Fréttablaðið - 29.01.2010, Blaðsíða 10
10 29. janúar 2010 FÖSTUDAGUR
Gjalddagi afdreginnar staðgreiðslu fjármagnstekjuskatts á tímabilinu
1. október til 31. desember 2009 var 20. janúar 2010 en eindagi er 4. febrúar n.k.
15% staðgreiðsla
Frá 1. júlí 2009 bar bönkum og öðrum fjármálastofnunum að reikna
og halda eftir 15% staðgreiðslu af vaxtatekjum ársfjórðungslega.
Sama gilti um arð sem greiddur var til eigenda af eignarhlutum í
félögum. Af fjármagnstekjum sem til féllu fyrir 1. júlí reiknaðist
10% skattur.
Aðrar fjármagnstekjur
Sem fyrr eru tekjur af söluhagnaði skattlagðar
eftirá, sem og leigutekjur. Frá 1. júlí til 31. desember 2009 gilda
sérstakar reglur um leigutekjur, en á þeim tíma mynda 70% þeirra
skattstofn en 30% eru skattfrjálsar.
Uppgjör við álagningu 2010
Við álagningu ákvarðast 15% skattur á fjármagnstekjur sem til féllu
á tímabilinu júlí-desember 2009 og voru umfram 250.000 kr. (eða
500.000 kr. hjá hjónum). Á tekjur undir þeim mörkum, svo og á allar
fjármagnstekjur á tímabilinu janúar-júní verður lagður 10% skattur.
Staðgreiðsla fjármagnstekjuskatts árið 2010
Fjármagnstekjuskattur er 18% frá 1. janúar 2010.
Gjalddagar afdreginnar staðgreiðslu eru 20. apríl, 20. júlí og
20. október 2010 og 20. janúar 2011.
Eindagi er 15 dögum síðar.
Fjármagnstekjuskattur
ORKUMÁL Umhverfisráðuneytið
hefur staðfest ákvörðun Skipulags-
stofnunar um að ekki skuli fara
fram sameiginlegt mat á umhverf-
isáhrifum vegna framkvæmda við
Suðvesturlínu.
Suðvesturlínu á að leggja til að
styrkja orkuflutningskerfið á Suð-
vesturlandi. Línan er meðal annars
forsenda orkuflutninga til álvers
í Helguvík. Umhverfisráðuneyt-
inu bárust kærur frá Landvernd
og Náttúruverndarsamtökum
Íslands sem kröfðust þess að hugs-
anlegar framkvæmdir sem eru
háðar Suðvesturlínu yrðu teknar
til umhverfismats sameiginlega.
Auk Helguvíkur gæti þar verið
um að ræða stækkun Reykjanes-
virkjunar, kísilmálmverksmiðju
í Helguvík, Bitruvirkjun, Hvera-
hlíðavirkjun og jarðhitanýtingu
við Gráuhnúka.
Ráðuneytið hafnaði sameigin-
legu mati með úrskurði gærdags-
ins og komst að þeirri niðurstöðu
að áform um hinar ólíku fram-
kvæmdir væru á svo misjöfnu stigi
og sum þeirra svo langt frá því að
vera nægilega skýr eða mótuð að
ekki væri löglegt að skylda fram-
kvæmdaaðila til að gangast allir
undir sameiginlegt mat á umhverf-
isáhrifum. Auk þess væru sumar
framkvæmdirnar ekki matsskyld-
ar yfirleitt, til að mynda gagnaver
Verne á Ásbrú í Reykjanesbæ.
Ágúst Hafberg, talsmaður Norð-
uráls, sem stendur fyrir fram-
kvæmdum við álverið í Helguvík,
fagnaði úrskurðinum í samtali
við Fréttablaðið. „Það er ágætt
að þetta mál er frá,“ sagði hann.
„Okkur fannst það óþarft frá upp-
hafi. Þessari hindrun er þá rutt
úr veginum og við höldum okkar
vinnu áfram.“ Hann sagði að hægt
hefði verið á ýmsum framkvæmd-
um við álverið meðan úrskurð-
ar var beðið. Nauðsynlegt sé að
koma verkefninu á fulla ferð á
næstu mánuðum ef takast á að
hefja framleiðslu um áramótin
2011-2012 eins og stefnt er að.
„Stjórnkerfi umhverfismála er
ekki að virka,“ segir Árni Finns-
son, formaður Náttúruverndar-
samtaka Íslands, einn kærendanna
í málinu. Hann segir að enginn viti
hvaðan orkan, sem flytja á um lín-
una á að koma. „Ekki einu sinni
þegar VG er við völd tekst ráð-
herra að úrskurða umhverfinu í
hag.“ peturg@frettabladid.is
Sameiginlegt mat
ekki nauðsynlegt
Niðurstaða umhverfisráðherra um framkvæmdir vegna Suðvesturlínu liggur
fyrir. Hindrun rutt úr veginum, segir talsmaður Norðuráls. Stjórnkerfi um-
hverfismála virkar ekki, segir formaður Náttúruverndarsamtakanna.
HELGUVÍK Sextíu til hundrað manns starfa að álversframkvæmdum í Helguvík. „Þetta
og handboltinn eru bestu fréttir vikunnar,“ sagði Kristján G. Gunnarsson, formaður
Verkalýðs- og sjómannafélags Keflavíkur, eftir úrskurð umhverfisráðherra í gær.
