Fréttablaðið - 28.01.2010, Blaðsíða 8
8 28. janúar 2010 FIMMTUDAGUR
1. Hvaða þingmaður Sjálfstæð-
isflokksins á útgerðarfyrirtækið
Nesver ehf.?
2. Hvað mældist verðbólga
síðustu tólf mánaða há?
3. Hvað hét frumraun tón-
listarmannsins Péturs Ben og
hvenær kom platan út?
SVÖRIN ERU Á SÍÐU 46
Straumhvörf á fjármálamarkaði
- eftirlit, aðhald og ábyrgð
Morgunfundur á vegum efnahags- og viðskiptaráðuneytisins
29. janúar 2010 kl. 8 – 10
Fyrirlestrasal Þjóðminjasafnsins
Undanfarna mánuði hafa stjórnvöld unnið að því að bæta regluverk fjármálamarkaðar og
endurmeta hlutverk eftirlitsaðila. Á föstudag mælir efnahags- og viðskiptaráðherra fyrir
frumvarpi til laga þar sem brugðist er við þeim ábendingum sem fram hafa komið um aukn-
ar valdheimildir eftirlitsaðila, ábyrgð stjórnenda fjármálafyrirtækja og virkari takmarkanir
á áhættu og hagsmunatengslum. Á þessum morgunfundi ráðuneytisins er ætlunin að kynna
nýtt regluverk á fjármálamarkaði, hlutverk eftirlitsstofnana, Seðlabanka, Bankasýslu og
annarra aðila sem gæta hagsmuna almennings í þessum mikilvæga málafl okki.
8:00 Húsið opnar - kaffi veitingar
8:15 Endurbætur á regluverki og eftirliti með fjármálastarfsemi
Gylfi Magnússon, efnahags- og viðskiptaráðherra
8:30 Verkefni Seðlabankans við endurreisn fjármálakerfi sins
Tryggvi Pálsson, framkvæmdastjóri fjármálasviðs
8:45 Ný verkefni – nýjar áherslur í eftirliti með fjármálastarfsemi
Gunnar Andersen, forstjóri Fjármálaeftirlitsins
9:00 Uppbygging fjármálamarkaðar og atvinnulífs á forsendum samkeppni
Páll Gunnar Pálsson, forstjóri Samkeppniseftirlitsins
9:15 Framkvæmd eigendastefnu ríkisins
Elín Jónsdóttir, forstjóri Bankasýslu ríkisins
9:30 Eftirlit með skuldaaðlögun einstaklinga og fyrirtækja
María Thjell, formaður eftirlitsnefndar um sértæka skuldaaðlögun
9:45 Krafan um jafnræði, gegnsæi og sanngirni
Brynhildur Georgsdóttir, umboðsmaður viðskiptavina Arion banka
10:00 Fundi slitið
Fundurinn er öllum opinn.
FJÖLMIÐLAR „Mér líst vel á skýrsl-
una og er hjartanlega sammála
mörgum tillögum sem þar koma
fram um breytingar á umbúnaði og
regluverki Ríkisútvarpsins,“ segir
Páll Magnússon útvarpsstjóri.
Starfshópur mennta- og menn-
ingarmálaráðherra hefur lagt
fram ýmsar tillögur um breyt-
ingar á lögum og starfsháttum
Ríkisútvarpsins með hliðsjón af
almannaþjónustuhlutverki þess.
Er horft til tæplega þriggja ára
fenginnar reynslu af rekstri RÚV
sem opinbers hlutafélags.
Páll telur tillögurnar gott inn-
legg í þá umræðu sem þurfi að vera
um Ríkisútvarpið en varar engu að
síður strax við að horfið verði til
fyrra rekstrarforms. „Þótt menn
kunni að finna eitthvað athugavert
þá held ég að sökina fyrir því sé
ekki að finna í hlutafélagsforminu.
Stofnunin var á sínum tíma komin
í algjörar blindgötur.“ Hann segir
þó að hlutafélagaformið sé ekki
heilagt, vel megi hugsa sér annað
rekstrarform en stofnanaformið
henti ekki.
