Fréttablaðið - 29.01.2010, Qupperneq 54
22 29. janúar 2010 FÖSTUDAGUR
timamot@frettabladid.is
OPRAH WINFREY ER 56 ÁRA Í DAG.
„Ég hugsa ekki um sjálfa mig
sem fátæka, bágstadda stúlku
úr gettóinu sem gerði það gott.
Ég hugsa um mig sem stúlku
sem frá unga aldri vissi að hún
væri ábyrg fyrir sjálfri sér og
varð að gera það gott.“
Oprah Winfrey er ein þekktasta
sjónvarpskona heims. Hún hefur
séð um þáttinn The Oprah Win-
frey Show frá árinu 1986.
MERKISATBURÐIR
1845 Ljóðið Hrafninn eftir Edgar
Allan Poe kemur fyrst út á
prenti í dagblaðinu New
York Evening Mirror.
1886 Karl Benz fær einkaleyfi
fyrir fyrsta bensíndrifna
bílnum.
1891 Liliuokalani verður drottn-
ing Havaí-eyja eftir lát
bróður síns. Hún er síðasti
einvaldur á eyjunum.
1905 Jarðskjálfti verður á Suð-
vesturlandi, upptök við
Kleifarvatn, 5,5 á Richter.
1928 Slysavarnafélag Íslands er
stofnað. Fyrsti forseti þess
er Guðmundur Björnsson.
1961 Körfuknattleikssamband
Íslands er stofnað.
1964 Kvikmynd Stanley Kubrick,
Dr. Strangelove, er frum-
sýnd.
Á þessum degi árið 1958
gengu leikararnir Paul New-
man og Joanne Woodward í
hjónaband sem varð eitt það
langlífasta í Hollywood.
Newman hafði áður verið
giftur Jackie Witte og átti með
henni þrjú börn, Scott, Susan
og Stephanie. Newman og
Woodward eignuðust síðan
þrjár dætur, Elinor, Melissu
og Claire. Þau héldu verndar-
hendi yfir einkalífinu og voru
lítið fyrir að bera líf sitt á torg.
Þau bjuggu lengst af í West-
port í Connecticut og var New-
man þekktur fyrir hollustu
sína við fjölskylduna. Um það vitnar frægt tilsvar
hans þegar hann var spurður út í framhjáhald.
„Af hverju að fara út og fá
sér hamborgara þegar steikin
bíður heima?“
Newman og Woodward
voru virk í pólitík og studdu
demókrata með ýmsum
ráðum.
Þau léku saman í tíu kvik-
myndum. Meðal annars
The Long, Hot summer árið
1958 og Mr. and Mrs. Bridge
árið 1990. Bæði hlutu þau
Óskarsverðlaun á ferlinum,
Woodward árið 1957 fyrir The
Three Faces of Eve og New-
man árið 1986 fyrir The Color
of Money.
Paul Newman lést úr krabbameini í september
2008, þá 83 ára.
ÞETTA GERÐIST: 29. JANÚAR 1958
Newman kvænist Woodward
Vísindavefurinn var stofnaður árið
2000 sem verkefni Háskóla Íslands í
tilefni af því að Reykjavík var menn-
ingarborg. „Þetta átti upphaflega að
vera tímabundið verkefni en áhug-
inn var meiri en menn áttu von á og
því var þessu haldið áfram,“ segir Jón
Gunnar Þorsteinsson, aðstoðarritstjóri
Vísindavefsins, en í dag starfa um
þrír við Vísindavefinn auk þess sem
um 800 fræðimenn svara spurning-
um sem berast vefnum. Kjarninn í
hópi höfunda eru kennarar, fræðimenn
og vísindamenn við HÍ en einnig sér-
fræðingar um allt land og jafnvel utan
landsteina.
Langflestar spurningarnar koma frá
unglingum á aldrinum 14 til 15 ára.
„Þeir vita nógu mikið til að spyrja,
eru ekki feimnir og þora að spyrja,“
segir Jón Gunnar en bendir á að mun
breiðari aldurshópur skoði vefinn enda
var ein milljón heimsókna á síðuna á
síðasta ári. „Notendur eru fjölbreyttir
en skólafólk notar síðuna mjög mikið
enda sjáum við mikinn topp í aðsókn
á haustin þegar skólar hefjast,“ segir
hann.
Reynt er að svara sem flestum
spurningum sem berast og snúa að
vísindum. „Við svörum því ekki hvort
Angelina og Brad séu enn þá saman,
en við svörum því hvað sé ást,“ útskýr-
ir Jón Gunnar en viðurkennir að mun
fleiri spurningar berist en hægt sé að
svara.
Oft á tíðum eru sendar inn furðuleg-
ar spurningar. „Við höfum sérstakan
flokk fyrir þær sem við köllum föstu-
dagssvör,“ segir Jón Gunnar og eru
þau svör á léttari nótum. Hann gefur
dæmi um slíkar spurningar: „Hvað
eru ráðin undir rifjunum mörg? Hver
stal kökunni úr krúsinni í gær? Hvar
er þessi Stökustaður sem er talað
um í veðurfréttum? Hvað er að vera
alveg kexruglaður? Hvað þýðir orðið
montrass?“
Á afmælisárinu er ætlunin að
koma með nokkrar nýjungar á vefn-
um. Þannig verður hægt að skoða
myndbönd á youtube og vefnum,
einnig verður hægt að skoða svör í
hlaðvarpi auk þess sem þriggja ára
Evrópuverkefni Vísindavefsins lýkur
á árinu.
