Fréttablaðið - 10.02.2010, Blaðsíða 42

30 10. febrúar 2010 MIÐVIKUDAGUR
sport@frettabladid.is
> Sverrir semur við FH-inga
Sverrir Garðarsson mun væntanlega leika með FH
næsta sumar en hann hefur skrifað undir þriggja ára
samning við FH-inga. Hann kemur til félagsins
frá Sundsvall án greiðslu en þó á enn eftir að
ganga frá síðustu pappírum í málinu þannig
að hann er ekki formlega orðinn leikmaður
FH. „Þetta er góð lending og ég hlakka til að
spila í Krikanum. Það var eitt lið á Íslandi
sem vildi fá mig og annað lið frá Noregi.
FH var mest spennandi kosturinn af
þessum þremur,“ sagði Sverrir en end-
anleg lending í málinu ætti vonandi að
nást í þessari viku.
HANDBOLTI Þýska stórliðið Rhein-
Neckar Löwen verður án þjónustu
hornamannsins frábæra, Guðjóns
Vals Sigurðssonar, næstu tvo mán-
uðina og jafnvel þrjá. Guðjón hefur
verið að kljást við meiðsli á hné
lengi en nú er svo komið að hann
verður að leggjast undir hnífinn til
þess að fá bót meina sinna.
„Þetta er svipað og var 2007 en
þeir vita samt ekki nákvæmlega
hvað þetta er. Það er einhver hola
í brjóskinu eftir að ég datt á hnéð
fyrir tveimur og hálfu ári. Ég hef
alltaf verið með verk síðan en mis-
mikinn þó.
Upp á síðkastið hefur þetta verið
að versna. Ég fékk lítið högg á
æfingu á föstudag og eftir það hef
ég verið helaumur. Meiðslin sjást
ekki nógu vel á myndum og þeir
þurfa að opna hnéð til þess að sjá
þetta almennilega. Þeir ætla samt
að ganga almennilega frá þessu,“
sagði Guðjón Valur sem er ekki
óvanur því að spila með verki en
hefur ávallt sýnt ótrúlega hörku
með því að spila. Hann segir samt
að nú sé mál að linni.
„Ég get ekki beðið eftir að hreyfa
mig aftur algjörlega verkjalaus.
Það er komið nóg. Ég hef verið
að þjösnast fullmikið á líkaman-
um síðustu ár og ekki alltaf tekið
skynsamlegustu ákvarðanirnar.
Þegar ég fór í hnéaðgerð til þess
að laga nákvæmlega þetta sumarið
2007 fór ég að spila 13 dögum eftir
aðgerðina. Það var ekki viturleg-
asta ákvörðun sem ég hef tekið um
ævina,“ sagði Guðjón og hló við.
Þrátt fyrir það hefur hann ekki
misst af æfingum og leikjum.
„Að burðast með svona verki til
lengdar verður pirrandi því það
hamlar því að maður geti gert allt
sem maður vill gera. Ég vona að
þessi aðgerð geri mig góðan sem
aldrei fyrr,“ sagði Guðjón Valur
en hann verður frá að lágmarki í
tvo mánuði. „Læknirinn sagði að
ég þyrfti lágmark að hvíla í þrjá
mánuði en ég sagði á móti hámark
þrír mánuðir. Þetta skýrist samt
allt þegar þeir opna hnéð. Ég er
samt mjög bjartsýnn á að ég verði
betri en aldrei fyrr eftir þessa
aðgerð.“
Guðjón Valur verður í stúkunni í
kvöld þegar Rhein-Neckar Löwen
tekur á móti meisturum Kiel og er
leikurinn sýndur í beinni á Stöð 2
Sport. Uppselt er á leikinn en húsið
tekur 13 þúsund manns. Guðjón
segir það vera erfitt að horfa á
enda sé það ekki uppáhaldið hans
að sitja í stúkunni.
„Ég kann engan veginn að sitja
uppi í stúku. Ég er vondur áhorf-
andi. Ég var á bekknum í Göpping-
en-leiknum og ég stökk tvisvar á
bekkinn til þess að segja eitthvað
sem mér þótti merkilegt en hefur
eflaust ekki skipt neinu. Óli og
Snorri eiga alla mína samúð fyrir
að þurfa að hlusta á mig þessa dag-
ana því ég hef sterkar skoðanir og
sé þetta núna frá öðru sjónarhorni.
Ég mun halda áfram að tjá mig en
þeir ákveða hvort þeir hlusta,“
sagði Guðjón. henry@frettabladid.is
Ég er vondur áhorfandi
Guðjón Valur Sigurðsson spilar ekki handbolta næstu tvo mánuðina hið
minnsta. Hann fer í aðgerð á hné á morgun en hnéð hefur verið að angra hann
í tvö og hálft ár. Hann verður ekki með Löwen í kvöld í stórleiknum gegn Kiel.
