Fréttablaðið - 27.01.2010, Blaðsíða 43

MIÐVIKUDAGUR 27. janúar 2010 31
Heilsuferðaþjónusta á Íslandi
Stofnfundur samtaka um heilsuferðaþjónustu
á Íslandi verður haldinn 28. janúar kl. 09:30-11:00.
Fundurinn verður haldinn að Kaffi Nauthól
í Nauthólsvík í Reykjavík.
Fundarefni:
- Samtök um heilsuferðaþjónustu á Íslandi stofnuð
- Farið yfir samþykktir og markmið samtakanna
- Kosning stjórnar
- Árgjald
Iðnaðarráðherra Katrín Júlíusdóttir flytur ávarp
Allir velkomnir
Vinsamlegast tilkynnið þátttöku á netfangið:
sunna@icetourist.is
www.ferdamalastofa. is
Lækjargata 3 | 101 Reykjavík | Sími 535 5500 | Fax 535 5501 I Netfang: upplysingar@icetourist.is
Strandgata 29 | 600 Akureyri | Sími 464 9990 | Fax 464 9991 I Netfang: upplysingar@icetourist.is
HANDBOLTI Alexander Petersson
átti stórleik með íslenska lands-
liðinu gegn Rússlandi í gær og var
ásamt Snorra Steini Guðjónssyni
markahæsti leikmaður liðsins með
sjö mörk.
Alexander var duglegur að
skjóta á markið og lét einnig finna
mikið fyrir sér í vörninni, eins og
reyndar í hverjum einasta leik.
Hann er sem kunnugt er fædd-
ur í Lettlandi sem var áður hluti af
Sovétríkjunum.
„Jú, það er vissulega mjög
gaman að vinna Rússana,“ segir
hann. „En ég var líka með það í
hausnum að ég hef tvisvar áður
meiðst í leikjum gegn Rússum á
stórmótum,“ segir hann.
„Ég kjálkabrotnaði í leik gegn
þeim á EM í Sviss árið 2006 og svo
fór öxlin þegar við spiluðum við þá
á Ólympíuleikunum í Peking.“
Hann segir að hann hafi lítið
hugsað um það meðan á leiknum
stóð en hafi haft áhyggjur af því
fyrir leikinn. Einnig leiddi hann
hugann að þessu þegar hann sat á
bekknum.
„Óskar Bjarni sagði mér að
koma inn á þegar um tíu mínútur
voru eftir, eftir að Geiri [Ásgeir
Örn] fékk brottvísun. Ég sagði að
líklega væri skynsamlegra að ég
myndi bara vera áfram á bekknum
og bíða þar,“ segir hann og hlær
en þá var sigurinn á Rússum löngu
tryggður.
„Það er líka gaman fyrir mig að
spila gegn Rússum því ég er alltaf
góður á móti þeim. Þeir eru stórir
og hægir en ég aðeins minni og
aðeins fljótari. Það hentar mér því
vel að mæta þeim.“
Hann er vitanlega afar ánægður
með sigurinn. „Við kláruðum þetta
í fyrri hálfleik. Það var svo sem
ekki erfitt að halda einbeitingunni
í seinni hálfleik en samt vorum við
ekki að spila jafn vel þá og í þeim
fyrri.“ - esá
Alexander Petersson slapp við meiðsli í leiknum við Rússland í gær:
Er alltaf góður gegn Rússum
MAGNAÐIR Björgvin Páll Gústavsson hefur farið á kostum á EM og var á ný valinn
besti maður Íslands í gær. Sturla Ásgeirsson átti svo flotta innkomu í gær. MYND/DIENER
MAGNAÐUR Alexander Petersson fór á kostum gegn Rússum í gær og slapp aldrei
þessu vant við meiðsli. MYND/DIENER
HANDBOLTI Ingimundur Ingi-
mundarson tognaði í nára í
leiknum gegn Króatíu í fyrra-
dag og spilaði í aðeins þrettán
mínútur gegn Rússlandi í gær.
Ingimundur átti þó ríkan þátt
í því að Ísland náði svo góðu
forskoti í byrjun leiksins.„Ég er
ágætur eins og er,“ sagði Ingi-
mundur. „Ég mun vera áfram
í meðferð svo ég geti verið 100
prósent á fimmtudaginn. Það
var skynsamlegt að hvíla mig
í dag.“
Hann segir það gott að geta
dreift álaginu á leikmenn. „Sér-
staklega í leik gegn stórri þjóð
eins og Rússlandi. Þetta er mikil
handboltaþjóð þó svo hún sé ekki
á sama stalli í dag og áður.“
- esá
Ingimundur Ingimundarson spilaði meiddur í gær en fékk þó fína hvíld:
Verð vonandi heill gegn Noregi