Fréttablaðið - 04.02.2010, Blaðsíða 56

40 4. febrúar 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
> Plata vikunnar
Vampire Weekend
Contra
★★★★★
„Tónlistin á annarri plötu
Vampire Weekend fer í allar
áttir og er stórskemmtileg
og heillandi. Eins grípandi
og þær gerast.“
Kjartan Guðmundsson
Þó að flutningur á gömlum verkum njóti virðingar í heimi sígildrar
tónlistar þykja tökulög ekki mjög spennandi í poppinu. Þar er gerð
krafa um nýtt efni og helst samið af tónlistarmanninum sjálfum.
Á þessu eru samt auðvitað undantekningar og stundum slá tökulög
eftirminnilega í gegn. Ég nefni sem dæmi Satisfaction með Devo,
Gloria með Patti Smith og Geburt einer Nation með Laibach.
Þessa dagana eru að koma út tvær mjög ólíkar tökulagaplötur.
Fyrst skal nefna Scratch My Back með Peter Gabriel sem kemur út
15. febrúar. Á henni tekur þessi margreyndi popprefur lög eftir unga
listamenn eins og Arcade Fire, Reginu Spektor og Bon Iver og eldri,
til dæmis Randy Newman, Lou Reed, Neil Young, Paul Simon, Talking
Heads og David Bowie. Útsetningarnar eru mjög persónulegar og ólík-
ar þeim upprunalegu. Gott dæmi er Heroes eftir Bowie sem opnar
plötuna. Gabriel hægir það niður og útsetur það nær eingöngu fyrir
strengi. Flott plata.
Hin platan er Turn Ons með hljómsveitinni The Hotrats sem er
hliðarverkefni Gaz Coombes og Danny Goffey úr Supergrass. Á plöt-
unni, sem kom út í síðustu viku, eru nokkur af uppáhaldslögum þeirra
félaga, meðal annars Queen Bitch (Bowie), Love Is the Drug (Roxy
Music), Damaged Goods (Gang of Four), Pump it Up (Elvis Costello),
Love Cats (Cure) og E.M.I. (Sex Pistols). Útsetningarnar
eru ekki svo frábrugðnar þeim upprunalegu, en þeir
rokka þetta svolítið upp. Undantekningin er Beastie
Boys-lagið Fight For Your Right (to Party) sem er
gjörólíkt. Þeir Gaz og Danny nefna Bowie plötuna
Pinups sem fyrirmynd, en á henni tók Bowie nokk-
ur af sínum uppáhaldslögum frá sjöunda áratugn-
um. Turn Ons er skemmtileg plata sem sýnir að
þeir félagar hafa góðan smekk.
Tvær góðar með tökulögum
PERSÓNULEGUR Peter Gabriel gerir lög Arcade Fire,
Talking Heads, Bon Iver og Radiohead að sínum á
nýrri plötu.
> Í SPILARANUM
Ringo Starr - Y not
Hot Chip - One Life Stand
The Brunettes - Paper Dolls
Biffy Clyro - Only Revolutions
David Guetta - One Love
DAVID GUETTARINGO STARR
Í kvöld heldur Þorvaldur Þór Þorvaldsson
tónleika á Café Rosenberg ásamt hljómsveit.
Með honum leikur djasslandsliðið; þeir
Eyþór Gunnarsson á píanó, Óskar Guð-
jónsson á saxófón, Ómar Guðjónsson
á gítar og Valdimar Kolbeinn Sigur-
jónsson á bassa. Leikin verður tón-
list af plötu Þorvaldar sem kom út
fyrir síðustu jól og heitir í höfuðið á
tónlistarmanninum.
„Mér hefur nú reynst erfitt að
setja tónlistina nákvæmlega
niður, því þetta er hvorki
rokk, popp né djass,“ segir
Þorvaldur. „Lögin eru líka í
mismunandi stíl en stærsti
samnefnarinn er að þau
eru öll ósungin. Það setur músíkina sjálf-
krafa í ákveðinn flokk og út á jaðarinn.“
Þorvaldur segist aðallega vera að
hlusta á rapp og R&B þessa dagana og
nefnir Clipse, Jay-Z og Black Eyed
Peas sem uppáhaldstónlist. „Það
eru auðvitað smá áhrif af þessu
og öllu því sem maður upplifir í
tónlistinni.“
Þorvaldur flutti til Íslands í fyrra
eftir að hafa búið við nám og störf
í Bandaríkjunum í tæp sjö ár.
„Mér finnst alveg æðislegt
að vera hérna, en það er
helst að maður sé leiður
á þessu kreppuvæli sem
er í mörgum.“
Tóndæmi má heyra
á www.dodditromm-
ari.com. - drg
Sjálfkrafa á jaðarinn
Á ROSENBERG Í KVÖLD Þor-
valdur Þór Þorvaldsson.
Fimmta plata Massive Attack er væntanleg, kemur
út 8. febrúar og heitir Heligoland eftir eyjaklasa úti
fyrir Þýskalandi.
Þetta er fyrsta stúdíóplata hljómsveitarinnar
síðan 100th Window kom
út árið 2003. Þeir Grant
Marshall og Robert Del
Naja hafa nostrað við plöt-
una og það heyrist. Allt það
sem þessir frumkvöðlar í
tripp-hoppinu standa fyrir
er á sínum stað; hnaus-
þykku bassalínurnar, djúpu
dáleiðandi bítin og frumlegu
sándin. Margir greindu hökt
í vél sveitarinnar á síðustu
plötu, en þessi þykir sterk og hnitmiðuð þótt hún
jafnist kannski ekki fullkomlega á við meistaraverk-
in Mezzanine og Protected.
