Fréttablaðið - 27.01.2010, Blaðsíða 42
30 27. janúar 2010 MIÐVIKUDAGUR
EM Í AUSTURRÍKI
EIRÍKUR STEFÁN ÁSGEIRSSON
skrifar frá Vín
eirikur@frettabladid.is
EM í handbolta:
Ísland-Rússland 38-30 (19-10)
Mörk Íslands (skot): Snorri Steinn Guðjónsson
7/2 (8/3), Alexander Petersson 7 (13), Sturla
Ásgeirsson 5 (5), Vignir Svavarsson 3 (3), Ásgeir
Örn Hallgrímsson 3 (5), Ólafur Stefánsson 3/1
(5/2), Róbert Gunnarsson 3 (7), Aron Pálmars-
son 2 (4), Guðjón Valur Sigurðsson 2 (5), Arnór
Atlason 2 (6), Ólafur Guðmundsson 1 (5).
Varin skot: Björgvin Páll Gústavsson 16 (39/2,
41%), Hreiðar Guðmundsson 3 (10/2, 30%).
Hraðaupphlaup: 13 (Sturla 3, Alexander 3, Vignir
2, Snorri 2, Ásgeir Örn 1, Guðjón 1, Róbert 1).
Fiskuð víti: 5 (Snorri 2, Vignir, Ingimund., Róbert).
Utan vallar: 12 mínútur
Mörk Rússlands (skot):, Mikhail Chipurin 8 (9),
Samvel Aslanyan 5/4 (8/4), Vasily Filippov 4 (8),
Sergey Predybaylov 3 (5), Andrey Starykh 3 (5),
Alexey Rastvortsev 2 (4), Alexey Kaynarov 2 (4),
Alexander Chernoivanov 1 (1), Alexey Kamanin 1
(1), Dmitry Kovalev 1 (3).
Varin skot: Oleg Grams 19/1 (57/4, 33%).
Hraðaupphlaup: 2 (Filippov 1, Kaynarov 1).
Fiskuð víti: 4 (Chipurin 2, Rastvortsev, Aslanyan).
Utan vallar: 10 mínútur.
Króatía-Austurríki 26-23
Noregur-Danmörk 23-24
STAÐAN:
Króatía 4 3 1 0 107-100 7
Ísland 4 2 2 0 128-115 6
Danmörk 4 3 0 1 113-107 6
Noregur 4 2 0 2 104-100 4
Austurríki 4 0 1 3 116-126 1
Rússland 4 0 0 4 30-130 0
ÚRSLIT
HANDBOLTI Ólafur Guðmundsson
lék sinn fyrsta leik með íslenska
landsliðinu á EM í gær og skor-
aði einnig sitt fyrsta mark á stór-
móti. Hann hélt á boltum íslenska
liðsins í viðtalinu en sú skylda að
koma boltunum aftur inn í bún-
ingsklefa fellur á herðar yngsta
leikmannsins í liðinu.
Það var mikið fagnað á bekkn-
um þegar hann skoraði markið.
„Þessir strákar eru mjög dug-
legir við að styðja hver annan
og það er frábært að finna fyrir
svona trausti frá þjálfurunum og
félögunum.“ - esá
Ólafur Guðmundsson:
Boltastrákur-
inn skoraði
ÓLAFUR GUÐMUNDSSON Fékk tækifæri í
gær og skoraði. MYND/DIENER
HANDBOLTI Það tók Ísland ekki
nema rétt rúmar þrettán mínútur
að klára leikinn gegn Rússum á
EM í handbolta í Vínarborg í gær.
Lokatölur leiksins voru 38-30.
Þegar rúmar þrettán mínút-
ur voru liðnar af leiknum var
Ísland komið með sex marka for-
ystu, 8-2. Rússar töpuðu boltan-
um klaufalega í sókn og einn leik-
maður liðsins braut á Íslendingi
sem var í þann mund að hefja
hraðaupphlaupið.
