Fréttablaðið - 13.02.2010, Blaðsíða 31
fjölskyldan
[ SÉRBLAÐ FRÉTTABLAÐSINS UM FJÖLSKYLDUNA ]
febrúar 2010
Aðalheiður Sveinsdóttir og Pablo Enrique Santos Mel-endez kynntust í heimalandi hans, Hondúras. Aðalheiður
er spænskumælandi og þau töluðu
alltaf saman spænsku, líka eftir að
þau fluttu til Íslands. Þegar dóttir
þeirra, Elísbet Narda, kom í heim-
inn fyrir rúmlega fimm árum kom
ekkert annað til greina en að Pablo
myndi tala við hana spænsku. „Það
var stundum erfitt því að þegar
hún var að læra að tala var hann
ekki farinn að tala nægilega góða
íslensku og þá skildi hann hana
ekki alveg nægilega vel,“ segir
Aðalheiður en Narda eins og hún er
kölluð hefur yfirleitt svarað pabba
sínum á íslensku þó að hann tali
alltaf við hana á spænsku.
„Hún skilur alveg spænskuna en
hefur lítið talað hana, nema stund-
um notað nafnorð á spænsku inni
í setningum þegar hún er að svara
pabba sínum, segir kannski pabbi
get ég fengið queso sem þýðir
ostur,“ segir Aðalheiður sem segir
þó spænskuna búa undir eins og
berlega hafi komið í ljós þegar
fjölskyldan fór í frí til Hondúras
þegar Narda var tveggja og hálfs
árs. „Hún skipti einfaldlega yfir
í spænsku eftir einn dag og tal-
aði spænsku við alla nema mig og
móður mína sem var með í ferða-
laginu.“
Nýverið hóf Narda nám í
spænsku fyrir tvítyngd börn á
laugardagsmorgnum og segir
Aðalheiður að þá hafi gáttir opn-
ast, hún hafi allt í einu orðið miklu
öruggari að tala spænsku en áður.
Þau Aðalheiður og Pablo töluðu
alltaf saman á spænsku en í seinni
tíð eru þau farin að tala oftar
saman á íslensku. Fyrir þeim sé
hins vegar ótrúlega mikilvægt að
Narda læri spænsku, þannig geti
hún haft samskipti við fjölskyldu
sína í Hondúras.
Pabbi, get ég fengið queso?
Margir búa við tvö tungu-
mál inni á heimilinu og
börn takast á við það með
misjöfnum hætti. Fjöl-
skyldublaðið ræddi við
þrjár margtyngdar fjöl-
skyldur.
FRAMHALD Á SÍÐU 4
FRÉTTA
BLA
Ð
IÐ
/VA
LLI
Í Vesturbænum
Pablo, Elísabet Narda
og Aðalheiður.
Tilstand er óþarfi
Samverustundir gefa hafnfirskri fjölskyldu
mikla gleði SÍÐA 2
Bolla, bolla
Kennsla í að búa til
bolluvendi og ösku-
poka um helgina
SÍÐA 4