Fréttablaðið - 10.02.2010, Blaðsíða 4

4 10. febrúar 2010 MIÐVIKUDAGUR
STJÓRNSÝSLA Tvær breytingartillög-
ur á lögum um tekjuskatt birtust
fyrir mistök í vitlausri röð í Stjórn-
artíðindum milli jóla og nýárs með
þeim afleiðingum að embætti Rík-
isskattstjóra hefur ekki lagaheim-
ild til að afgreiða beiðnir sem hafa
borist um leiðréttingu á tekjuskatti.
Um fimmtíu mál bíða vegna þessa
tilbúin hjá embættinu og nokkrir
tugir til viðbótar eru nær tilbúin
til afgreiðslu. Deildarstjóri hjá rík-
isskattstjóra segir málið klúður en
vegna þess að embættið hafi nokkra
mánuði til að afgreiða beiðnir þá
hafi ekki mikið verið kvartað yfir
töfum á afgreiðslu.
Málið snýst um breytingu á
101. grein laga um tekjuskatt sem
samþykkt var í tveimur hlutum í
desember.
Í breytingum sem samþykkt-
ar voru 18. desember kemur fram
hvernig 101. grein laganna eigi að
hljóða en hún fjallar um hlutverk
ríkisskattstjóra. Í lagabreytingum
sem samþykktar voru 28. desem-
ber er einnig fjallað um þessa sömu
grein og tilgreind málsgrein sem
hefst á þessum orðum: „Ríkisskatt-
stjóra er heimilt að taka til greina
beiðni skattaðila um breytingu á
ákvörðun um skattstofn eða skatt-
álagningu …“ og hún sögð eiga að
koma á milli fyrstu og þriðju máls-
greinar í lagagrein 101.
Fyrir mistök birtist síðarnefnda
breytingin hins vegar fyrst. Það
hafði þær afleiðingar þegar fyrri
breytingartillagan birtist og tók
þar með gildi, degi síðar, að hún
þurrkaði í raun út ákvæðið sem
gefur ríkisskattstjóra þessa heim-
ild til að taka til greina beiðnir um
breytingu á tekjuskatti.
Að sögn Jarþrúðar Hönnu
Jóhannsdóttur, deildarstjóra
úrskurðardeildar ríkisskattstjóra,
uppgötvuðust mistökin strax í byrj-
un janúar og var þá strax farið í
það að semja nýtt frumvarp, þar
sem fram kemur hvernig laga-
greinin á að hljóða. En vegna jóla-
leyfis Alþingis var ekki hægt að
gera neitt í málinu í janúar og enn
hefur nýja breytingartillagan ekki
verið lögð fyrir Alþingi. Jarþrúður
sagðist í samtali við Fréttablaðið
vonast til að það yrði þó gert sem
fyrst en Alþingi kemur næst saman
á föstudag.
Jarþrúður sagði að yfirleitt væri
gert ráð fyrir allt að þremur mán-
uðum til afgreiðslu beiðna um leið-
réttingu og þó að vissulega hefðu
einhverjir haft af þessu óþægindi
þá væru þau ekki veruleg. „Þetta
er klúður, það átti alveg að vera
á hreinu í hvaða röð ætti að birta
lögin.“ sigridur@frettabladid.is
Tugir bíða leiðrétt-
ingar vegna mistaka
Embætti ríkisskattstjóra hefur ekki heimild til að afgreiða beiðnir sem hafa
borist um leiðréttingu á tekjuskatti. Ástæðan eru mistök við birtingu lagabreyt-
inga rétt fyrir áramót. Tugir mála bíða afgreiðslu hjá embættinu vegna þessa.
VEÐURSPÁ
Alicante
Basel
Berlín
Billund
Eindhoven
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
16°
-1°
-5°
-3°
0°
-5°
-4°
-2°
-2°
20°
3°
12°
1°
13°
-11°
4°
13°
-2°
Á MORGUN
5-10 m/s.
FÖSTUDAGUR
3-8 m/s.
7
6
5
5
4
0
2
-2
6
4
-2
6
8
7
6
5
4
3
3
7
8
2
7
4
5
2
0
4
6
5
2
0
LÍTILSHÁTTAR
VÆTA Það verður
dálítil rigning eða
súld um sunn-
an- og vestanvert
landið næstu daga
en það birtir líklega
eitthvað til inn á
milli. Hitinn verður
mjög svipaður en
horfur eru á að
það hlýni aðeins
norðan- og austan-
lands.