KOMINN Í STÚKUNA Guðjón Valur klæðist ekki hinum gula búningi Löwen næstu
vikurnar enda er hann á leið í aðgerð á morgun. NORDIC PHOTOS/BONGARTS
Berglind Íris Hansdóttir, markvörður Vals, var í gær valinn besti
leikmaður í 10. til 18. umferð N1-deildar kvenna og þjálfari hennar,
Stefán Arnarson, var valinn besti þjálfarinn. Þau fengu einnig bæði
þessi verðlaun fyrir fyrstu níu umferðirnar en Valskonur
eru ósigraðar á toppi deildarinnar. „Ég nýt góðs af því
að spila fyrir aftan frábæra vörn. Þetta er því ekki
eitthvað sem ég hef afrekað ein heldur er ég bara
hluti af góðri liðsheild. Þetta hefur gengið ótrúlega
vel hjá okkur í vetur og við höfum náð að halda
góðum dampi í leik okkar,“ segir Berglind.
Félagi hennar í Valsliðinu, Anna Úrsúla
Guðmundsdóttir, var einnig í úrvalsliðinu
annað skiptið í röð. „Anna Úrsúla hefur
smollið ótrúlega vel inn í liðið. Hún vinnur
vel með öðrum leikmönnum liðsins og við
náum vel saman. Það er mjög gott að spila
fyrir aftan hana eins og allar aðrar í liðinu,“
segir Berglind. „Ég veit ekki hvort ég hafi
spilað betur. Þetta er svo mikið samspil á milli
varnar og markmanns. Ég veit ekki hvort ég smelli betur með þeim
sem eru að spila í vörninni núna,“ segir Berglind og bætir við: „Þegar
maður byrjar vel þá fær maður aukið sjálfstraust og þá gengur betur.
Það er allt að spila saman en ég er að spila betur en ég gerði
í fyrra og hittifyrra. Þetta er eitt af mínum betri tímabilum,“
segir Berglind sem segist ekkert vera að hugsa um hvort eða
hvenær fyrsta tapið komi.
„Ég er ekkert að hugsa um hvenær þetta fyrsta tap komi sem
allir eru að tala um. Við tökum einn leik fyrir í einu og
það hefur gengið ótrúlega vel að einbeita sér þannig,“
segir Berglind og hún og aðrar í liðinu ætla að ná
langþráðum titli í hús í vetur. „Það hefur vantað hjá
okkur að fara alla leið. Við höfum verið á pappírun-
um með rosalega sterka leikmenn en aldrei náð að
skila neinum árangri,“ segir Berglind og nú ætla Vals-
konur að breyta því. Aðrar í úrvalsliðinu voru Fram-
ararnir Ásta Birna Gunnarsdóttir, Stella Sigurðardóttir
og Karen Knútsdóttir, Hanna Guðrún Stefánsdóttir úr
Haukum og Alina Tamasan úr Stjörnunni.
BERGLIND ÍRIS HANSDÓTTIR, MARKVÖRÐUR VALS: VALIN BESTI LEIKMAÐUR 10 TIL 18. UMFERÐ N1-DEILDAR KVENNA
Ekki að hugsa um það hvenær fyrsta tapið komi
Enska úrvalsdeildin
Portsmouth-Sunderland 1-1
0-1 Darren Bent, víti (12.), 1-1 Aruna Dindane
(90.+5).
Wigan-Stoke City 1-1
1-0 Paul Scharner (15.), 1-1 Tuncay Sanli (74.)
Manchester City-Bolton 2-0
1-0 Carlos Tévez, víti (31.), 2-0 Emmanuel
Adebayor (73.).
Fulham-Burnley 3-0
1-0 Danny Murphy (23.), 2-0 David Elm (31.), 3-0
Bobby Zamora (53.)
Enska b-deildin
Coventry-Nottingham Forest 1-0
Aron Einar Gunnarsson lék fyrstu 63 mínúturnar í
leiknum og fór af velli í stöðunni 1-0.
Watford-Bristol City 2-0
Heiðar Helguson skoraði fyrra markið á14. mín.
Reading-Plymouth 2-1
Ívar Ingimarsson og Brynjar Björn Gunnarsson
léku allan leikin líkt og Kári Árnason.
Middlesbrough-Barnsley 2-1
Emil Hallfreðsson lék fyrstu 58 mínúturnar.
