Fréttablaðið - 04.02.2010, Blaðsíða 6

6 4. febrúar 2010 FIMMTUDAGUR
Kannaðu málið á byr.is
Þetta er miklu minna mál
en þig grunar.
„Vertu þinn eigin fjármálastjóri
með Netgreiðsluþjónustu Byrs.“
í heimabanka
DÓMSMÁL Karlmaður nær áttræðu,
Sveinbjörn Tryggvason, hefur
verið dæmdur í tveggja ára fang-
elsi í Héraðsdómi Reykjaness
fyrir að hafa tælt unga stúlku til
að hafa við sig nánast daglega
samræði og önnur kynferðismök.
Hann var dæmdur til að greiða
henni 1,2 milljónir í miskabætur.
Athæfi mannsins stóð yfir frá 2001
til 2007. Stúlkuna tældi hann með
peningum, skartgripum, fatnaði og
fleiri gjöfum.
Stúlkan kærði manninn til lög-
reglu í mars 2008. Hún kvaðst
hafa séð hann fyrst árið 2000, er
hún var þrettán ára. Þá afgreiddi
hún í kjötborði Hagkaupa á Smára-
torgi, þar sem maðurinn kom til
að versla. Stúlkan var svo á leið
heim úr vinnu, fótgangandi og illa
klædd í vondu veðri, þegar mað-
urinn stöðvaði bifreið sína og bauð
henni far. Hann bauð henni við
sama tækifæri vinnu og lét hana
hafa símanúmer sitt, svo og fimm
þúsund krónur í peningum, sam-
kvæmt framburði hennar. Nokkru
síðar hafði maðurinn svo samband
við stúlkuna og fór með hana í
skartgripabúð, þar sem hún mátti
velja sér gjöf.
Fljótlega fór maðurinn svo að
bjóða stúlkunni heim til sín og
bauð henni meðal annars að nota
ljósabekk sem hann var með á
heimili sínu. Eftir nokkur skipti
bað hann hana að afklæðast og
tók af henni vídeómyndir nak-
inni. Svo fór hann að káfa á stúlk-
unni og færði hana síðar inn í
herbergi með billjardborði, sem
hann lagði hana upp á. Þar beitti
hann hana ýmiss konar hrotta-
legri kynferðislegri misneytingu.
Fáeinum mánuðum eftir að maður-
inn tældi stúlkuna til sín hóf hann
að hafa samfarir við hana. Stund-
um sýndi hann henni vídeómynd-
ir sem hann hafði tekið af henni
nakinni, þegar hann var að mis-
nota hana, stundum klámefni.
Þegar stúlkan var fjórtán ára fór
hún að neyta fíkniefna. Kvaðst hún
hafa deyft sig með efnum áður en
hún heimsótti manninn. Hún fór í
meðferð 2007, þegar hún var hætt
að hitta hann.
Í framburði stúlkunnar kom
fram að maðurinn hefði meðal
annars borgað fyrir hana bílpróf
og gefið í skyn að hann ætlaði að
gefa henni bíl, enda ætti hann
fyrirtækið Egil Vilhjálmsson ehf.
Hefði hann keypt bíla í þessum
tilgangi og látið þá standa í hlað-
inu hjá sér, en selt þá ef stúlkan
hlýddi honum ekki. Eitt sinn læsti
hann hana inni í herbergi í fjóra
tíma þar sem hann var ósáttur við
hana.
Maðurinn ætlar að áfrýja dómi
héraðsdóms til Hæstaréttar.
jss@frettabladid.is
HÉRAÐSDÓMUR REYKJANESS Dæmdi manninn í tveggja ára fangelsi, óskilorðsbund-
ið. Dóminum hefur verið áfrýjað til Hæstaréttar.
Tvö ár fyrir að níðast
á stúlku í fjögur ár
Karlmaður nær áttræðu var í gær dæmdur í tveggja ára fangelsi og til greiðslu
miskabóta fyrir að hafa tælt unga stúlku með gjöfum til að hafa við sig nánast
daglega samræði og önnur kynferðismök um árabil frá því að stúlkan var 14 ára.
LÖGREGLA Tveir karlmenn og ein
kona, öll Litháar á þrítugs aldri,
hafa verið úrskurðuð í áframhald-
andi gæsluvarðhald til 17. febrúar
að kröfu lögreglunnar.
