Fréttablaðið - 05.02.2010, Blaðsíða 8
8 5. febrúar 2010 FÖSTUDAGUR
Já leitar að góðum verkefnastjóra sem á auðvelt með að koma fram í sjónvarpi
og vill taka þátt í því að hjálpa til við jákvæð verkefni á næstu mánuðum.
Við leitum að bjartsýnni og jákvæðri keppnismanneskju sem vill hafa áhrif og hjálpa öðrum.
Við leitum að aðila sem er hamingjusamur, skemmtilegur og áreiðanlegur.
Verkefnastjórinn þarf að búa yfir almennri þekkingu
á þjónustu Já og kunna að nota Símaskrána, Já 118 og Já.is.
Er ég
að leita að
þér?
Umsóknarfrestur rennur út 8. febrúar 2010.
Umsækjendur eru beðnir um að senda inn umsókn ásamt ferilskrá á netfangið gunnarth@ja.is.
Allar nánari upplýsingar veitir Gunnar Thorberg Sigurðsson í síma 864 4123.
1 Hvað heitir félag Bjarna
Benediktssonar sem verið hefur
í fréttum undanfarið?
2 Hvaða söngkona er að út-
skrifast úr guðfræði um þessar
mundir?
3 Hvaða hljómsveit leikur í
auglýsingu með Jason Lee og
Peter Stormare?
SVÖRIN ERU Á SÍÐU 30
SJÁVARÚTVEGSMÁL Áður en gengið yrði til þjóðar-
atkvæðagreiðslu um kvótakerfið þarf að huga að
þrennu, að mati varaformanns Sjálfstæðisflokksins,
Þorgerðar Katrínar Gunnarsdóttur:
Í fyrsta lagi að ljúka þjóðaratkvæðagreiðslu
um Icesave. Í annan stað þarf stjórnin að móta
sér skýra afstöðu til sjávarútvegskerfisins
sem slíks, það er um hvaða kerfi eigi að
kjósa. Í þriðja lagi þarf að setja skýr lög um
þjóðaratkvæðagreiðslur.
Þorgerður Katrín bregst hér við þeim
orðum Steingríms J. Sigfússonar, sem
sagði í útvarpsþættinum Sprengisandi að
þjóðaratkvæðagreiðsla um kvótakerfið
kæmi til greina.
„Erum við að tala um kvótakerfið
eins og það er í dag eða eins og
ríkisstjórnin ætlar sér að hafa það
með því að byrja fyrningarleiðina í gegnum skötusel-
inn?“ spyr Þorgerður. Þetta sé óljóst með öllu. Stjórn-
in þurfi að móta sér stefnu í sjávarútvegsmálum.
„Áður en við förum í einhverjum popúlisma að tala
um þjóðaratkvæðagreiðslur um hitt og þetta
eigum við að móta okkur almenn lög um þjóðar-
atkvæðagreiðslur, þannig að það verði skýrt
að valdið sé hjá þjóðinni, að það sé hægt eftir
ákveðnum leikreglum að kalla fram þjóðar-
atkvæðagreiðslu og þá eru engin mál undan-
skilin, hvorki kvótinn né annað,“ segir
hún. Valdið eigi ekki að vera hjá einum
manni, forseta Íslands. - kóþ
Varaformaður Sjálfstæðisflokks ekki tilbúinn í þjóðaratkvæðagreiðslu um kvóta:
Margt annað þarf að klára fyrst
ÞORGERÐUR KATRÍN GUNNARSDÓTTIR
Telur þjóðaratkvæðagreiðslu um kvótakerfið
ótímabæra og vill meðal annars að sett séu
skýr lög um slíkar kosningar fyrst.
FRÉTTABLAÐIÐ/ANTON
VIÐSKIPTI „Eiginfjárstaðan hefur
aldrei verið betri,“ segir Hjörleifur
Pálsson, fjármálastjóri stoðtækja-
fyrirtækisins Össurar. Hann kynnti
uppgjör fyrirtækisins ásamt Jóni
Sigurðssyni forstjóra í Kaupmanna-
höfn í Danmörku í gær.
