Fréttablaðið - 08.02.2010, Blaðsíða 25

MÁNUDAGUR 8. FEBRÚAR 2010 5framadagar ● fréttablaðið ●
Fyrir Framadaga 2010 var ákveðið að
þemað skyldi verða nýsköpun og nýt-
ing nýrra tækifæra á Íslandi. Í kjölfar
falls bankakerfisins urðu stakkaskipti
í íslensku atvinnulífi. Ein áhrifin
voru að íslenskir háskólar fyllt-
ust af nýjum nemendum á allar
mögulegar námsbrautir.
Örfyrirlestrar Framadaga
eru hugsaðir til þess að fá
ákveðna aðila, sem nýtt hafa
sér þau nýju tækifæri sem skapast hafa,
til að halda erindi á tímum uppbyggingar
og nýsköpunar.
Þeir eru fulltrúar þeirra mörgu náms-
sviða sem í boði eru í Háskólunum. Allir
nemar ættu að geta fundið eitthvað við sitt
hæfi í dagskránni.
Þeir sem munu halda erindi eru höfund-
ar Eve Online, CCP; Jón Gerald Sullenber-
ger, Hólmfríður Sigurðardóttir verkefna-
stjóri Carb Fix, Gogoyoko, Gott val og
Hönnunarmiðstöðin.
Allar nánari upplýsingar er að finna á
www.framadagar.is.
Örfyrirlestrar Framadaga
Höfundar Eve Online
munu halda erindi.
Hönnunarmiðstöðin tekur þátt í
örfyrirlestrum Framadaga.
● ÁNÆGJA MEÐ ÚT-
KOMUNA Árið 2004 var
gerð könnun í þeim tilgangi
að athuga viðhorf nemenda til
Framadaga.
Ýmislegt skemmtilegt kom
í ljós og þess má geta að yfir
þriðjungur þeirra sem mættu
var ánægur með þær upplýs-
ingar sem fengust frá fyrirtækj-
unum. Einnig kom fram að
rúmur helmingur þátttakenda
fékk betri hugmynd um hvernig
menntun þeirra myndi nýtast í
komandi framtíð.
Niðurstöður könnunarinnar
sýndu að þátttakendur vildu
helst að fyrirtækin kynntu starfs-
semi sína með beinum viðræð-
um við nemendur, dreifingu
kynningarefnis, fyrirlestrum og
þjálfun. En þetta er einmitt það
sem Framadagar í ár snúast um.
● HLJÓMSVEITIR Á Frama-
dögum munu nokkrar af betri
hljómsveitum landsins halda
uppi skemmtilegri stemningu yfir
daginn og þar má nefna böndin
Ourlives, Agent Fresco og Vicky.
Nýliðarnir í Útidúr, sem lentu ný-
verið í þriðja sæti í keppninni
Global Battle Of The Bands, munu
einnig troða upp. Aðdáendahóp-
ur hljómsveitanna hefur farið ört
vaxandi undanfarið og margt
spennandi í vændum hjá þeim.
Tónlistarfyrirtækið Gogoyoko
mun halda örfyrirlestur í hádeg-
inu um starfsemi sína þar sem
farið verður yfir hvernig fyrirtækið
komst á fót og þau verkefni sem
verið er að fást við í dag. Á staðn-
um verður einnig happdrætti þar
sem í boði verða veglegir vinn-
ingar frá fyrirtækjum á borð við
Þjóðleikhúsið, Arctic ferðir, And-
ersen & Lauth, Comfort snyrti-
stofu og Magadanshúsið. Dregn-
ir verða út vinningar reglulega
yfir daginn og þeir veglegustu í
lok dags.
Ný tækifæri
• Byggingatækniskólinn
• Endurmenntunarskólinn
• Fjölmenningarskólinn
• Flugskóli Íslands
• Hársnyrtiskólinn
• Hönnunar- og handverksskólinn
• Raftækniskólinn
• Tækniakademían
• Skipstjórnarskólinn
• Upplýsingatækniskólinn
• Véltækniskólinn
Tækniskólinn, skóli atvinnulífsins býður upp á f jölbreytt og skapandi nám.
Í skólanum er hefðbundið framhaldsskólanám, iðnnám, stúdentsnám,
flugnám, marmiðlunarnám, hljóðtækninám, diplómanám auk spennandi
námskeiða fyrir almenning.
Fagskólar Tækniskólans eru:
Kynntu þér málið á www.tskoli.isSkrúfudagur Tækniskólans
Tækniskólinn er með opið hús laugardaginn 27. febrúar
frá kl. 12:00 - 16:00 og býður öllum áhugasömum í
heimsókn. Boðið verður upp á f jölbreytta dagskrá,
kynningar á náminu, sýningar nemenda og margt f leira.
Nánari dagskrá verður kynnt á www.tskoli.is.