Fréttablaðið - 02.02.2010, Blaðsíða 22

2. FEBRÚAR 2010 ÞRIÐJUDAGUR2 ● fréttablaðið ● heilsa
„Með þessu erum við að hvetja
almenning til að huga betur að
sinni daglegu hreyfingu og auka
hana eins og hægt er, bæði í leik
og starfi,“ segir Kristín Lilja Frið-
riksdóttir, hjá Íþrótta- og Ólymp-
íusambandi Íslands, sem ætlar að
hefja átaks- og hvatningarverkefn-
ið Lífshlaupið næstkomandi mið-
vikudag.
Lífshlaupið fer nú af stað í þriðja
sinn og er fyrirkomulag átaksins
með sama sniði og síðustu tvö ár.
Þannig geta þeir sem eru fimmt-
án ára og yngri tekið þátt í hvatn-
ingarleik grunnskólanna en sextán
ára og eldri í vinnustaðakeppni.
Leikreglur eru einfaldar að sögn
Kristínar.
„Sá skóli eða vinnustaður sem
skráir á sig hreyfingu flesta daga á
tímabilinu 3. til 23. febrúar vinnur
keppni. Lágmarkshreyfing hvers
nemanda er klukkutími á dag en
hálftími á hvern starfsmann í sam-
ræmi við ráðleggingar Lýðheilsu-
stöðvar um hreyfingu. Ég vil þó
benda á að í vinnustaðakeppninni
deilist heildarhreyfing niður á alla
starfsmenn viðkomandi fyrirtæk-
is en ekki aðeins þá skráðu og því
um að gera að fá flesta til að vera
með.“ Hún bætir við að þátttak-
endur eigi jafnframt möguleika
á að vinna til viðurkenninga í ein-
staklingskeppni sem stendur yfir
allt árið um kring. Að sögn Krist-
ínar fjölgaði þátttakendum á síð-
asta ári um 1.588, eða úr 7.700 í
9.288 manns. Hún reiknar með
enn betri þátttöku í ár. „Til að svo
verði höfum við meðal annars ein-
faldað skráningarkerfi skólanna
þannig að aðeins einn starfsmað-
ur frá hverjum skóla þarf að skrá
hann. Eftir það geta kennarar við-
komandi skóla skráð sína bekki.“
Sjá www.lifshlaupid.is. - rve
Höfðar til allra landsmanna
Kristín ásamt vinnufélugunum hjá ÍSÍ sem hafa þegar skráð sig til leiks. Frá vinstri:
Örvar Ólafsson, Kristín, Hannes S. Jónsson, Andri Stefánsson, Þórarinn Alvar Þórar-
insson og Hafsteinn Pálsson formaður almenningsíþróttasviðs ÍSÍ. FRÉTTABLAÐIÐ/VALLI
Það geta allir spilað badmin-
ton og það sem meira er, það
geta allir keppt í badminton.
Íþróttin, sem á rætur sínar að
rekja til Indlands, nýtur nú
mikilla vinsælda á Íslandi.
„Badmintoníþróttin hefur aldrei
notið meiri vinsælda en nú í vetur,“
segir Jóhann Kjartansson, yfir-
þjálfari hjá Tennis- og badminton-
sambandi Íslands. „Við renndum
alveg blint í sjóinn vegna ástands-
ins í þjóðfélaginu og áttum ekki
von á þessari miklu aðsókn en
erum vitaskuld afar ánægð með
hana.“
Íþróttin er komin frá Indlandi og
barst til Evrópu með enskum liðs-
foringjum sem þar voru í hernaði.
Fyrsti leikurinn fór fram á Eng-
landi árið 1873 en þegar hertoginn
af Beaufort fékk áhuga á þessum
leik var hann kynntur á herragarði
hans í Gloucesterskíri, Badminton
House, og þaðan er nafn íþróttar-
innar komið.
„Það skemmtilega við badmin-
tonið er að það geta nær allir spil-
að íþróttina en iðkendur hér eru
frá fimm ára aldri og upp í nír-
ætt. Hér eru einnig vinnuhópar
og saumaklúbbar sem sumir hafa
spilað saman í allt að 30-40 ár og
það sem sumir hafa einmitt mest
gaman af er að keppa innbyrðis.
Fólk er vitaskuld fyrst og fremst
að spila sér til ánægju og heilsu-
bótar. Mörgum finnst ekki verra að
keppa og sumir halda strangt bók-
hald og taka því vel á,“ segir Jó-
hann og brosir.