Elísabet
Margeirsdóttir
veður-
fréttamaður
Í forsíðufrétt blaðsins í gær kom
fram að Reykjavíkurborg hefur
styrkt stjórnmálaflokkana um 129,5
milljónir króna undanfarin fjögur ár
og er fénu úthlutað í samræmi við
kjörfylgi flokkanna. Ekki kom fram að
eftir sveitarstjórnarkosningarnar í vor
munu greiðslur til flokkanna breytast
í samræmi við kosningaúrslitin.
Einungis liggur því fyrir hvernig um
helmingur þeirra 29,5 milljóna, sem
renna til flokkanna á þessu ári, skipt-
ist á milli þeirra. Í fréttinni og töflu
með henni var ranglega miðað við að
hlutföllin frá 2006 giltu allt árið 2010.
ÁRÉTTING
FINNLAND Bíræfinn bankaræn-
ingi, að því er virtist kvenkyns,
gekk í gærmorgun inn í banka
í smábænum Vaajakovski í
Finnlandi vopnaður lásboga og
örvum, otaði þessu að starfs-
mönnum bankans og gekk út
með fimm þúsund evrur í reiðu-
fé.
Gjaldkerar sögðu bankaræn-
ingjann hafa verið konu, en lög-
reglan telur hugsanlegt að þarna
hafi verið á ferðinni karl í kven-
mannsfötum. Hans var ákaft
leitað í gær í nágrenni bæjarins.
Engir viðskiptavinir voru
staddir í bankanum þegar ránið
var framið. - gb
Bankarán í Finnlandi:
Rændi banka
með lásboga
LÖGREGLUMÁL Karlmaður um fer-
tugt hefur verið úrskurðaður í
gæsluvarðhald til 19. febrúar að
kröfu lögreglunnar á höfuðborg-
arsvæðinu. Maðurinn, sem er
erlendur ríkisborgari, er grunað-
ur um aðild að innflutningi fíkni-
efna til landsins. Um er að ræða
um það bil hálfan lítra af amfet-
amíni í fljótandi formi, samkvæmt
upplýsingum Fréttablaðsins. Ekki
er vitað um styrkleika þess enn þá,
þar sem rannsóknum á efninu er
ekki lokið. Hins vegar má gera ráð
fyrir að hægt hefði verið að marg-
falda það áður en það hefði verið
selt í götusölu.
Lögreglan handtók manninn,
ásamt landa hans, í fyrradag.
Samlandanum var sleppt eftir
yfirheyrslur, þar sem ekki þótti
ástæða til að halda honum lengur
vegna rannsóknarhagsmuna. Hinn
var úrskurðaður í gæsluvarðhald
eins og áður sagði. Mennirnir eru
báðir frá Austur-Evrópu, sam-
kvæmt upplýsingum Fréttablaðs-
ins.
Eftir því sem næst verður kom-
ist var amfetamínið sent í niður-
suðudósum með pósti hingað til
lands. Lögreglan rannsakar málið
í samvinnu við tollyfirvöld. - jss
PÓSTURINN Amfetamínið var sent með
pósti hingað til lands.
Karlmaður um fertugt úrskurðaður í gæsluvarðhald:
Fljótandi amfetamín í póstinum
SJÁVARÚTVEGUR Fiskistofa hefur
óskað umsagnar Ísafjarðarbæj-
ar á umsókn Fjarðarlax um
rekstrar leyfi til fiskeldis í Arn-
arfirði. BB.is segir frá því að
fyrirtækin Þóroddur ehf., og
Fjarðar lax ehf., hyggja á allt
að tíu þúsund tonna framleiðslu
í Arnarfirði, Tálknafirði og á
Patreksfirði.
Ráðgert er að fiskeldi hefjist í
Arnarfirði í vor og er fyrirhug-
að að flytja afurðirnar vestur um
haf og þá aðallega með skipum.
