Fréttablaðið - 28.01.2010, Blaðsíða 10

10 28. janúar 2010 FIMMTUDAGUR
5.000 umslög
Oddi – umhverfisvottuð prentsmiðja. Höfðabakka 3-7. 110 Reykjavík. Sími 515 5000. www.oddi.is
UMHVERFISVOTTUÐ
PRENTSMIÐJA
EFNAHAGSMÁL Frekara afnám gjaldeyrishafta
bíður meðan enn er óvissa um afdrif Icesave-
mála og framgang efnahagsáætlunar stjórn-
valda og Alþjóðagjaldeyrissjóðsins (AGS).
„Meðan núverandi staða er uppi gerist ekki
neitt,“ sagði Már Guðmundsson seðlabanka-
stjóri í gær eftir kynningu á vaxtaákvörðun
bankans og uppfærðri efnahagsspá.
Peningastefnunefnd Seðlabankans ákvað
að lækka vexti bankans um 0,5 prósentustig.
„Vextir á viðskiptareikningum innlánsstofn-
ana lækka í 8,0 prósent. Hámarksvextir á 28
daga innstæðubréfum verða 9,25 prósent.
Vextir á lánum gegn veði til sjö daga verða
9,5 prósent og daglánavextir 11,0 prósent,“ að
því er fram kemur í tilkynningu.
Már Guðmundsson seðlabankastjóri fór
á fundinum yfir áhrif þess að enn hafi ekki
tekist að leysa deiluna um bætur til erlendra
innstæðueigenda Icesave, en í rökstuðningi
peningastefnunefndar bankans er bent á að
lánshæfiseinkunn ríkissjóðs hafi þegar verið
lækkuð í áhættuflokk hjá einu matsfyrirtækj-
anna vegna þessa og þá gæti orðið töf á efna-
hagsáætlun stjórnvalda og AGS. „Og orðið til
þess að lánveitingar frá sjóðnum og erlend-
um ríkisstjórnum, sem eru forsenda fyrir
árangursríkri lántöku á alþjóðlegum lána-
mörkuðum, tefjast einnig.“ Haldi gjaldeyris-
höft sagði Már að skammtímaáhrif þessa á
krónuna ættu að vera lítil. „Hins vegar væri
áhættusamt að taka fleiri skref til afnáms
gjaldeyrishaftanna á meðan þessi óvissa
varir.“
Óskaniðurstaða Seðlabankans hvað Icesa-
ve-deiluna varðar sagði Már hins vegar vera
þá að málið leystist í sátt við umheiminn á
allra næstu vikum. „Hvort sem það verður í
þjóðaratkvæðagreiðslu eða fyrr.“ Hann segir
óvissu um afdrif Icesave-deilunnar og endur-
skoðun efnahagsáætlunar stjórnvalda og AGS
hafi sett strik í reikning vaxtaákvörðunar
nú og geti gert það enn frekar dragist málið.
„Við teljum okkur þurfa að fara eitthvað var-
legar en ella. Að vísu hjálpa höftin, en það
sem hefur gerst er að þegar skuldatrygging-
arálag fer upp og lánshæfismat niður – okkar
ytra mat versnar – þá skapar það hvata fyrir
þá sem eru hér með bundið fé til að fara út
og erlendir aðilar eru óviljugir til að koma
hér inn. Styrking krónunnar verður minni en
ella.“ Síðan bendir hann á að á árunum 2011
og 2012 þurfi að endurfjármagna hér lán.
Már sagði hins vegar ljóst að ef lánshæfis-
mat Íslands væri það sama og fyrir áramót
og skuldatryggingarálag hefði ekki hækkað
og ekki væri óvissa um efnahagsáætlunina
„þá er alveg ljóst að við hefðum lækkað vext-
ina meira núna, það er alveg ljóst“.
olikr@frettabladid.is
Seðlabankinn lækkar vexti
Seðlabankinn kynnti í gær lækkun vaxta um sem nemur hálfu prósentustigi. Ef ekki hefði verið fyrir óvissu
um afdrif Icesave þá segir seðlabankastjóri að lækkun hefði verið meiri. Afnám gjaldeyrishafta verður að bíða.
