Fréttablaðið - 13.02.2010, Blaðsíða 12

12 13. febrúar 2010 LAUGARDAGUR
TUNGLIÐ GERT ÚR SÍTRÓNUM Í
bænum Menton á frönsku Rívíerunni
stendur yfir „hátíð sítrónunnar“. Af
því tilefni útbjó þessi maður tungl úr
sítrónum og tileinkaði George Melies
sem árið 1902 gerði kvikmynd um
ferð til tunglsins. NORDICPHOTOS/AFP
Markmið sjóðsins er að auka almenna
þekkingu á íslenskri náttúru svo að
umgengni okkar og nýting á verðmætum
hennar geti í ríkari mæli einkennst af
virðingu og skynsemi. Samhliða er leitast
við að bæta tengsl Íslendinga við náttúru
landsins og efla með því gott hugarfar,
mannlíf og atvinnustarfsemi í sátt við
umhverfið.
Náttúruverndarsjóður Pálma Jónssonar
Virðing · Vægi · Verðmæti Markmiði þessu verði náð með því að styrkja
verkefni sem fást við sköpun og miðlun þekkingar
um náttúruna í víðum skilningi. Farvegurinn getur
verið í gegnum listir, hvers kyns fræði og vísindi.
Auglýst er eftir umsóknum um styrki úr Náttúru-
verndarsjóði Pálma Jónssonar. Skilafrestur er
15. apríl. Heildarúthlutun á þessu ári nemur allt að
25 milljónum króna. Umsóknareyðublöð og allar
nánari upplýsingar má fá á vefsíðu sjóðsins:
www.natturuverndarsjodur.is.
Umsóknir sendist sjóðnum í Pósthólf 10,
550 Sauðárkróki.
NÁTTÚRUVERNDARSJÓÐUR
PÁLMA JÓNSSONAR
STOFNANDA HAGKAUPS
HEILBRIGÐISMÁL Starfsmönnum á
Landspítalanum hefur fækkað
um 350 á síðustu misserum og eru
þeir nú 4.600 talsins. Á síðasta ári
fækkaði dagvinnustöðugildum á
spítalanum um 202 og eru nú 3.650
alls.
Þetta kemur fram í pistli Björns
Zoëga, forstjóra á heimasíðu LSH.
Hann rekur þar niðurskurðar-
sögu spítalans en á síðasta ári var
hagrætt á LSH um þrjá milljarða
króna eða rúmlega átta prósent af
rekstarfé ársins á undan. Illa gekk
að hagræða á fyrri hluta ársins
og voru launagjöld spítalans 650
milljónum yfir markmiðum eftir
sjö mánuði. Þrír síðustu mánuðir
ársins komu mun betur út rekstr-
arlega og var launahallinn um 200
milljónir króna eftir árið.
Björn segir að árið 2010 verði
erfitt. Krafan um niðurskurð
sé níu prósent, eða 3,2 milljarð-
ar króna. Ítarlegar aðgerðir hafa
þegar verið kynntar til að mæta
þessum niðurskurði. „Tölur fyrir
janúar og um yfirvinnuna um jól
og nýár benda áfram til þess að við
séum á réttri leið,“ skrifar Björn.
Janúar var fjórði mánuðurinn í
röð þar sem launaútgjöld voru
vel innan fjárheimilda þrátt fyrir
talsverðan niðurskurð. Á tveimur
árum er niðurskurðurinn á LSH
orðinn um sautján prósent. - shá
Niðurskurður á Landspítalanum nemur 17 prósentum á tveimur árum:
Starfsmönnum LSH fækkar
FRÁ LANDSPÍTALA Starfsmönnum hefur
fækkað um 350 á síðustu misserum,
en reynt er að forðast beinar uppsagnir
eins og kostur er. FRÉTTABLAÐIÐ/PJETUR
STJÓRNMÁL Byggðastofnun gegnir
lykilhlutverki í áætlunum iðnaðar-
ráðherra um atvinnuuppbyggingu í
landinu. Verður eigið fé stofnunar-
innar aukið um 3,6 milljarða í því
skyni. Eigið fé nemur nú um einum
og hálfum milljarði króna.
Katrín Júlíusdóttir iðnaðarráð-
herra kynnti á ríkisstjórnarfundi
í gær margvíslegar aðgerðir í
atvinnu- og nýsköpunarmálum.
Auk þess að styrkja Byggða-
stofnun á meðal annars að verja
500-700 milljónum króna til upp-
byggingar á fjölsóttum ferða-
mannastöðum, Lánatryggingasjóð-
ur kvenna verður endurvakinn,
hafinn er undirbúningur að því að
koma á fót fjárfestingarsjóði fyrir
þá er hyggjast fjárfesta í sprota-
og nýsköpunarfyrirtækjum, við-
haldsverkefni á landsbyggðinni
eru í bígerð og stofnaður verður
nýsköpunarsjóður framhaldsskóla-
nema. Þá eru þrjú ný frumkvöðla-
setur á döfinni.
Í tilkynningu frá iðnaðarráðu-
neytinu segir að undirbúnings-
framkvæmdir við Búðarháls-
virkjun hefjist í vor. Framkvæmt
verður fyrir 600-800 milljónir
króna og er gert ráð fyrir að 30-
40 störf skapist.
Þá kemur fram að unnið sé að
áætlun um gerð eldsneytis úr sorpi
sem fellur til á Reykjavíkursvæð-
inu. 160 þúsund tonn af sorpi færu
til framleiðslunnar á ári. - bþs
Aðgerðir í atvinnu- og nýsköpunarmálum:
Eigið fé Byggða-
stofnunar stóraukið
BYGGÐASTOFNUN Auka á eigið fé
stofnunarinnar um 3,6 milljarða króna.