Í tilefni afmælisdagsins verður í dag
haldið málþing um vísindamiðlun. Þar
verður fjallað um nám í vísindamiðlun,
útgáfu fræðirita fyrir almenning, vís-
indamiðlun í fjölmiðlum og vísinda-
miðlun til ungs fólks. Málþingið verð-
ur haldið í fyrirlestrarsal Þjóðminja-
safnsins klukkan 14 til 16.
Sömuleiðis verður haldin fyrir-
lestraröð næstu fjóra laugardaga um
vísindi handa almenningi. Á morgun
verður fyrsti fyrirlesturinn sem Orri
Vésteinsson lektor í fornleifafræði
mun halda um landnám jarðar. Fyrir-
lestrarnir verða í sal 132 í Öskju frá
klukkan 13 til 14.30. Þá verður í fram-
haldinu fyrirlestrarröð í samstarfi við
Orkuveituna og endurmenntun sem
kölluð er Vísindi á verði bíómiða. „Þar
er tækifæri fyrir fjölskyldur að koma
saman og fræðast um vísindi,“ segir
Jón Gunnar og býður alla áhugasama
velkomna. solveig@frettabladid.is
VÍSINDAVEFURINN: HELDUR UPP Á TÍU ÁRA AFMÆLI MEÐ MÁLÞINGI
Hver stal kökunni úr krúsinni?
JÓN GUNNAR ÞORSTEINSSON Veit ekki hver stal kökunni eða hvar Stökustaður er. FRÉTTABLAÐIÐ/GVAÁstkær móðir okkar, tengdamóðir,
amma og langamma,
Ingigerður Eiríksdóttir
Skipum, Stokkseyrarhreppi,
lést á hjúkrunardeild Kumbaravogs föstudaginn
22. janúar. Útför hennar fer fram frá Stokkseyrarkirkju,
laugardaginn 30. janúar og hefst athöfnin kl. 11.
Gísli V. Jónsson Herdís J. Hermannsdóttir
Móeiður Jónsdóttir Ólafur Benediktsson
Ragnheiður Jónsdóttir Vilhjálmur Vilmundarson
barnabörn og barnabarnabörn.
100 ára afmæli
Anna Pálmey
Hjartardóttir
verður 100 ára 29. janúar. Hún tekur
á móti gestum í safnaðarheimili
Kópavogskirkju laugardaginn
30. janúar kl. 16.00.
Ástkær móðir okkar, tengdamóðir,
amma og langamma,
Alda Stefánsdóttir
Arnarhvoli, Dalvík,
sem lést mánudaginn 25. janúar sl., verður jarðsungin
frá Dalvíkurkirkju laugardaginn 30. janúar nk.
kl. 13.30.
Stefán Steinsson
Símon Páll Steinsson Sigurlaug Stefánsdóttir
Sigurlína Steinsdóttir Samúel M. Karlsson
barnabörn og barnabarnabörn.
Innilegar þakkir til allra þeirra sem
sýndu okkur samúð, vináttu og hlýhug
við andlát og útför ástkærs eiginmanns,
föður, afa og langafa,
Péturs Sigurðssonar
fyrrv. framkvæmdastjóra, Breiðdalsvík.
Bestu þakkir til starfsfólks hjúkrunarheimilis aldraðra
að Skjólgarði, Höfn Hornafirði.
Bergþóra Sigurðardóttir
Arnleif Pétursdóttir Manfred Kleindienst
Jóhanna Pétursdóttir Sveinn F. Jóhannsson
Sigurður Pétursson Ólöf Kristjánsdóttir
Hreinn Pétursson Linda H. Guðmundsdóttir
Pétur Pétursson Ingunn H. Guðmundsdóttir
barnabörn og barnabarnabörn.
Ástkær faðir okkar, tengdafaðir, fyrrv.
eiginmaður og afi,
Magnús Guðjónsson
Hamravík 36, Reykjavík,
andaðist á heimili sínu 25. janúar sl. Útför hans
verður gerð frá Lágafellskirkju þriðjudaginn
2. febrúar kl. 13.00.
Katrín Þ. Magnússon Magnús Kristinsson
Guðjón H. Magnússon
Ágústa S. Magnúsdóttir Hafsteinn Kristjánsson
Guðrún Ágústsdóttir
og barnabörn.
Ástkær móðir mín, tengdamóðir, amma
og langamma,
Guðríður O. Egilsdóttir
kennari, Austurströnd 12,
Seltjarnarnesi,
sem andaðist á Landspítalanum í Fossvogi miðviku-
daginn 20. janúar, verður jarðsungin frá Neskirkju, í
dag, föstudaginn 29. janúar kl. 15.
Þórður Adolfsson Sigrún Haraldsdóttir
Agla Jael Friðriksdóttir
Kjartan Jónatan Friðriksson
Egill Moran Friðriksson
Soffía Kristín Þórðardóttir
Þórdís Ögn Þórðardóttir
Sölvi Þórðarson
og langömmubörn.