Að sögn Jóhanns er algeng-
ast að almenningur festi sér völl í
húsi TBR í Gnoðarvogi einu sinni
í viku eða oftar en einnig er hægt
að panta staka tíma með mest viku
fyrirvara. „Æfingatímar fyrir börn
og unglinga eru frá klukkan 14.20
til 16.50 flesta dag vikunnar.“
Flestir æfa tvisvar í viku í 50
mínútur í senn, fyrst yngstu börn-
in og þau eldri seinni partinn. Þá
er boðið upp á sex vikna námskeið
á mánudagskvöldum klukkan 21.50
þar sem farið er í undirstöðuatriði
íþróttarinnar. Fólk hefur að því
loknu náð ágætis færni til þess að
spila að sögn Jóhanns.
Næsta námskeið hefst í byrjun
mars. Nánari upplýsingar sem og
upplýsingar um fleiri námskeið
má finna á heimasíðu Tennis- og
badmintonsambands Reykjavíkur,
www.tbr.is - uhj
Sumir halda strangt
bókhald í badminton
„Badmintoníþróttin hefur aldrei notið meiri vinsælda en nú í vetur,“ segir Jóhann Kjartansson, hjá Tennis- og badmintonfélagi
Reykjavíkur. FRÉTTABLAÐIÐ/ANTON
Ný rannsókn sýnir fram á að börn
eru líklegri til að fara til tann-
læknis ef foreldrarnir fara sjálf-
ir reglulega.
Í rannsókninni tóku þátt 6.100
manns sem svöruðu spurninga-
lista. Helstu niðurstöður voru
þær að 86 prósent barna foreldra,
sem höfðu farið til tannlæknis á
árinu fyrir könnunina, höfðu einn-
ig farið til tannlæknis. Aðeins 64
prósent barna foreldra, sem ekki
höfðu farið til tannlæknis á síð-
ustu tólf mánuðum, höfðu sjálf
farið.
Einnig benti rannsóknin til
þess að foreldrar sem frestuðu
tannlæknaferðum vegna kostn-
aðar áttu börn sem gerðu slíkt
hið sama.
Rannsóknin var gerð af vís-
indamönnum við sjúkrahúsið í
Massachusetts í Bandaríkjunum
og birtist grein um hana í tíma-
ritinu Pediatrics. - sg
Börn læra af foreldrum
Börnin læra það sem fyrir þeim er haft.
Brjóstaminnkunaraðgerðum á
körlum í Bretlandi fjölgaði um
áttatíu prósent frá árinu 2008 til
2009 eða úr 323 aðgerðum í 581,
en það var mesta aukningin á sviði
lýtalækninga þar í landi í fyrra.
Lýtalækningum almennt fór þó
einnig fjölgandi og virðast Bret-
ar ekki setja kreppuna fyrir sig
þegar kemur að útlitinu.
Aðgerðirnar eru í níu af hverj-
um tíu tilvikum framkvæmd-
ar á konum og er brjóstastækk-
un langvinsælust. Mesta aukning-
in er þó hjá körlum og eru nef- og
augnpokaaðgerðir efstar á lista.
Brjóstaminnkunaraðgerðunum
fjölgar þó mest eins og fyrr segir
og vill lýtalæknirinn Rajiv Grov-
er meina að karlmannstímaritum
sé um að kenna. „Margir karlmenn
upplifa pressu frá karlmannstíma-
ritum sem sýna stælta kroppa, en
slík blöð voru mörg hver ekki á
markaði fyrir nokkrum árum.
Brjóstaminnkun á körlum er ekki
ný af nálinni en með tilkomu kar-
latímaritanna fóru menn að átta
sig á því að þessi möguleiki væri
fyrir hendi.“ - ve
Brjóstaminnkunum
fjölgar um 80 prósent
Bretar setja kreppuna ekki fyrir sig
þegar kemur að útlitinu.
NORDICPHOTOS/GETTY
Hádegishópur
Vilt þú keyrslu og aðhald?
Nýtt námskeið að
hefjast þriðju- og
fi mmtudaga
kl. 12.05–12.50
6 vikur
Byrjar 9. febrúar
Verð kr. 14.900
Þjálfari er
Anna Borg,
sjúkra- og
einkaþjálfari
Skráning í síma
560 1010 eða á
heilsuborg@heilsuborg.is