Fréttablaðið - 04.02.2010, Blaðsíða 30

PIERRE CARDIN tískuhönnuður, sem er þekktur fyrir framtíðar-
drauma í hönnun sinni, heldur nú upp á sextíu ára starfsafmæli sitt.
Systurnar Edda Sif og Sandra Rún Sigurðar-
dætur opnuðu Dúkkuhúsið að Vatnsstíg 3
seint á síðasta ári og hefur búðinni verið vel
tekið. Þar fást litríkir kjólar, skór og fylgi-
hlutir og minnir umgjörðin á lítið dúkku-
hús.
„Hugmyndin er sú að hingað sé hægt að
koma, dubba sig upp og fara í eins konar
dúkkuleik en umgjörðin og úrvalið er í
samræmi við það,“ segir Edda Sif. En
hvað varð til þess að þær systur ákváðu
að hella sér út í verslunarrekstur? „Hug-
myndin kviknaði í fyrravetur þegar við
vorum að selja okkar eigin föt í Kolaport-
inu. Við slógum sölumet og í kjölfarið datt
okkur í hug að við hefðum ef til vill eitt-
hvert vit á þessu. Upp frá því opnuðum við
síðu á fésbók og seldum svolítið af eigin
saumaskap en þegar við fengum samn-
ing við breska framleiðandann Lipsy
ákváðum við að opna verslun.“
Megnið af vörunum í versluninni er
frá Lipsy en þær minna um margt á föt
sem má sjá í sjónvarpsþáttum á borð
við Gossip Girl og Sex and the City. „Við
erum með mikið af fínum og litríkum kjól-
um og háum hælum og bjóðum upp á gott
mótvægi við verslanir sem selja notuð föt.
Hingað koma mennta- og háskólastelpur í
stórum stíl og hafa margar nælt sér í árs-
hátíðarkjól að undanförnu.“
vera@frettabladid.is
Dúkkulegt í anda Gossip
Girl og Sex and the City
Í Dúkkuhúsinu er að finna litrík föt og fylgihluti. Fötin minna um margt á klæðnað sem má sjá í þáttum
eins og Gossip Girl og Sex and the City og eiga konur jafnt sem stúlkur erfitt með að standast mátið.
Edda Sif útskrifaðist frá HR í fyrra og Sandra Rún úr Verslunarskóla Íslands. Eftir að þær náðu samningum við breska framleiðand-
ann Lipsy ákváðu þær að opna verslun. FRÉTTABLAÐIÐ/VILHELM
Í búðinni
fást kjól-
ar, pils,
leggings,
skór og
yfirhafnir
ásamt
töskum
og skarti.
Edda Sif
segir marg-
ar stelpur
hafa nælt
sér í árshá-
tíðarkjólinn
í búðinni að
undanförnu.
Dúkku-
húsið
býður
upp á gott
mótvægi
við verslanir
sem selja
notuð föt.