Fréttablaðið - 12.02.2010, Blaðsíða 14
12. febrúar 2010 FÖSTUDAGUR
Verð á mann í tvíbýli
88.700 kr.
Innifalið: Flug með sköttum, gisting á 4* hóteli með morgunverði á
Hotel Mercure Korona í hjarta borgarinnar í fjórar nætur og íslensk
fararstjórn. Skoðunarferðir ekki innfaldar.
Búdapest
Borgarferð
Fyrirspurnir og nánari upplýsingar:
www.expressferdir.is
info@expressferdir.is
Sími 590 0100
11. – 15. mars 2010
Heimsborgin glæsilega
Express ferðir bjóða frábæra 5 daga ferð með beinu flugi
til Búdapest. Um er að ræða langa helgi þar sem sögu og
menningu borgarinnar verða gerð góð skil – og ekki spillir
einstaklega hagstætt verðlag í Ungverjalandi.
Fararstjórarnir Lilja Hilmarsdóttir
og Þórarinn Sigurbergsson eru
þaulreynd í faginu og gjörþekkja
borgina.
F
í
t
o
n
/
S
Í
A
F
I
0
3
0
8
1
7
Frábært verð!
Bjóðum einnig stök flugsæti til og frá
Búdapest á einstöku tilboðsverði.
57.900 kr.
Flug með sköttum og öðrum greiðslum.
Meira í leiðinni
WWW.N1.IS
Sími 440 1000
N1 STÓRVERSLUN BÍLDSHÖFÐA 9
N1 verslanir: Kópavogi, Hafnarfirði, Akureyri, Akranesi, Ólafsvík,
Egilsstöðum, Vestmannaeyjum, Keflavík, Selfossi, Reyðarfirði og Höfn.
N1 og Tork.
Sterkt lið á pappírunum.
N1 er umboðsaðili Tork á Íslandi. Við bjóðum upp á mikið úrval af pappír
og hreinlætisvörum frá Tork, en þær eru þekktar fyrir gæði, þægindi
og hagstætt verð. Tork vörurnar eru umhverfisvænar og státa af vottun
samkvæmt ISO 9001 og ISO 14000 stöðlunum. Hafðu samband við
okkur og veldu þær vörur og lausnir frá Tork sem henta þér best.
VÍSINDI „Það er vitað að jöklar eru
að minnka mjög mikið og það hefur
þær afleiðingar að landið rís. Allt
bendir til þess að þetta landris
muni hafa aukna eldvirkni í för
með sér,“ segir Freysteinn Sig-
mundsson hjá Norræna eldfjalla-
setrinu, sem á morgun heldur fyr-
irlestur um efnið í fyrir lestraröð
Vísindavefjarins.
Freysteinn segir mælingar sýna
að landris sé yfir 20 mm á ári þar
sem það er mest sem sé mikið
miðað við til að mynda flekahreyf-
ingar undir Íslandi. Allar þess-
ar hreyfingar skili sér í myndun
meiri bergkviku, þó óvíst sé hve-
nær hún skili sér upp á yfirborðið,
það geti tekið áratugi eða hundruð
ára. En allt bendi til þess að tíma-
bil fari í hönd þar sem búast megi
við meiri eldvirkni undir jöklum
en verið hefur. Þess má geta að níu
staðfest gos voru undir Vatnajökli
á síðustu öld.
Fyrirlesturinn hefst kl. 13 og
mun fara fram í Öskju, sal 132.
- sbt
Jöklar hopa og land rís:
Búist við meiri
eldvirkni á Íslandi
BYLTINGARAFMÆLI FAGNAÐ Lítið fór fyrir mótmælendum innan um mannfjöldann
sem safnaðist saman í Teheran. NORDICPHOTOS/AFP
ÍRAN, AP Lögregla tók hart á mót-
mælendum víða í Teheran, höf-
uðborg Írans, í gær. Táragasi var
skotið á hópa mótmælenda til að
dreifa þeim og málningarkúlum
var einnig skotið á hópana til þess
að merkja þá sem átti að hand-
taka.
Mótmælendurnir komu saman í
tuga- og sums staðar í hundraða-
tali innan um hundruð þúsundir
manna sem fögnuðu byltingaraf-
mæli landsins. Þrjátíu og eitt ár
er liðið frá því að íslamskir klerk-
ar og námsmenn steyptu keisara-
stjórninni af stóli undir forystu
Khomeinis æðstaklerks.
Mahmoud Ahmadinejad forseti
notaði tilefnið til að lýsa því yfir í
sjónvarpsávarpi til mannfjöldans
að Íran væri nú kjarnorkuveldi.
Hann hélt því fram að búið væri að
framleiða fyrsta skammtinn af 20
prósenta auðguðu úrani, en til þess
að framleiða kjarnorkuvopn þarf
úran að vera 90 prósent auðgað.
Stjórnvöld höfðu mikinn við-
búnað til að halda í skefjum mót-
mælendahreyfingunni sem hefur
reglulega minnt á sig allt frá
hinum umdeildu forsetakosning-
um í júní á síðasta ári.
Ahmadinejad gagnrýndi Barack
Obama Bandaríkjaforseta harð-
lega og sagði hann halda áfram
á sömu braut og George W. Bush,
forveri hans.
„Við bjuggumst við því að
Obama myndi gera breytingar,“
sagði Ahmadinejad.
Á einum stað var ráðist með
kylfum og piparúða á bílalest eins
af leiðtogum stjórnarandstöðunn-
ar, Mahdi Karroubi, og voru meðal
annars brotnar rúður í bifreið
hans. Hann neyddist til að snúa
við og gat ekki tekið þátt í mót-
mælum.
Einn stjórnarandstæðingur, sem
ekki er nafngreindur af ótta við
viðbrögð stjórnvalda, sagðist hafa
reynt að taka þátt í mótmælum en
þurft frá að hverfa.
„Við vorum þrjú hundruð, eða í
mesta lagi fimm hundruð, á móti
tíu þúsund manns,“ sagði hún, en
bætti því við að lítið hefði verið
um átök.
„En þetta þýðir ekki að unn-
inn hafi verið endanlegur sigur á
okkur,“ bætti hún við.
Annar stjórnarandstæðing-
ur segir mannfjöldann ekki hafa
verið vandamálið, heldur hafi lög-
regla og her beitt það miklu ofbeldi
að fólk hafi hörfað undan.
„Margir urðu hræddir,“ sagði
hann. gudsteinn@frettabladid.is
Hart tekið á
mótmælum
Íranar söfnuðust saman í hundruð þúsundatali til að
fagna byltingarafmæli landsins. Innan um reyndu
hópar mótmælenda að vekja athygli á málstað stjórn-
arandstöðunnar, en fengu óblíðar móttökur.