Fréttablaðið - 16.02.2010, Qupperneq 10

10 16. febrúar 2010 ÞRIÐJUDAGUR
ORKUMÁL. Gagnaver Verne Hold-
ings á Keflavíkurflugvelli mun
greiða fjögur sent fyrir hverja
kílóvattstund af raforku eða
rúmar fimm krónur miðað við
núverandi gengi. Þetta segir
tæknistjóri Verne í viðtali við
bandarískt dagblað. Það er tals-
vert lægra en meðalverð raforku
til fiskvinnslustöðva, samkvæmt
upplýsingum frá Rarik, en hins
vegar hærra en garðyrkjubænd-
ur greiða.
Tate Cantrell, framkvæmda-
stjóri tæknimála hjá Verne
Global, segir í viðtali, sem birt
er á vef San Francisco Chronicle,
að Verne telji Ísland fullkominn
stað fyrir gagnaver. Auk aðgangs
að orku frá jarðhita og vatnsafli
sé í boði ókeypis kæling allan árs-
ins hring og háhraðatenging við
Ameríku og Evrópu.
„Það eru umtalsverðir mögu-
leikar á sparnaði,“ segir Cantrell.
Dæmigert orkuverð til gagnavera
í Kaliforníu er 10 sent en getur
orðið allt að 20 sent í Bretlandi.
Verne geti sparað bandarískum
viðskiptavinum 30 prósent af
hýsingarkostnaði en breskum 50-
60 prósent með því að hýsa gögn
þeirra á Íslandi. Fram kemur að
byggingaframkvæmdir við gagna-
verið standi nú yfir; það verði til-
búið að þjóna viðskiptavinum í lok
ársins.
Frumvarp til laga um heim-
ild til samninga um gagnaver
Verne Holdings er nú til meðferð-
ar á Alþingi. Í þingskjölum er
raforkuverð gagnaversins sagt
trúnaðarmál en Landsvirkjun og
Verne undirrituðu orkusamning í
október á síðasta ári. Samkvæmt
honum er raforkuþörf gagnavers-
ins á bilinu 80-140 MW.
Miðað við 4 cent fyrir kílóvatt-
stund og gengið 129 krónur fyrir
hvern dollara, mun gagnaver
Verne greiða hærra orkuverð en
garðyrkjubændur, sem nú greiða
að meðaltali 3 til 4 krónur fyrir
hverja kílóvattstund, að sögn Stef-
áns Arngrímssonar hjá Rarik. Þar
er tekið tillit til þess að garðyrkju-
bændur fá sinn dreifingarkostnað
endurgreiddan.
Meðalraforkukostnaður fisk-
vinnslunnar er hins vegar nokkru
hærri eða 7 til 10 krónur á kíló-
vattstund, að sögn Stefáns. Raf-
orkuverð til álvera er trúnaðar-
mál.
peturg@frettabladid.is
Það eru umtalsverðir
möguleikar á sparnaði.
TATE CANTRELL
FRAMKVÆMDASTJÓRI TÆKNIMÁLA HJÁ
VERNE HOLDING
Vinkonur saman úti að stela
Tvær konur voru handteknar nýverið á
Selfossi vegna þjófnaðar úr verslun-
um. Þær eru vinkonur og voru báðar
undir annarlegum áhrifum. Þær voru
vistaðar í fangageymslu og látnar
lausar að loknum yfirheyrslum.
LÖGREGLUFRÉTTIR
500 bæklingar með nýju sniði.
UMHVERFISVOTTUÐ
PRENTSMIÐJA
50 kassar utan um augnakonfekt.
Oddi – umhverfisvottuð prentsmiðja. Höfðabakka 7, 110 Reykjavík, sími 515 5000, www.oddi.is
MENNING Eyrarrósin 2010 kom í hlut
tónlistarhátíðarinnar Bræðslunnar á
Borgarfirði eystra og veittu aðstand-
endur hennar viðurkenningunni
móttöku í gær við hátíðlega athöfn á
Bessastöðum.
Þrjú verkefni voru tilnefnd og
kynnt sérstaklega auk Bræðslunnar.
Verkefnin eru Eiríksstaðir í Haukadal
og Skjaldborg, heimildarmyndahátíð
á Patreksfirði.
Tónlistarhátíðin Bræðslan á Borg-
arfirði eystra er haldin árlega í húsi
gamallar síldarbræðslu Kaupfélags
Héraðsbúa, sem breytt hefur verið
í tónleikahús. Hátíðin hefur vaxið
jafnt og þétt allt frá upphafi hennar
árið 2004 og á síðasta ári voru gestir
Bræðslunnar um tvö þúsund talsins.
Eyrarrósin er samstarfsverkefni
Listahátíðar í Reykjavík, Byggða-
stofnunar og Flugfélags Íslands.
Markmiðið með Eyrarrósinni er að
efla fagmennsku og færni við skipu-
lagningu menningarlífs og list-
viðburða á landsbyggðinni, auka
kynningarmöguleika einstakra sveit-
arfélaga og landshluta og skapa sókn-
arfæri á sviði menningartengdrar
ferðaþjónustu á landsbyggðinni.
