
vann,“ lýsir Lúther og bætir við:
„Það hefur verið lenska að gefa
öllum hnökkum graðhestanöfn en
við viljum gera merunum líka hátt
undir höfði.“
Þegar Lúther er spurður hvort
um nýja hönnun sé að ræða á
hnökkunum svarar hann: „Við
erum með reynslubolta í búðinni
hjá okkur sem heitir Erling Sig-
urðsson og er sonur Sigga Óla.
Hann er með puttana í öllu sem
við gerum.“ Svo nefnir hann
annan Erling til sögunnar, kyn-
bótaknapa ársins 2009. Sá er Er-
lingsson og hönnuður svokallaðra
EE méla sem Lúther kveðst vera að
markaðssetja með góðum árangri.
„Hér eru á ferðinni mél sem setj-
ast á hárréttan stað í munni hest-
anna og þeir gefa eftir mun fyrr en
áður því álagið er ekkert á tung-
una,“ segir hann sannfærandi og
upplýsir að bæði sé um hringamél
og stangamél að ræða. „Til að ná
fram sem mestri mýkt og bestri
smíði þá eru mélin öll handpúss-
uð,“ tekur hann fram og segir þetta
verkefni búið að taka gríðarlegan
tíma og kosta mikla vinnu en vera
virkilega vel heppnað. „Erlingur
er feikna næmur og einn af okkar
bestu knöpum og það verður að
segjast eins og er að þarna hefur
hann alveg hitt í mark.“
Mélin setjast á hárréttan
stað í munni hestanna
„Það hefur verið lenska að gefa öllum hnökkum graðhestanöfn en við viljum gera
merunum líka hátt undir höfði,“ segir Lúther, spurður út í nöfnin á nýju hnökkunum.
FRÉTTABLAÐIÐ/GVA
● HOLL VIST Skynjun og atferli hrossa með áherslu á
hvernig þau upplifa umhverfið í hesthúsi verður til um-
fjöllunar á námskeiðinu Hross í hollri vist sem verður kennt
í Ásgarði á Hvanneyri laugardaginn 13. mars frá klukk-
an 9.30 til 17. Einnig verður rætt um rétta hönnun loft-
ræstingar í hesthúsum, hönnun og frágang gólfa, kosti og
galla mismunandi undirburðar, aðbúnað hrossa og ann-
arrar aðstöðu í hesthúsum sem og útigerðum. Umsjón og
kennsla er í höndum Sigtryggs Veigars Herbertssonar og
Snorra Sigurðssonar, sérfræðings hjá LBHÍ. Þess má geta
að hægt er að óska eftir námskeiðinu hvert á land sem
er sé næg þátttaka fyrir hendi (miðast við sextán manns).
Nánari upplýsingar á www.lbhi.is.og skráning á
endurmenntun@lbhi.is eða í síma 433 5000.
Efnt er til málstofu rannsóknanámsnema í Ársal á
Hvanneyri í dag klukkan 14.30.
Helga María Hafþórsdóttir, MS-nemi, ræðir um
svæðanotkun og skyldleika fjögurra hálfvilltra
hrossastóða í Seli í Landeyjum, samsetningu stóð-
anna og ættgleggni stóðhestanna.
Þorvaldur Kristjánsson doktorsnemi ræðir um
tengsl byggingar og hæfileika íslenskra hrossa.
Elín Fjóla Þórarinsdóttir, MS-nemi, fjallar um
vindrof á sand- og vikursvæðum í nágrenni Heklu
og segir frá mælingum á sandfoki á landslagsskala
þar sem svokölluð einnar gildru aðferð er notuð.
Einnig verða fyrstu niðurstöður mælinganna kynnt-
ar. - kg
Málstofa rannsóknanema
Landbúnaðarháskólinn á Hvanneyri.