Fréttablaðið - 05.02.2010, Blaðsíða 6
6 5. febrúar 2010 FÖSTUDAGUR
Kannaðu málið á byr.is
Þetta er miklu minna mál
en þig grunar.
„Vertu þinn eigin fjármálastjóri
með Netgreiðsluþjónustu Byrs.“
í heimabanka
DÓMSMÁL Fyrrum starfsmaður meðferðar-
heimilisins í Árbót í Aðaldal, Jón Þór Dag-
bjartsson, hefur verið dæmdur í tveggja og
hálfs árs fangelsi fyrir kynferðisbrot gegn
tveimur stúlkum sem vistaðar voru á heim-
ilinu árið 2008 á vegum barnaverndaryfir-
valda. Maðurinn, sem er rúmlega fertugur,
var þá starfsmaður á heimilinu. Honum var
gefið að sök að hafa fengið stúlkurnar til
ýmissa kynlífsathafna á um það bil þriggja
mánaða tímabili.
Að sögn Braga Guðbrandssonar, forstjóra
Barnaverndarstofu, hefur verið tekin ákvörð-
un um að loka meðferðarheimilinu að Árbót.
Hann segir þá ákvörðun ekki tengjast beint
kynferðisbrotamálinu sem nú hefur verið
dæmt í.
„Hins vegar kann að vera að foreldrar hafi
verið tregari til að senda börn sín þangað
eftir að uppvíst varð um það sem þar hafði
gerst,“ segir Bragi. „En ég vil taka sérstak-
lega fram að hjónin á Árbót hafa jafnan rekið
þetta heimili þannig að sómi er að.“ Hann
bætir við að meðferðarheimili verði opnað
að Geldingalæk á Rangárvöllum með vorinu.
Lögð verði áhersla á að hafa þar fyrst og
fremst fagfólk við störf.
Maðurinn, sem braut gegn stúlkunum hafði
áður sætt rannsókn vegna gruns um brot
gegn þeim. Önnur stúlkan neitaði þá alfarið
að um slíkt hefði verið að ræða, þótt vinkona
hennar hefði greint frá kynferðislegu áreiti
starfsmannsins. Ríkissaksóknari lét málið þá
niður falla, þar sem framkomin gögn í málinu
voru ekki talin nægileg til sakfellingar.
Málið var síðan tekið upp á nýjan leik,
þegar stúlkan sem sagt hafði manninn sak-
lausan lýsti því á fósturheimili sínu að hún
hefði áhyggjur af stúlku á heimilinu, sem
sagt hefði að maðurinn hefði áreitt hana. Sjálf
sagðist stúlkan á fósturheimilinu hafa orðið
fyrir áreitni hans.
Hún greindi síðar frá því fyrir dómi, spurð
hvort maðurinn hefði hótað henni, að hann
hefði sagt henni að hann þekkti marga úr
vélhjólaklúbbnum Fáfni. Hún mætti ekki
segja frá vegna orðspors heimilisins og ann-
ars. Raunar segist maðurinn á heimasíðu
sinni hafa stofnað „Fafner MC Iceland“ sem
er nú í formlegum tengslum við Hells Angels.
Hann segist hættur í samtökunum. Fyrir
dómi sagði stúlkan, sem þá var sextán ára, að
hún hefði óttast manninn.
Maðurinn var, auk fangelsisrefsingar,
dæmdur til að greiða annarri stúlkunni
1.250.000 krónur í miskabætur og hinni
500.000 krónur. jss@frettabladid.is
ÁRBÓT Maðurinn braut um nokkurra vikna skeið gegn tveimur stúlkum sem vistaðar voru á meðferðarheimilinu.
Því verður nú lokað. MYND/BARNAVERNDARSTOFA
Árbót lokað í kjölfar kyn-
ferðisbrots gegn stúlkum
Fyrrverandi starfsmaður meðferðarheimilisins að Árbót hefur verið dæmdur í tveggja og hálfs árs fangelsi
og til greiðslu nærrri tveggja milljóna króna í skaðabætur. Meðferðarheimilinu Árbót verður lokað.
Barnaverndarstofa hefur í ljósi kynferðis-
brotamálsins á Árbót sett ítarlegri reglur
um viðbrögð starfsfólks en áður hafa gilt
svo lærdóm megi draga af þessu dapur-
lega máli.
