Fréttablaðið - 02.02.2010, Blaðsíða 20

Stofnfundur samtaka um heilsuferðaþjónustu á
Íslandi var haldinn í lok síðasta mánaðar. Katrín Júlí-
usdóttir, iðnaðar- og ferðamálaráðherra, sótti fund-
inn og segir veruleg tækifæri felast í þessari tegund
ferðaþjónustu.
Heilsuferðaþjónusta er sproti innan ferðaþjónust-
unnar sem hefur vaxið í samræmi við aukinn áhuga
almennings á heilsu og vellíðan. Umtalsverð undir-
búningsvinna hefur verið unnin í iðnaðarráðuneytinu
í tengslum við þetta mál og verður um fjórum millj-
ónum króna varið í verkefnið.
„Iðnaðarráðuneytið vinnur þetta verkefni í sam-
starfi við ferðamálastofu og við höfum sett okkur
háleit markmið um að fjölga þeim ferðamönnum
sem sækja landið heim. Vandamálið sem við stönd-
um frammi fyrir núna er hvernig við förum að því
að fjölga ferðamönnum utan hins hefðbundna ferða-
mannatíma og við veðjum á heilsuferðaþjónustu,“
útskýrir Katrín. Hún segir ótal tækifæri hér á landi
til sóknar í þessari tegund af ferðaþjónustu og bendir
meðal annars á að sundlaugar og náttúrulegar laugar,
hreinar matarafurðir, ósnortna náttúru og hreint loft
megi nýta í heilsuferðaþjónustu.
Katrín bendir á að ferðamönnum sem kaupa heilsu-
tengda ferðaþjónustu fjölgi árlega um átján prósent
og þó hingað kæmi ekki nema brot af þeim fjölda væri
það mikil búbót.
„Stefnan er að búa til klasa samstarfsfyrirtækja
sem munu vinna að heilsuferðaþjónustu og vonandi
verðum við komin með fullmótaða vöru í hendurnar
fyrir næsta haust. Sjálf tel ég að þetta sé framtíðin
hvað ferðaþjónustu varðar og ég finn fyrir miklum
áhuga á meðal íslenskra ferðaþjónustuaðila að sækja
inn á þennan markað.“
Katrín segir að samtökin muni einnig skoða þann
möguleika hvort hægt sé að skapa markað fyrir lækn-
ingaferðaþjónustu. „Annar möguleiki er að fara af
stað með læknistengda ferðaþjónustu hér á landi, en
það er eitthvað sem við getum ekki hent okkur út í
alveg strax,“ segir Katrín að lokum.
sara@frettabladid.is
Mikil tækifæri innan
heilsuferðaþjónustu
Katrín Júlíusdóttir, iðnaðar- og ferðamálaráðherra, sótti stofnfund samtaka um heilsuferðaþjónustu á
Íslandi. Hún segir ótal tækifæri vera hér á landi til sóknar í þessari tegund ferðaþjónustu.
Katrín Júlíusdóttir segir mikilvægt að fjölga þeim ferðamönnum
sem sækja landið heim. FRÉTTABLAÐIÐ/GVA
Flügger-litir hafa skapað
sér sterka stöðu á Íslandi
og styrktist hún enn frek-
ar á dögunum þegar fyr-
irtækið gekk til samstarfs
við Hempel-málningarfyr-
irtækið. „Hempel hefur
sérhæft sig í skipa- og iðn-
aðarmálningu en Flügger-
litir hafa í gegnum tíðina
lagt megináherslu á húsa-
og híbýlamálningu. Eftir
breytinguna erum við
orðnir þéttir á öllum svið-
um,“ segir Vigfús Gunnar
Gíslason, framkvæmda-
stjóri Flügger.
Flügger og Hempel, sem
bæði eru með starfsemi
víða um heim og byggja á
aldargömlum grunni, voru
aldrei í beinni samkeppni
enda með ólíkar áhersl-
ur. „Nú erum við komnir
með breiðara úrval undir
einn hatt og bindum mikl-
ar vonir við það enda hefur
Hempel verið þekktasta
merkið á sviði skipa- og
iðnaðarmálningar á Íslandi
um áratugaskeið og er með
sterka markaðsstöðu.“
Hempel var í samstarfi
við íslenska málningar-
fyrirtækið Slippfélagið
en sleit því í lok árs 2009.
„Þá lágu fyrir upplýsing-
ar um að Slippfélagið ætti
í fjárhagserfiðleikum og
tóku forsvarsmenn Hemp-
el ákvörðun um að leita til
Flügger enda fyrirtækið
með sterka stöðu á Íslandi.
Þetta eru tvö dönsk fyrir-
tæki sem gera með sér
viðskiptasamning en bæði
hafa verið með viðskipti á
Íslandi. Við erum gamla
Harpa Sjöfn sem Flügger
keypti þegar fyrirtækið fór
að hasla sér völl hér á landi
og erum með net verslana
bæði á höfuðborgarsvæð-
inu og úti um landsbyggð-
ina en höfuðstöðvarnar eru
að Stórhöfða 44 í Reykjavík
og þar eru aðsetur söludeild-
ar Hempel,“ segir Vigfús.
Hann segir að samkomu-
lag hafi orðið um að ráða
hluta af starfsmönnum sölu-
deildar Hempel, eða sölu-
stjórana Þorstein Hauks-
son og Hörð Backman, sem
höfðu umsjón með Hemp-
el, til Flügger til að tryggja
áframhaldandi gæðaþjón-
ustu. „Þannig höldum við
tengslum við viðskiptavini
og viðhöldum þekkingu.“
Hempel í nýjar hendur
Hempel málningarfyrirtækið, sem sérhæfir sig í skipa- og iðnaðarmálningu, hefur nú gengið til samstarfs við Flügger-liti og hefur staða Flügger því styrkst til muna.
Vigfús Gunnar Gíslason, framkvæmdastjóri Flügger, segir samstarfið við Hempel tryggja breiðara úrval. Hér er hann ásamt sölustjóranum Þorsteini Haukssyni. FRÉTTABLAÐIÐ/STEFÁN
Kynning
STÓRT VETNISVERKEFNI fer af stað bráðlega.
Af þeim sökum afhenti iðnaðarráðherra á dögunum
tíu Ford Focus FCV vetnisrafbíla til ýmissa notenda sem
munu taka þátt í verkefninu. www.iðnadarraduneyti.is
MiðvikudagaJóna María Hafsteinsdóttir
jmh@365.is - sími 512 5473
Henný Árnadóttir
henny@365.is - sími 512 5427
Þórdís Hermannsdóttir
thordish@365.is - sími 512 5447