Fréttablaðið - 11.02.2010, Blaðsíða 10

10 11. febrúar 2010 FIMMTUDAGUR
VINSTRI GRÆN Nú er reynt að lægja öldurnar innan VG í Reykjavík, en forvalið
um síðustu helgi, þar sem Sóley Tómasdóttir lenti í fyrsta sæti og Þorleifur Gunn-
laugsson varð númer tvö, hefur dregið dilk á eftir sér.
BANDARÍKIN, AP Tvítug bandarísk
kona, sem nefnd er Amy í dóm-
skjölum, krefst þess að fá bætur
frá hundruðum sakborninga, sem
höfðu í fórum sínum barnaklám-
myndir sem frændi hennar tók af
henni fyrir rúmum áratug.
Þótt frændi hennar hafi hlotið
dóm fyrir afbrot sín eru myndirn-
ar af Amy enn í dag meðal þeirra
sem útbreiddastar eru í heimi
barnaníðinga.
„Ég vil að þessu verði öllu eytt.
Ég vil að þetta hætti. En ég get
ekkert gert til að stöðva þetta, ekki
frekar en ég gat stöðvað frænda
minn,“ segir Amy.
Fjölmörg önnur fórnarlömb
barnakláms í Bandaríkjunum hafa
einnig leitað til dómstóla til að fá
bætur frá notendum barnakláms.
Dómarar víðs vegar um Banda-
ríkin þurfa því á næstunni að
taka afstöðu til nýrra spurninga
í tengslum við barnaklámsmál:
Hvort einstaklingur sem hefur í
fórum sínum klámfengna mynd
af barni eigi að teljast meðábyrgur
fyrir þjáningum barnsins, og hve
háa upphæð eigi þá að láta hann
greiða.
Frumkvæði í þessum efnum
kom frá dómara í Connecticut
fyrir fáeinum vikum þegar hann
hugðist gera einum eiganda slíkra
mynda skylt að greiða Amy 200
þúsund dali. Áður en dómur var
kveðinn upp var þó samið um að
sá maður myndi borga henni 130
þúsund dali. - gb
Fjölmörg fórnarlömb barnakláms höfða mál í Bandaríkjunum:
Krefjast bóta af klámhundum
RANNSÓKN Á BARNAKLÁMI Bandarískur
lögreglumaður fylgist með samskiptum
á netinu. NORDICPHOTOS/AFP
DÓMSMÁL Tveir karlmenn um
þrítugt hafa verið ákærðir fyrir
stórfellda kannabisræktun og
sölu og vörslu á miklu magni
kannabisefna.
Mennirnir voru teknir í mars á
síðasta ári með rúm fimm kíló af
kannabislaufum, tæplega fjögur
kíló af marijúana og 621 kann-
abisplöntu.
Í ágúst var svo annar mann-
anna tekinn aftur með rúmlega
hálft kíló af kannabislaufum og
218 kannabisplöntur.
Hinn maðurinn var tekinn
tveimur dögum síðar. Hann
reyndist vera með 65 plöntur sem
hann var að rækta. - jss
Tveir menn ákærðir:
Ræktuðu og
seldu kannabis
Carmina Burana í Laugardalslauginni
Bein útsending frá tónleikum Sinfóníuhljómsveitar
Íslands. Tilvalið að slaka á í heitum potti og hlýða á
fagra tóna. Tónleikarnir hefj ast kl. 19.30 í kvöld.
Kærleikar á föstudegi
Landsþekktir einstaklingar segja kærleiksrík orð og
Páll Óskar syngur um lífi ð. Blysför verður kringum
Tjörnina og samsöngur kóra. Kærleikar hefj ast á
Austurvelli kl. 18.00 og leiða gesti inn í Safnanóttina.
Öndvegissúlur – Ljósaljóð
Súlur Ráðhússins umbreytast í ljósalistaverk skreytt
með tónmynd, listaverki Bills Fitzgibbon og Sverris
Guðjónssonar. Hluti af setningu Safnanætur kl. 19.00
á túninu við tjarnarbrúna föstudaginn 12. febrúar.
Safnanótt
Rífl ega 30 söfn á höfuðborgarsvæðinu bjóða
fj ölbreytta dagskrá til miðnættis á föstudag.
Safnanæturstrætó gengur á milli safnanna frá klukkan
19.00. Nánari upplýsingar á www.safnanott.is.
Nánari upplýsingar á
www.reykjavik.is/ljomandi
20 mismunandi bækur
sem dæma þarf af kápunni.