Fólkið er grunað um aðild á inn-
flutningi á þrem kílóum af met-
amfetamíni og 4.200 MDMA-töfl-
um til landsins. Fíkniefnin fundust
í bíl í Færeyjum en áfangastaður
hans var Ísland. Tveir aðrir Lithá-
ar voru handteknir í tengslum við
rannsókn málsins og eru þeir enn
í haldi lögreglu í Færeyjum. Málið
er rannsakað í samvinnu við lög-
regluyfirvöld í Færeyjum og Lit-
háen með aðkomu Europol og toll-
yfirvalda á Íslandi. - jss
Reyndu að smygla fíkniefnum:
Þrennt áfram í
gæsluvarðhaldi
SVEITARSTJÓRNARMÁL Sveitar-
félagið Álftanes þarf að fara í
nauðasamninga vegna fjárhags-
vandræða. Þetta var haft eftir
Magnúsi Orra Schram, þing-
manni Samfylkingarinnar, í
fréttum Ríkisútvarpsins í gær.
Magnús segir að koma verði í
veg fyrir fólksflótta úr sveitar-
félaginu, en þegar séu merki um
að fólk flytjist annað. Magnús Orri
telur að til greina komi að setja
á fót sérstaka stjórn yfir sveitar-
félaginu, sem myndi þá fara með
málefni þess á meðan unnið er úr
fjárhagsvandanum. - sh
Þingmaður Samfylkingar:
Álftanes þarf
nauðasamninga
SVEITARSTJÓRNARMÁL Nefnd sam-
gönguráðherra gerir það að til-
lögu sinni að hafnalög verði end-
urskoðuð. Eins að verkaskipting
hafna verði auðvelduð og úrelding
gerð möguleg. Þá er talið æski-
legt að eftirlitsnefnd með fjár-
málum sveitarfélaga verði falið að
hafa sérstakt eftirlit með rekstri
þeirra.
Kristján L. Möller, samgöngu-
og sveitarstjórnarráðherra, skip-
aði nefndina í febrúar 2009 til að
gera tillögur um hvernig bregðast
mætti við fjárhagsvanda hafna.
Nefndin telur að vandi hafna
liggi meðal annars í of miklum
skuldum, lágum tekjum og að
tekjustofnar séu ekki fullnýttir. Þá
sé fækkun hafna sem hafi tekjur af
afla og vöruflutningum athugunar-
efni og aflagning sjóflutninga.
Vegna þessa er talið æskilegt
að eftirlitsnefnd með fjármálum
sveitarfélaga verði falið að hafa
sérstakt eftirlit með rekstri þeirra
enda oft um veigamikinn hluta af
rekstri sveitarfélaga að ræða.
Nefndin gerir að tillögu sinni að
veittir verði styrkir til að úrelda
stakar hafnir eða að úrelda stök
hafnamannvirki með tilliti til
breytts hlutverks. Hafnamann-
virki, sem eingöngu eru ætluð til
samgangna, eins og ferjubryggjur,
verði styrkt að fullu af ríkisvaldi
og verði í eigu þess. Einnig að
meta með nákvæmni hagkvæmni
þess að færa flutninga af vegum á
sjó. - shá
Endurskoða þarf hafnalög að mati nefndar samgönguráðherra:
Vandinn liggur í skuldabagga
VESTMANNAEYJAHÖFN Í öllum sjávar-
byggðum landsins er höfnin þunga-
miðjan, og á það ekki síst við um Eyjar.
Myndin tengist ekki efni fréttarinnar
beint. FRÉTTABLAÐIÐ/ÓSKAR
STJÓRNMÁL Formaður viðskipta-
nefndar Alþingis telur mjög
mikilvægt að fá botn í það hvort
eitthvað sé
hæft í ásökun-
um hollenskra
yfirvalda um
að fulltrúar
íslenska fjár-
málaeftirlits-
ins hafi logið
að þeim um
stöðu Lands-
bankans í
fyrra.
Þess vegna verða núverandi
og fyrrverandi forstjórar Fjár-
málaeftirlitsins kallaðir fyrir
nefndina í þarnæstu viku. Þetta
sagði Lilja Mósesdóttir, formað-
ur hennar, í samtali við Ríkisút-
varpið í gær. Árni Þór Sigurðs-
son, þingmaður Vinstri grænna,
hefur óskað eftir því að fyrrver-
andi stjórnendur Seðlabankans
og núverandi bankastjóri verði
einnig kallaðir fyrir nefndina.
