Fréttablaðið - 11.02.2010, Blaðsíða 52
32 11. febrúar 2010 FIMMTUDAGUR
menning@frettabladid.is
Skrifstofumaðurinn Guð-
mundur Óskarsson hlaut
hin íslensku bókmennta-
verðlaun í gær fyrir bók
sína Bankster. Hann vonast
til að verðlaunin verði til
þess að bókin fari á flug.
„Ég bjóst alls ekki við þessari niður-
stöðu, að vera tekinn út úr þessum
glæsilega hópi,“ segir Guðmundur
Óskarsson, sem í gær hlaut Íslensku
bókmenntaverðlaunin í flokki fag-
urbókmennta fyrir skáldsöguna
Bankster. Hún er önnur skáldsaga
hans, sú fyrsta, Hola í lífi fyrr-
verandi golfkennara, kom út 2008.
Bankster Guðmundar fór ekki mjög
hátt þegar hún kom út í fyrra.
„Það er rétt,“ segir hann, „enda
eru þetta engar hávaðabókmenntir.
Hún gekk eðlilega, held ég. Það er
aldrei að vita nema hún fari á eitt-
hvert flug núna og svona verðlaun
geta líka opnað glugga út í heim.
Það er mikilvægt þegar maður er
að skrifa á svona litlu málsvæði –
upp á að eiga möguleika á að lifa af
þessu.“
Guðmundur var starfandi í
Landsbankanum þegar hann skrif-
aði bókina og starfar þar enn. „Ég
er nú bara skrifstofumaður, ekki
bankamaður í ensku merkingunni.
Ég sinni einföldum verkefnum þar
sem sérfræðingar eru að störfum,
ég er ekki að skrifa undir samninga
og semja skýrslur, meira bara svona
að ljósrita. En maður þekkir marga
sem eru bankamenn og -konur og
ég nærðist á því þegar ég skrifaði
bókina.“
Guðmundur segir afslappaðan tón
í bókinni. „Það er ekki mikil dóm-
harka í henni. Hún fjallar um tíma-
bilið frá hruninu og fram á vor. Hún
er ekki mjög „plott-drifin“, heldur
dregur hún upp myndir sem raðast
saman og mynda heild.“
Skáldið segir allt aðra stemningu
í bankanum nú en fyrir hrun. „Það
fór allt náttúrlega. Það er allt annað
gildismat núna. En ég er enn þá á
mínum stað og kann ágætlega við
það. Ýti á græna takkann og vona
það besta.“
Eðlilega eru verðlaunin gríðarleg
hvatning fyrir skáldið. „Það stytt-
ist í að maður taki stökkið,“ segir
Guðmundur. „Allavega að maður
láti reyna á ritstörfin eingöngu.
Maður kemst eflaust fljótt að því
hvort það sé hægt eða hvort maður
þurfi að hafa þau aukalega. Ég skrif-
aði Bankster á kvöldin og um helg-
ar, lítið í vinnunni. Ég er reyndar
alltaf með minnisbók á mér sem
ég punkta í. En það er bara leiftur-
snöggt og tekur engan tíma.“
Auk Banksters Guðmundar voru
bækurnar Auður eftir Vilborgu
Davíðsdóttur, Enn er morgunn eftir
Böðvar Guðmundsson, Góði elsk-
huginn eftir Steinunni Sigurðardótt-
ur og Milli trjánna eftir Gyrði Elías-
son tilnefndar. Í flokki fræðibóka og
bóka almenns efnis hlaut hin mikla
bók Jöklar á Íslandi eftir Helga
Björnsson Íslensku bókmenntaverð-
launin. Auk hennar voru tilnefndar
bækurnar Á mannamáli - Ofbeldi
á Íslandi eftir Þórdísi Elvu Þor-
valdsdóttur, Jón Leifs - Líf í tónum
eftir Árna Heimi Ingólfsson, Mynd
af Ragnari í Smára eftir Jón Karl
Helgason og Svavar Guðnason eftir
Kristínu G. Guðnadóttur.
drgunni@frettabladid.is
ÁTTI EKKI VON Á ÞESSU
STYTTIST Í STÖKKIÐ Bankster eftir Guðmund Óskarsson hlaut Íslensku bókmennta-
verðlaunin í gær. Guðmundur er skrifstofumaður hjá Landsbankanum.
