Fréttablaðið - 02.02.2010, Blaðsíða 38

22 2. febrúar 2010 ÞRIÐJUDAGUR
folk@frettabladid.is
> KOMINN Í
KYNLÍFSBANN
Leikarinn Matthew McCon-
aughey er þessa dagana í
fjörutíu daga kynlífsbanni.
Konan hans, hin brasil-
íska Camila Alves, eign-
aðist annað barn þeirra
fyrir þremur vikum.
Samkvæmt brasilísk-
um hefðum þarf hún
fjörutíu daga til að
jafna sig áður en hún
getur stundað kynlíf á
nýjan leik.
Egill Einarsson hefur
verið stoppaður úti á götu,
knúsaður og kysstur fyrir
framgöngu Arons Pálm-
arssonar á EM. Egill segir
Aron skólabókardæmi um
mann sem nær sínum mark-
miðum.
„Ég verð að viðurkenna að kjúkl-
ingurinn kom mér á óvart, ég vissi
að hann væri góður en kannski
ekki alveg svona rosalega góður,“
segir Egill Einarsson einkaþjálfari
um skjólstæðing sinn, Aron Pálm-
arsson. Íslendingar sáu nýja hand-
boltastjörnu fæðast á dúklögðu
gólfi Stadthalle í Austurríki þegar
hinn nítján ára gamli Hafnfirð-
ingur lék andstæðinga sína á EM
grátt og kom þeim í opna skjöldu
með línusendingum sínum, undir-
skotum og uppstökkum. Egill við-
urkennir að hann sé að rifna úr
stolti yfir „kjúklingnum“ en vill þó
ekki alveg kvitta upp á að kjúkl-
ingurinn sé orðinn að manni. „Við
erum svo nýbyrjaðir að kalla hann
kjúklinginn.“
Fréttablaðið greindi frá sam-
starfi þeirra í desember 2008.
Árinu áður, þá sautján ára gam-
all, hafði Aron skrifað einkaþjálf-
aranum bréf og lýst hugmyndum
sínum um að verða besti leikmað-
ur í heimi. Aron hafði fylgst með
framgöngu Egils í fjölmiðlum og
leist vel á hann og vildi bara vita
hvort Egill væri ekki örugglega
rétti maðurinn í starfið. Í kjölfarið
tóku þeir til hendinni, fóru í mikl-
ar styrktaræfingar og árangurinn
lét ekki á sér standa; Aron er nú
leikmaður þýska stórliðsins Kiel
og leikur þar undir stjórn Alfreðs
Gíslasonar. Og er ein af vonar-
stjörnum íslensks handbolta.
Egill segist alltaf hafa haft mikla
trú á Aroni, hann sé skólabókar-
dæmi um það að menn geti látið
drauma sína rætast. „Fólk vissi að
hann væri efnilegur en hversu oft
höfum við séð efnilega leikmenn
kikna undan pressu?“ segir Egill
sem hefur hjálpað Aroni með mat-
aræðið að undanförnu og er honum
enn innan handar þegar landsliðs-
maðurinn og bronshetjan er hér
á landi. Einkaþjálfarinn er ekki í
vafa um að framtíðin sé björt hjá
Aroni og hann er staðráðinn í að
vera viðstaddur HM í Svíþjóð á
næsta ári. „Maður verður að ná
einu stórmóti, það er ekki nokkur
spurning.“
freyrgigja@frettabladid.is
Stoltur af kjúklingnum
FYRIR TVEIMUR ÁRUM Egill og Aron unnu saman að því að styrkja leikmanninn fyrir komandi átök. Árangurinn hefur ekki látið á
sér standa. FRÉTTABLAÐIÐ/STEFÁN
Kvikmyndirnar Transformers:
Revenge of the Fallen og Land
of the Lost fengu sjö tilnefning-
ar hvor til hinna árlegu Razzies-
skammarverðlauna í Hollywood.
Báðar voru þær tilnefndar sem
verstu myndir síðasta árs auk
þess sem aðalleikararnir, Megan
Fox og Will Ferrell, voru tilnefnd-
ir sem verstu leikararnir. Fox var
sömuleiðis tilnefnd fyrir hlutverk
sitt í Jennifer´s Body.