- sh
Formaður viðskiptanefndar:
Forstjórar FME
verða kallaðir
fyrir nefndina
LILJA
MÓSESDÓTTIR
Á að seinka klukkunni á haust-
in á ný miðað við gang sólar?
Já 62%
Nei 38%
SPURNING DAGSINS Í DAG:
Kaupir þú þér einhvern tíma
tónlist?
Segðu skoðun þína á visir.is.
Wilders fer fyrir rétt
Frávísunarkröfu orðháksins Geert
Wilders, eins umdeildasta þing-
manns Hollands, var hafnað fyrir
dómi í gær. Þar með þarf hann að
svara til saka fyrir ummæli sín, sem
þykja fela í sér hatursáróður gegn
múslimum.
HOLLAND
Tveir fangar frá Guantánamo
Stjórnvöld í Sviss samþykktu í gær að
taka við tveimur föngum frá Guan-
tánamo-búðum Bandaríkjahers á
Kúbu. Fangarnir tveir eru frá Kína,
bræður af þjóð Úígúra, og ættu ekki
von á góðum móttökum færu þeir
til Kína.
SVISS
SJÁVARÚTVEGUR Strandveiðibátar
voru gerðir út frá nánast öllum
útgerðarstöðum landsins, alls 53
höfnum. Rúmlega 70 prósent afl-
ans var seldur á fiskmörkuðum.
Þetta kom fram í svari Jóns
Bjarnasonar, sjávarútvegs- og
landbúnaðarráðherra, við fyrir-
spurn Einars K. Guðfinnssonar,
þingmanns Sjálfstæðisflokksins.
Á heimasíðu Landssambands
smábátaeigenda segir að það veki
athygli að „aðeins rúm tvö pró-
sent aflans var fluttur óunninn
úr landi. Afli strandveiðibáta
hefur því nánast allur verið
unninn hér innanlands og
þannig skapað fjölda starfa hjá
fiskvinnslufólki.“ - shá
Strandveiðar um allt land:
Lítið magn var
flutt úr landi
Í HÖFN Á sjötta hundrað leyfa voru gefin
út til veiðanna í sumar.
HOLLAND, AP Stríðsglæpadómstólnum í Haag hefur
verið uppálagt af áfrýjunardómstól að endurskoða
niðurstöðu sína um að ákæra ekki Omar al-Bashir,
forseta Súdan, fyrir þjóðarmorð í Darfur-héraði. Nið-
urstaða dómstólsins í Haag er talin leggja grunninn
að því að al-Bashir komist upp með að hafa skipulagt
þjóðarhreinsanir í héraðinu.
Stríðsglæpadómstóllinn sendi frá sér ákæru á hend-
ur forsetanum í mars í fyrra fyrir ýmsa aðra glæpi.
Þetta var í fyrsta sinn sem stríðsglæpadómstóllinn
gaf frá sér ákæru á hendur sitjandi þjóðarleiðtoga.
Forsetinn neitaði sök. Sameinuðu þjóðirnar telja að
um 300 þúsund manns hafi fallið í átökum uppreisn-
armanna og stjórnarhers í Darfúr og sex milljónir
manna séu á vergangi. Saksóknari sagði þá að al-Bas-
hir bæri ábyrgð á morðum, nauðgunum og pyntingum
í héraðinu auk þess sem hann sé ábyrgur fyrir að fjöl-
margir íbúar hafi verið fluttir nauðugir frá heimilum
sínum um leið og öllum eigum þeirra hafi verið rænt.
Síðan í mars hefur forsetinn ferðast til þeirra ríkja
sem eru honum vinsamleg en afturkallað heimsóknir
til ríkja sem hann telur líkleg til að framselja hann til
Haag.
Súdanstjórn hefur rekið þrettán líknarsamtök úr
landi á tæpu ári og aukið enn á neyð milljóna manna
sem þjást vegna stríðsástandsins sem hefur varað
lengi í héraðinu. - shá
Stríðsglæpadómstólnum gert að taka mál Súdanforseta upp að nýju:
Vilja kæra fyrir þjóðarmorð
OMAR AL-BASHIR SIGURREIFUR Ógnarstjórn forsetans er talin
sú versta í heimi af líknarsamtökum. FRÉTTABLAÐIÐ/AP
KJÖRKASSINN