Fréttablaðið - 16.02.2010, Side 32

24 16. febrúar 2010 ÞRIÐJUDAGUR
CHRISTOPHER ECCLESTON FÆDD-
IST Á ÞESSUM DEGI ÁRIÐ 1964.
„Ef ég gæti þá myndi ég
snúa mér alfarið að leik-
húsi. En í mínu landi er
ekki ábatasamt að vinna
eingöngu í leikhúsi og þess
vegna leika leikarar líka í
sjónvarpi og kvikmyndum,
ef þeim gefst þess kostur.“
Christopher Eccleston er
breskur sviðs-, sjónvarps- og
kvikmyndaleikari. Hann hefur
leikið í myndum eins og Eliz-
abeth, 28 Days Later og The
Others.
Knattspyrnufélag Reykjavík-
ur, skammstafað KR, er íþrótta-
félag í vesturbæ Reykjavíkur
sem var stofnað á þessum degi
árið 1899. Upphaflega var það
stofnað sem knattspyrnufélag,
en síðar var farið að bjóða upp
á æfingar í öðrum íþróttagrein-
um á vegum þess.
Báran, húsnæði við Tjörn-
ina þar sem ráðhús Reykjavíkur
stendur nú, var í rúman áratug,
eða frá árinu 1929, félagssvæði
KR. Síðan var stofnaður sjóð-
ur til að safna fyrir nýju félags-
svæði og grasvelli fyrir KR árið
1932. Í mars árið 1939 var ráð-
ist í kaup á svæði í Kaplaskjóli
og færðu knattspyrnumenn fé-
laginu það að gjöf á 40 ára af-
mæli þess. Ýmsar endurbæt-
ur voru gerðar á svæðinu næstu
árin og var farið að byggja KR-
heimilið ásamt íþróttahúsi árið
1950. Byggingu á því lauk 1951.
Grasvöllur KR í Kaplaskjóli var
vígður 18. júlí sama ár.
ÞETTA GERÐIST: 16. FEBRÚAR 1899
KR var stofnað
Landlæknisembættið var stofnað á
Íslandi 18. mars 1760 með úrskurði
Danakonungs. Það fagnar því 250 ára
afmæli sínu á þessu ári og mun þar
af leiðandi vera með elstu embætt-
um landsins af veraldlegum toga. Með
skipun Bjarna Pálssonar læknis í emb-
ættið hélt heilbrigðisþjónusta í nútíma-
skilningi innreið sína í landið að sögn
Geirs Gunnlaugssonar landlæknis, þar
sem þá hafi verið ákveðið með lögum
að tryggja gæði heilbrigðisþjónustu
og stuðla að heilbrigði landsmanna.
„Síðan þá hefur margt áunnist í þeirri
baráttu,“ segir Geir. „Ungbarnadauði
var til dæmis hár hérlendis samanbor-
ið við nágrannalöndin og smitsjúkdóm-
ar algengir og skæðir. Fátækt, vannær-
ing og ytri aðstæður, svo sem vosbúð,
raki og kuldi, settu strik í reikninginn,
en nú er allt annað uppi á teningnum.