Aðrar myndir tilnefndar sem
þær verstu voru All About Steve
með Söndru Bullock í aðalhlut-
verki, G.I. Joe: The Rise of the
Cobra og Old Dogs með Robin
Williams og John Travolta í aðal-
hlutverkum. Bullock var einn-
ig tilnefnd sem versta leikkonan,
sem er nokkuð skondið því búist
er við því að hún verði tilnefnd til
Óskarsverðlaunanna í dag fyrir
frammistöðu sína í The Blind Side.
„Hún gæti orðið fyrsta mann-
eskjan til að hljóta Razzie- og
Óskarsverðlaun sömu helg-
ina,“ sagði John Wilson, skipu-
leggjandi Razzies-verðlaunanna,
sem verða afhent í þrítug-
asta sinn 6. mars, degi á
undan Óskarsverðlaun-
unum.
Aðrar tilnefndar sem
verstu leikkonur voru
Miley Cyrus, Beyonce
Knowles og Sarah Jess-
ica Parker. Sem verstu
leikarar voru einnig til-
nefndir Jonas-bræð-
ur, Steve Martin, Eddie
Murphy og John Tra-
volta.
Tilnefningar fyrir
verstu myndir og leik-
ara síðasta áratugar
voru einnig tilkynnt-
ar. Sem versta myndin
var Battlefield Earth nefnd
til sögunnar ásamt Freddy
Got Fingered, Gigli, I Know
Who Killed Me og Swept
Away. Ben Affleck, sem lék
í Gigli, var tilnefndur
sem versti leikarinn
ásamt John Travolta
úr Battlefield Earth.
Aðrir t i lnefndir
voru Eddie Murphy,
Mike Myers og Rob
Schneider. Í kvenna-
flokki urðu fyrir
valinu þær Linds-
ay Lohan, Jennifer
Lopez, Madonna,
Mariah Carey og
Paris Hilton.
MEGAN FOX Mega-
beibið Megan Fox
hlaut tvær tilnefningar
til Razzies-verðlaunanna.
Tilnefndar til sjö Razzies
Íslenska leikkonan Anita Briem var
meðal stjarnanna í Hollywood þegar
kvikmyndin When in Rome var frum-
sýnd. Aðdáendur flykktust að stjörn-
unum þegar þær mættu prúðbúnar í
El Capitan-kvikmyndahúsið á mið-
vikudaginn í síðustu viku. When in
Rome hefur reyndar ekki fengið rosa-
lega góða dóma en hún skartar Krist-
en Bell, sem íslenskir sjónvarpsáhorf-
endur ættu að kannast við úr Gossip
Girls, og Josh Duhamel, eiginmanni
Fergie úr The Black Eyed Peas, í aðal-
hlutverkum auk Anjelicu Houston og
Jon Heder, nördaleikarans geðþekka
úr Napeolon Dynamite og Blades of
Glory.
Anita vakti mikla athygli að venju á
rauða dreglinum en meðal þeirra sem
sóttu frumsýninguna má nefna áður-
nefnda Fergie, Miami Vice-leikarann
Don Johnson og Bradley Cooper úr
The Hangover. Anita er nú nýbúin að
leika í kvikmyndinni Dead of Night
á móti ofurmenninu Brandon Routh
en inni á opinberri heimasíðu kvik-
myndarinnar, deadofnight-themovie.
com/, má sjá ljósmyndir frá tökunum
og meðal annars myndir af Anitu og
Routh saman. Næsta verkefni Anitu
samkvæmt imdb.com er Everything
Will Happen Before You Die. Dead of
Night verður hins vegar frumsýnd á
þessu ári.
Anita á frumsýningu með Fergie
MEÐAL STJARNANNA Anita Briem var meðal
stjarnanna þegar kvikmyndin When in Rome
var frumsýnd. NORDIC PHOTOS/GETTY IMAGES
Söngkonan Kate Perry komst að
því í gegnum google.com að unn-
usti hennar, Russell Brand, hygð-
ist biðja hennar. Hún viðurkenndi
í samtali við fjölmiðla að hún
gúggl aði stundum sjálfa sig og sá
þar að vefmiðlar voru farnir að
fjalla um hvers vegna Russell væri
að kaupa hringa. „Þetta er bara
svona, því miður,“ sagði Kate.
Google kjaftaði frá
GÚGGLAR SJÁLFA SIG Kate Perry viður-
kennir að hún gúggli sjálfa sig.
NÝ SALATLÍNA FRÁ
SÓMA SEM BYGGÐ ER
Á LANGRI REYNSLU
AF SAMLOKUGERÐ