FRÉTTABLAÐIÐ/STEFÁN
Erró í Pompidou
Yfirlitssýning á klippimyndum
Errós - Erro. 50 years of collages -
hefst á mánudaginn í Nútímalista-
safninu í París, sem staðsett er í
Pompidou-safninu. Á sýningunni
eru verk frá árinu 1959 og fram til
dagsins í dag, en Erró hefur alla
tíð verið iðinn við klippimynda-
kolann. Á sýningunni verða meðal
annars til sýnis 66 verk sem Erró
færði safninu nýlega að gjöf.
Í kvöld hefst fimm daga djasshátíð, Vetrarjazz. Þetta
er í fyrsta skipti sem hátíðin er haldin, en henni
er ætlað að vera „off season“ viðbót við Jazzhátíð
Reykjavíkur. Allir tónleikarnir nema einir fara fram
á Café Kúltúra við Hverfisgötu, en staðurinn er orð-
inn helsta athvarf íslenskra djassara. Meðal annars er
Jazzklúbburinn Múlinn starfræktur í kjallaranum.
Tvennir eða þrennir tónleikar munu fara fram á
hverju kvöldi. Tríó Reynis Sigurðarsonar ríður á vaðið
kl. 21 í kvöld og leikur tónlist úr ýmsum áttum. Reynir
leikur á víbrafón en með honum eru Jón Páll Bjarna-
son á gítar og Gunnar Hrafnsson á bassa. Klukkan 22
er komið að hljómsveit bræðranna Óskars og Ómars
Guðjónssona. Þeir fá ýmsa gesti til liðs við sig.
Einu tónleikar Vetrarjazzins sem ekki fara fram á
Kúltúra verða í Norræna húsinu kl. 17 á laugardaginn.
Þar leika tvö af heitustu djassböndum Norðurland-
anna, norska tríóið Pelbo og Plop frá Finnlandi.
- drg
Vetrardjassinn sýður á Kúltúra
Á KÚLTÚRA Í KVÖLD Bræðurnir Ómar og Óskar og Davíð Þór
Jónsson á milli þeirra. Kannski kíkir hann í kvöld?
FRÉTTABLAÐIÐ/GVA
Sigríður Rut Hreinsdóttir er SÍM-ari
febrúarmánaðar og sýnir olíumálverk
sem unnin eru á árunum 2001-2008
í sal SÍM í Hafnarstræti. Myndefnið
sem hefur verið henni hugleikið um
tíma er fíflar og lauf.
„Lauf, sem í fljótu bragði virtust
aðeins ófögur lauf, urðu við nánari
athugun gjafir að ótal hugmyndum í
sínum óendanlega fjölbreytileika og
fegurð,“ segir Sigríður. „Myndirn-
ar eru leikur að línum á myndfleti í
samspili lita og ljóss, eins og tónar í
músík. Óður til náttúrunnar og lands-
ins.“
Afgreiðslutími er á virkum dögum
á milli kl. 10 og 16. Á Safnanótt á
föstudaginn verður Sigríður til við-
tals um verk sín á milli kl. 19 og 23.
Sýningin stendur yfir til 26. febrúar.
Fíflar og lauf í SÍM
> Ekki missa af
Í kvöld kl. 20 standa ung-
menni úr Réttarholtsskóla,
Hvassaleitisskóla og Álftamýr-
arskóla í samvinnu við kenn-
ara þeirra, Marlon Pollock,
fyrir sýningu á þéttbýlislist
(Urban culture) í versluninni
Mohawks í Kringlunni. Til
sýnis verða meðal annars
djúsfernur, tómir spreybrúsar
og sígarettupakkar, sem hefur
verið umbreytt. Verkin verða til
sýnis í rúmar þrjár vikur.
1
3
5
7
9
2
4
6
8
10
Matur og drykkur
Helga Sigurðardóttir
Þegar kóngur kom
Helgi Ingólfsson
Loftkastalinn sem hrundi
Stieg Larsson
Stúlkan sem lék sér
að eldinum - Stieg Larsson
Svörtuloft
Arnaldur Indriðason
Bjargvætturinn í grasinu
J.D. Salinger
Heimsmetabók
Guinness 2010
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
03.02.10 - 09.02.10
Stórskemmtilega stelpubókin
Andrea J. Buchanan
Almanak Háskóla Íslands
Þorsteinn Sæmundsson
Garn og gaman
Jóna Svava Sigurðardóttir