Við erum til dæmis með lægsta ung-
barnadauða í heimi í dag og meðalald-
ur íslenskra kvenna er hár og meðal-
aldur karla sá hæsti í heiminum.“
Þótt mikið vatn hafi runnið til sjávar
á þessum 250 árum segir Geir hlutverk
embættisins vera í grundvallaratriðum
það sama og í upphafi, það er að annast
ráðgjöf, eftirlit og upplýsingasöfnun er
snýr að heilbrigðismálum, auk kennslu
heilbrigðisstarfsfólks. „Ég hef sjálfur
velt fyrir mér hvort hlutverk embætt-
isins hafi breyst, en er frekar á því að
sjúkdómsmynstrið hafi gert það. Auð-
vitað hefur ýmislegt breyst, til dæmis
tækniframfarir sem auðvelda okkur að
afla upplýsinga, en embættið stendur á
gömlum merg og stendur föstum fótum
í upphafshlutverkinu.“
Aðsetur fyrsta landlæknisins, fyrr-
nefnds Bjarna Pálssonar, var í Nes-
stofu við Seltjörn á Seltjarnarnesi frá
árinu 1763 til 1834. Eftir það var emb-
ættið flutt til Reykjavíkur og hélst
þannig í nær tvær aldir. Embættið var
síðan flutt aftur á Seltjarnarnes, nánar
tiltekið í húsnæði að Austurströnd 5, í
ársbyrjun 2003. Því er ekki úr vegi að
spyrja hvernig fari um landlækni og
starfsfólks hans í núverandi húsakynn-
um. „Hér er víða þröngt setinn bekkur-
inn en að öðru leyti er aðstaðan ágæt,“
segir Geir og hefur ekki fleiri orð um
það.
Ekki er lengra síðan en 1. janúar sem
Geir var skipaður landlæknir til fimm
ára. Hann varð þar með sá þrettándi
til að gegna formlega þessu hlutverki,
en margir fleiri hafa tímabundið verið
settir í embættið. Hann segir starfið
leggjast vel í sig; af nógu sé að taka
þar sem verkefnin séu fjölbreytt, krefj-
andi og spennandi. „Sem dæmi um þau
ólíku verkefni sem hafa nýlega verið
á mínu borði get ég nefnt þjónustu
Heilsugæslunnar á Suðurnesjum. Einn-
ig hef ég skoðað þjónustu við heimil-
islausa fíkla á vegum Rauða kross Ís-
lands og svo eru menn að velta fyrir
sér hver gætu orðið hugsanleg áhrif af
spilavítum á heilsufar landsmanna. Þá
er fyrirhugað að sameina Landlæknis-
embættið og Lýðheilsustöð,“ telur Geir
upp og bætir við að einnig standi til að
stofna og opna urtagarð í Nesi við Sel-
tjörn nú í sumar.
„Urtagarðurinn er samvinnuverk-
efni okkar og Garðyrkjufélags Íslands,
Læknafélags Íslands, Lyfjafræðinga-
félags Íslands, Lyfjafræðisafnsins,
Lækningaminjasafns Íslands og Sel-
tjarnarnesbæjar og verður hluti af
Lækningaminjasafninu í Nesi. Hann
er stofnaður til minningar um fyrsta
íslenska lyfsalann, Björn Jónsson, og
eins til að minnast 125 ára afmæl-
is Garðyrkjufélags Íslands. Þá er til-
gangurinn síðast en ekki síst að minn-
ast þess að 250 ár eru liðin frá stofnun
Landlæknisembættisins.“
Efnt verður til fleiri viðburða til að
minnast afmælisins. „Hátíðardagskrá
verður haldin í hátíðarsal Háskóla Ís-
lands á afmælisdaginn, 18. mars. Þar
munum við meðal annars líta til baka,
skoða mismunandi áherslur landlækna
í starfi, fara yfir sögu embættisins og
setja hana í samhengi við þróun heil-
brigðisþjónustu á landinu síðastliðin
ár,“ segir Geir og bætir við að einn-
ig standi til að gefa út röð greina eftir
sérfræðinga hjá embættinu á vef Land-
læknisembættisins, www.landlaeknir.
is. Greinarnar verði svo gefnar út í
bók að afmælisárinu liðnu. Tilkynn-
ingar um fleiri viðburði verði birtar á
vef embættisins.
roald@frettabladid.is
LANDLÆKNISEMBÆTTIÐ Á ÍSLANDI: FAGNAR 250 ÁRA AFMÆLI
Síungt embætti á gömlum merg
20-50% afsláttur
af völdum legsteinum með áletrun
á meðan birgðir endast.