Þetta kemur fram í yfirlýsingu frá
Barnaverndarstofu. Hún segir dóminn
sögulegan, þar sem aldrei fyrr hafi sann-
ast fyrir dómi að börn hafi sætt kynferð-
isofbeldi af hálfu starfsmanns uppeldis-
stofnunar á Íslandi.
„Það er hins vegar þyngra en tárum
taki að horfast í augu við þá staðreynd
að ekki sé unnt að tryggja öryggi barna inni á
barnaverndarstofnunum þar sem þau eiga rétt á
skjóli og sérstakri vernd,“ segir Barna-
verndarstofa.
„Umræddur dómur er þó fagnaðarefni
í þessu sorglega máli. Hann gefur von
um að sá tími sé liðinn að siðblindir
einstaklingar komist upp með að níðast á
berskjölduðum börnum án þess að sæta
afleiðingum. Hann er vísbending um að
eftirlits- og viðbragðskerfi barnaverndaryf-
irvalda, lögregla, ákæruvald og dómstólar
rísi nú undir þeirri ábyrgð sem þessum
aðilum er ætlað að axla. Framgang máls-
ins skal þó fyrst og fremst þakka brota-
þolum, ungu stúlkunum sem sýndu kjark með því
að segja frá þeim brotum sem þær máttu sæta.“
HERÐIR REGLUR UM VIÐBRÖGÐ
BRAGI
GUÐBRANDSSON
DÓMSMÁL Héraðsdómur hefur
framlengt til 3. mars gæsluvarð-
haldi rúmlega tvítugs manns sem
grunaður er um að hafa nauðgað
fjórum stúlkum sem hann kynnt-
ist á Facebook. Lögregla hefur
lokið rannsókn á þremur mál-
anna og hafa þau verið send til
ákæruvaldsins. Fjórða málið er
enn til rannsóknar.
Í tölvu mannsins reyndust vera
margar myndir af hálfnöktum
stúlkum og hreyfimyndir þar
sem börn eru beitt grófu kyn-
ferðislegu ofbeldi, svokölluðu
BDSM. Maðurinn á því yfir
höfði sér ákæru um vörslu
barnakláms. -jss
Gæsluvarðhaldsúrskurður:
Framlengt á
Facebook-mann
PRÓFKJÖR
Haraldur L. Haraldsson gefur kost á
sér í 4. sæti í prófkjöri Sjálfstæðis-
flokksins í Mosfellsbæ á laugardag.
Haraldur Haraldsson er fæddur
1944, uppalinn
í Reykjavík en
fluttist til Mosfells-
bæjar 2005. Hann
var eigandi og
framkvæmdastjóri
útflutningsfyrir-
tækisins Andra og
einn af stofnend-
um Kreditkorta hf.
FRAKKLAND, AP Angela Merkel
Þýskalandskanslari brá sér í
heimsókn til Nicolas Sarkozy
Frakklandsforseta í París í gær.
Helsta deiluefni fundarins
snerist um örlög A400M-risa-
herflutningþotunnar, sem fjár-
magn vantar til að ljúka við
smíði á.
Að loknum fundinum sögðu
þau fátt annað en að lausn muni
finnast á þeim deilum.
Þau voru einnig spurð út
í ákvörðun Baracks Obama
Bandaríkjaforseta að mæta
ekki á leiðtogafund Evrópusam-
bandsins og Bandaríkjanna á
Spáni í maí. Þau gerðu lítið úr
því.
„Á það að vera eina vanda-
mál okkar í heiminum nú um
stundir?“ spurði Sarkozy. - gb
Sarkozy og Merkel hittust:
Vandi risaþotu
verður leystur
SARKOZY OG MERKEL Hittust í París í
gær. FRÉTTABLAÐIÐ/AP
FJÖLMIÐLAR Engar konur eru á
meðal æðstu stjórnenda íslenskra
fjölmiðla og í hópi næstráð-
enda eru konur aðeins um þriðj-
ungur stjórnenda, segir í álykt-
un Félags fjölmiðlakvenna sem
samþykkt var á fundi í fyrra-
kvöld. Í ályktuninni er rýr hlutur
kvenna á fjölmiðlum gagnrýnd-
ur sem og uppsagnir á reyndum
fjölmiðlakonum.