Horfur áþekkar þótt óvissa sé aukin
VAXTAÁKVÖRÐUN KYNNT Arnór Sighvatsson aðstoðarseðlabankastjóri, Már Guðmundsson seðlabankastjóri
og Þórarinn G. Pétursson, aðalhagfæðingur Seðlabanka Íslands, kynntu vaxtaákvarðanir bankans og nýja efna-
hagsspá í gær. FRÉTTABLAÐIÐ/PJETUR
Samdrátturinn á síðasta ári var minni
en áður var talið en á móti verður hann
meiri á þessu ári. Þetta kemur fram í
Peningamálum, efnahagsriti Seðlabanka
Íslands, sem gefið var út í gær samhliða
kynningu á vaxtaákvörðun bankans.
„Þetta þýðir að efnahagsbatanum
seinkar um einn fjórðung frá því í nóv-
emberspánni, í stað þess að landsfram-
leiðsla fari að vaxa milli fjórðunga á
fyrsta árfjórðungi þessa árs þá gerist það
ekki fyrr en á næsta,“ sagði Þórarinn G.
Pétursson, aðalhagfræðingur Seðlabankans,
þegar hann kynnti uppfærðar efnahagshorfur í
gær. Gangi spáin eftir segir hann að hér hafi þá
staðið yfir samdráttarskeið í um tvö ár, sem sé
mjög langt í alþjóðlegu samhengi.
Efnahagsbati sagði Þórarinn að verði einkum
veikari en áður hafi verið spáð vegna
seinkunar fjárfestingar tengdri stóriðju.
Þórarinn áréttaði að mikil og aukin
óvissa ríkti nú um efnahagshorfur vegna
meiri óvissu um framgang efnahagsáætl-
unar stjórnvalda og Alþjóðagjaldeyris-
sjóðsins. „Grunnforsenda spárinnar er að
þessi óvissa minnki mjög fljótlega.“ Verði
enn frekari seinkun á efnahagsáætlunin
segir Þórarinn að horfur hér verði enn
verri en lýst er í spánni.
Spá bankans nú gerir ráð fyrir að
verðbólga hjaðni meira á fyrsta fjórðungi þessa
árs en ráð var fyrir gert í nóvember, en verði á
móti meiri út næsta ár en útlit var fyrir. Verð-
bólgumarkmiði verði engu að síður náð í lok
spátímans 2012.
ÞÓRARINN G.
PÉTURSSON
AFGANISTAN, AP Almennur vilji virð-
ist vera fyrir því, bæði meðal ráða-
manna á Vesturlöndum og meðal
afganskra ráðamanna, að reyna
að fá talibana til liðs við þarlend
stjórnvöld frekar en að ráða niður-
lögum þeirra með hernaði.
Hamid Karzai, forseti Afgan-
istans, mun kynna áætlun stjórn-
ar sinnar um aðlögun talibana að
stefnu stjórnarinnar á alþjóðlegri
ráðstefnu um málefni Afganist-
ans, sem hefst í London í dag. Hann
hefur meðal annars fengið stuðning
Bandaríkjanna við þessa áætlun.
„Yfirgnæfandi meirihluti þess-
ara manna styður ekki hugmynda-
fræði Mullah Omars og Al Kaída,“
sagði Richard Holbrooke, sérlegur
erindreki Bandaríkjanna í Afgan-
istan. Mullah Omar er útlægur leið-
togi talibanahreyfingarinnar.
„Samkvæmt viðtölum við fanga,
menn sem látið hafa af stuðningi
við talibana og sérfræðinga virð-
ist sem að minnsta kosti 70 prósent
þeirra séu ekki að berjast fyrir
neitt sem tengist þessum mál-
stað.“
Holbrooke segir að þeir taliban-
ar, sem styðja hryðjuverkasamtök-
in Al Kaída eða fylgja harðskeyttri
stefnu talibanahreyfingarinn-
ar gagnvart konum, eigi þó ekki
möguleika á endurkomu í samfé-
lagið í Afganistan. - gb
Alþjóðleg ráðstefna um málefni Afganistans hefst í London í dag:
Vilja friðmælast við talibana
HAMID KARZAI Forseti Afganistans kom
við í Þýskalandi í vikunni á leið sinni til
London, þar sem ráðstefnan hefst í dag.
