Fréttablaðið - 04.02.2010, Blaðsíða 2
2 4. febrúar 2010 FIMMTUDAGUR
STJÓRNSÝSLA Umboðsmaður Alþing-
is segir félagsmálaráðuneytið
ekki hafa farið að lögum þegar
taílenskri konu var synjað um
atvinnuleyfi á nuddstofu á Álfta-
nesi. Hugsanlega hafi ráðuneytið
bakað sér skaðabótaskyldu en það
sé úrlausnarefni dómstóla.
Bogi Jónsson, eigandi nuddstof-
unnar, segir það myndi verða gott
að fá eitthvað til að minnka skað-
ann. „Ef þeir fimm félagsmálaráð-
herrar sem hafa haft með málið að
gera og forstjóri Vinnumálastofn-
unar myndu biðja mig opinberlega
afsökunar þá myndi ég láta það
nægja,“ segir Bogi.
Á árinu 2006 hugðist Bogi ráða
taílenska mágkonu sína til starfa
á nuddstofu sem hann var að koma
upp við veitingastað sinn Gullna
hliðið á Álftanesi. Mágkonan er
með sérmenntun í nuddfræðum
frá Wat Po-skólanum sem sagður
er sá virtasti í Taílandi. Stofa Boga
hafði einmitt þessa tegund nudds
sem sérsvið.
Vinnumálastofnun og síðar
félagsmálaráðuneytið höfnuðu
atvinnuumsókn mágkonu Boga.
Ekki var talið að fullreynt væri að
fá til starfa sambærilegan nudd-
ara af evrópska efnahagssvæð-
inu þótt Bogi hafi auglýst starfið
á þeim vettvangi. Hann hafi gert
of þröngar og óraunhæfar kröfur.
Þær voru meðal annars að viðkom-
andi hefði stundað nám í Konung-
lega Wat Po-heilsufræðiskólanum
og talaði taílensku til að geta kynnt
sér nýjustu strauma og stefnur í
nuddinu. „Þau laun sem hún ætti
að fá samkvæmt ráðningarsamn-
ingi bentu ekki til að verið væri að
greiða fyrir langt nám eða mikla
þekkingu launþegans,“ segir þess
utan í áliti umboðsmanns um rök
hinna opinberu aðila.
Umboðsmaður Alþingis segir
félagsmálaráðuneytið hvorki
hafa byggt synjun sína á lögum
né kannað málið nógu vel áður
en ákvörðun var tekin. Ekki hafi
verið sýnt fram á að Bogi hefði
bersýnilega gert óhóflegar kröfur
til viðkomandi starfsmanns.
Bogi segir niðurstöðuna ekki
koma sér á óvart en að málalyktir
nú, nærri fjórum árum eftir upp-
haf málsins, komi vonum seinna.
„Baðhúsið hjá mér stóð autt í tvö
ár á meðan ég var að þrjóskast við
að ná þessu í gegn og það hefur
aldrei komist almennilega í gang
út af þessari vitleysu því maður
var ekki öruggur með starfs-
mann,“ segir hann.
Þótt mágkonan hafi ekki fengið
atvinnuleyfið á sínum tíma segir
Bogi að hún hafi komið hingað
síðar í heimsókn. „Og nú er hún
gift og á sína fjölskyldu hér.“
gar@frettabladid.is
Taílenskum nuddara
var úthýst án ástæðu
Félagsmálaráðuneytið rannsakaði ekki nógu vel mál taílenskrar konu sem var
synjað um atvinnuleyfi sem nuddari á Álftanesi, segir umboðsmaður Alþingis.
Eigandi nuddstofunnar vill afsökunarbeiðni frá fimm félagsmálaráðherrum.
BOGI JÓNSSON Var neitað um að flytja inn sérhæfðan nuddara frá Taílandi og segir
það hafa kippt grundvellinum undan rekstri nuddstofu hans á Álftanesi.
FRÉTTABLAÐIÐ/STEFÁN
Gunnar, er svona taktföst
hrynjandi í tónlistinni núna?
„Að sjálfsögðu vonum við að
tónlistin finni rétta taktinn í næstu
uppsveiflu.“
Gunnar Guðmundsson er framkvæmda-
stjóri Sambands flytjenda og hljómplötu-
framleiðenda. Í Fréttablaðinu í gær sagði
Gunnar að algert hrun hefði orðið í sölu
tónlistar.
