Fréttablaðið - 26.01.2010, Blaðsíða 37
ÞRIÐJUDAGUR 26. janúar 2010 21
HVAÐ? HVENÆR? HVAR?
Þriðjudagur 26. janúar 2010
➜ Sýningar
Inger Helene Bóasson sýnir ljósmyndir
á stigapalli á 3. og 4. hæðar Landakots-
spítala í Landakoti. Opið alla daga kl.
09-15.
Á Listasafninu á Akureyri við Kaup-
vangsstræti, hefur verið opnuð yfirlits-
sýning á verkum hollenska myndlistar-
mannsins Jorisar Rademaker. Opið alla
daga nema mánudaga kl. 12-17.
Þórarinn Örn Egilsson hefur opnað sýn-
ingu í sýningarsalnum Hurðir, VIRTUS
við Laugavegi 170 (3. hæð). Opið alla
daga kl. 9-16.
➜ Myrkir músikdagar
12.10 Hallveig Rúnarsdóttir sópran
og Hrönn Þráinsdóttir píanóleikari
halda tónleika í Hafnarborg, menningar-
miðstöð við Strandgötu í Hafnarfirði. Á
efnisskránni verða verk eftir Hildigunni
Rúnarsdóttur, Önnu Þorvaldsdóttur, Jór-
unni Viðar og Elínu Gunnlaugsdóttur.
20.00 Kammerkór Suðurlands kemur
fram á tónleikum í Kristskirkju við
Landakot. Á efnisskránni verða meðal
annars verk eftir Báru Grímsdóttur, Atla
Ingólfsson, Hjálmar H. Ragnarsson og
Tryggva M. Baldvinsson.
➜ Kvikmyndir
20.00 Kvikmyndasafn Íslands sýnir
kvikmynd Kenneths Branagh, Henry V
(1989) eftir skáldverki Shakespeares.
Sýningin fer fram í Bæjarbíói við Strand-
götu í Hafnarfirði. Íslenskur texti. Nánari
upplýsingar á www.kvikmyndasafn.is.
➜ Málþing
16.00 Málþing undir yfirskriftinni
„Kynverund - heilbrigði og samfélag“
fer fram í húsakynnum Félags íslenskra
hjúkrunarfræðinga að Suðurlandsbraut
22 (3. hæð). Málþingið er öllum opið
og aðgangur er ókeypis. Nánari upplýs-
ingar á www.kynstur.is.
➜ Fyrirlestrar
12.00 Guðni Th. Jóhannesson flytur
fyrirlestur þar sem saga landráða á
Íslandi er rakin í stuttu máli og mat lagt
á landráðatal síðustu mánaða. Erindið
er haldið í Háskólanum í Reykjavík við
Ofanleiti 2 (st. 101). Allir velkomnir.
12.00 Ásgeir Örn Jóhannesson fjallar
um nám sitt við lagadeild Háskólans
á Akureyri og lögfræðistörf almennt.
Fyrirlesturinn fer fram í HA, Sólborg við
Norðurslóð (L-201).
Upplýsingar um viðburði sendist á
hvar@frettabladid.is.
Skipuleggjendur alþjóðlegr-
ar símasöfnunar vegna jarð-
skjálftans á Haítí segja að yfir
sjö milljarðar króna hafi safn-
ast handa fórnarlömbunum.
Sjónvarpað var frá söfnuninni
og meðal rúmlega eitt hundrað
stjarna sem tóku þátt voru Julia
Roberts, Steven Spielberg og
Jack Nicholson.
Sérstaka athygli vakti þegar
leikararnir George Clooney og
Leon ardo DiCaprio gáfu milljón
dollara hvor til söfnunarinnar.
Meðal þeirra sem stigu á svið
og sungu voru Wyclef Jean,
Bruce Springsteen, Madonna og
Shakira. Einnig flutti rappar-
inn Jay Z-lagið Stranded (Haiti
Mon Amour) ásamt Bono og The
Edge úr U2 sem þeir sömdu með
honum.
Söfnuðu sjö
milljörðum
CLOONEY OG NICHOLSON George
Clooney ásamt kollega sínum Jack
Nicholson meðan á söfnuninni stóð.
NORDICPHOTOS/GETTY
Kvikmyndin The Hurt Locker var
kjörin besta myndin á verðlaunahá-
tíð Samtaka framleiðenda í Banda-
ríkjunum. Sex af síðustu níu kvik-
myndunum sem sigruðu á hátíðinni
hafa í framhaldinu fengið Óskars-
verðlaunin sem besta myndin.
„Þetta er alveg ótrúlegt,“ sagði
leikstjórinn Kathryn Bigelow
þegar hún tók á móti verðlaununum.
Myndin, sem fjallar um sprengju-
sérfræðinga í Írak, hlaut hvorki
Golden Globe- né Screen Actors
Guild-verðlaunin og kom sigurinn
Bigelow því í opna skjöldu. Leik-
myndahönnuðurinn Karl Júlíusson
starfaði við myndina og eru verð-
launin því einnig rós í hnappagat
hans.
Það var aftur á móti stríðsópus
Quentins Tarantino, Inglorious
Basterds, sem vann Screen Actors
Guild-verðlaunin, sem eru veitt af
Samtökum leikara í Bandaríkjun-
um. Myndin var verðlaunuð fyrir
besta leikaraliðið og eru þetta
veigamestu verðlaunin sem hún
hefur hlotið til þessa. Besti leik-
arinn og leikkonan voru valin Jeff
Bridges fyrir hlutverk sitt í Crazy
Heart og Sandra Bullock fyrir
frammistöðu sína í The Blind Side.
Þau fengu bæði Golden Globe-verð-
launin á dögunum og þykja mjög
líkleg til að hreppa Óskarsverðlaun-
in eftirsóknarverðu. Tilnefningar
til þeirra verða tilkynntar 2. febrú-
ar og verðlaunin sjálf verða síðan
afhent 7. mars í Hollywood. Áður en
að því kemur verða bresku Bafta-
verðlaunin veitt í London, 21. febrú-
ar næstkomandi.
The Hurt Locker sigurvegari
THE HURT LOCKER
Kvikmyndin The Hurt
Locker, sem fjallar um
sprengjusérfræðinga
í Írak, hefur fengið
mjög góða dóma.