Fréttablaðið - 04.02.2010, Blaðsíða 52
36 4. febrúar 2010 FIMMTUDAGUR
menning@frettabladid.is
> Ekki missa af
Í dag á milli kl. 17-19 verður
haldið málþingið Hljóð og
sjón: málþing um tónlist
og hljóð í samtímalist. Í
fyrirlestrunum á málþinginu
verður lagt út af og farið ofan
í saumana á sambandi hljóðs,
tónlistar og myndlistar á Carn-
egie Art Award-sýningunni
2010. Dagskránni lýkur með
því að listamennirnir Kristján
Guðmundsson og Finnbogi
Pétursson ræða saman.
Óp-hópurinn ætlar að
flytja lög eftir Lehár og
Strauss í Hafnarborg
í hádeginu í dag. Þetta
er félagsskapur ungra
óperusöngvara, sem eiga
það sameiginlegt að vera
komnir á þann stað á
söngferli sínum að miklu
skiptir að kynna sig og fá
æfingu og tækifæri til að
koma fram opinberlega.
Tilgangur hópsins er
meðal annars að auka
samvinnu söngvaranna,
gera þeim kleift að flytja
samsöngsatriði úr óper-
um, koma reglulega
fram á tónleikum, þjálfa
söngvarana fyrir keppni
erlendis og reyna að fá
umboðsaðila og útsendara
erlendra óperuhúsa til að
koma til Íslands og kynn-
ast því sem íslenskir
söngvarar hafa upp á að
bjóða.
Í hópnum eru sjö söngv-
arar úr öllum röddum, þau
Bylgja Dís Gunnarsdótt-
ir, Jón Svavar Jósefsson,
Rúnar Guðmundsson, Erla
Björg Káradóttir, Rósalind
Gísladóttir, Hörn Hrafns-
dóttir og Jóhanna Héðins-
dóttir. Ungverski píanó-
leikarinn Antonia Hevesi
leikur undir hjá Ópinu.
Ókeypis er á tónleikana
meðan húsrúm leyfir.
Óp í Hafnarborg
ANTONIA HEVESI Píanóleikari Óp-hóps-
ins.
Fjarðabyggð í kvöld kl. 20
Tónleikar Bjarna Thors Kristins-
sonar bassasöngvara og Ástríðar
Öldu Sigurðardóttur píanóleikara
„Á niður leið“ eru nú á ferðalagi
um landið. Í kvöld koma þau fram
í kirkju- og menningarmiðstöðinni
í Fjarðabyggð. Á laugardaginn kl.
15 verða þau í Hömrum á Ísafirði
og ferðalaginu lýkur í Duus-húsum
í Reykjanesbæ á sunnudagskvöldið
klukkan 20.
Í kvöld frumsýnir Íslenski dans-
flokkurinn nýtt verk, Endalaus,
eftir Alan Lucien Öyen, þrjátíu og
tveggja ára norskan danshöfund á
uppleið. Hann kom hingað í boði
Kristínar Hall hjá dansflokknum
í byrjun desember og samdi verkið
á meðan hann dvaldist hér.
Alan notar talað orð í dansverk-
inu til að skapa sérstakan sögu-
þráð í anda heimildarmyndar.
Umfjöllunarefni Alans er sam-
bandsslit ástvina. Okkur eru birt
brot úr hugsunum, endurminn-
ingar um horfna ástvini. Verkið
reynir að svara því hvað hverfur
og hvað situr eftir í minningunni
þegar samband tveggja einstakl-
inga rofnar. Þegar þú og ég erum
ekki lengur við.
Tónlistin í verkinu er eftir Ólaf
Arnalds, sem Alan hafði samband
við eftir að hafa lesið um hann og
heyrt tónlist hans. Alan þótti mel-
ankólískt yfirbragð verksins kall-
ast skemmtilega á við tónlist Ólafs
og segir að samvinnan hafi geng-
ið vel.
Alls verða sex sýningar á Enda-
laus.
Endalaus sambandsslit
ENDALAUS Íslenski dansflokkurinn
frumsýnir nýtt verk eftir
Alan Lucien Öyen í kvöld.
„Þetta hefur gengið mjög vel. Við
náðum að borga upp yfirdrátt-
inn eftir síðustu helgi,“ segir
Hannes Óli Ágústsson, einn leik-
aranna sem standa að leiksýn-
ingunni Munaðarlaus sem hefur
verið sýnt í Norræna húsinu und-
anfarið. „Þessi sýning er kannski
vonarneisti fyrir aðra nýútskrif-
aða leikara. Það sést allavega
að það er hægt að gera svona án
styrkja og láta það ganga upp með
hagsýni.“
Leikfélag Akureyrar kveikti á
verkinu og hefur boðið leikhópn-
um að sýna fyrir norðan. Munað-
arlaus verður því óvissusýning
vetrarins hjá LA. Fjórar sýn-
ingar verða í boði á Akur-
eyri, dagana 11. til 13. febrúar.