D
Y
N
A
M
O
R
E
Y
K
JA
V
ÍK
VOTLENDI EFTIR CHARLOTTE ROCHE
30 VIKUR Í
LANGEFSTA SÆTI
ÞÝSKA BÓKSÖLULISTANS ÁRIÐ 2008DY
N
A
„Ég rækta
avókadótré.
Það er eina
áhugamálið mitt,
fyrir utan kynlíf.“ „Þet
ta er bersö
gul
saga, oft s
jokkerand
i,
en sömule
iðis
bókmennt
alegt afrek
.“
VANITY FA
IR
VIÐSKIPTI Þeir sem fara með
rannsókn á málefnum Sjóvár
og Milestone hafa ekki rætt við
Bjarna Benediktsson, for-
mann Sjálfstæðisflokks-
ins, um aðkomu hans að
viðskiptum félaganna.
Hann á ekki von á því að
það verði gert.
DV hefur að undan-
förnu fjallað um tengsl
Bjarna Benediktsson-
ar og félagsins Vafn-
ings við Sjóvá og Mil-
estone, og ekki síst
það hvernig bótasjóð-
ur Sjóvár var notaður
í misheppnaðar fjár-
festingar erlendis. Segir í DV í
gær að Bjarni hafi gegnt lykilhlut-
verki í viðskiptafléttu sem gekk út
á að gera Milestone og ættingjum
Bjarna af Engeyjarættinni, eig-
endum félagsins BNT, kleift að
koma 45 milljörðum úr landi til
að greiða bankanum Morgan
Stanley skuld og bjarga þannig
Milestone frá falli.
Bjarni veðsetti hluta-
bréf í félaginu Vafn-
ingi, sem hélt utan
um fasteignaviðskipti með lúxus-
íbúðir í Makaó. Áður hafði hann
veitt sjálfum sér umboð til veð-
setningarinnar, ásamt tveim-
ur öðrum stjórnarmönnum BNT,
þeim Jóni Benediktssyni og Gunn-
laugi Sigmundssyni, fyrrverandi
þingmanni Framsóknarflokksins
og föður núverandi formanns.
„Mín aðkoma að þessu máli ligg-
ur alveg fyrir,“ segir Bjarni. „Hún
var fólgin í því að veita Glitni veð
í hlutafélaginu Vafningi til trygg-
ingar á láni sem Glitnir hafði veitt
því. Aðra aðkomu að málinu hafði
ég ekki,“ segir hann.
Hann hafi ekki vitað um þau við-
skipti með bótasjóð Sjóvár sem nú
eru til rannsóknar hjá sérstökum
saksóknara. „Það hefur legið fyrir
frá því að byrjað var að fjalla um
þetta mál að það var verið að end-
urfjármagna skuldir og mér var
kunnugt um að viðræður ættu sér
stað við Glitni um að eiga þátt í
þeirri endurfjármögnun. Ég ber
ekki ábyrgð á ákvörðunum sem
Sjóvá tekur í þessu máli, ég ber
ekki ábyrgð á því sem Milestone-
stjórnendur gera í þessu máli, ég
ber einungis ábyrgð fyrir hönd
þeirra félaga sem ég sit í stjórn
fyrir og í þessum fréttaflutningi
er verið að færa á mína ábyrgð
ákvarðanir sem voru aldrei á mínu
borði,“ segir hann. - sh
Bjarni Benediktsson á ekki von á því að saksóknari ræði við hann vegna rannsóknar á bótasjóði Sjóvár:
Ég ber ekki ábyrgð á Milestone og Sjóvá
BJARNI BENEDIKTS-
SON Segir aðkomu
hans að viðskiptun-
um ekki óeðlilega.
FRÉTTABLAÐIÐ/PJETUR
ÞÝSKALAND, AP Réttarhöldum yfir
grunuðum stríðsglæpamanni,
hinum 89 ára
gamla John
Demjanjuk, var
frestað í gær
eftir að lækn-
ar sögðu hann
þurfa á með-
ferð að halda
vegna blóð-
leysis.
Hann á við
alvarleg veik-
indi að stríða,
en hefur engu síður þótt fær um
að taka þátt í réttarhöldunum,
sem fram fara í München. Von-
ast var til að halda mætti þeim
áfram fljótlega.
Demanjuk er sakaður um að
hafa tekið þátt í að myrða nærri
28 þúsund manns í útrýmingar-
búðum þýskra nasista. - gb
Réttarhöld í Þýskalandi:
Demjanjuk er
sagður veikur
JOHN DEMJANJUK
SVEITARFÉLÖG Íbúðalánasjóður hefur sent sveitar-
félögum erindi þar sem sótt er um afslátt á fast-
eignagjöldum vegna staðgreiðslu. Þá er óskað eftir
að sorphirðugjöld falli niður, í þeim eignum sem
standa auðar.