Áður hafa hlotið Eyrarrósina Þjóð-
lagahátíðin á Siglufirði; LungA,
Listahátíð ungs fólks á Austurlandi,
Strandagaldur á Hólmavík, Rokkhá-
tíð alþýðunnar; Aldrei fór ég suður og
Landnámssetrið í Borgarnesi. - shá
Eyrarrósin 2010 var veitt við hátíðlega athöfn á Bessastöðum í gær:
Bræðslan á Borgarfirði eystra hlaut Eyrarrósina
BESSASTÖÐUM Í GÆR Magni og Áskell Heiðar Ásgeirssynir, forsvarsmenn
Bræðslunnar, tóku við viðurkenningunni úr hendi Dorrit Moussaieff, sem
er verndari Eyrarrósarinnar. FRÉTTABLAÐIÐ/VALLI
Verne greiði fjögur
sent á kílóvattstund
Tæknistjóri Verne upplýsir orkukostnað gagnaversins í viðtali við bandarískt
dagblað. Orkuverðið trúnaðarmál í orkusamningi og þingskjölum á Íslandi.
Verðið virðist hærra en garðyrkjan greiðir en lægra en fiskvinnslan greiðir.
GAGNAVER Verne Holdings undirritaði samninga um byggingu gagnavers í Reykja-
nesbæ árið 2008. Framkvæmdir lágu niðri um tíma í vetur en tæknistjóri fyrirtækis-
ins segir í viðtali í Bandaríkjunum að gagnaverið verði komið í gagnið í lok þessa árs.
FRÉTTABLAÐIÐ/VALLI
KJÖTKVEÐJUGRÍMA Í MAKEDÓNÍU
„Meckari“ nefnast grímur af þessu tagi,
sem slátrarar notuðu í Makedóníu til
að gjalda fyrir þær syndir sínar að hafa
slátrað dýrum. Grímurnar eru vinsælar
á kjötkveðjuhátíðum. NORDICPHOTOS/AFP
AUSTUR-KONGÓ, AP Hátt í þrjátíu
manns hafa fallið í þessum mán-
uði fyrir hendi hútúskra upp-
reisnarmanna í Austur-Kongó.
Auk þess hafa uppreisnarmenn-
irnir tekið nærri hundrað manns
í gíslingu.
Ofbeldisverk hafa verið linnu-
lítil í austanverðu landinu allt frá
því að þjóðarmorðið var fram-
ið í nágrannaríkinu Rúanda árið
1994. Herskáir hútúar, sem tóku
þátt í að myrða hálfa milljón
tútsa og hófsamra hútúa, flúðu
yfir landamærin til Kongó þar
sem þeir hafa látið ófriðlega
síðan.
Herinn í Kongó hefur undan-
farið herjað á uppreisnarhópana
frá Rúanda, sem eru sakaðir um
að hafa drepið hundruð manna í
hefndarskyni. - gb
Óöldin í Austur-Kongó:
Tugir fallnir og
hundrað gíslar
ATVINNUMÁL HB Grandi hélt um
helgina móttöku fyrir starfs-
fólk og gesti til viðurkenningar
fyrir góðan árangur í landvinnslu
félagsins. Einnig vegna þess að
fyrir endann sér á stórum verk-
efnum.
Hátt í 250 manns komu í mót-
tökuna sem haldin var í Víkinni,
sjóminjasafninu á Grandagarði,
þar sem Bæjarútgerð Reykjavík-
ur, seinna Grandi, var til húsa.
Mikil endurnýjun og endurbæt-
ur hafa átt sér stað á fiskiðjuver-
unum í Reykjavík og á Akranesi.
Einnig var haldið upp á útskrift 32
starfsmanna frá alls níu þjóðlönd-
um, sem tekið hafa þátt í nám-
skeiðum starfsfræðslunefndar
fiskvinnslunnar. - shá
HB Grandi hélt veislu:
Landvinnslu og
stórum verkefn-
um fagnað
DÚBAÍ, AP Lögreglan í Dúbaí segir
að ellefu manna hópur launmorð-
ingja með evrópsk vegabréf hafi
staðið að morðinu á yfirmanni úr
Hamas-hreyfingunni á hótelher-
bergi í landinu í síðasta mánuði.
Hann segir sex mannanna
hafa verið með bresk vegabréf,
þrjá með írsk, einn með franskt
og einn með þýskt. Hann nafn-
greindi mennina og birti myndir
af þeim, en sagði ekki berum
orðum að þeir hefðu verið á
vegum ísraelsku leyniþjónust-
unnar, eins og framámenn í
Hamas-hreyfingunni hafa haldið
fram. - gb
Morð Hamas-manns í Dúbaí:
Morðingjarnir
nafngreindir
ELLEFU GRUNAÐIR Dhafi Khaífan,
lögregluforingi í Dúbaí, sýnir fjölmiðlum
myndir af hinum grunuðu.
NORDICPHOTOS/AFP