Fréttablaðið - 11.02.2010, Blaðsíða 8
8 11. febrúar 2010 FIMMTUDAGUR
LÖGREGLUMÁL Fimmtán ára stúlka
á yfir höfði sér ákæru fyrir ofsa-
akstur og jafnvel almannahættu-
brot eftir æsilegan 42 kílómetra
flótta undan lögreglu í fyrrinótt.
Stúlkan ók undan lögreglu á allt
upp undir 170 kílómetra hraða
frá Reykjavík til Hveragerðis,
og stöðvaði ekki fyrr en hún ók
á naglamottu sem komið hafði
verið fyrir á veginum.
Stúlkan hafði tekið bíl for-
eldra sinna ófrjálsri hendi. Með
henni í för var litlu eldri vinkona
hennar. Lögregla ætlaði upphaf-
lega að stöðva för bílsins á Suð-
urlandsbraut vegna þess að aft-
urljós hans voru í ólagi. Stúlkan
sinnti hins vegar engum stöðvun-
armerkjum og spændi í burtu.
Hún ók sem leið lá inn á mis-
lægu gatnamótin við Réttarholts-
veg og út á Miklubraut. Miklu-
brautina ók hún í austur þar til
komið var að afleggjaranum inn
á Suðurlandsveg. Þar beygði hún
og ók yfir Hellisheiðina til Hvera-
gerðis.
Í hringtorginu við Hveragerði
sat Selfosslögreglan fyrir bílnum
og hafði komið naglamottu fyrir
á veginum til að stöðva förina.
Það tókst og stúlkan var handtek-
in. Hún reyndist allsgáð og mun
ekki hafa komið við sögu lögreglu
áður. Engan sakaði.
Haft var samband við foreldra
stúlkunnar og barnaverndaryfir-
völd. Eftir að rætt hafði verið við
hana var henni sleppt í umsjá for-
eldranna.
Alls tóku sjö lögreglubílar þátt
í eftirförinni. Þrír frá Reykjavík,
þar af einn sem fylgdi henni alla
leiðina, og fjórir frá Selfossi sem
lokuðu leiðinni við Hveragerði. Þá
fylgdi sjúkrabíll á eftir í fyrstu en
sneri síðan við.
Leiðin af Suðurlandsbraut og til
Hveragerðis er rúmir 42 kílómetr-
ar. Eftirförin hófst klukkan rúm-
lega eitt og lauk um klukkan hálf
tvö. Stúlkan ók kílómetrana 42 því
á um 25 mínútum, eða á yfir 100
kílómetra hraða á klukkustund að
meðaltali. Mest ók hún á rúmlega
170 kílómetra hraða.
Stúlkan er fimmtán ára og því
ökuréttindalaus. Hún er hins
vegar sakhæf og má búast við
ákæru fyrir fjölmörg umferðar-
lagabrot og hugsanlega einnig
fyrir almannahættubrot. For-
dæmi eru fyrir slíku í tilvikum
sem þessum.
Pétur Guðmundsson, varðstjóri
lögreglu, sagði við Fréttablað-
ið í gær að aksturslag stúlkunn-
ar hefði verið lífshættulegt, bæði
fyrir hana og aðra vegfarendur. Þó
vildi svo til að fáir voru á ferli á
leiðinni á þessum tíma.
stigur@frettabladid.is
1 Hvað kostaði aðkeypt ráðgjöf
skilanefnd Kaupþings á síðasta
ári?
2 Hvaða bankastjóri lét undan
þrýstingi um að lána Björgólfs-
feðgum fyrir kaupum á Lands-
bankanum árið 2003?
3 Hvaðan er forsprakki Hells
Angels sem vísað var frá land-
inu í byrjun vikunnar?
SVÖRIN ERU Á SÍÐU 50
Vegna mikillrar eftirspurnar býður
sr. Þórhallur Heimisson upp á auka
HJÓNA OG SAMBÚÐARNÁMSKEIÐ
dagana 11. og 18. mars kl.20.00 -22.00 í
Hafnarfjarðarkirkju. Yfi r 12.000 manns hafa
tekið þátt frá árinu 1996.