Mikið söngvaralið leggur inn á plötuna. Horace
Andy er með að venju en auk hans syngja á plöt-
unni þau Damon Albarn, Tunde Adebimpe (úr TV on
the Radio), Hope Sandoval (úr Mazzy Star), Martina
Topley-Bird (sem hefur unnið með Tricky) og Guy
Garvey (úr Elbow). Gítarleikari Portishead, Adrian
Utley, leikur einnig á plötunnni, en Portishead er
ásamt Massive Attack sú sveit sem enn heldur
Bristol-tripp hoppinu snöggheitu eftir hina frábæru
plötu Third, sem kom út 2008.
- drg
Massive Attack hittir í mark
SNÖGGHEITT TRIPP HOPP Heligoland er fimmta plata Massive
Attack.
Tvær sólóplötur duttu inn
seint í jólaplötuflóðinu í
fyrra, plöturnar Enchanted
með Uni og Silkimjúk er
syndin með Jóni Tryggva.
Tónlistarmennirnir eru báð-
ir um þrítugt og þetta eru
fyrstu plöturnar þeirra.
„Ég er búin að læra tónlist síðan
ég var kríli og búin að tala um það
heillengi að gera plötu,“ segir Uni,
eða Unnur Arndísardóttir eins og
hún heitir. „Þegar kreppan skall á
hafði maður ekkert annað en það
sem maður var góður í og varð
bara að láta til skarar skríða. Í
góðærinu var maður bara alltaf
að vinna og meika pening.“
„Þetta fór í gang hjá mér þegar
ég lenti í vinnuslysi fyrir þremur
árum,“ segir Jón Tryggvi. „Maður
var búinn að tala um það heillengi
að gera plötu en framkvæmda-
viljann vantaði alltaf. Slysið setti
hlutina í samhengi. Maður fór
að hugsa og pæla í því hvað væri
mikilvægast. Var mikilvægast
að mæta alltaf í vinnu kl. átta og
vinna til kl. sjö? Eða var kannski
mikilvægara að gera það sem
mann langaði mest til að gera?“
Fíkn og náttúran
Fortíð þeirra í bransanum er sú að
Jón Tryggvi var í hljómsveitinni
Stæner á sínum tíma en Unnur
hefur meðal annars tekið þátt í
starfi Trúbatrixa. Þau eru kæru-
stupar.
„Við kynntumst á Myspace og
vorum vinir lengi áður en við byrj-
uðum saman fyrir einu ári síðan,“
segir Unnur. „Þá fórum við að
vinna saman í músík. Við komum
fram á plötunum hjá hvort öðru,
hann spilar á gítar og syngur á
minni plötu og ég syng á plötunni
hans.“
Plöturnar voru teknar upp í
Tankinum á Flateyri með mánaðar-
millibili í fyrra og eru all ólíkar.
„Ég er með einhverja kassagítar-
kántrí-blús-samsuðu,“ segir Jón
Tryggvi. „Og syng um lífið og til-
veruna, mikið um fíkn, alkóhólisma
og upprisuna úr alkóhólismanum.
Ég hef sjálfur gengið í gegnum
það. Meirihlutinn á plötunni er
rólyndislegur og dapurlegur en svo
eru hressari sprettir á milli. Nick
Drake, Johnny Cash, Neil Young,
KK og Bubbi eru helstu áhrifa-
valdarnir.“
„Hjá mér eru þetta lög sem ég
hef verið að semja í gegnum tíðina
og þetta er mjög rólegt og „melló“.
Ég spila á kassagítar og syng en
platan er útsett fyrir sex manns,“
segir Uni. „Andleg mál hafa allt-
af fylgt mér og náttúran er eigin-
lega helsti áhrifavaldurinn. Ég hef
ekki hugmynd um hvaða öðrum
tónlistarmönnum ég líkist.“
Eintómir megahittarar
Það er ekki hlaupið að því að koma
sér á framfæri með tónlistina sína.
„Þegar maður er svona alveg glæ-
nýr er virkilega erfitt að koma sér
á framfæri. Það kom virkilega á
óvart,“ segir Unnur.
„Já, allavega miðað við það að
það eru ekkert nema megahittar-
ar á þessum plötum!“ segir Jón
Tryggvi. „Ætli málið sé ekki bara
að senda fjölmiðlum nógu oft sömu
fréttatilkynningarnar þangað til
þeir fara að trúa þeim.“
Þau ætla að spila sem mest,
reyna að fá sem mesta útvarpsspil-
un og komast í sjónvarpið. Allur
pakkinn. Og svo er stefnan sett á
sjálfa Ameríku.
„Það er planið að fara í mars.
Bara við með gítarana á bakinu,“
segir Unnur. „Ég var að læra í
Nýju-Mexíkó í þrjú ár svo ég á
vini úti um allt. Við erum búin að
bóka einhverja tuttugu tónleika.
Byrjum í New York og fljúgum
svo heim frá San Francisco eftir
nokkrar vikur. Erum með gommu
af giggum þarna á milli.“
Þau sjá fyrir sér að semja saman
plötu „on ðe ród“ og vonast til að
gefa hana saman út í sumar. „Það
verður eitthvað ægilegt eyði-
merkur-kántrí, held ég,“ segir
Jón Tryggvi. „Við erum að skoða
hvort við gefum þá plötu ekki út
undir einhverju dúetta nafni – Uni
& Johnny kannski?!“
drgunni@frettabladid.is
BÆÐI RÓLEG OG „MELLÓ“
KREPPAN SETTI HLUTINA Í SAMHENGI Uni og Jón Tryggvi segja erfitt að vera glæný á
markaðinum. FRÉTTABLAÐIÐ/VILHELM