Í skýrslunni er útvarpsstjóri
sagður nánast alráður um dagskrá,
mannaráðningar og stefnumótun.
Það sé ólýðræðislegt, ógagnsætt
og óviðeigandi. Páll telur að helst
til mikið sé gert úr þessu alræð-
isvaldi og bendir á að stefnumót-
unin, sjálf dagskrárstefnan, ráð-
ist af vilja stjórnvalda og birtist
í þjónustusamningi Ríkisútvarps-
ins og mennta- og menningarmála-
ráðuneytisins. „Þetta ræðst af því
hvað eigandinn vill kaupa fyrir
peninginn sem hann leggur stofn-
uninni til,“ segir Páll. Rétt sé þó að
lögum samkvæmt liggi endanlegt
ritstjórnarvald og vald til manna-
ráðninga hjá útvarpsstjóra. „En
gamla formið var komið í ógöng-
ur; ábyrgð og völd voru óskýr. Og
ég vara við gamla farinu þar sem
vald yfir mannaráðningum og dag-
skránni var í höndum stjórnmála-
manna í gegnum pólitískt kjörið
útvarpsráð.“
Páll tekur undir hvert orð í
skýrslunni um mikilvægi þess
að tekjur Ríkisútvarpsins verði
fyrirsjáanlegar nokkur ár fram í
tímann. Núverandi ástand sé óvið-
unandi enda áætlanagerð og fram-
þróun í dagskrársetningu nánast
ómöguleg.
Um gagnrýni á eigin fréttalest-
ur segir Páll að vissulega kunni
að koma upp aðstæður þar sem
hann geti talist óheppilegur. Ger-
ist það dragi hann sig í hlé, líkt og
nú þegar fjármál RÚV hafa verið
í brennidepli.
bjorn@frettabladid.is
Helst til mik-
ið gert úr al-
ræðisvaldinu
Útvarpsstjóra líst vel á tillögur nefndar um RÚV og
telur þær gott innlegg í umræðuna. Hann varar við
að rekstrarforminu verði breytt til fyrra horfs og pól-
itískum afskiptum af dagskrá og mannaráðningum.
Á FRÉTTASTOFUNNI Nefnd mennta- og menningarmálaráðherra telur að tekjur RÚV
þurfi að vera fyrirsjáanlegar nokkur ár fram í tímann. Útvarpsstjóri er hjartanlega
sammála því. FRÉTTABLAÐIÐ/GVA
FJÖLMIÐLAR Ríkisútvarpið getur
ekki veitt upplýsingar um hversu
mikið efni það hefur keypt frá
sjálfstæðum, íslenskum framleið-
endum á undanförnum árum.
Kvikmyndagerðarmenn hafa
gagnrýnt harðlega þá ákvörðun
útvarpsstjóra að hætta innkaup-
um á íslenskum kvikmyndum og
draga verulega úr innkaupum á
sjónvarpsmyndum, þáttaröðum
og heimildarmyndum. Segja þeir
það brjóta í bága í við þjónustu-
samning RÚV við menntamála-
ráðuneytið.
Í samtali við Fréttablaðið á
mánudag sagði Páll Magnús-
son útvarpsstjóri að í fyrra hafi
RÚV keypt á þriðja tug heimildar-
mynda. Ljóst væri að færri mynd-
ir yrðu keyptar næsta rekstrarár,
þótt ekki væri búið að ákveða end-
anlega tölu.
Fréttablaðið óskaði eftir sund-
urliðuðum lista um fjölda kvik-
mynda, sjónvarpsmynda, þátta raða
og heimildarmynda sem Ríkisút-
varpið hefur keypt á undanförnum
árum. Þau svör fengust frá Bjarna
Guðmundssyni, framkvæmda-
stjóra RÚV, að frá því að RÚV ohf.
tók til starfa hafi stofnunin varið
40 milljónum krónum til kaupa á
efni frá sjálfstæðum framleiðend-
um á fimm mánaða tímabili 2007;
235 milljónum krónum rekstrarár-
ið 2007 til 2008; og 177 milljónum
króna starfsárið 2008 til 2009.
Bjarni gat aftur á móti ekki
svarað hversu margar mynd-
ir voru keyptar á sama tímabili.