„Við ákváðum í tilefni af þessu
að efna til tveggja aukasýninga
í bænum og það verða allra síð-
ustu sýningar í Reykjavík,“ segir
Hannes. „Þessar síðustu sýning-
ar eru í Norræna húsinu í kvöld
og á laugardaginn. Svo ætlum
við að nýta ferðina norður og
munum einnig sýna á Vopnafirði
og Egilsstöðum.“ - drg
Áfram munaðarlaus
MUNAÐARLAUS Óvissusýning LA.
Jóna Þorvaldsdóttir sýnir
um þessar mundir ljós-
myndir í sal Ljósmynda-
safns Reykjavíkur í Gróf-
arhúsi. Sýninguna nefnir
hún Skynjanir. Jóna notar
aðferðir frá upphafsárum
ljósmyndatækninnar.
„Ég tel mig nú ekki vera gamal-
dags í mér. Ég hef bara alltaf verið
heilluð af gömlum ljósmyndum,“
segir Jóna. „Það er eitthvað dular-
fullt og rómantískt við þetta.“
Fólk á gömlum ljósmyndum lítur
yfirleitt öðruvísi út en fólk á mynd-
um í dag. Það er einhvern veginn
alltaf alvarlegt á svipinn. „Já, það
vill oft verða dramatískara en í
dag, sem er líklega vegna þess að
það þurfti að vera kyrrt svo lengi
þegar það var myndað. Þessar
myndir sem ég hef tekið að und-
anförnu eru teknar á blaðfilmu-
vél svo fólk þarf að vera kyrrt upp
í nokkrar mínútur. Þá vill þessi
gamli svipur koma á það.“
Jóna segir þónokkuð mál að
stunda þessar forneskjulegu
aðferðir, kaupa þurfi inn efni að
utan með ærnum tilkostnaði. En á
hún stafræna vél?
„Nei, og ég kann ekkert á svo-
leiðis! Ef ég sest fyrir framan
tölvu fer mig að klæja í nefið og
svo frýs allt hjá mér. Þannig að
ég uni mér best í myrkraherberg-
inu. Þar framkalla ég og stækka
myndirnar á pappír. Ég kann það
og líkar það best því ég hef stjórn
á því ferli.“
Jóna lærði ljósmyndun við Eur-
opean Institute of Photography í
Póllandi á árunum 1997-2000. Hún
hefur búið víðs vegar um heim og
sótt fjölda ljósmyndanámskeiða,
einkum í sígildum ljósmyndunar-
aðferðum. Til að auka áhrif mynda
sinna málaði hún sýningarsal Ljós-
myndasafnsins grænan og súlur
grænar, sem hún segir rýma við
gullramma myndanna. Salur-
inn er tvískiptur og í hinu rým-
inu er sýning Jakobs Jakobssonar,
Gengið að verki. Þær myndir gætu
varla verið ólíkari en hinar mjúku
myndir Jónu: svarthvítar myndir
af byggingarframkvæmdum með
sérstakri áherslu á myndir teknar
á Íslandi á árunum 1955 til 1970.
drgunni@frettabladid.is
BEST Í MYRKRAHERBERGINU
VIÐ TJÖRNINA Ein mynda Jónu Þorvaldsdóttur í Ljósmyndasafni Reykjavíkur.
Horft af brúnni
Í tilefni af 80 ára afmæli
Ríkisútvarpsins á þessu ári
flytur Útvarpsleikhúsið á
Rás 1 valdar upptökur fyrri
tíðar á sérstökum Leikrita-
kvöldum útvarpsins. Klukk-
an 22.20 í kvöld verður
Horft af brúnni eftir Arthur
Miller á dagskrá. Þetta er
sýning Þjóðleikhússins, sem
var frumsýnd 2. október
1957 og var sýnd bæði á
stóra sviði leikhússins og á
leikferð um landið.
Sýningin naut mikilla vin-
sælda og urðu sýningar alls
53 fyrir um 20.000 áhorf-
endur.
Leikstjóri og þulur er
Lárus Pálsson en með helstu
hlutverk fara Róbert Arn-
finnsson, Regína Þórðar-
dóttir og Kristbjörg Kjeld.
1
3
5
7
9
2
4
6
8
10
Matur og drykkur
Helga Sigurðardóttir
Stúlkan sem lék sér
að eldinum - Stieg Larsson
Svörtuloft
Arnaldur Indriðason
Fransí Biskví
Elín Pálmadóttir
Loftkastalinn sem hrundi
Stieg Larsson
Almanak Háskóla Íslands
Þorsteinn Sæmundsson
Stórskemmtilega stelpubókin
Andrea J. Buchanan
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
27.01.10 – 03.02.10
Týnda táknið
Dan Brown
Eldað af lífi og sál
Rósa Guðbjartsdóttir
Horfðu á mig
Yrsa Sigurðardóttir