Upplýsingar og skráning í síma 8917562 eða
á thorhallur33@gmail.com
HAFNARFJARÐARKIRKJA.IS
DÓMSMÁL Rannsókn lögreglu á
máli Catalinu Mikue Ncogo er
lokið og hefur það verið sent til
ríkissaksóknara. Gæsluvarð-
hald yfir henni var framlengt til
26. febrúar í fyrradag. Hún situr
inni til að koma í veg fyrir áfram-
haldandi brotastarfsemi hennar.
Hún er grunuð um aðild að man-
sali og að hafa haft milligöngu um
vændi.
Þá hafa mál ellefu meintra
kaupenda vændis á vegum Catal-
inu verið send til ákæruvaldsins.
Innan við tíu mál kaupenda eru
enn þá til rannsóknar hjá kynferð-
isbrotadeild lögreglunnar á höfuð-
borgarsvæðinu. Málin sem fara til
ákæruvaldsins gætu orðið allt að
tuttugu samtals þegar rannsókn-
um lögreglu er lokið. Það er svo
í höndum þess að ákveða hvort
ákært verður í þeim öllum eða
ekki.
Catalina hefur áður verið
dæmd í Héraðsdómi Reykjaness
í tveggja og hálfs árs óskilorðs-
bundið fangelsi fyrir að hafa
haft viðurværi af umfangsmiklu
vændi fjölmargra kvenna sem
hún hélt úti í miðborg Reykjavík-
ur. Þá var hún einnig dæmd fyrir
að hafa skipulagt og staðið að inn-
flutningi á 400 grömmum af kóka-
íni til landsins frá Hollandi.
- jss
Gæsluvarðhald yfir meintri vændissölukonu framlengt til 26. febrúar:
Catalina til ríkissaksóknara
CATALINA Var enn leidd í dómsal fyrr í
vikunni vegna gæsluvarðhaldsúrskurðar.
Fimmtán ára ökuþór
á ákæru yfir höfði sér
Fimmtán ára allsgáð stúlka stal bíl foreldra sinna í Reykjavík og flúði lögreglu
á ofsahraða alla leið til Hveragerðis. Hún var loksins stöðvuð með naglamottu.
Hún verður líklega ákærð fyrir ýmis umferðarlagabrot og almannahættubrot.
SVEITARSTJÓRNARMÁL Sorphirðu-
gjald í Árborg hækkaði um 93,1
prósent milli ára en ekki 54 pró-
sent eins og fram kom í könnun
ASÍ, sem Fréttablaðið greindi frá
í gær.
ASÍ bar gjald fyrir 120 lítra
sorptunnu á þessu ári saman við
gjald fyrir 240 lítra tunnu í fyrra.
Ásta Stefánsdóttir, bæjarritari
í Árborg, staðfestir að gjaldið
hafi hækkað úr 14.500 krónum í
28.000 krónur fyrir 240 lítra sorp-
tunnu en ekki úr 14.500 í 22.300
eins og fram kom í niðurstöðum
ASÍ. Gjald fyrir 120 lítra tunnu er
nú 22.300 krónur en var 11.500 í
fyrra. Árborgarbúar þurfa nú að
urða sitt sorp í Reykjavík því urð-
unarsvæðinu í Ölfusi hefur verið
lokað. Af því stafar þessi mikla
hækkun, segir Ásta. - pg
Rangar niðurstöður ASÍ:
Hækkaði um
93% ekki 54%
SJÁVARÚTVEGUR Fyrirtæki sem
stunda vinnslu úr loðnuafurð-
um á Austurlandi eru að búa sig
undir loðnuvertíðina. Loðnu-
vinnslan á Fáskrúðsfirði og Síld-
arvinnslan í Neskaupstað hófu
vinnslu í síðustu viku á afla
norska loðnuflotans en Eskja á
Eskifirði og HB Grandi á Vopna-
firði undirbúa vinnslu.
Austurglugginn segir frá því að
skip Eskju, Aðalsteinn Jónsson,
sé komið á loðnumiðin og frysti
loðnu um borð.
Hjá HB Granda er verið að
klára að gangsetja loðnubræðsl-
una þar eftir miklar endurbætur
og stækkun. Verksmiðjan er sam-
sett úr þremur verksmiðjum sem
HB Grandi átti fyrir á Vopna-
firði, í Reykjavík og Þorlákshöfn.