Ríkisútvarpið hefði þær upplýs-
ingar ekki á reiðum höndum og
það væri mikil vinna að taka þær
saman. „Eins og staðan er núna er
ekki hægt að fara í þá vinnu.“ - bs
Magn á aðkeyptu innlendu efni:
RÚV veitir ekki upplýsingar
SRÍ LANKA, AP Mahinda Rajapaksa,
forseti Srí Lanka, fagnaði í gær
endurkjöri sínu í forsetakosning-
um um helgina.
Mótframbjóðandinn, Sarath
Fonseka, sagðist hins vegar ekki
taka mark á opinberum niður-
stöðutölum kosninganna.
Fonseka, sem er fyrrverandi
yfirmaður hersins á Srí Lanka,
sagðist óttast að verða handtek-
inn eftir að hermenn umkringdu
hótelið sem hann dvaldist á í Kol-
ombó, höfuðborg landsins.
Mikil spenna ríkti á götum borg-
arinnar í gær, þrátt fyrir að fjöldi
fólks hafi fagnað sigri forsetans,
skotið upp flugeldum og veifað
þjóðfána landsins og myndum af
Rajapaksa. Fonseka skrifaði kosn-
ingastjórn landsins bréf þar sem
hann sagðist ætla að leita til dóm-
stóla til að fá úrslitunum hnekkt.
Yfirkjörstjóri landsins, Dayanada
Dissanayake, virtist taka undir
gagnrýni Fonsekas og bað um að
fá leyfi til að segja af sér:
„Ég get ekki þolað þetta leng-
ur,“ sagði Dissanayake, þegar
hann tilkynnti úrslitin. „Ég bið
um að fá lausn frá embættinu.“
Fonseka er vinsæll meðal her-
manna, sem hann leiddi til sigurs
gegn uppreisnarliði tamíltígranna
á síðasta ári eftir langvinna borg-
arastyrjöld. - gb
Forseti Srí Lanka hrósar sigri en mótframbjóðandinn ætlar að kæra:
Segir úrslitin vera ómarktæk
SIGRI FAGNAÐ Stuðningsfólk forsetans
veifar fánum. FRÉTTABLAÐIÐ/AP
PÓLLAND, AP Fyrrverandi fang-
ar í útrýmingarbúðum nasista í
Auschwitz í Póllandi komu saman
í Auschwitz í gær til að minnast
þess að 65 ár voru síðan sovéski
herinn frelsaði þá fanga sem enn
lifðu í búðunum undir lok seinni
heimsstyrjaldarinnar.
Eftirlifendur minntust í gær
þeirra sex milljóna manna,
kvenna og barna sem tekin voru
af lífi í helför nasista.
Veðrið í gær var svipað og um
morguninn 27. janúar 1945 þegar
fangarnir uppgvötvuðu að fanga-
verðirnir höfðu flúið, sagði Jad-
wiga Bogucka, einn eftirlifenda, í
Auschwitz í gær. - bj
Fyrrum fangar í Auschwitz:
Minntust lok-
unar búðanna
NORÐUR-ÍRLAND, AP Forsætisráð-
herrar Bretlands og Írlands, þeir
Gordon Brown og Brian Cowen,
fengu lítinn hljómgrunn meðal
bæði kaþólskra og mótmælenda á
Norður-Írlandi þegar þeir kynntu
málamiðlunartillögu sína í gær.
Þeir Brown og Cowen hafa í
þrjá daga unnið hörðum höndum
að því að finna málamiðlun, sem
gæti tryggt líf heimastjórnarinn-
ar á Norður-Írlandi.
Bæði Sinn Fein, flokkur kaþ-
ólskra, og Flokkur lýðræðislegra
sambandssinna, sem er flokkur
mótmælenda, saka hvor annan
um óaðgengilegar kröfur.
Sinn Fein hótar því að segja sig
úr stjórninni, með ófyrirsjáan-
legum afleiðingum fyrir heima-
stjórnarfyrirkomulagið.
- gb
Allt í járnum á Norður-Írlandi:
Sáttatillögunni
dræmt tekið
VEISTU SVARIÐ?