Á VERGANGI Afgönsk stúlka frá Helm-
and-héraði horfir út úr heimatilbúnu
skýli sínu í einu úthverfa höfuðborgar-
innar Kabúl. NORDICPHOTOS/AFP
NEYTENDUR Verðhækkun á ýsu-
flökum milli ára eru að meðal-
tali 26 prósent ef niðurstöður
verðkönnunar Fréttablaðsins
eru bornar saman við upplýsing-
ar um meðalkílóverð á fersk-
um ýsuflökum í febrúar í fyrra
á vef Hagstofunnar. Meðalkíló-
verð á roðlausum og beinlausum
ýsuflökum var vitlaust reiknað í
verðkönnum Fréttablaðsins, sagt
vera 1.330 krónur en átti að vera
1.430 krónur.
Meðalverðið hækkaði þannig
ekki um 17 prósent á milli ára
eins og sagt var, heldur um 26
prósent sem fyrr segir. Ef farið
er aftur til ársins 2008 nemur
hækkunin á ferskum ýsuflökum
32 prósentum. Áréttað skal að
í grunni Hagstofunnar eru líka
matvöruverslanir en eingöngu
var hringt í fiskbúðir í könnun
Fréttablaðsins. Samanburðurinn
gefur því aðeins vísbendingu um
verðhækkun. - sbt
Ýsuflök hækka í verði:
26% hækkun á
milli ára
HEILSA Golfsamband Íslands og
Hreyfing heilsulind hafa gert
með sér samstarfssamning með
það að markmiði að fjölga kylf-
ingum sem stunda reglulega lík-
amsrækt.
Afrekshópar GSÍ munu njóta
góðs af samningnum, hluti af
æfingum hópanna mun fara fram
í Hreyfingu. Íslenskir afreks-
kylfingar hafa fyrir löngu áttað
sig á samhengi árangurs og
góðs líkamlegs ástands. Fram-
för íslenskra kylfinga gerir það
að verkum að kylfingar þurfa að
leggja meira og meira á sig til
að ná að halda sér meðal þeirra
bestu. - shá
Kylfingar rækti líkamann:
Hreyfing og
GSÍ í samstarf
VIÐ UNDIRRITUN Stefán Garðarsson, frá
GSÍ, og Ágústa Johnson, framkvæmda-
stjóri Hreyfingar. MYND/GSÍ
SVISS, AP. Jakob Zuma, forseti
Suður-Afríku, segir að fjölkvæni
sé partur af sinni þjóðmenningu
og biður engan afsökunar á því að
eiga þrjár eiginkonur.
Zuma, sem 67 ára gamall og
fylgir hefðum og siðum Zulu-
manna, kvæntist nýlega þriðju
eiginkonu sinni. Hann var spurð-
ur um fjölkvænið við pallborðs-
umræður á Heimsþinginu um
efnahagsmál í Davos í gær. Zuma
sagðist trúa á jafnrétti kynjanna
og fullyrti að hann elskaði allar
konurnar sínar jafnmikið. - pg
Forseti Suður-Afríku:
Elskar allar
eiginkonurnar
BANDARÍKIN, AP „Stjórn okkar hefur
beðið nokkra pólitíska ósigra þetta
ár, og suma þeirra voru verðskuld-
aðir,“ sagði Barack Obama Banda-
ríkjaforseti í stefnuræðu sinni,
sem hann flutti í fyrrinótt, þeirri
fyrstu sem hann flytur á forseta-
ferli sínum.
Hann hét því þó að halda ótrauð-
ur áfram að vinna að stefnumálum
sínum, svo sem heilbrigðistrygg-
ingum og uppstokkun á fjármála-
kerfinu, en benti á að hann hafi
tekið við mjög erfiðu og skuld-
settu búi af forvera sínum, sem
hann nefndi þó ekki á nafn.
Hann gagnrýndi jafnt andstæð-
inga sína í Repúblikanaflokknum
sem samherja sína í Demókrata-
flokknum fyrir að setja flokks-
hagsmuni ofar þjóðarhagsmun-
um.
Megnið af ræðunni snerist um
efnahagsmál og þær áhyggjur sem
almenningur hefur af þeim. Hann
sagðist skilja áhyggjur fólks af
því að stóru bönkunum hafi verið
bjargað með stórfé úr ríkissjóði,
en sagðist sannfærður um að sú
aðgerð hafi skipt sköpum við að
koma efnahagslífinu í gang á ný.
Aðaláhersla stjórnar hans á
þessu ári verður hins vegar að
draga úr atvinnuleysi í landinu, og
það verði gert með öðrum ráðum
en fyrri stjórn brúkaði. - gb
Barack Obama flutti fyrstu stefnuræðu sína í fyrrakvöld:
Heitir því að stokka upp fjármálakerfið
Í RÆÐUSTÓL Á ÞINGI Barack Obama flytur í fyrsta sinn hina árlegu stefnuræðu for-
seta. NORDICPHOTOS/AFP
Minningarbók um sendiherra Þýska-
lands á Íslandi, dr. Karl-Ulrich Müller,
liggur nú frammi í sendiráðinu að
Laufásvegi 31. Sendiherrann lést í
umferðarslysi í Skagafirði, á dög-
unum. Þeir sem vilja votta samúð
sína vegna fráfalls hans geta komið
í sendiráðið klukkan 9-12 og 14-16 í
dag, á mánudaginn og þriðjudaginn.
SENDIHERRANS MINNST