Guðmundur Bjarnason, forstjóri Íbúðalána-
sjóðs, segir að rekstrarkostnaður sjóðsins af íbúð-
um sé orðinn talsverður. Sjóðurinn eigi orðið hátt
í 400 íbúðir, en hafi á árum áður átt 50 til 100. Því
hafi verið leitað til sveitarfélaga með þetta erindi,
hagur beggja gæti veirð að mætast á miðri leið.
Hjá Sambandi íslenskra sveitarfélaga fengust
þau svör að dæmi væru um að sveitarfélög hefðu
veitt slíkan afslátt. Það væri ákveðið hagræði
fyrir sveitarfélög að fá fasteignagjöldin greidd
í einu lagi, frekar en í allt upp í tíu gjalddögum.
Sveitarstjórnir hefðu í raun sjálfdæmi hvernig
þær brygðust við þessum erindum, en mikill
meirihluti sveitarfélaga hefði engar reglur um
afslátt.
Þá þekkist það einnig að sveitarfélög felli niður
sorphirðugjald ef íbúðir standa auðar. Þá er
sorpílátum skilað inn. Það getur hins vegar verið
erfitt að úrskurða um slíkt í fjölbýlishúsum og þá
eru fyrrum eigendur oft og tíðum áfram í húsnæði
eftir að sjóðurinn hefur tekið það yfir. - kóp
Íbúðalánasjóður á orðið hátt í 400 íbúðir víða um land:
Sækir um afslátt á gjöldum
ÍBÚÐIR Íbúðalánasjóður ber mikinn rekstrarkostnað af um 400
íbúðum sem sjóðurinn á nú. FRÉTTABLAÐIÐ/PJETUR
KÍNA, AP Starfsfólk dýragarðs í
Kína er staðráðið í að taka vel á
móti tveimur risapöndum, sem
koma þangað frá Bandaríkjunum
í dag. Önnur þeirra fær sérstaka
tungumálakennslu til þess að
skilja kínverska starfsfólkið.
Mei Lan heitir hún og kom í
heiminn í dýragarði í Atlanta
fyrir þremur árum. Með henni er
send pandan Tei Shan, sem fædd-
ist á sama stað fyrir fjórum árum.
Foreldrar þeirra voru upphaf-
lega sendar til Bandaríkjanna frá
Kína, en samkvæmt samkomu-
lagi landanna voru þær aðeins til
láns og ber að skila bæði þeim og
afkvæmum þeirra til Kína. - gb
Góðar móttökur í Kína:
Pandan fær að
læra kínversku
Á LEIÐ TIL KÍNA Pandan Tei Shan kemur
til Kína í dag ásamt félaga sínum, Mei
Lan. FRÉTTABLAÐIÐ/AP
Innbrotsþjófur handtekinn
Innbrotsþjófur var handtekinn í
Hafnarfirði í fyrramorgun. Hann hafði
meðal annars stolið fartölvu úr húsi í
bænum en náðist, ekki langt frá vett-
vangi. Hann er grunaður um að hafa
fleira misjafnt á samviskunni.
SAKAMÁL
Sektaður út af löggubol
Karlmaður á þrítugsaldri hefur verið
dæmdur í 25 þúsund króna sekt,
sem greiðist í ríkissjóð, fyrir að
spóka sig í einkennisbol lögreglu við
veitingastaðinn Broadway í Ármúla í
Reykjavík.
BRETLAND, AP Koma mætti í veg
fyrir um það bil 40 prósent af
öllum krabbameinsveikindum
heims ef fólk hætti að reykja,
hætti ofáti, drægi úr áfengis-
drykkju, stundaði reglulega lík-
amsþjálfun og fengi bólusetn-
ingar gegn veirum sem valda
krabbameini.
Þetta segja sérfræðingar hjá
alþjóðastofnun gegn krabba-
meini, sem í gær sendu frá
sér, í tilefni alþjóðlega krabba-
meinsdagsins, skýrslu um þær
aðgerðir sem grípa þarf til svo
draga megi úr krabbameins-
vandanum.
Alþjóðaheilbrigðisstofnun-
in WHO segir að rekja megi
áttunda hvert dauðsfall í
heiminum til krabbameins. - gb
Ný skýrsla um krabbamein:
Hægt að fækka
tilfellum mjög
SPURNING DAGSINS