Fréttablaðið - 29.01.2010, Blaðsíða 34

Örlygur Smári hefur
unnið með helstu popp-
tónlistarmönnum þjóðar-
innar á síðustu árum og
átt fjölmarga smelli. Hann
gerir út frá bílskúrnum
sínum í Vatnsendahverf-
inu þar sem hljóðverið
hans er. Hann kallar það
Poppvélina.
Örlygur segist reyna að vera með
sem einfaldasta uppsetningu
í hljóðverinu svo flest af því
sem hann þarf sé aðgengilegt á
einfaldan hátt. „Hugmyndir koma
oft skyndilega og þá finnst mér
mikilvægt að geta brugðist skjótt
við til að heyra strax hvort þessar
hugmyndir virki. Þess vegna vinn
ég mikið „in the box“ eins og það
er oft kallað. Þá vinn ég hlutina
í tölvunni minni og er með forrit
sett upp og tilbúin til notkunar,
software-synta, samplera og slíkt.
Ég nota minna af utanáliggjandi
vélbúnaði, sem þarf að tengja
og setja upp, til að stöðva ekki
vinnuflæðið þegar það kemur. Ég
er svo sem ekki mikill græjukarl,
og þó. Ég get alveg viðurkennt
að ég hef alltaf verið veikur fyrir
blikkandi ljósum í hljóðverum, he
he he. Græjur búa samt sjaldnast
til betri tónlist og þar af leiðandi
íhuga ég það alltaf vel áður en ég
fæ mér eitthvað nýtt.“
Örlygur var tólf ára þegar áhugi
hans á því að skapa eigin tónlist
kviknaði. „Ég og bróðir minn,
Bergþór Smári, fengum gamlan
gítargarm frá ömmu okkar og
þannig byrjaði þetta. Þetta var
gamall nælonstrengjagítar. Ég
varð aldrei sérlega lipur í sólóun-
um eða að „pikka upp“ lög ann-
arra og fór því frekar að reyna að
búa til mín eigin lög. Bróðir minn
varð hins vegar strax miklu betri
en ég og er það enn þá. Hann er
í dag í blúshljómsveitinni Mood.
Fyrsti rafmagnsgítarinn sem ég
komst í var rauður Hondo sem
Beggi bróðir keypti sér á 5.500
krónur. Minn fyrsti rafmagnsgítar
var svo amerískur Fender Strato-
caster sem ég keypti 1994 þegar
ég var að vinna í Hljóðfærahúsinu.
Ég á þennan gítar enn í dag og
hann er aðal gítarinn minn. Ég
sem tónlist ýmist á gítar eða á
hljómborð, sem ég kann aðeins að
gutla á. Maður nálgast tónlistina
með mismunandi hætti eftir því
hvort maður er að semja á gítar
eða hljómborð.“
Örlygur var í ýmsum ballbönd-
um á 10. áratug síðustu aldar,
meðal annars hljómsveitinni Kirsu-
ber sem spilaði „upp í barskuldir á
Gauknum“, eins og Örlygur orðar
það. Segja má að tónlistarferill
Örlygs hafi snúist um 180 gráður
þegar hann fór í hljóðupptökunám
til Svíþjóðar upp úr aldamótunum.