Fyrirtækið hagnaðist um tæpar
22,8 milljónir Bandaríkjadala, jafn-
virði 2,9 milljarða króna, í fyrra,
sem er fjórðungi minna en fyrir
ári. Svipuðu máli gegnir um flesta
rekstrarliði, svo sem sölu, sem
dróst saman um 4,6 prósent á milli
ára.
Lausafjárstaðan batnaði hins
vegar verulega en í lok síðasta árs
átti Össur tæpar áttatíu milljón-
ir dala, tæpa tíu milljarða króna, í
lausu fé. Þetta er tæp 160 prósenta
aukning á milli ára. Eiginfjárhlut-
fall Össurar stóð í 49,7 prósentum í
lok árs samanborið við 41,3 prósent
í hittifyrra og hefur það sjaldan ef
nokkru sinni verið sterkara.
Þeir Jón og Hjörleifur bentu á að
horfur hefðu verið sveipaðar óvissu
í efnahagsmálum í upphafi síð-
asta árs og ekki vitað hvernig árið
yrði. Úr rættist þegar á leið og var
afkoman yfir væntingum flestra,
þar á meðal rúmum 25 prósentum
yfir spá IFS Greiningar. - jab
JÓN SIGURÐSSON Afkoma stoðtækjafyrirtækisins Össurar var yfir væntingum á síð-
asta ári og skilaði góðu uppgjöri. FRÉTTABLAÐIÐ/GVA
Afkoma stoðtækjafyrirtækisins Össurar yfir væntingum þrátt fyrir erfitt ár í fyrra:
Vissum ekki hvað var í vændum
UPPGJÖR ÖSSURAR*
Liður 2009 4. ársfj.
Sölutekjur 330,6 346,8
Rekstrarhagnaður 48,2 56,0
EBITDA 67,0 79,4
Eignir 628,2 603,8
Eigið fé 312,2 249,6
Hagnaður 22,7 28,5
Hagnaður á hlut** 5,32 6,74
Þynntur hag. / hlut** 5,30 6,73
* Í milljónum dala
** Í dölum talið
SJÁVARÚTVEGUR HB Grandi hyggst
nýta sem mest af sautján þús-
und tonna loðnukvóta fyrirtæk-
isins til hrognatöku. Það þýðir
að skip fyrirtækisins hefja
ekki veiðar fyrr en um miðjan
mánuðinn.
Að sögn Vilhjálms Vilhjálms-
sonar, deildarstjóra uppsjávar-
sviðs, eru vinnslustöðvar félags-
ins á Akranesi og Vopnafirði vel
búnar fyrir hrognavinnslu og til
standi að nýta þær báðar. Verð
á hrognum hefur verið gott und-
anfarin ár og því lag til að gera
veruleg verðmæti úr þeim tak-
markaða loðnukvóta sem búið að
úthluta.
Íslensk og norsk skip eru nú
komin á veiðar fyrir Austur- og
Suðurlandi og veiði er ágæt.
- shá
HB Grandi:
Nýtir kvótann
til hrognatöku
DÓMSMÁL Áttræður maður hefur
verið dæmdur í sex mánaða skil-
orðsbundið fangelsi fyrir íkveikju
í sumarbústað í Grímsnesi.
Maðurinn var ákærður fyrir að
kasta logandi hlut upp á svefn-
loft og hverfa síðan af vettvangi.
Miklar skemmdir urðu á bústaðn-
um af völdum elds og reyks.
Maðurinn neitaði í fyrstu að
hafa kastað logandi hlut upp á
svefnloftið en játaði að hafa orðið
valdur að íkveikjunni með því að
henda frá sér logandi sígarettu
sem hefði lent í haug af bréfum í
bústaðnum, sem væri í eigu fjöl-
skyldunnar. Síðan breytti maður-
inn framburði og játaði sök. - jss
Áttræður hlýtur dóm:
Lagði eld að
sumarhúsi
VEISTU SVARIÐ?