Fréttablaðið - 16.02.2010, Side 12

12 16. febrúar 2010 ÞRIÐJUDAGUR
Allt sem þú þarft…
Auglýsingasími
BELGÍA, AP Tvær farþegalestir
rákust harkalega á skammt frá
Brussel, höfuðborg Belgíu, þegar
annarri þeirra var ekið áfram á
móti stöðvunarmerki.
Að minnsta kosti 18 manns fór-
ust og 55 særðust, margir mjög
illa. Óttast er að allt að 25 manns
hafi látið lífið. Áreksturinn olli því
að framhliðin á einum lestarvagn-
inum rifnaði af og aðrir vagnar
fóru út af sporinu.
Önnur lestin var á leiðinni til
Liège en hin til Braine-le-Comte,
og rákust þær beint framan á hvor
aðra. Við áreksturinn lyftust vagn-
ar beggja lesta upp og eyðilögðu
meðal annars rafmagnslínur í loft-
inu. Svo virðist sem hár steinvegg-
ur hafi komið í veg fyrir að brak
úr lestunum þeyttist yfir á íbúð-
arhús í næsta nágrenni.
„Þetta var martröð,“ sagði
Christian Wampach, 47 ára far-
þegi sem þurfti að láta hjúkrun-
arfólk binda um sár á höfði sér á
íþróttavelli, þangað sem minna
slasaðir farþegar voru fluttir strax
eftir slysið.
„Við hentumst til í meira en
fimmtán sekúndur. Margir slös-
uðust í mínum vagni en ég held að
þeir sem létust hafi verið í fremsta
vagninum,“ sagði Wampach, sem
var í þriðja fremsta vagninum í
annarri lestinni.
Óhappið varð um klukkan hálf-
níu að staðartíma, eða hálfátta að
íslenskum tíma, á lestarstöðinni í
Buizingen, úthverfi borgarinnar
Halle sem er skammt suðvestur
af höfuðborginni Brussel.
Háhraðalestir fyrirtækisins
Thalys, sem ganga oft á dag milli
Hollands, Belgíu, Frakklands og
Þýskalands, nota sömu leið og
lestirnar tvær sem rákust á í gær.
Ferðir háhraðalestanna féllu því
niður fram eftir öllum degi.
Yves Leterme, forsætisráðherra
Belgíu, var nýlentur á flugvelli í
Pristína í Kósóvó þegar fréttir
bárust af lestarslysinu, en hætti
við heimsókn sína þangað og var
flugvél hans strax snúið við og
flogið aftur til Belgíu.
Slysið er það mannskæðasta
í Belgíu síðan 1954, en þá fórust
tuttugu þýskir fótboltaaðdáendur
í lestarslysi skammt frá Leuven
og fjörutíu meiddust að auki. Árið
2001 varð einnig alvarlegt lest-
arslys í Belgíu sem kostaði átta
manns lífið.
gudsteinn@frettabladid.is
Á þriðja tug
biðu bana
Á þriðja tug manna fórust og yfir fimmtíu slösuðust
í mannskæðasta lestarslysi Belgíu í meira en hálfa
öld. Svo virðist sem annarri lestinni hafi verið ekið
áfram þrátt fyrir stöðvunarmerki.
TUGIR SLASAÐRA Hlynnt var að minna slösuðum á íþróttaleikvangi skammt frá en
þeir sem slösuðust meira voru fluttir á sjúkrahús. FRÉTTABLAÐIÐ/AP
HARKALEGUR ÁREKSTUR Við áreksturinn
lyftust fremstu vagnar beggja lestanna
upp og brak þeyttist um víðan völl.
FRÉTTABLAÐIÐ/AP
FERÐALÖG Níu af hverjum tíu
Íslendingum ferðuðust innanlands
á síðasta ári, samkvæmt nýrri
könnun Ferðamálastofu. Þetta er
hærra hlutfall en fyrri kannanir
hafa sýnt.
Í könnuninni kemur fram að
tveir af hverjum fimm ferðuðust
bæði innanlands og utan og fjögur
prósent eingöngu utanlands. Átta
prósent ferðuðust hins vegar ekki
neitt. Innan við helmingur lands-
manna ferðaðist til útlanda sem
gefur til kynna verulegan sam-
drátt í utanlandsferðum lands-
manna.
Tveir af hverjum þremur fóru í
þrjár eða fleiri ferðir innanlands
og þrír af hverjum fjórum gistu
sjö nætur eða lengur, en á heildina
litið gistu landsmenn að jafnaði
14,3 nætur á ferðalögum innan-
lands árið 2009. Flestir ferðuðust
í júlí og ágúst.
Sú gistiaðstaða sem var nýtt í
hvað mestum mæli, eða af ríflega
helmingi landsmanna, var gisting
í tjaldi, fellihýsi eða húsbíl en auk
þess gistu fjölmargir, eða tæpur
helmingur, hjá vinum og ættingj-
um. Norður- og Suðurland eru þeir
landshlutar sem eru vinsælastir.
Af þeirri afþreyingu sem greiða
þarf fyrir nýttu flestir sér sund
eða jarðböð en auk hennar borg-
uðu fjölmargir sig inn á söfn og
sýningar, fyrir veiði og leikhús
eða tónleika.
- shá
Níu af hverjum tíu Íslendingum ferðuðust innanlands á síðasta ári:
Utanlandsferðum fækkar
TJALDSTÆÐI Á AKUREYRI Meirihluti
þjóðarinnar ferðast um landið og utan-
landsferðum fækkar á sama tíma.
FRÉTTABLAÐIÐ/VILHELM
LÖGREGLA Lögreglan á Selfossi
leitar brennuvargs sem kveikti í
þvottahúsi í fjölbýlishúsi við Aust-
urveg 34 á Selfossi á föstudag.
Talsverður eldur var í þvotta-
húsinu þegar slökkvilið kom á
staðinn. Hann var slökktur og
húsið reykræst. Engum varð
meint af. Leitað var til tækni-
deildar lögreglunnar á höfuð-
borgarsvæðinu til að rannsaka
eldsupptökin. Svo virðist sem um
íkveikju sé að ræða. Lögreglan
biður alla þá sem hafa orðið varir
við grunsamlegar mannaferðir í
og við húsið frá klukkan 19.00 til
19.50 að hafa samband við lög-
reglu í síma 480 1010. - jss
Eldur í þvottahúsi:
Lögregla leitar
brennuvargs
SJÖ ÁRA Í FARARBRODDI Hún Julia Lira
er aðeins sjö ára en fékk samkvæmt
dómsúrskurði að vera í fararbroddi
trommusveitar í skrúðgöngu kjöt-
kveðjuhátíðarinnar í Ríó í Brasilíu á
sunnudag. FRÉTTABLAÐIÐ/AP
Höfum bætt við okkur útibúi.
Getum bætt við okkur
viðskiptavinum.
Sigríður Einarsdóttir, útibússtjóri Ármúla

Nýjar höfuðstöðvar og útibú í Ármúla
Ármúla 13a • Borgartúni 26 • sími 540 3200 • www.mp.is
Debet- og kreditkort
Sparnaður
Lán
Eignastýring
Fyrirtækjaráðgjöf
MP Sjóðir hf.
MP banki hefur flutt í nýjar höfuðstöðvar
í Ármúla 13a. Þar er einnig nýtt og öflugt útibú.
MP banki
Ármúla 13a