Bæjarráð Ísafjarðarbæjar vísaði
erindinu til umhverfisnefndar til
umsagnar. - shá
Fiskeldi fyrir vestan:
Stórtækt eldi í
undirbúningi
DÓMSMÁL Maður á þrítugsaldri
hefur verið dæmdur í tveggja
ára fangelsi fyrir að hella bens-
íni á og leggja eld að bíl á Leifs-
götu í Reykjavík í október 2008.
Eldurinn breiddist út með
þeim afleiðingum að bíllinn
brann ásamt öðrum bíl sem
stóð nærri. Sótskemmdir urðu
á þriðja bílnum og sprungur
komu í rúður á 1. og 2. hæð húss
í næsta nágrenni vegna hita.
Maðurinn játaði brot sitt.
Áður en hann braut af sér í þetta
sinn hafði hann margoft verið
dæmdur, meðal annars fyrir
umferðarlagabrot, ölvunarakst-
ur og skemmdarverk. - jss
Margdæmdur maður:
Tvö ár fyrir að
kveikja í bíl
DÓMSMÁL Karlmaður um þrítugt
hefur verið dæmdur í tveggja
mánaða fangelsi og til sviptingar
ökuréttinda í fimm ár.
Hann var ákærður fyrir að
brjótast inn í iðnaðarhúsnæði þar
sem hann stal verðmætum fyrir
á aðra milljón króna. Eftir þetta
ók hann, undir áhrifum amfet-
amíns og metamfetamíns, vöru-
bíl frá Hveragerði til Reykja-
víkur. Hann hafði ekki tilskilin
réttindi til að aka vörubifreið. Þá
var hann ákærður fyrir vörslu á
33 grömmum af amfetamíni og
þrettán e-töflum. Maðurinn ját-
aði sök fyrir dómi. Hann á langan
sakaferil að baki. - jss
Fangelsi og svipting:
Ók vörubíl í
mikilli vímu
Gott verð á mörkuðum
Verð á þorski og ýsu sem selt var á
fiskmörkuðunum í síðustu viku gaf
aðeins eftir miðað við vikuna þar á
undan. Verðið hækkaði svo jafnt og
þétt það sem eftir var vikunnar og
skilaði föstudagurinn 329 krónum/
kíló af óslægðum þorski og 303 krón-
ur fyrir ýsuna.
SJÁVARÚTVEGUR
Vilja seka biskupa burt
Fórnarlömb barnaníðinga innan
kaþólsku kirkjunnar hafa beðið páfa
um að reka biskupa sem áratugum
saman hafa hylmt yfir með hinum
seku prestum.
ÍRLAND
Hjá Stjórnartíðindum feng-
ust þær upplýsingar að lög
væru alls ekki endilega birt
í þeirri röð sem þau væru
samþykkt, nema beðið væri
um það sérstaklega og svo
hefði ekki verið gert í þessu
tilfelli. Mörg lög biðu birting-
ar á milli jóla og nýárs og
starfsmenn hafi einfaldlega
keppst við að afgreiða þau
sem fyrst, áður en þau
tækju gildi 1. janúar.
Ásta Ragnheiður
Jóhannesdóttir, forseti
Alþingis, sagði mistökin
ekki Alþingis, samkvæmt
hennar upplýsingum hefði
það misfarist í fjármála-
ráðuneytinu að koma þeim
upplýsingum á framfæri
við Stjórnartíðindi að máli skipti í hvaða röð lögin væru birt. Málið stæði til
bóta enda búið að semja frumvarp til breytingar á lagagreininni sem gæfi
ríkisskattstjóra heimild til leiðréttinga aftur.
LÖG EKKI ENDILEGA BIRT Í TÍMARÖÐ
ÁSTA RAGNHEIÐUR JÓNSDÓTTIR FRÉTTABLAÐIÐ/ANTON
GENGIÐ 09.02.2010
GJALDMIÐLAR KAUP SALA
HEIMILD: Seðlabanki Íslands
231,3688
GENGISVÍSITALA KRÓNUNNAR
128,14 128,76
199,73 200,71
175,81 176,79
23,612 23,750
21,554 21,680
17,360 17,462
1,4277 1,4361
197,30 198,48
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Sigurbjörnsdóttir sigridurdagny@365.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigrún Helga Guðmundsdóttir sigrunh@365.is, Arna Rut Kristinsdóttir arnarut@365.is