Fréttablaðið - 04.02.2010, Blaðsíða 13
FIMMTUDAGUR 4. febrúar 2010 13
FERÐIR Tæplega nítján þúsund
erlendir gestir fóru frá landinu
um Leifsstöð í janúarmánuði síð-
astliðnum, 1.200 færri en í janúar
árið 2009. Fækkaði því erlendum
gestum í janúar um sex prósent
milli ára. Fleiri Íslendingar fóru
hins vegar utan í janúar í ár en
í fyrra eða 7,4 prósent fleiri,
voru 18.500 árið 2009 en tæplega
tuttugu þúsund í nýliðnum mánuði.
Að því er fram kemur í frétta-
tilkynningu Ferðamálastofu
fjölgaði breskum ferðamönnum
um tæp tólf prósent og hafa þeir
aldrei verið fleiri í janúarmán-
uði. Í heild er fækkun frá öðrum
markaðssvæðum þótt fjölgun sé
frá einstökum löndum til dæmis
Hollandi og Kanada og Kína. - sbt
Ferðalög í janúar:
Fleiri fóru til út-
landa í janúar
2010 en í fyrra
VEIÐI Bæjarstjórn Fljótsdalshér-
aðs hefur breytt verðskrá vegna
refa- og minkaeyðingar.
Er þetta gert þar sem samning-
arnir við veiðimenn voru lausir
og fjármagn það sem ætlað var til
refa- og minkaeyðingar dugði ekki
síðustu tvö ár. Fá veiðimenn nú
13.500 krónur fyrir vetrarveidd-
an ref en fengu áður 18.000. Fyrir
grenjadýr verðar borgaðar 9.000
krónur í stað 12.000 áður og fyrir
yrðlinga verða greiddar 4.500
krónur í stað 6.000 áður. Áfram
verða greiddar 3.500 krónur fyrir
mink og þá verður gjald fyrir nýtt
greni óbreytt en fyrir það eru
greiddar 20.000 krónur. - th
Breytt verðskrá á Héraði:
Borgar minna
fyrir refinn
SAMGÖNGUR Talsvert minni bíla-
umferð var nú í janúar en janúar í
fyrra. Þetta kemur fram á heima-
síðu Vegagerðarinnar. Þar segir
að á sextán talningarstöðum við
hringveginn hafi umferðin minnk-
að um þrjú prósent. „Mest dróst
umferðin saman á Suðurlandi en
hún jókst hins vegar á Norður- og
Austurlandi,“ segir Vegagerðin
sem kveður umferðina í janúar
fram að þessu hafa aukist frá ári
til árs þar nú. Umferðin á Suður-
landi minnkaði um 5,6 prósent og
á höfuðborgarsvæðinu um 3,5 pró-
sent. Á Norðurlandi jókst umferð
um 4,0 prósent og á Austurlandi
um 1,3 prósent. - gar
Kreppan líka á þjóðvegi eitt:
Bílaumferð er
minni en áður
Á SUÐURLANDSVEGI Bílaumferð um
Suðurland hefur dregist saman frá því
í fyrra.
ÁLYKTUN Stjórn Rithöfundasam-
bands Íslands hefur samþykkt
ályktun þar sem Ríkisútvarpið
er hvatt til að endurskoða
afstöðu sína til innlendrar dag-
skrárgerðar og íslenskrar
kvikmyndagerðar.
„Á örlagatímum er fátt nauð-
synlegra einni þjóð en skýr mynd
af sjálfri sér og því sem á henni
brennur,“ segir í ályktuninni.
„Hinn sameiginlegi fjölmiðill
allra landsmanna ætti því frem-
ur að bæta í en draga úr, hvað
þá skera alfarið niður. Hið forn-
kveðna á við nú sem fyrr: Þekktu
sjálfan þig!“ - th
Rithöfundasamband Íslands:
Vill að RÚV
endurskoði
afstöðu sína
Með líf- og sjúkdómatryggingu hjá Lífís býrðu þér og þínum nánustu öruggari og áhyggjulausari
framtíð. Mikilvægt er að upphæð tryggingarinnar endurspegli ólíkar þarfir þínar á hverjum tíma
hvað varðar fjölskyldustærð og fjárhagslegar skuldbindingar.
Kíktu á lifis.is eða hafðu samband í síma 560 5000 og kláraðu málið núna.
*Samkvæmt verðskrá Lífís miðað við tvítuga reyklausa konu og að vátryggingarfjárhæðin sé 2 milljónir kr. fyrir líftryggingu og 2 milljónir kr. fyrir sjúkdómatryggingu.
Það borgar sig að byrja ungur
og hraustur.
Það kostar ekki nema 479 krónur á mánuði
að líf- og sjúkdómatryggja sig hjá Lífís.*
Það er einfalt að líf- og sjúkdómatryggja
sig hjá Lífís. Þú klárar málið á lifis.is.
F
í
t
o
n
/
S
Í
A
BANDARÍKIN, AP Barack Obama
Bandaríkjaforseti lætur gagnrýni
kínverskra stjórnvalda sem vind
um eyrun þjóta.
Hann lýsti því yfir á þriðjudag
að hann ætli sér að hitta Dalaí
Lama, leiðtoga Tíbeta, þegar
hann kemur til Bandaríkjanna
síðar í mánuðinum þrátt fyrir að
Kínverjar segi þetta skaða enn
frekar samskipti ríkjanna, sem
þó eru stirð fyrir.
Kínverjar ítrekuðu andstöðu
sína í gær, og sögðust bæði andvíg
heimsókn Dalaí Lama til Banda-
ríkjanna og algerlega andvíg því
að hann eigi fund með Banda-
ríkjaforseta.
Í síðustu viku staðfestu banda-
rísk stjórnvöld einnig að þau ætli
sér að selja vopn til Taívan. Kín-
verjar brugðust ókvæða við og
hótuðu Bandaríkjunum efnahags-
legum refsiaðgerðum, sem muni
beinast gegn þeim fyrirtækjum
sem taka þátt í vopnasölunni.
Kínversk stjórnvöld telja bæði
Tíbet og Taívan vera héruð í Kína
og hafa jafnan mótmælt harðlega
þegar önnur ríki hyggjast hafa
minnstu samskipti við hvort held-
ur fulltrúa útlagastjórnar Tíbets
á Indlandi, sem Dalaí Lama er í
forystu fyrir, eða stjórnvalda á
Taívan.
- gb
Bandaríkjaforseti tekur ekkert mark á gagnrýni og hótunum Kínverja vegna yfirvofandi heimsóknar:
Obama ætlar að hitta leiðtoga Tíbeta
BARACK OBAMA Vopnasala til Taívans jafnt sem fundur með Dalaí Lama hafa vakið
hörð viðbrögð Kínverja. FRÉTTABLAÐIÐ/AP