Fréttablaðið - 05.02.2010, Blaðsíða 12
12 5. febrúar 2010 FÖSTUDAGUR
NORÐUR-ÍRLAND, AP Stífum tíu daga
samningaviðræðum sambandssinna
og lýðveldissinna á Norður-Írlandi
lauk í gær þegar fulltrúar lýðveld-
issinna sögðu nóg komið.
Sambandssinnar þurfa nú að taka
afstöðu til málamiðlunartillögu,
sem lýðveldissinnar hafa fallist á.
Stjórnvöld á Bretlandi og Írlandi
hafa haft forystu um samningavið-
ræðurnar, sem hófust 25. janúar
síðastliðinn.
Sinn Fein, helsta stjórnmála-
afl hinna kaþólsku lýðveldissinna,
hefur krafist þess að nýtt ráðu-
neyti dómsmála verði stofnað innan
heimastjórnar Norður-Írlands. Nýja
ráðuneytið myndi fá það hlutverk
að hafa yfirumsjón með dómstólum
og lögreglu á Norður-Írlandi.
Sinn Fein hefur hótað því að
segja sig úr heimastjórninni og
þar með líklega gera að engu frið-
arsamkomulagið frá 1998 fallist
sambandssinnar ekki á þetta fyr-
irkomulag.
Sambandssinnar, sem flestir eru
mótmælendatrúar, hafa hins vegar
ekki viljað fallast á þetta. Vanda-
málið er að flokkar sambands-
sinna í heimastjórninni eru klofnir
í afstöðu sinni.
Ástæða klofningsins er meðal
annars sú, að margir hófsamir
sambandssinnar telja óráðlegt að
láta undan kröfum lýðveldissinna
á kosningaári af ótta við að tapa
atkvæðum til harðlínumanna.
„Viðræðunum er lokið,“ sagði
Gerry Kelly, aðalsamningafulltrúi
Sinn Fein í gær. „Samninganefnd
okkar telur að við séum komin með
grundvöll til þess að þoka málun-
um áfram.“
Umsjón löggæslu og dómsmála á
Norður-Írlandi hefur verið í hönd-
um Breta, en kaþólskir hafa gert
kröfu um að stjórn þeirra verði
færð í hendur heimamanna. Rík-
isstjórnir Bretlands, Írlands og
Bandaríkjanna hafa stutt það, í
þeirri von að við þá breytingu auk-
ist almennur stuðningur meðal kaþ-
ólskra við lögreglu og dómstóla.
Mótmælendur hafa hins vegar
beitt neitunarvaldi sínu, ekki síst
af ótta við að fyrrverandi liðs-
menn Írska lýðveldishersins fái
að taka þátt í stjórn þessa mála-
flokks.
Þegar friðarsamkomulagið var
gert fyrir nærri tólf árum höfðu
kaþólskir lýðveldissinnar þá bar-
ist áratugum saman hatramm-
ri baráttu fyrir aðskilnaði Norð-
ur-Írlands frá Bretlandi og helst
sameiningu við Írland. Þau átök
kostuðu um 3.700 manns lífið.
gudsteinn@frettabladid.is
Líf heimastjórnar
hangir á bláþræði
Samningaviðræðum um framhald heimastjórnar Norður-Írlands var slitið í
gær. Kaþólskir hafa fallist á málamiðlunartillögu, en mótmælendur eru klofnir
í afstöðu sinni af ótta við útkomu þingkosninga, sem haldnar verða á árinu.
GERRY KELLY OG GERRY ADAMS Aðalsamningafulltrúi Sinn Fein og formaður Sinn
Fein, helsta stjórnmálaafls kaþólskra á Norður-Írlandi. NORDICPHOTOS/AFP
Tap á jólaþorpinu
Borgarráð hefur samþykkt að borga
1,5 milljónir króna vegna svokallaðs
Jólaþorps sem rekið var á Hljóma-
lindarreitnum síðustu dagana fyrir
jól. Féð verður tekið af liðnum
ófyrirséð útgjöld.
REYKJAVÍKURBORG
VIÐSKIPTI Tólf óskuldbindandi til-
boð bárust í hlutafé trygginga-
félagsins Sjóvár innan þess frests
sem Fyrirtækjaráðgjöf Íslands-
banka gaf til að bjóða í félagið.
Fresturinn rann út á þriðjudag
en þá voru tilboð opnuð í viður-
vist óháðs matsaðila. Þrír erlend-
ir aðilar buðu í félagið, að því
er fram kemur í tilkynningu frá
bankanum.
Þeim sex, sem áttu hæstu til-
boðin og teljast hafa fullnægj-
andi fjárhagslega burði, verður
gefinn kostur á áframhaldandi
þátttöku í söluferlinu og veittur
aðgangur að nánari upplýsingum
um starfsemi og fjárhag fyrir-
tækisins. - jab
Sala Íslandsbanka á Sjóvá:
Þrjú tilboð
komu að utan
HÖFUÐSTÖÐVAR SJÓVÁR Tólf tilboð
bárust Íslandsbanka í tryggingafélagið
Sjóvá. FRÉTTABLAÐIÐ/VILHELM
UNDIR STÓLABOGUM Drengur nokkur
stendur undir tveimur bogum gerðum
úr barnastólum á sýningu í London,
þar sem til sýnis er hvers kyns sætis-
búnaður fyrir börn. NORDICPHOTOS/AFP
Nýtt enskt heiti
Lyfjastofnun hefur fengið nýtt heiti
á ensku. Eftirleiðis nefnist stofnunin
Icelandic Medicines Agency á enskri
tungu, en áður var notað heitið
Icelandic Medicines Control Agency.
Netfang og veffang breytist til
samræmis og verður ima@ima.is og
veffangið www.ima.is. Eldra netfang
og veffang verða þó virk út árið.
HEILBRIGÐISMÁL