FRÉTTABLAÐIÐ/VILHELM
MOSFELLSBÆR Kjörstjórn Sam-
fylkingarinnar hefur ekki rætt
um að breyta röð efstu manna í
nýafstöðnu prófkjöri flokksins.
Svo segir Ólafur Ingi Óskars-
son, formaður kjörnefndar.
Heyrst hefur að til standi að
Valdimar Leó Friðriksson verði
færður úr öðru sæti og neðar á
listann. Hann sjálfur kannast
við þann orðróm.
Formaður kjörstjórnar hefur
einnig heyrt þessa sögu, en
segir slíkar hugleiðingar ótíma-
bærar.
Í fyrsta sæti er Jónas Sigurðs-
son, núverandi oddviti. - kóþ
Kjörstjórn Samfylkingar:
Efstu tvö sætin
óbreytt enn
SAMFÉLAGSMÁL Árni Páll Árnason
félagsmálaráðherra bað heyrn-
arlausa afsökunar á langri sögu
„mistaka, for-
dóma og for-
ræðishyggju“
sem einkennt
hefði viðhorf
stjórnvalda til
heyrnarlausra
um áratuga-
skeið.
Í ávarpi sem
ráðherrann hélt
við opnun 50 ára
afmælishátíðar
Félags heyrnarlausra sagði hann:
„Áratugum saman meinuðu
stjórnvöld heyrnarlausum að
njóta tjáskipta á því máli sem
þið áttuð möguleika á að tileinka
ykkur, táknmálinu. Afleiðing-
in varð sú að margar kynslóðir
heyrnarlausra fóru á mis við þau
tækifæri til þroska og menntun-
ar sem okkur finnst öllum sjálf-
sagt að njóta. Einangrun heyrn-
arlausra varð verri en hún hefði
þurft að vera.“ - pg
Bað heyrnarlausa afsökunar:
Saga mistaka
og fordóma
ÁRNI PÁLL
ÁRNASON
STJÓRNMÁL Þær miklu vonir sem
vöknuðu í brjóstum fólks í bús-
áhaldabyltingunni, svo sem um
lýðræðisumbætur og stjórnlaga-
þing, hafa ekki ræst.
Þótt vinstrimenn hafi í fyrsta
sinn hreinan meirihluta hefur
landslag stjórnmála ekki breyst
í grunninn. Fjórflokknum var
ekki hafnað í kosningum og þátt-
taka í prófkjörum hans hefur ekki
minnkað. Varla er hægt að tala um
raunverulega byltingu því stjórn-
kerfið er einnig óbreytt.
Helsta breytingin í viðhorfi
almennings til stjórnmálalífs er
sú að nú er stjórnmálamönnum
meira og minna vantreyst. Það er
þeirra helsta verkefni að endur-
verkja þetta traust.
Allt þetta kom fram í ræðum
nokkurra fræðimanna á ráðstefn-
unni Hverju hefur Búsáhaldabylt-
ingin skilað? sem Háskólinn á Bif-
röst stóð fyrir í Iðnó í gær.
„Mér þætti synd og skömm ef
ekki einu sinni eftir þessa miklu
atburði væri hægt að ráðast í
gagngera, nauðsynlega og róttæka
endurskoðun stjórnarskrárinnar,“
sagði Guðni Th. Jóhannesson sagn-
fræðingur. Til hefði staðið að end-
urskoða stjórnarskrá síðan 1944.
Flokkarnir hefðu alltaf hummað
það fram af sér. Núverandi flokkar
gerðu það sama. Þetta sýndi „ægi-
vald fjórflokksins“.
Ólafur Þ. Harðarson stjórnmála-
fræðingur rakti í erindi sínu kann-
anir á afstöðu almennings og þátt-
töku í stjórnmálum.
Í síðustu kosningum hafi fleiri
nýir þingmenn verið kosnir inn en
áður. En helsta breytingin sé sú að
yfir fjörutíu prósent fólks telja nú
að fáum eða engum stjórnmála-
manni sé treystandi. Meirihluti
kjósenda telur spillingu útbreidda
meðal stjórnmálamanna.
Ólafur segir brýnt að stjórn-
málamenn geri heiðarlega upp
fortíðina, til að endurheimta traust
almennings. Þeir þurfi að viður-
kenna mistök sín. Hann telur að
um fimmtungur þjóðarinnar hafi
tekið þátt í mótmælunum, sem sé
mjög mikið. Sjötíu prósent kjós-
enda hafi svo reynst hlynnt mót-
mælunum, miðað við kannanir.
klemens@frettabladid.is
Fjórflokki
ekki treyst
Búsáhaldabyltingin var ekki bylting, því fjórflokk-
urinn heldur velli og umbætur bíða. Almenningur
treystir ekki stjórnmálamönnum. Fimmtungur
þjóðarinnar tók þátt í mótmælunum.
HVERJU SKILAÐI BÚSÁHALDABYLTING? Á
ráðstefnu Háskólans í Bifröst í gær voru
stjórnmálamenn hvattir til að láta af
Morfís-tilburðum og viðurkenna mistök
sín. Þannig gætu þeir endurheimt traust
almennings. FRÉTTABLAÐIÐ/GVA
VANHÆF RÍKISSTJÓRN! Fræðimenn eru byrjaðir að gera upp búsáhaldabyltinguna, en
á ráðstefnu í gær mátti heyra að ýmsir binda vonir við að henni sé ekki lokið.
FR
ÉTTA
B
LA
Ð
IÐ
/VILH
ELM