UMHVERFISVOTTUÐ
PRENTSMIÐJA
Oddi – umhverfisvottuð prentsmiðja. Höfðabakka 7, 110 Reykjavík, sími 515 5000, www.oddi.is
STJÓRNMÁL Innan Vinstri grænna
var í gær leitað sátta milli Þor-
leifs Gunnlaugssonar og ýmissa
forystumanna í flokknum vegna
nýlegs forvals flokksins í borg-
inni.
Þorleifur sagðist í gær vongóð-
ur um að sáttaleiðin yrði til þess að
„í flokknum mæti allir lýðræði og
sanngirni hér eftir“.
Deilan snýst um að ekki hafi
allir haft sömu tækifæri í forval-
inu. Framboði Þorleifs var tjáð
óformlega af formanni kjörstjórn-
ar að ekki mætti sendast með og
sækja útfyllta atkvæðaseðla til
kjósenda. Þetta töldu aðrir fram-
bjóðendur leyfilegt og höguðu sér
eftir því.
En samkvæmt reglum forvals
VG í Reykjavík, geta félagsmenn
fengið kjörseðla senda í tölvupósti,
ef þeir þess óska. Kjósandinn skal
svo „bera ábyrgð á að koma utan-
kjörfundaratkvæðaseðlinum í löt-
urpósti til kjörstjórnar“. Þessar
reglur eru frá 6. febrúar.
Eftir að Þorleifur kærði kosn-
inguna hafnaði kjörstjórn kröfum
hans og vísaði í reglur um forval,
enda heimili þær póstkosningu.
Kæra Þorleifs snerist meðal ann-
ars um heimsóknir til kjósenda.
Spurður hvernig það samræm-
ist þessum reglum að stuðnings-
menn frambjóðenda megi fara
með atkvæði heim til fólks og skila
síðan fyrir það á kjörstað, segir
Stefán Pálsson, sem var formað-
ur kjörstjórnar í forvalinu: „Við
höfum takmarkaða möguleika á
að fylgjast með þessu, til dæmis
að sjá úr hvaða prentara kjörseð-
ill kemur. En kjörstjórn hefur
legið yfir þessum reglum, eftir að
kæran kom fram, og okkar niður-
staða var að þær hefðu ekki verið
brotnar.“ Slíkar reglur kalli alltaf
á nánari útskýringu, sem hafi birst
í forvalsbæklingi.
Í bæklingnum segir að félags-
menn geti fengið sendan kjörseð-
il í tölvupósti sem skuli lagður í
ómerkt umslag sem aftur sé lagt
í annað umslag merkt flokki, kjör-
stjórn og pósthólfi.
Stefán nefnir að í fyrri kosn-
ingum innan VG hafi ekki verið
gerðar ýtrustu kröfur um atriði
af þessum toga. Vafa í kosningum
eigi að meta kjósendum í hag. Nið-
urstaða alls þessa verði líklega sú
að stífari reglur verði samdar.
klemens@frettabladid.is
Verið að leita
sátta um for-
valið hjá VG
Reglur forvals VG í Reykjavík fjalla um að utankjör-
fundaratkvæði skuli berast í tölvupósti og að það
sé á ábyrgð kjósandans að skila því í löturpósti. Í
nýloknu forvalinu var farið heim til fólks með kjör-
seðla. Ráðherra hringdi í kjósendur.
Heimildir blaðsins herma að framámenn í VG hafi barist af öllu afli til að
tryggja Sóleyju Tómasdóttur fyrsta sætið. Ráðherrar hafi verið þar á meðal.
Álfheiður Ingadóttir heilbrigðisráðherra gengst fúslega við því að hafa
hringt í „nánustu fjölskyldu og vini til að minna á forval VG“, en segir ekk-
ert um hvern hún studdi.
„Ég styð hins vegar Sóleyju sem oddvita þess lista sem hún var kosin til,
með réttmætum hætti, eftir því sem formaður kjörstjórnar segir.“
Spurð um hversu marga hún hafi hringt í, segir Álfheiður að þeir hafi
verið fjórir til fimm.
RÁÐHERRA HVETUR FÓLK Á KJÖRSTAÐ
FUGL Á HÖFÐI Á Navonatorgi í Róma-
borg gerði þessi fugl sér lítið fyrir og
settist stundarkorn á styttuhöfuð.
NORDICPHOTOS/AFP