10% afsláttur af öðrum vörum
Ástkær móðir okkar, tengdamóðir,
amma og langamma,
Anna Margrét Elíasdóttir
Hrafnistu, Hafnarfirði,
áður Boðahlein 26,
andaðist á heimili sínu föstudaginn 12. febrúar.
Ragnar Stefán Magnússon Guðlaug P. Wíum
Svanhvít Magnúsdóttir
Elín Guðmunda Magnúsdóttir
barnabörn og langömmubörn.
Eiginmaður minn og faðir okkar,
Þórir Heiðmar
Jóhannsson
Urðarbraut 8, Blönduósi,
andaðist á Landspítalanum í Fossvogi þriðjudaginn 9.
febrúar. Útförin fer fram frá Blönduósskirkju laugar-
daginn 20. febrúar kl. 11.00. Blóm og kransar vinsam-
lega afþakkaðir, en þeim sem vilja minnast hans er bent
á reikning nr. 0307-26-000095, kt. 440105-2540 í eigu
Félags harmonikkuunnenda Húnv.
Ingibjörg Kristjánsdóttir, Jóhann Þröstur Þórisson,
Bergþór Valur Þórisson, Björn Svanur Þórisson,
Ingiríður Ásta Þórisdóttir, Sigrún Eva Þórisdóttir
og fjölskyldur þeirra.
Elskulegi eiginmaður minn, faðir okkar,
bróðir og mágur,
Ingi Jón Jóhannesson
er lést sunnudaginn 7. febrúar síðastliðinn. Verður
jarðsunginn frá Hafnarkirkju Hornafirði, laugardag-
inn 20. febrúar klukkan 14. Minningarathöfn verður
frá Hjallakirkju, Kópavogi, miðvikudaginn 17. febrúar
klukkan 15.00.
Birna Kristín Ómarsdóttir
Haraldur Smári
Björn Ómar
Valgerður Jóhannesdóttir Valgeir Birgisson
Íris G. Valberg Trausti Guðlaugsson
Anna Bj. Samúelsdóttir Bjarni Danival Bjarnason
Elskulegur eiginmaður minn, faðir,
tengdafaðir og afi,
Einar Ingi Sigurðsson
fv. heilbrigðisfulltrúi, Sóleyjarima 15,
Reykjavík,
sem lést sunnudaginn 7. febrúar verður jarðsunginn frá
Grafarvogskirkju fimmtudaginn 18. febrúar kl. 13.00.
Þeim sem vilja minnast hans er bent á Barnaspítala
Hringsins.
Katrín Sigurjónsdóttir
Sigurjón Einarsson
Kristín Einarsdóttir Örn Erlingsson
Aron Arnarson
Karen Arnardóttir
Móðir okkar, tengdamóðir, amma,
langamma og langalangamma,
Margrét Guðmundsdóttir
frá Hóli, Önundarfirði,
lést á hjúkrunarheimilinu Sunnuhlíð fimmtudaginn
11. febrúar. Minningarathöfn verður í Digraneskirkju,
Kópavogi, fimmtudaginn 18. febrúar kl. 13.00. Jarðsett
verður frá Holtskirkju í Önundarfirði mánudaginn
22. febrúar kl. 14.00. Þeim sem vilja minnast hennar er
bent á að láta hjúkrunarheimilið Sunnuhlíð, Kópavogi
njóta þess.
Aðstandendur.
timamot@frettabladid.is
BYGGIR Á GÖMLUM MERGI
„Tímarnir hafa breyst en embættið
stendur enn föstum fótum í
upphafshlutverkinu,“ segir Geir
Gunnlaugsson landlæknir.
FR
ÉTTA
B
LA
Ð
IÐ
/G
VA

Erfidrykkjur af alúð
Hótel Saga annast erfidrykkjur af virðingu og hlýju.
Fágað umhverfi, góðar veitingar og styrk þjónusta.
S ími: 525 9930
hote lsaga@hote lsaga.is
www.hote lsaga.is
P
IP
A
R

•
S
ÍA
•
9
1
0
1
3