FRÉTTABLAÐIÐ/AP
MENNTAMÁL Mennta- og leikskóla-
ráð Reykjavíkurborgar hafa sam-
þykkt að nýr skóli í Úlfarsárdal
skuli rúma allt skólastarf fyrir
börn á aldrinum eins árs til tólf
ára; leikskóla, grunnskóla og frí-
stundaheimili.
Nýi skólinn mun taka til starfa
haustið 2010. Þá verða í skól-
anum börn til og með 5. bekk
grunnskóla. Síðan bætist við einn
árgangur á hverju ári.
Skólinn mun heyra undir
Menntasvið Reykjavíkurborgar
sem gerir samstarfssamninga við
leikskólasvið og íþrótta- og tóm-
stundasvið.
Áherslur í skólastarfi í Úlf-
ars árdal verði listir og lýðheilsa,
umhverfismennt, læsi, lesskiln-
ingur og bókmenntir. - shá
Nýjung í skólastafi:
Eins til tólf
ára börn verða
saman í skóla
NOREGUR Eftirlaunasjóður norska
ríkisins, Olíusjóðurinn svokallaði,
ætlar að selja hlutabréf sín í sautj-
án tóbaksframleiðslufyrirtækj-
um fyrir alls 1,8 milljarða evra og
lýsir því jafnframt yfir að hann
muni ekki fjárfesta framvegis í
tóbaksframleiðslu. Frá þessu er
greint á vef Landssamtaka lífeyr-
issjóða.
Siðanefnd sjóðsins er sögð hafa
lagt þetta til við ríkisstjórn Nor-
egs og Sigbjörn Johnsen fjármála-
ráðherra fengið afdráttarlausan
stuðning í Stórþinginu við ákvörð-
un sína.
„Siðareglur Olíusjóðsins norska
og framkvæmd þeirra hafa jafn-
an víðtæk áhrif í fjármálaheim-
inum, enda er sjóðurinn umsvifa-
mikill alþjóðlegur fjárfestir og
áhrifamikill eftir því. Mörg dæmi
eru um að aðrir öflugir fjárfestar
fylgi í kjölfar Olíusjóðsins,“ segir
á vefnum. - óká
Norski olíusjóðurinn:
Ósiðlegt að fjár-
festa í tóbaki
NÝHREINSAÐUR EFTIR OLÍUBAÐ
Þessi litli nátthegraungi í Texas virtist
bara nokkuð hress eftir að hafa verið
þveginn hátt og lágt til að þrífa af
honum olíu, sem lak þar úr olíuskipi
um síðustu helgi. FRÉTTABLAÐIÐ/AP
LÖGREGLUMÁL Lögreglan á höfuð-
borgarsvæðinu stöðvaði kanna-
bisræktun í húsi í miðborginni í
byrjun vikunnar.
Við húsleit á staðnum fundust
nokkrir tugir kannabisplantna á
ýmsum stigum ræktunar.
Tildrög málsins voru þau að
lögreglumenn sem voru við eftir-
lit í hverfinu runnu nánast á lykt-
ina af kannabisplöntunum og því
var eftirleikurinn auðveldur.
Lögreglan minnir á fíkniefna-
símann 800-5005. Í hann má
hringja nafnlaust til að koma á
framfæri upplýsingum um fíkni-
efnamál.
- jss
Kannabisræktun í borginni:
Lögreglumenn
runnu á lyktina
DÓMSMÁL Fulltrúi lögreglustjór-
ans á Suðurnesjum, Alda Hrönn
Jóhannsdóttir, þarf ekki að bera
vitni í mansalsmálinu svokallaða.
Sakborningur í málinu, Íslend-
ingur, gerði munnlega kröfu í
málflutningi um að fulltrúinn
gæfi vitnaskýrslu við aðalmeð-
ferð málsins. Annar sakborning-
ur, Lithái, studdi þá kröfu.
Héraðsdómur Reykjaness
hafnaði kröfunni. Sakborningar
skutu þá málinu til Hæstarétt-
ar, sem einnig hafnaði kröfunni
í gær.
Hæstiréttur áleit að ekki væri
gerð nægjanlega grein fyrir því
í hvaða skyni mennnirnir vildu
leiða fulltrúann sem vitni og hvað
það væri sem upplýsa þyrfti.
- jss
Mansalsmál á Suðurnesjum:
Lögreglufull-
trúi ekki vitni