Hátt í hundrað konur mættu á
fundinn og segir Guðrún Helga
Sigurðardóttir, formaður félags-
ins, að þessi góða mæting sýni að
fundurinn hafi verið tímabær og
þarfur. Meðal þess sem rætt var
á fundinum var hlutur kvenna á
fréttadeildum fjölmiðla en á þeim
eru konur alls staðar í minnihluta
nema á frétta-
stofu Stöðvar
tvö. Skorað er
á stjórnvöld og
yfirmenn fjöl-
miðla að rétta
h lut kvenna
á fjölmiðlum
landsins.
Á fundinum
var einnig rætt
um aldursdreif-
ingu á fjölmiðl-
um og var hvatt til þess að fjöl-
miðlakonum yrði leyft að eldast
í starfinu. Guðrún Helga segir þá
umræðu þarfa, nauðsynlegt sé að
hafa reynslumiklar konur inni á
fjölmiðlum.
- sbt
Gagnrýna harðlega fækkun kvenna á fjölmiðlum:
Fleiri konur þarf
í fréttamennsku
GUÐRÚN HELGA
SIGURÐARDÓTTIR
INDÓNESÍA, AP Susilo Bambang
Yudhoyono, forseti Indónesíu,
hefur bannað fólki að nota buffla
á mótmælafundum. Ástæðan
er sú að í síðustu viku var buf-
fall með nafni forsetans leiddur
um götur Djakarta í mótmæla -
aðgerðum gegn forsetanum.
„Þau sögðu að ég væri eins
og buffall, stór og heimskur og
hægur,“ sagði forsetinn, harla
ósáttur. Bannið nær reyndar
til allra annarra dýra þegar
mótmæli eru annars vegar. - gb
Forseti móðgast:
Bannar buffla
BUFFALL Á MÓTMÆLAFUNDI Forseti
Indónesíu vill ekki láta líkja sér við „stór
og heimsk“ dýr. FRÉTTABLAÐIÐ/AP
KJÖRKASSINN
Kaupir þú einhvern tíma
tónlist?
Já 60,5%
Nei 39,5%
SPURNING DAGSINS Í DAG:
Verður þú var við að húsaleiga
hafi lækkað verulega?
Segðu skoðun þína á visir.is
STJÓRNMÁL Ragnheiður Ríkharðsdóttir, nýr fulltrúi
Sjálfstæðisflokksins í þingnefnd sem fjalla á
um skýrslu rannsóknarnefndar Alþingis,
hefur ekki sent Ríkisendurskoðun upp-
lýsingar um kostnað við prófkjör sitt
fyrir kosningarnar 2007.
Ragnheiður útskýrir að þar sem lög
og reglur ná ekki til ársins 2006 og 2007
þá hafi hún ákveðið að skila ekki fjár-
hagsupplýsingum um prófkjörið. „En ef
sú ákvörðun dregur setu mína í rann-
sóknarnefndinni eitthvað í efa þá mun
ég endurskoða þessa ákvörðun. Ég held
hins vegar að svo sé alls ekki.“
Ragnheiður tók á dögunum við
sæti Ásbjarnar Óttarssonar í
nefndinni, en Ásbjörn hætti eftir
að upp komst um misferli hans í
einkarekstri. Ásbjörn sagðist hætta í nefndinni til að
skapa frið um störf hennar, enda væri þar unnið að
því að endurreisa traust á viðskiptalífinu.
Ragnheiði ber ekki skylda til að skila þessum
upplýsingum, sem Ríkisendurskoðun var falið að
taka við, þar sem lög, sem sett voru í september
2009, um skil þessara upplýsinga eru ekki aftur-
virk. Stjórnmálaflokkarnir skuldbundu sig hins
vegar til að skora á frambjóðendur sína að veita
Ríkisendurskoðun þessar upplýsingar. Margir
frambjóðendur hafa orðið við þeim
tilmælum. - kóþ, shá
Fulltrúi Sjálfstæðisflokksins í nefnd um skýrslu rannsóknarnefndar Alþingis:
Skilar ekki fjárhagsupplýsingum
RAGNHEIÐUR RÍKHARÐSDÓTTIR Telur
að birting fjármálaupplýsinga komi
setu hennar í nefnd sem á að skoða
skýrslu rannsóknarnefndar Alþingis
ekki við.