ENSKI BOLTINN
HANDBOLTI Fyrri undanúrslita-
leikur Eimskipsbikars kvenna fer
fram í Kaplakrika í kvöld þegar
FH tekur á móti Fram klukkan
19.30.
Fram hefur unnið báða deild-
arleiki liðanna í vetur en í fyrra
unnu FH-konur Fram aðeins einu
sinni í fjórum leikjum og það var
í átta liða úrslitum bikarsins.
FH-liðið fór þá alla leið í bik-
arúrslitaleikinn en þangað hefur
Framliðið ekki komist í ellefu ár
eða síðan liðið vann 1999. - óój
Eimskipsbikar kvenna:
FH gegn Fram í
undanúrslitum
HÖLLIN UNDIR Í KVÖLD Stella Sigurðar-
dóttir skorar á móti FH. FRÉTTABLAÐIÐ/ARNÞÓR
KÖRFUBOLTI KR-konur tryggja sér
deildarmeistaratitilinn í Iceland
Express-deild kvenna og heima-
vallarrétt út úrslitakeppnina með
sigri á Grindavík á heimavelli
sínum í DHL-höllinni í kvöld.
KR getur náð tíu stiga forskoti
á Grindavík vinni liðið leikinn, en
eftir leiki kvöldsins verða aðeins
þrjár umferðir eftir.
Aðrir leikir kvöldsins eru
Hamar-Keflavík í A-deild og í
B-deildinni spila Snæfell-Valur
og Haukar-Njarðvík. Allir leikir
hefjast klukkan 19.15. - óój
Iceland Express-deild kvenna:
KR getur orðið
deildarmeistari
15 SIGRAR Í 16 LEIKJUM KR-konur hafa
spilað vel í vetur. FRÉTTABLAÐIÐ/STEFÁN
UNDANÚRSLIT
KONUR
FH - FramKaplakriki 19:30
FÓTBOLTI Heiðar Helgason skoraði
fyrra mark Watford í 2-0 heima-
sigri liðsins á Bristol City í ensku
b-deildinni í gær en markið skor-
aði Heiðar með skalla á 14. mín-
útu . Þetta var áttunda mark hans
í fimmtán deildarleikjum með lið-
inu á tímabilinu. -óój
Enska b-deildin í gær:
Áttunda mark
Heiðars í vetur
RAÐAR INN MÖRKUM Heiðar Helguson
hjá Watford. MYND/GETTYIMAGES
FÓTBOLTI Manchester City vann
sigur á sigur á Bolton, 2-0,í ensku
úrvalsdeildinni í gærkvöldi en þá
fóru fjórir leikir fram í deildinni.
Mesta dramatíkin var í leik Ports-
mouth og Sunderland þar sem
Aruna Dindane tryggði Ports-
mouth stig með marki á fimmtu
mínútu í uppbótartíma eftir að
Portsmouth hafði lent marki og
manni undir eftir tólf mínútur.
Manchester City tók fimmta
sætið af Tottenham með 2-0
sigri á Bolton en City-liðið hefur
unnið fimm fyrstu heimaleiki
sína undir stjórn Ítalans Roberto
Mancini með markatölunni 12-2.
Carlos Tévez kom Manchester
City í 1-0 á 31. mínútu úr víta-
spyrnu og Emmanuel Adebayor
skoraði síðan annað markið á 73.
mínútu eftir sendingu frá Patr-
ick Vieira sem var þarna í fyrsta
sinn í byrjunarliði Manchester
City.
Steve Bruce og lærisveinar hans
í Sunderland héldu að þeir væru að
fara vinna sinn fyrsta sigur síðan
21. nóvember þegar Aruna Dind-
ane skoraði jöfnunarmarkið í upp-
bótartímanum. Darren Bent fisk-
aði víti og Ricardo Rocha fór út af
með rautt spjald eftir níu mínútur
og skoraði síðan úr vítinu. Sunder-
land missti hins vegar tvo menn út
af með rautt spjald í seinni hálf-
leik og pressa Portsmouth bar loks
árangur í blálokin.
Fulham vann öruggan 3-0
heimasigur á Burnley. Burnley
náði þar með ekki að fylgja eftir
heimasigri á West Ham og þurfti
að sætta sig við sjöunda útivallar-
tapið í röð. Burnley hefur aðeins
náð í 1 stig í 13 útileikjum á tíma-
bilinu. - óój
Fjórir leikir fóru fram í ensku úrvalsdeildinni í knattspyrnu í gærkvöldi:
City fór upp fyrir Tottenham
BRJÁLAÐUR Avram Grant, stjóri
Ports mouth, var allt annnað en sáttur í
hálfleik. MYND/GETTYIMAGES