Um var að ræða hreinræktað
pirringsbrot sem hann fékk vit-
anlega tveggja mínútna brottvís-
un fyrir. Rússinn, Mikhail Chip-
urin, gekk niðurlútur af velli og
andmælti ekki dómnum.
Rússar voru einfaldlega brotn-
ir niður á þessum fyrstu þrettán
mínútum leiksins. Eftirleikurinn
var auðveldur. Ísland komst í tíu
marka forskot eftir 25 mínútna
leik og hélst sá munur út allan
leikinn. Rússar voru aldrei nálægt
því að komast aftur inn í hann.
Ísland tók alls 66 skot í leiknum
sem verður að teljast afar mikið.
Það segir sitt um sóknarleikinn að
þrátt fyrir að liðið misnotaði tvö
vítaköst, nokkur hraðaupphlaup
og fjölmörg dauðafæri skoraði það
samt 38 mörk í leiknum. Rússneski
markvörðurinn, Oleg Grams, varði
einnig mjög vel og kom í veg fyrir
miklu, miklu stærra tap.
Allir fengu að spreyta sig í
gær nema Logi Geirsson. Sturla
Ásgeirsson nýtti sitt tækifæri
mjög vel og skoraði fimm mörk
í jafnmörgum tilraunum. Vignir
Svavarsson og Ásgeir Örn Hall-
grímsson komu sterkir inn í
vörnina en fengu of marga brott-
rekstra. Aron Pálmarsson skor-
aði tvö falleg mörk og Ólafur
Guðmundsson fékk sína eldskírn
á stórmóti í handbolta.
Bestu leikmenn íslenska liðsins
voru þó Snorri Steinn Guðjónsson
og Alexander Petersson. Snorri
spilaði eins og engill í sókninni og
Alexander var síógnandi og tók
mikið til sín í vörninni. Björgvin
Páll Gústavsson var í þriðja sinn í
röð valinn maður leiksins hjá móts-
höldurum hér í Austurríki enda
skilaði hann enn og aftur mjög
flottum tölum: sextán vörðum
skotum og 41 prósents hlutfalls-
markvörslu. Hans þáttur í árangri
íslenska liðsins er afar mikill.
Enginn spilar betur en andstæð-
ingurinn leyfir og það sannaðist í
gær. Rússarnir voru glæpsamlega
lélegir − sérstaklega í fyrri hálf-
leik. Þeir voru rænulausir í sókn-
arleik sínum og skutu ítrekað yfir
þegar þeir komust loksins í færi.
Þeir áttu svo engin svör við hröð-
um sóknaraðgerðum íslenska liðs-
ins en sem fyrr segir var eini mað-
urinn með rænu markvörðurinn
Grams. Síðari hálfleikur var svo
í raun dauður tími.
Stigin tvö sem liðið vann sér inn
í dag skiptu afar miklu máli og
liðið er enn taplaust. Með sigri á
Noregi á morgun er sætið í undan-
úrslitunum tryggt. Það má mikið
vera ef strákarnir verða ekki til-
búnir fyrir það annars erfiða
verkefni.
Rússarnir afgreiddir á mettíma
Ísland vann glæsilegan sigur á Rússlandi í öðrum leik sínum í milliriðlakeppninni á Evrópumeistaramót-
inu í handbolta. Nú getur liðið tryggt sér sæti í undanúrslitunum með sigri á Noregi.
Í KLÓM RÚSSNESKA BJARNARINS Rúss-
neski björninn minnti meira á rússnesk-
an bangsa í gær þó svo að ekki sé hægt
að sjá það á þessari mynd. MYND/DIENER
FÖGNUÐUR OG ÁTÖK Arnór Atlason fagnar hér marki gegn Rússum í gær á viðeigandi hátt. Sverre Jakobsson sést með einn Rússann í heljargreipum en hann var magnaður í
vörninni. MYND/DIENER