- shá
Uppgrip á næstunni:
Austfirðingar
undirbúa vertíð
ÖRYGGISMÁL Landhelgisgæslan
heimsótti Grímseyinga á dögun-
um og við það tækifæri komu öll
grunn- og leikskólabörn eyjar-
innar ásamt kennurum í heim-
sókn um borð í varðskipið Tý.
Er mál manna að við heimsókn-
ina hafi mannfjöldinn í eynni
vaxið um tuttugu prósent. Farið
var um skipið í fylgd skipverja
sem fræddu gestina um skipið og
búnað þess.
Eftir að kennarar og börn voru
komin um borð var landfestum
sleppt og siglt út fyrir höfnina.
Þar var boðið upp á hressingu og
svo bátsferð í land með einum af
léttbátum skipsins. - shá
Gæslan í Grímsey:
Börnin boðin í
stutta siglingu
Íslensk lögregluembætti eiga mörg
hver svokallaða naglamottu sem
rúlla má yfir götu þannig að það
springi á dekkjum þeirra bíla sem yfir
hana aka. Motturnar eru hins vegar
sárasjaldan notaðar, að sögn Péturs
Guðmundssonar varðstjóra. Í fréttum
Stöðvar 2 í gær sagði að mögulega
væri þetta í fyrsta sinn.
Motturnar eru þannig úr garði
gerðar að ekki hvellspringur á dekkj-
unum heldur lekur loftið úr þeim,
nokkuð hratt þó. Þannig er hættan á
því að bíllinn velti takmörkuð.
Í tilviki stúlkunnar ungu var
mottan auk þess notuð í hring-
torgi þannig að stúlkan neyddist
til að hægja á sér áður en hún ók
á naglana. Eftirleikurinn var síðan
auðveldur fyrir lögreglu.
NAGLAMOTTUR
NÆR ALDREI
NOTAÐAR
NAGLAMOTTA Lögreglan á höfuðborg-
arsvæðinu á nokkrar naglamottur sem
hún þarf þó til allrar hamingju sjaldan
að nota. FRÉTTABLAÐIÐ / VALLI
HEILBRIGÐISMÁL „Vestmannaeyjabær hefur fullan
vilja og getu til að reka Heilbrigðisstofnun Vest-
mannaeyja. Bærinn veitir nú þegar alla félagslega
þjónustu og nánast alla öldrunarþjónustu í bæjar-
félaginu. Samlegðaráhrifin eru mikil og sennilegt
er að hægt sé að veita sömu þjónustu fyrir lægra
fé eða aukna þjónustu fyrir sama fé. Þetta verður
þó ekki gert nema að til slíks liggi ríkur vilji hjá
ríkinu og slíkum vilja er ekki fyrir að fara,“ segir
Elliði Vignisson, bæjarstjóri í Vestmannaeyj-
um, vegna umræðu um að sveitarfélögin taki yfir
rekstur heilbrigðisstofnana. Slíkar hugmyndir eru
uppi á Suðurnesjum.
Eins og kom fram í Fréttablaðinu í gær er flutn-
ingur á rekstri heilbrigðisstofnana frá ríkinu vel
gerlegur að mati forsvarsmanna sveitarfélaga og
forstjóra heilbrigðisstofnana. Það var hins vegar
tilfinning blaðamanns við vinnslu fréttarinnar að
þessi umræða hefði fyrst og síðast einskorðast við
Suðurnesin.
Þetta vill Elliði leiðrétta og skrifar að Vest-
mannaeyjabær hafi ítrekað óskað eftir því að
taka yfir allan rekstur Heilbrigðisstofnunar Vest-
mannaeyja. „Ótal samtöl og fundir hafa verið um
þetta mál en strandað á vilja ríkisins. Á seinasta
kjörtímabili unnum við að þessu með Guðlaugi
Þór [Þórðarsyni], þáverandi ráðherra, en bakslag
kom í viðræðurnar í tíð Ögmundar [Jónassonar] og
skýrist það ekki síst af breyttum efnahagslegum
forsendum,“ segir Elliði. - shá
Bæjarstjóri segir fullan vilja til að reka Heilbrigðisstofnun Vestmannaeyja:
Ríkisvaldið stendur í veginum
FRÁ VESTMANNAEYJUM Hugmyndir um að taka yfir heilbrigðis-
stofnunina á staðnum hafa verið lengi í gerjun. FRÉTTABLAÐIÐ/HARI
VEISTU SVARIÐ?