„Þá kynntist ég vinnuferlinu sem
ég nota enn þann dag í dag,“
segir hann. „Á þessum tíma var
ég svo heppinn að fá tækifæri til
að starfa með frábærum lagahöf-
undum og pródúserum í alls kyns
tónlistarverkefnum og svo leiddi
bara eitt af öðru. Það má segja
að tilviljun hafi ráðið því að þessi
poppaða danstónlist varð það
sem ég er hvað mest í.“
Örlygur vinnur á Logic Pro-
upptökuforritið frá Apple, en hér
á landi nota flestir Pro Tools. „Ég
tel mig ekki vera góðan hljóðfæra-
leikara og því hentar það mér vel
að geta snurfusað og bætt tón-
listina eftir á í tölvunni. Reyndar
er í dag nær öll popptónlist löguð
eftir á hvort sem hún er leikin á
hljóðfæri eða unnin í MIDI.“
Fagmenn hlusta á annan hátt á
popptónlist en leikmenn. „Þegar
maður er að vinna við þetta
hlustar maður kannski meira eftir
nýjum sándum og útsetningunum
en annað fólk. Maður slítur hlutina
kannski í sundur og skoðar þá
þannig. Það eru svo margir góðir
pródúserar að gera flotta hluti í
dag. Má þar til dæmis nefna Timb-
aland og RedOne sem hafa komið
með nýjan hljóm í poppið. Annars
finnst mér oft ferlega gott að
hlusta á eitthvað gamalt og gott
ef ég kemst í öngstræti með mínar
lagasmíðar og útsetningar og núll-
stilla mig svo að segja. Þá leita ég
í Bítlana, enda gott að minna sig á
hvað hægt var að gera flotta hluti
með mjög takmarkaða tækni. Líka
sérstaklega þegar mann langar að
kaupa sér einhverja nýja græju í
stúdíóið. Það sem skiptir mestu
máli er það sem þú ert með í
kollinum, ekki það sem þú ert með
í stúdíóinu.“ drgunni@frettabladid.is
NÚLLSTILLIR SIG MEÐ BÍTLUNUM Það sem skiptir mestu máli er það sem þú ert með í kollinum, segir Örlygur Smári.
FRÉTTABLAÐIÐ/STEFÁN
DÓTAKASSINN
Logic Pro (þungamiðjan þar sem allt gerist). RME
Fireface 400, Vintagedesign M81Dmk2 formagnari,
Focusrite Liquidmix (vintage compressor and eq), TC Power-
core plugins. Hinir og þessir mækar, Neumann, Rode og SE.
Milli 20 og 30 softsyntar og fleiri hundruð gígabæt af sánd-
um sem ég hef safnað um árin. Nýjasta græjan er UAD-kort
frá Universal Audio sem ég fékk mér í Makkann.
ÖRLYGUR PRÓDÚSERAÐI
Allt fyrir ástina, Internation-
al, Ísland er í lagi?, Betra
líf, Er þetta ást, TF-Stuð
(endurgerð) og Sama hvar
þú ert (endurgerð) með
Páli Óskari. Give Me Sexy,
Control og Jealousy með
Haffa Haff. This Is My Life
með Eurobandinu og margt
fleira. Frekari upplýsingar
og hljóðdæmi er hægt að
finna á: www.facebook.
com/poppvelin.
VERKEFNIN FRAM
UNDAN
Er að vinna lög á væntan-
legar plötur fyrir Haffa Haff
og Heru Björk sem að öllum
líkindum koma út á árinu.
Er einnig að leggja drög að
næstu plötu Páls Óskars.
Hvenær hún kemur út er
óvíst en líklegt er að nokkur
ný Palla-lög líti þó dagsins
ljós á árinu.
POPPGÚRÚ: ÖRLYGUR SMÁRI OG POPPVÉLIN
ALLTAF VERIÐ
VEIKUR FYRIR
BLIKKANDI LJÓSUM
Örlygur Smári er
mikill Eurovision-
maður. Það vita
ekki allir að hann
samdi lagið Tell Me
sem Einar Ágúst og
Telma Ágústsdóttir
fluttu í Eurovision
árið 2000 og lentu í
12. sæti.
Tónastöðin er með meiriháttar úrval
magnara í öllum stærðum og gerðum
frá heimsþekktum framleiðendum!
Hjá okkur færðu faglega þjónustu,
byggða á þekkingu og áratuga reynslu.
gerðu tónlist á makkann þinn
Í fremstu röð í framleiðslu á hljóðversbúnaði.
nýtt í Tónastö
ðinni